Tag: مکی آرتھر

ورلڈکپ میں پاکستان ٹیم کے ڈائریکٹر کی ذمہ داریاں نبھانے والے مکی آرتھر نے نوشتہ دیوار پڑھتے ہوئے روانگی کا فیصلہ کرلیا۔

ذرائع کا کہنا ہے کہ دیگر غیرملکی کوچنگ اسٹاف کے بعد سابق ٹیم ڈائریکٹر مکی آرتھر بھی پاکستان کرکٹ بورڈ سے اپنا بوریا بستر لپیٹ کر جانے کے لیے تیار ہیں۔ مکی اور بورڈ کے مابین معاملات خوش اسلوبی سے طے پاگئے ہیں۔

امکان ہے کہ ڈربی شائر کے ہیڈ کوچ کی ذمہ داریاں نبھانے والے مکی جلد باقاعدہ اعلان کرتے ہوئے پی سی بی سے راہیں جدا کرلیں گے۔

اس سے قبل ہیڈکوچ بریڈ برن نے بھی بورڈ سے معاملات طے پانے کے بعد اپنا معاہدہ ختم کرلیا تھا اور پی سی بی کا شکریہ بھی ادا کیا تھا۔

بیٹنگ کوچ اینڈریو پٹیک افغانستان کرکٹ بورڈ سے معاہدہ کرچکے ہیں اور پی سی بی کا حصہ نہیں ہیں جبکہ بولنگ کوچ مورنی مورکل پہلے ہی مستعفی ہوچکے۔

واضح رہے کہ پاکستان کرکٹ بورڈ نے غیرملکی کوچز کو عہدوں سے فارغ کرنے کے بعد اکیڈمی میں رپورٹ کرنے کی ہدایت کی تھی۔

بھارت میں منعقدہ آئی سی سی ورلڈکپ میں قومی ٹیم کی کارکردگی نہایت مایوس کن رہی تھی جس کے بعد پی سی بی منیجمنٹ کمیٹی نے بڑے پیمانے پر اکھاڑ پچھاڑ کی تھی۔

ورلڈکپ میں پاکستان کرکٹ ٹیم کی کارکردگی کافی مایوس کن رہی، ایونٹ سے اخراج کے بعد قومی ٹیم وطن واپس پہنچ چکی ہے، اب پی سی بی کو مکی آرتھر کی وطن آمد کا انتظار ہے۔

آئی سی سی ورلڈ کپ 2023 میں قومی ٹیم کی کارکردگی کا پوسٹ مارٹم کرنے کے لیے پاکستان کرکٹ بورڈ ٹیم ڈائریکٹر کا منتظر ہے۔ ذرائع کا کہنا ہے کہ مکی 15 اور 16 نومبر کی درمیانی شب دبئی کے راستے لاہور آئیں گے۔

قومی ٹیم کے ڈائریکٹر مکی آرتھر پاکستان پہنچنے کے بعد مینجمنٹ کے اراکین سے بالمشافہ ملاقاتیں کریں گے، پاکستان کرکٹ بورڈ کو انتظارہے کہ ٹیم ڈائریکٹر، ہیڈ کوچ، منیجر اور کپتان کیا رپورٹ پیش کرتے ہیں۔

اطلاعات ہیں کہ چیئرمین پی سی بی مینجمنٹ کمیٹی ذکا اشرف اگلے ایک دو روز میں کرکٹرز کے ساتھ مشاورتی عمل کا بھی آغاز بھی کریں گے۔

مصروفیت کے باعث ذکا کے شہر سے باہر ہونے کی اطلاعات ہیں جس کے باعث وہ پیر کو پی سی بی ہیڈ کوارٹرز بھی نہیں آئے۔ ذرائع کے مطابق ملاقاتوں اور مشاورتی عمل کے بعد تبدیلیوں کے حوالے سے پی سی بی کا لائحہ عمل سامنے آئے گا۔

آئی سی سی ورلڈ کپ میں ٹاپ 4 تک رسائی حاصل کرنے کی جنگ بھارت کے گراؤنڈز میں جاری ہے تاہم آج پاکستان آج کا اپنا اہم نیوزی لینڈ کے خلاف کھیل رہی ہے۔

آئی سی سی ورلڈکپ کے 35  ویں میچ میں کپتان بابراعظم نے ٹاس جیت کر نیوزی لینڈ کو بیٹنگ کی دعوت دی تو کیوی بیٹر پاکستانی بولرز پر قہر بن کر ٹوٹ پڑے۔

اے آر وائی نیوز کے ورلڈ کپ اسپیشل پروگرام ’ہر لمحہ پرجوش‘ میں گفتگو کرتے ہوئے اسپورٹس جرنلسٹ نے پروگرام میں سوال اٹھا دیے۔

انہوں نے کہا کہ میچ سے پہلے کہا کیا ہمارے کھلاڑیوں نے وکٹ جاکر دیکھی تھی، یا ایسا تو نہیں کہ انہوں نے سارے فیصلے مکی آرتھر پر چھوڑ دیے ہیں۔

اسپورٹس جرنلسٹ نے کہا کہ خود بھی کھلاڑی کو کچھ کرنا ہوتا ہے، ہمارے کھلاڑی کو بھی وکٹ دیکھنی چاہیے کہ وکٹ کیسی ہے اور کیا فیصلہ لینا ہے۔

