Tag: مکمل غذائیت

  • صحت بخش اور طاقتور دودھ گائے کا ہوتا ہے یا بھینس کا؟ جانیے

    صحت بخش اور طاقتور دودھ گائے کا ہوتا ہے یا بھینس کا؟ جانیے

    ماہرین غذائیت کے مطابق دودھ میں کیلشیم اور پروٹین سے بھرپور مقدار ہونے کے سبب یہ ایک مکمل غذا اور انسانی صحت کے لیے اہم بھی ہے۔

    دودھ ہماری روز مرہ کی غذا کا اہم حصہ بھی ہے، دودھ استعمال کرنے کے فوائد سمیت اس کے استعمال کے طریقے بھی بہت ہیں ۔

    کیلشیم حاصل کرنے کے لیے دودھ بہترین آپشن ہے، اس میں مزید وٹامن ڈی ، بی12، ریبوفلاون ، پوٹاشیم، فورسفورس، سیلینئم اور صحت کے لیے بہتر چکنائی بھی پائی جاتی ہے ۔

    بھارتی ڈاکٹر ارون کمار کے مطابق عام طور پر گائے کا اور بھینس کا دودھ پیا جاتا ہے۔ کیلوریز کے لحاظ سے 100 گرام گائے کے دودھ میں 67 کیلوریز ہوتی ہیں جبکہ بھینس کے دودھ میں 117کیلوریز ہوتی ہیں۔ اسی لیے بھینس کا دودھ مسلسل پینے سے وزن بڑھتا ہے۔

    انہوں نے بتایا کہ اسی طرح گائے کے دودھ میں چربی کی مقدار 4.1 اور بھینس کے دودھ میں 6.5ہے جبکہ گائے کے دودھ میں غذائیت زیادہ ہوتی ہے۔

    گائے اور بھینس کے دودھ کا ذائقہ تقریباً ایک جیسا ہوتا ہے مگر ان کے رنگ تھوڑے مختلف ہوتے ہیں، گائے کا دودھ کریم رنگ جبکہ بھینس کا دودھ سفید ہوتا ہے، گائے کا دودھ بھینس کے دودھ کے مطابق کم چکنائی رکھنے سمیت ہضم بھی جلدی ہوتا ہے۔

    ان کا کہنا تھا کہ وہ لوگ جو اپنی غذا میں سبزیوں کا زیادہ استعمال کرتے ہیں، انھیں دودھ پینا چاہیے۔ اس کی وجہ یہ ہے کہ دودھ میں لیکٹوز ہوتا ہے۔ اسے ہضم کرنے کے لیے ہمیں اپنی آنتوں میں لیکٹیس نامی اینزائم کی ضرورت ہوتی ہے، اگر یہ انزائم موجود نہ ہو تو صحت کے مختلف مسائل پیدا ہوں گے۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔

     

  • کیا آپ ’گولڈن ملک‘ کے طبی فوائد سے واقف ہیں؟

    کیا آپ ’گولڈن ملک‘ کے طبی فوائد سے واقف ہیں؟

    اس میں کوئی دو رائے نہیں کہ دودھ از خود ایک مکمل غذا ہے اس میں وہ تمام غذائی اجزاء پائے جاتے ہیں جو آپ  کی صحت کو برقرار رکھنے کے لئے درکار ہیں۔

    طبی ماہرین کے مطابق اگر دودھ میں چند چیزیں ملا کر نوش کیا جائے تو اس کی افادیت غذائیت اور طاقت میں  مزید اضافہ ہوجاتا ہے، اسے گولڈن ملک یا سنہرا دودھ کہتے ہیں۔

    جی ہاں !! اسے گولڈن ملک یا سنہرا دودھ کہتے ہیں، ہلدی ملے دودھ کو گولڈن ملک کہا جاتا ہے، یہ دودھ جوڑوں کے درد کے لئے خاص طور پر مفید ہے۔

    اے آر وائی ڈیجیٹل کے پروگرام گڈ مارننگ پاکستان میں شوبز کی معروف اداکارہ کرن خان نے گولڈن دودھ بنانے اور اس کے فوائد کے متعلق آگاہ کیا جس کی تصدیق ڈاکٹر ام راحیل نے بھی کی۔

    انہوں نے بتایا کہ یہ دودھ پینا میری روٹین میں شامل ہے، اس کو بنانے کا طریقہ یہ ہے کہ ایک کپ نیم گرم دودھ میں تھوڑی سے تازہ ہلدی آدھا چمچ گھی ایک ایک چٹکی الائچی پاؤڈر اور پسی پوئی کالی مرچ ۔ مٹھاس کیلئے آدھا چمچ چینی یا شہد حسبِ ذائقہ ملائیں، صحت بخش گولڈن ملک تیار ہے اسے رات سونے سے قبل نیم گرم استعمال کریں۔

    اس موقع پر ڈاکٹر ام راحیل نے بتایا کہ یہ دودھ ہر بیماری یا زخم کی تکلیف دور کرنے کیلئے انتہائی مفید اور کارآمد ہے۔

    اس کے علاوہ ہڈیاں مضبوط کرتا ہے، شوگر اور بلڈ پریشر کنٹرول کرنے میں بھی مدد دیتا ہے، قوتِ مدافعت اور معدے کی طاقت بڑھاتا ہے لہٰذا یہ دودھ کئی امراض سے بچانے میں مددگار ہے۔