ARYNews.tv | Urdu – Har Lamha Bakhabar

Tag: مکان

  • دو منزلہ مکان سمندر میں جا گرا، خوفناک ویڈیو وائرل

    دو منزلہ مکان سمندر میں جا گرا، خوفناک ویڈیو وائرل

    بیونس آئرس: سوشل میڈیا پر وائرل ایک ویڈیو نے لوگوں کو خوفزدہ کر دیا جس میں ایک دو منزلہ مکان سمندر میں گرتا ہوا دکھائی دے رہا ہے۔

    بین الاقوامی میڈیا کے مطابق یہ ویڈیو جنوبی امریکی ملک ارجنٹینا کے دارالحکومت بیونس آئرس کی ہے۔ مذکورہ مکان سمندر سے کچھ دور واقع تھا تاہم سطح سمندر میں اضافے کے باعث سمندر کی لہریں گھر تک آ پہنچی تھیں۔

    ویڈیو میں دیکھا جاسکتا ہے کہ سمندر کی زور دار لہریں گھر کی بنیادوں سے ٹکرا رہی ہیں جو مستقل ٹکراؤ سے کمزور ہوچکی ہیں، دیکھتے ہی دیکھتے دو منزلہ مکان اپنی جگہ چھوڑ دیتا ہے اور دھماکے سے سمندر میں جا گرتا ہے۔

    مقامی میڈیا رپورٹ کے مطابق واقعے میں کوئی جانی نقصان نہیں ہوا، گھر کے مالکان اور رہائشی خوش قسمتی سے اس وقت گھر میں موجود نہیں تھے۔

  • مانسہرہ: مٹی کا تودہ مکان پر گرنے سے 4 افراد جاں بحق

    مانسہرہ: مٹی کا تودہ مکان پر گرنے سے 4 افراد جاں بحق

    مانسہرہ: صوبہ خیبر پختونخوا کے شہر مانسہرہ میں مٹی کا تودہ مکان پر گرنے سے 4 افراد جاں بحق ہوگئے۔

    تفصیلات کے مطابق مانسہرہ کے علاقے اوگی حسین بانڈہ میں افسوس ناک واقعہ پیش آیا جہاں مکان کی چھت پر مٹی کا تودہ گرنے سے خاتون اور بچے سمیت 4 افراد جان کی بازی ہار گئے۔

    پولیس نے بتایا کہ جائے حادثہ سے ایک خاتون کو زخمی حالت میں نکال کر طبی امداد کے لیے فوری اسپتال منتقل کر دیا گیا۔پولیس حکام کا کہنا ہے کہ حادثے میں جاں بحق ہونے والے افراد کی لاشوں کو قانونی کارروائی کے بعد ورثا کے حوالے کیا جائے گا۔

    اس سے قبل 28 اگست کو پولیس نے شانگلہ میں مٹی کا تودہ گھر پر گرنے سے 2 افراد کے جاں بحق ہونے کی تصدیق کی تھی۔مقامی پولیس کا کہنا تھا کہ فرقان اور واصف خان کی موت اس وقت ہوئی جب وہ گھر میں موجود تھے کہ تودہ آگرا۔

    یاد رہے کہ 27 جولائی کو اورکزئی ایجنسی میں مٹی کا تودہ گرنے سے 3 بچیاں جاں بحق ہوگئی تھیں۔ڈی پی او اورکزئی نثار خان کا کہنا تھا کہ حادثے میں جاں بحق ہونے والی بچیوں کی عمریں 10 سے 12 سال کے درمیان تھیں۔

  • ابو ظہبی: مکان مالکان نے کرایوں میں کمی کردی

    ابو ظہبی: مکان مالکان نے کرایوں میں کمی کردی

    ابو ظہبی: متحدہ عرب امارات کے دارالحکومت ابو ظہبی کے شہریوں نے کرونا وائرس سے پیدا ہونے والے معاشی مسائل کو مدنظر رکھتے ہوئے مکانوں اور دکانوں کے کرایے کم کر دیے ہیں۔

    ابو ظہبی میں کرایہ داروں کا کہنا ہے کہ مکانوں اور دکانوں کے متعدد مالکان نے کرایے کم کر کے بڑی سہولت دی ہے، متعدد مالکان نے کرایے کے سالانہ معاہدوں کو ماہانہ معاہدوں میں تبدیل کر دیا جبکہ کرایے کی رقم قسطوں میں ادا کرنے کی سہولت بھی فراہم کردی۔

    ریئل اسٹیٹ ایجنسیوں کے عہدیداروں نے کہا ہے کہ بعض انسانیت نواز مالکان نے لچکدار رویے کا مظاہرہ کیا ہے البتہ کئی مالکان ایسے بھی ہیں جو کرایوں میں کمی یا ادائیگی میں سہولت کے حوالے سے کرایہ داروں کی درخواستیں مسترد کر چکے ہیں۔

