اگر آپ کے گھر میں بھی مٹر شوق سے کھایا جاتا ہے تو یقیناً گھنٹوں بیٹھ کر مٹر چھیلنا بھی پڑتا ہوگا اسی طرح کئی ایسے کام ہوتے جس میں وقت اور محنت دونوں لگتی تو آج آپ کو کچھ ایسے ٹپس بتاتے ہیں جس سے آپ کا کام منٹوں میں ہوسکتا ہے۔
مٹر کو پانی سے دھو کر پریشر ککر میں ڈال دیں، ہلکا سا پانی ڈال کر دھیمی آنچ پر صرف 10 منٹ پکائیں، آپ ککر کا ڈھکن ہٹالیں مٹر نرم ہوچکے ہوں گے اور آپ کی انگلی کے ایک اشارے پر دانے باہر آجائیں گے۔
اس کے بعد آپ چاہیں تو ان مٹر کو ٹھنڈے پانی کے پیالے میں ڈال کر چھلکا اور دانے الگ کرلیں۔
سفید کپڑوں سے پیلاہٹ دور کرنے کے لئے نیل ڈالا جاتا ہے لیکن نیل اکثر کپڑوں پر جم جاتا ہے، اس کے لیے بالٹی میں پانی ڈالیں اور ایک کھانے کا چمچ نمک ڈال کر نیل ڈال کر پانی اچھی طرح ہلائیں اور کپڑوں کو پانی میں ڈال دیں۔
انڈے ابالتے ہوئے اکثر پھٹ جاتے ہیں اور خراب ہوجاتے ہیں، اس سے بچنے کے لیے چند ماچس کی تیلیاں لیں اور انڈے ابالتے ہوئے پتیلی میں ڈال دیں، انڈے ٹوٹیں گے بھی نہیں اور ابالنے کے بعد ان کا چھلکا بھی آسانی سے اتر جائے گا۔
اگر بے احتیاطی کے سبب مصالحہ تھوڑا سا بھی جل جائے تو پورا سالن بدمزہ ہوجاتا ہے، ایسی صورت میں بچا ہوا مصالحہ ایک صاف دیگچی میں منتقل کریں اور پھر فی کپ گریوی کے حساب سے ایک چائے کا چمچ پی نٹ شامل کرکے دوبارہ پکائیں، سالن کا ذائقہ جلا ہوا محسوس نہیں ہوگا۔
اگر براؤن شوگر کی گٹھلیاں بن جائیں تو جار میں تازہ ڈبل روٹی یا سیب کا ٹکڑا رکھ دیں گٹھلیاں نہیں بنیں گی ویسے براؤن شوگر کا جارا گرفریز میں رکھا جائے تو ابھی اس میں گٹھلیاں نہیں بنتیں۔
