Tag: مکی آرتھر

لاہور: قومی کرکٹ ٹیم کے ہیڈ کوچ مکی آرتھر نے پاکستان کرکٹ بورڈ حکام سے ملاقاتیں کیں اور ورلڈ کپ 2019 میں ٹیم کی کارکردگی رپورٹ جمع کرادی۔

تفصیلات کے مطابق قومی کرکٹ ٹیم کے ہیڈ کوچ نے پی سی بی حکام سے ملاقات کی جس میں ایم ڈی پی سی بی وسیم خان، ڈائریکٹر انٹرنیشنل ذاکر خان ودیگر موجود تھے۔

مکی آرتھر نے ورلڈ کپ، انگلینڈ سیریز پر رپورٹ ڈائریکٹر انٹرنیشنل کو جمع کرائی، ہیڈ کوچ کی رپورٹ کرکٹ کمیٹی اجلاس میں زیر بحث آئے گی۔

مکی آرتھر نے اپنی رپورٹ میں کہا کہ بدقسمتی سے ورلڈ کپ کا آغاز اچھا نہیں کرسکے، پاکستان ٹیم نے آخری چار میچز میں اچھا کم بیک کیا۔

ہیڈ کوچ کا کہنا تھا کہ پاکستانی ٹیم فیلڈنگ مسائل کا شکار ہے جسے بہتر کرنے کی ضرورت ہے، نوجوان کھلاڑیوں کو مواقع دینے سے قومی ٹیم کو فائدہ ہوا۔

Pakistan Head Coach Mickey Arthur visited the U19 High Performance Skill and Training Programme currently underway at the NCA, Lahore. Arthur is full of praise of the #PakistanFutureStars

📽 pic.twitter.com/k4ldaX40Dn

— Pakistan Cricket (@TheRealPCB) July 29, 2019

انہوں نے اپنی رپورٹ میں کہا کہ ٹاپ آرڈر بہتر ہے لیکن مڈل آرڈر پر کام کرنے کی ضرورت ہے، رن ریٹ کی بنیاد پر فیصلہ نہ ہوتا تو پاکستانی ٹیم سیمی فائنل کھیلتی۔

علاوہ ازیں ہیڈ کوچ مکی آرتھر نے کرکٹ ٹیم کے انڈر 19 کھلاڑیوں کے کیمپ کا دورہ کیا اور کھلاڑیوں کی کارکردگی کا جائزہ لیا۔

یاد رہے کہ ہیڈ کوچ مکی آرتھر کی کوچنگ کی مدت میں ٹی ٹوینٹی ورلڈ کپ 2020 تک توسیع دئیے جانے کا امکان ہے جبکہ بیٹنگ کوچ گرانٹ فلور پہلے ہی مدت پوری ہونے پر عہدہ چھوڑ چکے ہیں۔

ایم ڈی پی سی بی وسیم خان کا کہنا تھا کپتان تبدیل کرنے کی کوئی جلدی نہیں ہے سوچ سمجھ کر کپتان کی تبدیلی کا فیصلہ کیا جائے گا، گزشتہ روز ذرائع کا کہنا تھا کہ سرفراز سے ٹیسٹ کی کپتانی لے کر شان مسعود کو کپتان بنائے جانے کا امکان ہے۔

کراچی: قومی کرکٹ ٹیم کے سابق کپتان راشد لطیف نے کہا ہے کہ کوچ غیرملکی نہیں ہونا چاہئے جبکہ سرفراز احمد کو تینوں فارمیٹ کپتان برقرار رکھنے کی حمایت کردی۔

تفصیلات کے مطابق قومی کرکٹ ٹیم کے سابق وکٹ کیپر بلے باز راشد لطیف سرفراز احمد کی حمایت میں سامنے آگئے اور سرفراز کو تینوں فارمیٹ کا کپتان برقرار رکھنے کا مطالبہ کردیا۔

راشد لطیف نے کہا کہ بابر اعظم کو کپتان بنانا جلد بازی ہوگی۔ ایک سوال کے جواب میں راشد لطیف نے کہا کہ جب تک سسٹم ٹھیک نہیں ہوگا میرے سلیکٹر بننے سے بھی کوئی فرق نہیں پڑے گا۔

