کولمبیا: کولمبیا میں مٹی کےتودے گرنےسے234افراد ہلاک جبکہ 400 سےزائد افراد زخمی ہوگئے ہیں۔
تفصیلات کےمطابق کولمبیا کے جنوبی قصبے میں کئی روز سے جاری طوفانی بارشوں کے باعث لینڈ سلائیڈنگ کے نتیجے میں 234افراد ہلاک جبکہ 200سے زائدافراد لاپتہ ہیں۔
کولمبین حکام کےمطابق علاقے میں امدادی کارروائیاں جاری ہیں،تاہم حکام نےمزید ہلاکتوں کا خدشہ ظاہر کیا ہے۔
کولمبیا کے صدر نے متاثرہ علاقے کا دورہ کیا اورایمرجنسی کا اعلان کرتے ہوئے کہا کہ حکومت صورت حال پر مسلسل نظر رکھے ہوئے ہے۔
پولیس اور فوج نے17 متاثرہ علاقوں سےگیارہ سو سےزائد افراد کومحفوظ مقامات پرمنتقل کیا۔
مٹی کا تودہ گرنے سے 11 افراد ہلاک، درجنوں لاپتا
یاد رہےکہ اس سےقبل انڈونیشیا میں مٹی کا تودہ گرنے سے 11افرادہلاک اور درجنوں لاپتا ہوگئےتھےریسکیو اداروں نے ہلاکتوں میں اضافے کا خدشہ ظاہر کیاتھا۔
انڈونیشیا ڈیزاسٹرمینجمنٹ ادارے نے تصدیق کی تھی کہ جاوا کے قریبی جزیرے میں گرنے والے مٹی کے تودے کی زد میں آ کر کم از کم 11 افراد ہلاک ہو ئے۔
واضح رہےکہ مٹی کا تودہ گرنے سے بہت سے مکانات اور گاڑیوں کو بھی شدید نقصان پہنچا جبکہ سرسبز فصلیں بھی اس کی زد میں آکر مکمل تباہ ہو گئیں۔
