Tag: مکہ مکرمہ

مکہ مکرمہ: جرمنی سے موٹر سائیکل پر مکہ پہنچنے والا شامی نژاد شہری اپنے رب کے حضور پیش ہونے کے بعد مسجد الحرام میں انتقال کر گئے۔

عرب میڈیا کے مطابق جرمنی سے عمرہ ادائیگی کے لیے موٹرسائیکل پر 73 دنوں میں مکہ پہنچنے والا شامی شخص غازی جاسم اپنا سفر مکمل کرتے ہی انتقال کرگیا۔

رپورٹ کے مطابق غازی جاسم نے جرمنی سے موٹرسائیکل پر مسجد الحرام تک کا سفر 73 دن میں مکمل کیا، اس سفر کے دوران وہ سوشل میڈیا پر لوگوں کو آگاہی بھی دیتے رہے۔

عرب میڈیا کے مطابق غازی جاسم کا مسجد الحرام پہنچ کر انتقال ہوا جس کے بعد ان کی نمازِ جنازہ بھی یہیں ادا کی گئی جبکہ انہیں مکہ میں ہی سپردِ خاک کردیا گیا۔

سوشل میڈیا پر غازی جاسم کے انتقال پر افسوس کا اظہار کیا جارہا ہے تاہم ساتھ ہی ان کے سفر کی بھی لوگ تعریف کر رہے ہیں۔

مکہ مکرمہ : کنگ عبدال العزیز اسٹریٹ پر رنگوں وحرف سے تخلیق کردہ دنیا کی سب سے بڑی دیوار زائرین کی توجہ کا مرکز بن گئی۔

تفصیلات کے مطابق مکہ مکرمہ میں عربی خطاطی اور رنگ برنگ رنگوں سے مزین دنیا کی سب سے بڑی دیوار زائرین کی توجہ کا مرکز بن گئی۔

کنگ عبدال العزیز اسٹریٹ پر رنگوں وحرف سے تخلیق کردہ سب سے طویل خطاطی والی دیواربنائی گئی ہے، جو رنگوں حرف سے تخلیق کردہ فن سے آراستہ ہے۔

اپنی نوعیت کا یہ منفرد شاہکار سعودی خاتون امل فلمبان کا تخلیق کردہ ہے۔ رنگ و حروف سے تخلیق کردہ فن سے آراستہ یہ دیوار مقدس ترین مقام مسجد حرام کی طرف جاتی ہے۔

یہ شاندار دیوار عرب دنیا کے لوگوں کے وِرثہ ، نظریات ، تاریخ، اور ثقافتی پیغام کو اپنے اندور سموئے ہوئے ہے، یہاں سے گزرنے والے عمرہ زائرین اس دیوار کے نقش و نگار سے محظوط ہوئے بغیر نہیں رہ پاتے۔