Tag: مکہ مکرمہ

مکہ مکرمہ: تیز رفتار کار بےقابو ہوکر افطار دسترخوان پر چڑھ گئی، حادثے میں ایک شخص جاں بحق ہوگیا۔

تفصیلات کے مطابق سعودی ریسکیو نے بتایا کہ مکہ مکرمہ میں تیز رفتار کار بےقابو ہوکر افطار دسترخوان پر چڑھ گئی، اس حادثے میں ایک شخص جاں بحق جبکہ 21 افراد زخمی ہوئے ہیں۔

سعودی عرب کے ریسیکو حکام نے مزید بتایا کہ اس حادثے میں زخمی ہونے والوں کو اسپتال منتقل کردیا گیا ہے۔

خیال رہے کہ رمضان المبارک کے مقدس مہینے میں دنیا بھر سے مکہ اور مدینہ آنے والے مسلمانوں کے لیے دسترخوان لگائے جاتے ہیں جہاں ان کی مہمان نوازی کی جاتی ہے۔

ماہ صیام میں مسلمانوں کی بڑی تعداد عمرہ کی سعادت حاصل کرنے مکہ مکرمہ کا رخ کرتی ہے جبکہ روزہ داروں کے لیے خصوصی افطار کا انتظام کیا جاتا ہے۔

مکہ مکرمہ میں عالمی اسلامی کانفرنس کا آغاز ہوگیا ہے۔

عالمی اسلامی کانفرنس وزارت اسلامی امور، دعوت وارشادکے تحت کی گئی جو 2 روز پر مشتمل ہے جس میں پاکستان سمیت 85 ملکوں کے 150 عالم دین،مفتیان کرام،اسلامی محققین شریک ہوں گے۔

عرب میڈیا کے مطابق کانفرنس کا مقصد مختلف ممالک کے علما، مفتیان، مکاتب فکر، محققین میں ربط قائم کرنا ہے، کانفرنس میں انتہا پسندی، مسلمانوں کو درپیش مسائل پر بات کی جائے گی۔

مکہ مکرمہ: سعوی وزارت حج و عمرہ نے موسم گرما میں عمرہ کرنے والے زائرین کے لیے نئی ہدایات جاری کردی ہے۔

   سبق ویب سائٹ کے مطابق وزارت حج و عمرہ نے بیان میں زائرین سے کہا ہے کہ سعودی قوانین کی خلاف ورزی سے بچنے کے لیے عمرہ زائرین مسجد الحرام آمد سے قبل عمرہ پرمٹ ضرور حاصل کرلیں۔

سعوی وزارت حج و عمرہ کا کہنا ہے کہ عمرے کے لیے مسجد الحرام پہنچنے سے قبل پرمٹ کا اجرا ضروری ہے، ایسا نہ کرنا عمرہ قوانین کی خلاف ورزی ہو گا۔

وزارت کا کہنا ہے کہ زائرین نسک اور توکلنا ایپ پر عمرہ پرمٹ جاری کرا سکتے ہیں جبکہ سعودی وزارت حج و عمرہ نے موسم گرما میں عمرے کے لیے تین ہدایات جاری کی ہیں۔

سعودی وزارت نے جاری کردہ ہدایات میں کہا کہ موسم گرما میں عمرہ کرتے وقت معالج سے مشاورت کی جائے، موسم گرما میں عمرے کے لیے مناسب وقت کا انتخاب ضروری ہے۔

سعودی وزارت نے کہا کہ عمرہ کرنے کے لیے ایسے اوقات کا انتخاب کیا جائے جب درجہ حرارت معتدل ہو، مسجد الحرام پہنچنے کے بعد اور عمرہ شروع کرنے سے قبل آرام کا وقفہ لیا جائے۔