    مکانوں اور دکانوں کے مالکان نے اپنا مؤقف یہ کہہ کر پیش کیا ہے کہ یہ درست ہے کہ کرایہ داروں نے کرایوں میں کمی اور ادائیگی میں سہولت کی درخواست کی تھی، ہماری مشکل یہ ہے کہ ہماری بہت ساری مالیاتی ذمہ داریاں ہیں جنہیں پورا کرنا ہے۔ اس وجہ سے کرایے کم نہیں کیے جا سکتے۔

    ریئل اسٹیٹ ایجنسی کے چیئرمین عبد الرحمٰن الشیبانی نے بتایا کہ کئی مالکان نے کرونا وبا کے پیش نظر کرایہ داروں کو مختلف قسم کی سہولتیں فراہم کی ہیں، انہیں احساس ہے کہ کئی کمپنیاں بند ہوگئیں، بہت سارے ملازمین کی تنخواہیں کم ہوگئیں اور دسیوں ایسے ہیں جنہیں تنخواہ نہیں ملی۔

    ان کے مطابق متعدد مالکان نے کرایہ داروں کو قسطوں میں کرایہ ادا کرنے کی سہولت فراہم کی ہے۔ کئی مالکان نے 5 فیصد سے زیادہ کرایے کم کردیے جبکہ بعض نے 10 فیصد تک کرایے کم کیے ہیں۔

  • کوئٹہ: مکان میں گیس بھرنے سے 5 افراد جاں بحق

    کوئٹہ: مکان میں گیس بھرنے سے 5 افراد جاں بحق

    کوئٹہ: صوبہ بلوچستان کے دارالحکومت کوئٹہ میں گھر میں گیس لیکیج سے ایک ہی خاندان کے 5 افراد جاں بحق ہوگئے۔

    تفصیلات کے مطابق کوئٹہ کے علاقے سریاب روڈ پر واقع گھر میں گیس لیکیج سے ایک ہی خاندان کے 5 افراد جاں بحق ہوگئے، جاں بحق افراد میں میاں بیوی اور 3 بچے شامل ہیں۔

    پولیس حکام کے مطابق قانونی کارروائی کے بعد لاشوں کو ورثا کے حوالے کر دیا گیا جبکہ گیس لیکیج واقعے کی تحقیقات جاری ہے۔

    یاد رہے کہ گزشتہ ہفتے حیدرآباد کے علاقے لطیف آباد 12 میں گھر میں گیس لیکیج سے ایک ہی خاندان کے 4 افراد جاں بحق ہوگئے تھے، جاں بحق افراد میں میاں بیوی اور 2 بچے شامل تھے۔

    کوئٹہ، گھر میں گیس لیکیج سے 5 افراد جاں بحق

    واضح رہے کہ 8 جنوری کو کوئٹہ کے علاقے سبزل روڈ پر گھر میں گیس لیکیج سے ایک ہی خاندان کے 5 افراد جاں بحق ہوگئے تھے، جاں بحق افراد میں میاں بیوی اور 3 بچے شامل تھے۔

  • مردان میں مکان کی چھت گرنے سے 4 افراد جاں بحق

    مردان میں مکان کی چھت گرنے سے 4 افراد جاں بحق

    مردان : صوبہ خیبرپختونخواہ کے شہر مردان میں مکان کی چھت گرنے سے 4 افراد جاں بحق ہوگئے۔

    تفصیلات کے مطابق مردان میں تخت بھائی کے علاقے قدرت آباد میں مکان کی چھت گرنے سے 4 افراد جان کی بازی ہار گئے۔

    ریسکیو ذرائع کے مطابق جاں بحق افراد میں دادا، دادی اور2 پوتے شامل ہیں۔

    دوسری جانب چاسدہ کے نواحی علاقے میں گھر کی چھت گرنے سے ماں سمیت 2 بچے جاں بحق جبکہ ایک بچی زخمی ہوگئی۔

    ہرنائی میں مکان کی چھت گرنے سے ماں اور5 بچے جاں بحق

    اس سے قبل 25 مارچ کو بارش کے باعث ہرنائی کے علاقے زندہ پیر میں گھرلینڈ سلائیڈنگ کی زد میں آگیا تھا، ماں اور 5 بچے جاں بحق جبکہ 2 سال کی بچی معجزانہ طور پر محفوظ رہی تھی۔

    پشین میں مکان کی چھت گرنے سے4 بچے جاں بحق

    واضح رہے کہ 5 فروری 2019 کو بلوچستان میں ضلع پشین کے علاقے یعقوب کالونی میں مکان کی چھت گرنے سے 4 بچے جان کی بازی ہار گئے تھے۔

    پولیس حکام کے مطابق حادثے میں جاں بحق ہونے والے بچوں کا تعلق ایک ہی خاندان سے تھا۔

