Tag: مہمند ڈیم

ن لیگ اور پی پی آج جتنا پیار کرتے ہیں اتنا ہم اپنے بچوں سے نہیں کرتے: فیصل واوڈا

لاہور: وفاقی وزیر برائے آبی وسائل فیصل واوڈا نے کہا ہے کہ ن لیگ اور پیپلز پارٹی کا آج کا پیار دیکھا، اتنا ہم اپنے بچوں کو بھی نہیں کرتے۔

وہ اے آر وائی نیوز کے پروگرام آف دی ریکارڈ میں گفتگو کر رہے تھے، انھوں نے کہا ’آج ن لیگ، پی پی والے ایک دوسرے کو بھائی بھائی کہہ کر بلا رہے ہیں۔‘

[bs-quote quote=”مہمند ڈیم افتتاحی تقریب کی تاریخ پر چیف جسٹس مجھ پر ناراض ہوئے، چیف جسٹس سے حکومت کی طرف سے بھی معافی مانگی۔” style=”style-7″ align=”left” color=”#dd3333″ author_name=”فیصل واوڈا”][/bs-quote]

فیصل واوڈا کا کہنا تھا کہ سپریم کورٹ نے نیب کو جے آئی ٹی رپورٹ پر 2 ماہ میں تحقیقات مکمل کرنے کا کہا ہے، وزیرِ اعلیٰ مراد علی شاہ کو جے آئی ٹی پر نیب نے بلایا تو انھیں پیش ہونا ہوگا۔

وفاقی وزیر نے کہا ’جے آئی ٹی کو ہٹا دیا جائے تو یہ لوگ پھر نیا چیئرمین سینیٹ بنا دیں گے۔ روٹی، کپڑا، مکان، سبسڈی، شوگر مل سب کچھ اومنی کو دیا گیا، صوبے کی سیاست ہو رہی ہے، یہ ان کی جمہوریت ہے، اب بھی انفرادی این آر او کی تڑپ اور خواہشات اٹھ رہی ہے۔‘

فیصل واوڈا نے کہا ’مہمند ڈیم افتتاحی تقریب کی تاریخ پر چیف جسٹس مجھ پر ناراض ہوئے، چیف جسٹس سے حکومت کی طرف سے بھی معافی مانگی، چیف جسٹس نے کہا کہ میں مہمند ڈیم کی افتتاحی تقریب میں نہیں آؤں گا۔‘

یہ بھی پڑھیں: چیف جسٹس کا شکوہ : وزیراعظم کی مہمند ڈیم کی افتتاحی تقریب کی تاریخ تبدیل کرنے کی ہدایت

انھوں نے مزید کہا ’وزیرِ اعظم نے کہا ہے جب تک چیف جسٹس نہیں آتے تو افتتاحی تقریب کی تاریخ ملتوی کر دیں۔‘

مہمند ڈیم کے ٹھیکے کے حوالے سے ان کا کہنا تھا کہ رزاق داؤد بہ طور ڈائریکٹر کمپنی سے مستعفی ہو چکے ہیں، رزاق داؤد کے کمپنی میں شیئر ہیں یا نہیں اس کا مجھے نہیں پتا، ملک میں ڈیم بن گیا تو اپوزیشن کی سیاست ختم ہو جائے گی، ملک میں کہرام ہوگا تو اپوزیشن کی سیاست چلتی رہے گی۔

جنوری 8, 2019
چیف جسٹس کا شکوہ : وزیراعظم کی مہمند ڈیم کی افتتاحی تقریب کی تاریخ تبدیل کرنے کی ہدایت

اسلام آباد : وزیر اعظم عمران خان نے چیف جسٹس ثاقب نثار کے شکوے کے سبب مہمند ڈیم کی افتتاحی تقریب کی تاریخ تبدیل کرنے کی ہدایت کردی۔

تفصیلات کے مطابق اسلام آباد میں وزیراعظم عمران خان سے وفاقی وزیر برائے آبی وسائل فیصل واوڈا نے ملاقات کی اور انہیں مہمند ڈیم کا سنگ بنیاد رکھنے کی تقریب کی تاریخ کی تبدیلی پر چیف جسٹس کے اظہار برہمی سے آگاہ کیا۔