امام الحق کے معاملے پر انہوں نے کہا کہ کرکٹرز کو احتیاط کرنی چاہئے، امام الحق کا ذاتی مسئلہ ہے لہٰذا اس پر کوئی بات نہیں کرسکتا ہوں۔

راشد لطیف کے مطابق پاکستان کرکٹ بورڈ کا سسٹم ٹھیک ہونا چاہئے، ملک میں کلب کرکٹ ختم ہوچکی ہے، کلب کرکٹ ہوگی تو ہی اچھے کرکٹرز سامنے آسکیں گے۔

مزید پڑھیں: سرفراز کو ہٹا کر کپتانی حارث سہیل کو دی جائے، شعیب اختر کی تجویز

سابق کھلاڑی کا کہنا تھا کہ سرفراز احمد کے علاوہ ابھی کوئی کپتان دکھائی نہیں دیتا ہے اور تینوں فارمیٹ کا کپتان بھی ایک ہی ہونا چاہئے۔

واضح رہے کہ گزشتہ روز راولپنڈی ایکسپریس شعیب اختر نے ٹیسٹ، ٹی ٹوینٹی اور ون ڈے کی کپتانی سرفراز سے واپس لینے کی تجویز دی تھی اور حارث سہیل کو کپتان بنانے کا مطالبہ کیا تھا۔

اس کے برعکس سابق لیگ اسپنر عبدالقادرنے پی سی بی سے سرفراز احمد کو پاکستان کرکٹ ٹیم کے تینوں فارمیٹس کی قیادت برقرار رکھنے اور بابر اعظم کو نائب کپتان بنانے کا مطٓالبہ کیا ہے۔

دبئی: قومی کرکٹ ٹیم کے ہیڈ کوچ مکی آرتھر نے کہا ہے کہ دورہ جنوبی افریقا میں ناکامی کی ذمہ دار پوری ٹیم ہے، کسی ایک شعبے پر ملبہ ڈال کر ٹیم میں تفرق پیدا نہیں کرنا چاہتا ہوں۔

تفصیلات کے مطابق قومی کرکٹ ٹیم کے ہیڈ کوچ مکی آرتھر نے میڈیا سے گفتگو کرتے ہوئے کہا کہ دورہ جنوبی افریقا میں ناکامی کی ذمہ دار پوری ٹیم ہے، ورلڈ کپ کے لیے حکمت عملی بنا رہے ہیں، آسٹریلیا کے خلاف سیریز میں نئے کھلاڑیوں کو آزمائیں گے۔

مکی آرتھر نے کہا کہ سرفراز احمد سے غلطی ہوئی جس کی وہ معافی مانگ چکے ہیں، کپتانی سے متعلق اب کوئی شک نہیں ہونا چاہئے، سرفراز کی بیٹنگ فارم پر کوئی تشویش نہیں ہے۔

ایک سوال کے جواب میں ہیڈ کوچ نے کہا کہ محمد عامر میں مہارت ہے اور وہ بڑے میچ کے بولر ہیں، پریشر میں بولنگ کرنا پسند کرتے ہیں، ٹیم نے سنچورین ٹی ٹوینٹی میچ میں عمدہ کارکردگی کا مظاہرہ کیا۔

پی ایس ایل فور، کراچی کنگز سے بہت زیادہ امیدیں ہیں، مکی آرتھر

کراچی کنگز کے ہیڈ کوچ مکی آرتھر پی ایس ایل سیزن فور کے لیے انتہائی پرجوش ہیں، مکی آرتھر نے کہا کہ اس بار اپنی ٹیم سے بہت زیادہ امیدیں ہیں، کراچی کنگز کے مالک سلمان اقبال کے لیے ایونٹ ضرور جیتیں گے۔

انہوں نے کہا کہ کراچی کنگز کے پاس ملکی اور غیرملکی کھلاڑیوں کا اچھا کمبی نیشن ہے، عماد وسیم کی کپتانی میں کراچی کنگز ٹائٹل جیتنے کے لیے پرعزم ہے۔

واضح رہے کہ پی ایس ایل سیزن فور کا آغاز 14 فروری سے ہورہا ہے، کراچی کنگز ایونٹ میں اپنا پہلا میچ 15 فروری کو ملتان سلطان کے خلاف کھیلے گی۔