  • لاہور: مکان کی چھت گرنے سے دو بچوں سمیت چھ افراد جاں بحق

    لاہور: مکان کی چھت گرنے سے دو بچوں سمیت چھ افراد جاں بحق

    لاہور : بوسیدہ مکان کی چھت گرنے سے دو بچوں سمیت چھ افراد ملبے تلے دب کر جاں بحق ہوگئے، تنگ گلیوں اور تجاوزات کے باعث ریسکیو ٹیموں کو مشکلات کا سامنا کرنا پڑا۔

    تفصیلات کے مطابق لاہور کے علاقے اندرون دہلی گیٹ میں بوسیدہ مکان کی چھت گرنے سے دو بچوں سمیت چھ افراد جاں بحق ہوگئے، واقعہ میں متعدد افراد کے زخمی ہونے کی بھی اطلاعات ہیں۔

    ریسکیو ذرائع کے مطابق غلام حسین نامی شخص کا مکان تنگ گلی میں ہے جس کی وجہ سے امدادی کاموں میں بہت سی پریشانیاں درپیش ہیں۔

    ریسکیو آپریشن میں تاخیر تنگ گلیوں کی وجہ سے ہوئی، کم جگہ اورتجاوزات کے باعث ریسکیو ٹیموں کو مشکلات کا سامنا رہا اور امدادی کارروائیوں کیلئے گدھوں کا استعمال کرنا پڑا، آپریشن میں تاخیر کے باعث 6 قیمتی جانوں کا ضیاع ہوا۔

    ریسکیوذرائع کے مطابق جاں بحق لڑکوں میں 13 سال کا زاہد ، 15سال کاعلی شامل ہیں جبکہ بچوں کے ماں باپ تاحال ملبے تلے دبے ہوئے ہیں۔

    وزیراعلیٰ پنجاب شہبازشریف نے لاہور میں مکان کی چھت گرنے کے واقعے پراظہارافسوس کرتے ہوئے جاں بحق بچوں کے لواحقین سے دلی ہمدردی اور اظہار تعزیت کی۔

    علاوہ ازیں مانگا منڈی میں ہونے والے ٹریفک کے حادثے میں ٹریکٹرٹرالی کھائی میں جاگری، جس کے نتیجے میں 14 افراد کے زخمی ہونے کی اطلاعات ہیں۔

    زخمیوں کو فوری طور پر مقامی اسپتال منتقل کیا گیا، حادثے میں زخمی 4 افراد کی حالت تشویشناک بتائی جارہی ہے۔

    سوات میں مکان کی چھت گرنے سے 3افراد جاں بحق

    خیال رہے کہ گزشتہ سال 23 مئی کو صوبہ خیبرپختونخواہ کے علاقے سوات میں مکان کی چھت گرنے سے ایک ہی خاندان کے 3 افراد جاں بحق ہوگئے تھے۔

    یاد رہے کہ 30 جنوری 2017 کو صوبہ پنجاب کے شہرگوجرانوالہ کے علاقے گوندلانوالہ میں گھر کی چھت گرنے سے والد اور4 بچے جاں بحق ہو گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • امریکہ میں طیارے کی مکان کی چھت پر لینڈنگ

    امریکہ میں طیارے کی مکان کی چھت پر لینڈنگ

    ایریزونا: امریکی ریاست ایریزونا کے شہر فیونکس میں ایک چھوٹے طیارے نے مکان کی چھت پر لینڈنگ کی ہے تاہم اس میں سوار پائلٹ اور چار سکائی ڈائیورز سمیت مکان کے رہائشی محفوظ رہے۔

    تفصیلات کے مطابق امریکہ کی ریاست ایریزونا کے شہر فیونکس میں چھوٹے طیارت نے مکان کی چھت پر لینڈنگ کی جس میں طیارے میں سوار تمام افراد سمیت مکان میں رہنے والے بھی بچ گئے۔

    آگ بھجانے والے محکمے کے حکام کا کہنا ہے کہ تمام افراد طیارے کے مکان کے ساتھ ٹکرانے سے قبل ہی کودنے میں کامیاب ہوگئے تھے۔اس وقت مکان میں دو افراد موجود تھے۔دونوں افراد کو کسی قسم کے زخم نہیں آئے۔

    پولیس کا کہنا ہے کہ تمام چار سکائی ڈائیورز محفوظ رہے تاہم پائلٹ کو آگ کے باعث معمولی زخم آئے جس کے لیے انہیں اسپتال لے جایاگیا۔

    ایسا خیال کیا جا رہا ہے کہ یہ چھوٹا طیارہ اسکائی ڈائیورز کو آئینی تقریب کے لیے لے کر جا رہا تھا۔یہ تقریب امریکی آئین سے متعلق منعقد کی جاتی ہے۔