فیصل واوڈا نے بتایا کہ چیف جسٹس ثاقب نثار ڈیم کی افتتاحی تقریب میں شرکت کے لئے آمادہ نہیں ہیں جبکہ میں چیف جسٹس سے تاریخ کی تبدیلی پر معذرت بھی کر چکا ہوں۔

وزیراعظم نے تمام صورتحال کو مدنظر رکھتے ہوئے فیصل واوڈا کو ہدایت دی کہ ڈیم کی افتتاحی تقریب ملتوی کی جائے اور چیف جسٹس کے راضی ہونے تک افتتاحی تقریب کے انعقاد کا فیصلہ کیا جائے۔

مزید پڑھیں: چیف جسٹس کا مہمند ڈیم کے سنگ بنیاد کی تاریخ بدلنے پر حکومت سے شکوہ

یاد رہے کہ مہمند ڈیم کی افتتاحی تقریب پہلے دو جنوری کو ہونا تھی جسے تبدیل کرکے13جنوری کو کردیا گیا، آج کیس کی سماعت کے موقع پر چیف جسٹس نے تاریخ کی تبدیلی پر برہمی کا اظہار کرتے ہوئے تقریب میں شرکت سے انکار کردیا۔

چیف جسٹس ثاقب نثار نے مہمند ڈیم کےسنگ بنیاد کی تاریخ بدلنے پر حکومت سے شکوہ کرتے ہوئے کہا کہ مجھ سےاجازت لیے بغیر سنگ بنیاد کی تاریخ بدل دی گئی، شاید میں سنگ بنیاد تقریب میں نہ جاؤں آپ وزیراعظم کو لے جائیں۔

جنوری 7, 2019
مہمند ڈیم کی تعمیر: نجی کمپنی کو ٹھیکہ دینے کے خلاف اسمبلی میں قرار داد پیش

لاہور : اپوزیشن جماعتوں نے پنجاب اسمبلی میں مہمند ڈیم کی تعمیر کا ٹھیکہ رزاق داؤد کی کمپنی کو دینے کے خلاف قرار داد پیش کردی۔

تفصیلات کے مطابق پنجاب اسمبلی میں مہمند ڈیم کی تعمیر کےلیے دئیے گئے ٹھیکے کے خلاف مسلم لیگ نواز کی رکن صوبائی اسمبلی حنا پرویز بٹ کی جانب سے جمع کرائی گئی ہے۔

قرار داد کے متن میں الزام عائد کیا گیا ہے کہ مہمند ڈیم کا ٹھیکہ رزاق داؤد کی کمپنی کو دے کرمیرٹ کی دھجیاں اڑائی گئیں، حکومتی مشیر کو ڈیم کی تعمیر کے لئے 309 ارب کا ٹھیکہ ملنا تشویشناک ہے۔

قرار داد میں حنا پرویز بٹ الزام عائد کرتے ہوئے کہا کہ مخصوص کمپنی کو ٹھیکے سے نوازنے کے لئے دوسری کمپنیوں کی پیشکش کو مسترد کیا۔

قرار داد کے متن میں کہا گیا ہے کہ دوسری کمپنیوں کی ڈس کوالیفکیشن کے بعد دوبارہ بولی ضروری نہیں تھی؟ صرف ایک بولی کے بعد ہی مخصوص کمپنی کو ٹھیکہ دینا کھلی خلاف ورزی ہے۔

خیال رہے کہ اپوزیشن جماعتوں نے مہمنڈ ڈیم کی تعمیر کے لیے دو کمپنیوں کو ٹھیکا دینے کے کنٹریکٹ کی تحقیقات کا مطالبہ کیا تھا، اپوزیشن کا دعویٰ ہے کہ کنٹریکٹ شفاف طریقے سے نہیں دیا گیا ہے۔

مزید پڑھیں : اپوزیشن جماعتوں کی مہمند ڈیم کے کنٹریکٹ پرتنقید، فیصل واوڈا کا جواب

یاد رہے کہ گذشتہ روز وفاقی وزیر برائے آبی وسائل فیصل واوڈا نے مسلم لیگ نواز اور پاکستان پیپلز پارٹی کی جانب سے مہمند ڈیم کے کنٹریکٹ کی منسوخی کا مطالبہ مسترد کر دیا تھا۔