یاد رہے کہ نیوزی لینڈ نے ورلڈکپ کے اہم میچ میں پاکستان کو جیت کےلیے 402 رنز کا ہدف دیا جس میں 46 چوکے اور 8 چھکے شامل تھے۔

نیوزی لینڈ نے ورلڈکپ کے ایک میچ میں سب سے زیادہ چوکوں کا ریکارڈ بھی بنایا اس سے قبل جنوبی افریقا نے سری لنکا کےخلاف اس ہی ایونٹ میں 45 چوکے لگائے تھے۔

پاکستان کرکٹ ٹیم کے ڈائریکٹر مکی آرتھر نے کہا ہے کہ ٹاپ 4 میں کسی ایک کا سنچری بنانا بہت ضروری ہے۔

ڈائریکٹر قومی ٹیم مکی آرتھر نے میچ سے قبل گفتگو کرتے ہوئے کہا کہ ٹاپ 4 میں کسی ایک کا سنچری بنانا ٹیم کے لیے بہت ضروری ہے، آسٹریلیا کے خلاف میچ سے بہت کچھ سیکھا ہے۔

پاکستان کرکٹ ٹیم کے ڈائریکٹر مکی آرتھر کا مزید کہنا تھا کہ شاہین آفریدی کا فارم میں آنا ٹیم کے لیے اچھی علامت ہے۔

دوسری جانب آسٹریلیا کےخلاف پانچ وکٹیں لینےوالےشاہین شاہ آفریدی افغانستان کے خلاف کامیابی کے لیے پُرعزم  ہیں، انہوں نے کہا کہ بھارتی پچز پر انگلینڈ اور آسٹریلیا جیسا سوئنگ اور باؤنس نہیں مل رہا  لیکن ایک دواچھے کیچ اور رن آؤٹ میچ کا پانسہ پلٹ سکتے ہیں۔

اوپنر امام الحق کا کہنا ہے پچھلے دو میچوں میں شکست کا تجزیہ کرلیا، آج مداحوں کو بہتر ٹیم نظر آئے گی، آج کا میچ جیت کرٹیم کودوبارہ ٹریک پر لائیں گے۔

رواں ماہ سے شیڈول آئی سی سی کرکٹ ورلڈ کپ کے لیے بالآخر مکی آرتھر نے بھارت میں موجود پاکستان ٹیم کو اپنا دیدار کروادیا۔

پاکستانی ٹیم کے عالمی کپ کے کے کوچ کرجانے کے باجوود ٹیم ڈائریکٹر مکی آرتھرانگلینڈ میں موجود تھے جہاں وہ کاؤنٹی کرکٹ میں ٹیم کے لیے خدمات انجام دے رہے تھے۔ اپنی مصروفیات کے اختتام پر وہ بھارت میں قومی اسکواڈ کو جوائن کرنے پہنچے ہیں۔

اس سے قبل ایشیا کپ میں بھی وہ صرف چند میچز کے لیے ہی قومی ٹیم کو دستیاب تھے۔ ذرائع کے مطابق اب مکمل طور پر پاکستان ٹیم کے ساتھ موجود رہیں گے۔

پاکستانی پلیئرز کا آج ٹریننگ سیشن شیڈول ہے جس میں وہ 3 اکتوبر کو آسٹریلیا کے خلاف ہونے والے دوسرے وارم اپ میچ کی تیاریاں کرے گی۔ پہلے وارم اپ میچ میں قومی ٹیم کو کیویز کے ہاتھوں شکست کا سامنا کرنا پڑا تھا۔

آئی سی سی ورلڈکپ کے آغاز میں محض چار دن باقی ہیں جو کہ باقاعدہ طور پر 5 اکتوبر سے شروع ہوگا، پاکستان اپنا پہلا میچ نیدرلینڈز کےخلاف کھیلے گا۔

قومی کرکٹ ٹیم کے ڈائریکٹر مکی آرتھر نے سری لنکا میں پاکستان اسکواڈ کو جوائن کرلیا۔

تفصیلات کے مطا بق ڈائریکٹر مکی آرتھر 24 اور 26 اگست کو افغانستان کے خلاف بقیہ دو ون ڈے میچز اور 2 ستمبر کو کینڈی میں ہونے والے ایشیا کپ میں بھارت کے خلاف اہم مقابلے کے لیے قومی ٹیم کے ساتھ رہیں گے۔

واضح رہے کہ مکی آرتھر کی تقرری پاکستان کرکٹ بورڈ (پی سی بی) نے اس سال کے شروع میں اپریل میں کی تھی۔

مکی آرتھر بھارت میں ہونے والے آئی سی سی مینز کرکٹ ورلڈ کپ 2023،  آسٹریلیا کے دورے اور ویسٹ انڈیز کے خلاف ہوم سیریز کے لیے  قومی ٹیم کے کوچنگ اسٹاف کا بھی حصہ ہوں گے۔

مکی آرتھر کی عدم موجودگی میں ٹیم کا ہیڈ کوچ کون ہوا کرے گا؟ فیصلہ ہوگیا

مکی آرتھر نے اپنی تقرری کے بعد کہا تھا کہ ‘میں پاکستان کرکٹ ٹیم میں دوبارہ شامل ہونے پر پرجوش ہوں، ٹیم کے ساتھ کام کرنے کا منتظر ہوں۔