مکئی کے بال دراصل مکئی کے بھٹے کی وہ پتلی پتیاں ہیں جو بھٹے کو چھیلنے کے بعد بچتے ہیں انہیں خشک کر کے مختلف استعمالات کے لیے محفوظ کیا جاتا ہے۔
یہ بال قدیم زمانے سے دیسی علاج کیلیے بھی استعمال کیے جاتے ہیں، اس میں موجود غذائی اجزاء انہیں کئی بیماریوں کے علاج کے لیے مؤثر بناتے ہیں۔
اس کا سائنسی نام اسٹگما میڈس ہے مکئی کے اس بال میں زیادہ مقدار میں پوٹاشیم کیلشیم اور وٹامنز بی کے وغیرہ موجود ہیں۔
مکئی کے بالوں سے بنائے گئے قہوے کی افادیت درج ذیل ہیں
مکی کے بال کا قہوہ پینے سے پیشاب کی نالی کے زخم ٹھیک ہو جاتا ہے، اس کا قہوہ پروسٹیٹ غدود کے بیماریوں کے علاج کے لیے مفید ہے۔
مکئی کے بالوں کا قہوہ گردے کی پتھری کو ریزہ ریزہ کرکے نکالنے میں انتہائی کارآمد ہے، بچوں کو یہ قہوہ پلانے سے بستر میں پیشاب کرنے کی شکایت بھی رفع ہوجاتی ہے
اس کے علاوہ بلڈ پریشر اور کولیسٹرول کو کم کرتا ہے، قہوہ پینے سے شوگر لیول کو کنٹرول رہتا ہے، جسمانی اور آنکھوں کی تھکاوٹ دور کرتا ہے۔
مکئی کے بال خون کی صفائی میں مدد دیتے ہیں، جسم سے زہریلے مادے نکالنے میں مددگار ثابت ہوتے ہیں۔ ان میں موجود فائبر وزن کم کرنے میں مددگار ہو سکتا ہے، کیونکہ یہ بھوک کو کم کرتا ہے۔
یہ دل کی صحت کے لیے بھی فائدہ مند ہیں کیونکہ یہ کولیسٹرول کی سطح کو کم کرنے میں مدد کرتے ہیں۔ ساتھ ہی ہاضمہ کی بہتری میں معاون ہیں اور آنتوں کی صحت کو بہتر بناتے ہیں۔
مکئی کے بال کے مضر اثرات
یہ بال اگرچہ ایک قدرتی علاج کے طور پر کئی فوائد فراہم کرتے ہیں لیکن ان کے کچھ ممکنہ سائیڈ افیکٹس بھی ہوسکتے ہیں۔
یہ جاننا ضروری ہے کہ ہر فرد کی جسمانی کیفیت مختلف ہوتی ہے اور کچھ لوگوں کو مکئی کے بال کے استعمال سے مسائل درپیش آ سکتے ہیں۔
الرجی:
بعض افراد کو مکئی کے بال سے الرجی ہو سکتی ہے، جو جلدی خارش، سرخی، یا سوجن کی صورت میں ظاہر ہو سکتی ہے۔
ہاضمہ کے مسائل:
کچھ لوگوں کو مکئی کے بال استعمال کرنے کے بعد پیٹ میں درد، گیس یا ڈائریا جیسی علامات محسوس ہو سکتی ہیں۔
غیر متوقع ری ایکشنز :
کچھ افراد میں اس کے استعمال کے بعد غیر متوقع ری ایکشنز دیکھے جا سکتے ہیں، جیسے کہ سر درد یا بے چینی۔
ان سائیڈ افیکٹس کی شدت مختلف افراد میں مختلف ہو سکتی ہے، لہذا اگر آپ کو کوئی غیر معمولی علامات محسوس ہوں، تو فوری طور پر اپنے معالج سے طبی مشورہ حاصل کرنا بہتر ہے۔
طریقہ استعمال
مکئی کے بالوں کا قہوہ بنانے کیلیے 400 سے 450 ملی گرام ریشمی بالوں کا پاؤڈر یا تازہ بال پانی میں ڈال کر ابال لیں اور ایک ایک کپ دن میں دو مرتبہ صبح شام استعمال کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