وفاقی وزیر آبی وسائل فیصل واوڈا کا کہنا تھا کہ کنٹریکٹ منسوخی کا مطالبہ کرنے والے عناصر سازش کر رہے ہیں۔

وفاقی وزیر آبی وسائل کا کہنا تھا کہ پاکستان پیپلز پارٹی اور مسلم لیگ ن کی جانب سے ڈیموں کے خلاف سازش ہو رہی ہے، ایسے عناصر ڈیموں کو متنازع بنا کر ملکی ترقی کو روکنا چاہتے ہیں۔

جنوری 4, 2019
اپوزیشن جماعتوں کی مہمند ڈیم کے کنٹریکٹ پرتنقید، فیصل واوڈا کا جواب

اسلام آباد: اپوزیشن جماعتوں پیپلز پارٹی اور ن لیگ کی مہمند ڈیم کے کنٹریکٹ پر تنقید اور کنٹریکٹ کی منسوخی کے مطالبے پر وفاقی وزیر فیصل واوڈا نے کرارا جواب دے دیا۔

تفصیلات کے مطابق وفاقی وزیر برائے آبی وسائل فیصل واوڈا نے مسلم لیگ ن اور پاکستان پیپلز پارٹی کی جانب سے مہمند ڈیم کے کنٹریکٹ کی منسوخی کا مطالبہ مسترد کر دیا ہے۔

[bs-quote quote=”پاکستان پیپلز پارٹی اور مسلم لیگ ن کی جانب سے ڈیموں کے خلاف سازش ہو رہی ہے۔” style=”style-7″ align=”left” color=”#dd3333″ author_name=”فیصل واوڈا” author_job=”وفاقی وزیر”][/bs-quote]

وفاقی وزیر آبی وسائل فیصل واوڈا کہتے ہیں کنٹریکٹ منسوخی کا مطالبہ کرنے والے عناصر سازش کر رہے ہیں۔

پاکستان پیپلز پارٹی اور مسلم لیگ ن کی جانب سے ڈیموں کے خلاف سازش ہو رہی ہے، ایسے عناصر ڈیموں کو متنازع بنا کر ملکی ترقی کو روکنا چاہتے ہیں۔

فیصل واوڈا نے کہا کہ ڈیم ملک کے لیے زندگی ہے، میں اس سے قطعی طور پر پیچھے نہیں ہٹوں گا، اور ہر سازش ناکام بنا دوں گا۔

ان کا کہنا تھا کہ ڈیم کا کنٹریکٹ میرٹ پرہوا، اپوزیشن ڈیم کے کنٹریکٹ کی تحقیقات کرانا چاہے تو سو بسم اللہ، ہم وہ نہیں جو کمیشن کے لیے کام کرتے ہیں یا کک بیک لیتے ہیں۔

یہ بھی پڑھیں: مہمند ڈیم پر اسی ماہ کام شروع ہوگا: واپڈا

خیال رہے کہ اپوزیشن جماعتوں نے مہمنڈ ڈیم کی تعمیر کے لیے دو کمپنیوں کو ٹھیکا دینے کے کنٹریکٹ کی تحقیقات کا مطالبہ کیا ہے، اپوزیشن کا دعویٰ ہے کہ کنٹریکٹ شفاف طریقے سے نہیں دیا گیا ہے۔

دریں اثنا، فیصل واوڈا نے گزشتہ روز پبلک اکاؤنٹس کمیٹی میں طلبی پر شدید ردِ عمل ظاہر کرتے ہوئے کہا تھا کہ وہ کسی کو جواب دہ نہیں ہیں، دشمن قوتیں چاہتی ہیں کہ مہمند ڈیم نہ بنایا جائے، نیسپاک نے منصوبے کا جائزہ لیا ہے، کنٹریکٹ میرٹ پر دیا گیا۔

