Tag: مویشی منڈی

میئرکراچی بیرسٹر مرتضیٰ وہاب نے ناردرن بائی پاس پر مویشی منڈی کا افتتاح کردیا، انھوں نے نے منڈی کو کراچی کی رونق بھی قرار دیدیا۔

تفصیلات کے مطابق میئرکراچی مرتضیٰ وہاب نے اس موقع پر میڈیا سے گفتگو کرتے ہوئے کہا کہ مویشی منڈی کی وجہ سے شہرقائد میں رونق لگ جاتی ہے، کراچی مویشی منڈی میں لاکھوں جانور لائے جاتے ہیں، پاکستان بھر سے بیوپاری مویشی منڈی کا رخ کرتے ہیں۔

مرتضیٰ وہاب نے کہا کہ کراچی منڈی میں لاکھوں کی تعداد میں لوگ آتے ہیں، ٹریفک مسائل ہمارے لیے چیلنج ہے، جولوگ آتے ہیں ان کیلئے ٹریفک کے مسائل بھی حل کریں گے۔

کراچی مویشی منڈی میں خریداروں کے لیے منفرد ٹوکن سسٹم متعارف

رات کے اوقات میں پولیس پٹرولنگ کو مزید مؤثر بنائیں گے، تبدیلی کا لفظ بےکار ہوگیا یہ بہتری کا سال ہے، بڑے پیمانے پرٹریڈ ہوگی۔

انھوں نے کہا کہ بلاول بھٹو کے وژن کے مطابق یہ بہتری جاری رہے گی، اُمید ہے بیوپاریوں کا کاروبار یہاں پر اچھا چلےگا۔

میئر کراچی مرتضیٰ وہاب نے ملکی معیشت کے حوالے سے شہر قائد کی اہمت پر زور دیتے ہوئے کہا کہ کراچی چلتا ہے تو پاکستان چلتا ہے۔

https://urdu.arynews.tv/karachi-illegal-cattle-markets-established-areas-removed/

کراچی: نادرن بائی پاس پر مویشی منڈی میں ملک کے مختلف شہروں سے قربانی کے 30 ہزار سے زائد جانور پہنچ گئے۔

تفصیلات کے مطابق پنجاب ، سندھ، کے پی کے اور بلوچستان سے عید قرباں کے لئے کراچی نادرن بائی پاس پر منڈی میں جانوروں کی آمد کا سلسلہ جاری ہے۔

گائے بیل کے ساتھ ساتھ بکروں اور اونٹوں کی بھی بڑی تعداد مویشی منڈی پہنچ گئی ہے، انتظامیہ نے بتایا کہ شہید بے نظیر آباد نواب شاہ سے 100 سے زائد اونٹ قربانی کے لئیے منڈی کی زینت بن گئے۔

مختلف شہروں سے قربانی کے 30 ہزار سے زائد جانور پہنچ گئے، سندھی، تھری، ساکرہ، پہاڑی اور دیسی سمیت مختلف نسلوں کے اونٹ خریداروں کے منتظر ہیں ، بیوپاری ایک اونٹ کی قیمت دو لاکھ سے لے 15 لاکھ تک بتا رہے ہیں۔

میر پور خاص، نواب شاہ سمیت اندرون سندہ سے خوبصورت بکرے منڈی پہنچ گئے، میر پور خاص سے لائے گئے ڈیڑہ سے دو من کے بکروں کی قیمت 3 لاکھ سے 4 لاکھ تک بتائی جارہی ہے۔

منڈی میں جانور تو آرہے ہیں مگر شدید گرمی اور عید قربان میں زیادہ دن ہونے کے سبب خریداروں کی تعداد کم اور جو آرہے ہیں وہ مہنگائی کیوجہ سے پریشان بھی ہیں۔

بیوپاریوں کا کہنا ہے کہ رات کے وقت ہی کچھ خریدار یہاں کا رخ کر رہے ہیں تاہم پولیس حکام کی جانب سے خریداروں کے تحفظ کیلئے پولیس کی اضافی فورس تعینات کرنے کا بھی فیصلہ کیا گیا ہے۔

کراچی : ایشیا کی سب سے بڑی مویشی منڈی میں قربانی کےجانوروں کے ٹرک پہنچنا شروع ہوگئے ہیں۔

تفصیلات کے مطابق ایشیا کی سب سے بڑی عارضی مویشی منڈی 2024 کیلئے ٹھیکے جاری کردیئے گئے۔

ناردرن بائی پاس پر ایک ہزار ایکڑ مویشی منڈی کے ایڈمنسٹریشن سمیت دیگرٹھیکے جاری کئے، ناردرن بائی پاس پر جانوروں کی خریداری کیلئے نیا شہر آباد اور پارکنگ بنائی جارہی ہے۔

ایڈمنسٹریٹر نے بتایا کہ قربانی کےجانوروں کےٹرک منڈی پہنچناشروع ہوگئےہیں، مویشی منڈی مویشی منڈی میں مجموعی طورپر4سے5لاکھ جانوروں کی گنجائش رکھی گئی ہے۔

منڈی کےاطراف سیکیورٹی کیلئےحفاظتی چوکیاں بھی قائم کی جارہی ہیں۔

خیال رہے عیدالاضحیٰ 2024 کی ممکنہ تاریخ سے متعلق پیش گوئی سامنے آئی، پاکستان میں ذی القعدہ کا مہینہ 29 روز پر مشتمل ہوا تو ذو الحج کا آغاز 8 جون کو ہوگا جس کے مطابق عید الاضحیٰ 17 جون بروز پیر کو ہوسکتی ہے۔

اور اگر 30 روز کا مہینہ ہوا تو تو ماہ ذوالحجہ 1445 ہجری کا آغاز 9 جون سے اور عیدالاضحیٰ 18 جون بروز منگل کو ہوگی۔