کراچی: گلبرگ پولیس نے کارروائی کرتے ہوئے 800 موٹرسائیکلیں چرانے والے موٹر سائیکل لفٹر گروہ کے 6 کارندوں کو گرفتار کرلیا۔
تفصیلات کے مطابق گلبرگ پولیس نے کراچی میں کارروائی کرتے ہوئے 6 رکنی موٹرسائیکل لفٹر گروہ گرفتار کرلیا، پولیس کے مطابق ملزموں کا تعلق بین الصوبائی سرتاج لغاری امبوبروہی گروہ سے ہے۔
پولیس کا کہنا ہے کہ ملزم مسروقہ موٹرسائیکلیں اندرون سندھ، بلوچستان میں فروخت کرتے تھے، ملزم ہرموٹرسائیکل 12 سے 16 ہزار روپے میں فروخت کرتے تھے۔
ملزمان کو گروہ وارداتوں کے لیے علی الصبح کے وقت کا انتخاب کرتے تھے، ملزمان کا گروہ 2011 سے 800 سے زائد موٹرسائیکلیں چوری کرچکا ہے۔
پولیس کا کہنا ہے کہ ملزمان کے قبضے سے متعدد موٹرسائیکل، اسلحہ و مسروقہ سامان برآمد کرلیا گیا ہے۔
مزید پڑھیں: کراچی، 4 رکنی کار لفٹر گروہ ڈیفنس سے گرفتار، ایس پی کلفٹن سہائے عزیز
واضح رہے کہ گزشتہ ماہ کراچی کے علاقے ڈیفنس سے 4 رکنی کار لفٹر گروہ گرفتار کیا گیا تھا، ایس پی سہائے عزیز کا کہنا تھا کہ ملزمان اب تک شہر سے 25 سے 30 گاڑیاں لفٹ کرچکے ہیں۔
ایس کلفٹن کا کہنا تھا کہ ملزمان گاڑی فروخت کرکے رقم سے منشیات خریدتے تھے، منشیات کراچی لاکر فروخت کی جاتی تھی، ملزمان 2004 سے 2008 کی گاڑی لفٹ کرتے تھے۔
سہائے عزیز کا کہنا تھا کہ ملزمان کو ایک گاڑی کے بدلے 80 ہزار روپے ملتے تھے، ملزمان پہلے بھی گرفتار ہوچکے ہیں۔
ایس کلفٹن کے مطابق ایک اور کار لفٹر گروہ کی نشاندہی ہوگئی ہے جلد گرفتار کرلیں گے، ملزمان کی تصویریں شائع کی گئیں تاکہ پتا چل سکے۔