جنوری 3, 2019
مہمند ڈیم پر اسی ماہ کام شروع ہوگا: واپڈا

لاہور: واٹر اینڈ پاور ڈویلپمنٹ اتھارٹی (واپڈا) کا کہنا ہے کہ مہمند ڈیم پر اسی ماہ جنوری میں کام شروع ہوجائے گا، ڈیم پر کام جنوری کے دوسرے ہفتے سے شروع ہوگا۔

تفصیلات کے مطابق واپڈا کا کہنا ہے کہ جنوری کے دوسرے ہفتے سے شروع کیے جانے والے مہمند ڈیم کی کامیابی کے لیے عالمی اداروں کا تعاون حاصل ہے۔

واپڈا کے مطابق کنٹریکٹ ایوارڈ سے پہلے جوائنٹ وینچر کے ساتھ تکنیکی مذاکرات جاری ہیں، کام کے آغاز کا مقصد مئی تک پانی کے کم بہاؤ سے فائدہ اٹھانا ہے۔

خیال رہے کہ مہمند ڈیم کی تعمیر 49 سال پہلے منظور کی گئی تھی لیکن اس پر کام شروع نہ ہو سکا، منصوبے سے 800 میگا واٹ بجلی پیدا ہوگی اور 12 لاکھ ایکڑ پانی ذخیرہ کرنے کی صلاحیت ہوگی۔

واپڈا کے ترجمان کے مطابق واپڈا نے 2018 میں پانی اور پن بجلی میں اہم کام یابیاں حاصل کی ہیں جس کے باعث مہمند ڈیم کی تعمیر ممکن ہوسکے گی۔

واپڈا کا یہ بھی کہنا ہے کہ دیامیر بھاشا ڈیم پر تعمیراتی کام کا آغاز بھی 2019 کے وسط میں متوقع ہے۔

دوسری جانب چیئرمین واپڈا کا کہنا ہے کہ مہمند ڈیم کا ڈیزائن2017 میں مکمل ہوا، کام جلد شروع ہوگا۔ نیلم جہلم منصوبہ کامیابی سے مکمل ہوا، چاروں یونٹ کام کر رہے ہیں۔

انہوں نے کہا کہ جوائنٹ وینچر مکمل کرنے سے قبل شراکت داروں سے مذاکرات جاری ہیں۔ جنوری کے دوسرے ہفتے میں مہمند ڈیم پر کام شروع ہوگا۔ ماضی میں مختلف وجوہات کی بنا پر منصوبہ تاخیر کا شکار رہا۔ 5 دہائیوں کے بعد پاکستان میں اہم منصوبہ شروع کیا جا رہا ہے۔

جنوری 2, 2019
بہت جلد مہمند ڈیم منصوبے کا سنگ بنیاد رکھیں گے: وزیراعظم کا اعلان

اسلام آباد: وزیر اعظم عمران خان نے کہا ہے کہ دیا میر بھاشا ڈیم فنڈ میں اوورسیز پاکستانیوں کا جذبہ قابل تحسین ہے.

ان خیالات کا اظہار انھوں نے دبئی سےتعلق رکھنے والے اوور سیز تاجروں کے وفد سے ملاقات کے موقع پر کہے، تاجروں کے وفد نے دبئی میں 9 لاکھ 18510 ڈالر ڈیم فنڈ کے لئے عطیہ کیے تھے.

[bs-quote quote=” دیا میر بھاشا ڈیم فنڈ میں اوورسیز پاکستانیوں کا جذبہ قابل تحسین ہے” style=”style-7″ align=”left” author_name=”وزیر اعظم”][/bs-quote]

اس موقع پر وزیر اعظم نے کہا ہے کہ ڈیم فنڈ میں اوورسیز پاکستانیوں کا جذبہ قابل تحسین ہے، ملک میں پانی کے ذخائر کی حفاظت وقت کی اہم ضرورت ہے.

وزیراعظم عمران خان نے امید ظاہر کی کہ دیا میر بھاشا، مہمند ڈیم منصوبے وقت سے پہلےشروع ہوں گے، بہت جلد مہمند ڈیم منصوبے کا سنگ بنیاد رکھیں گے.

وزیراعظم کو سینیٹرفیصل جاوید نے ڈیم فنڈ ریزنگ سے متعلق تفصیلی بریفنگ دی.

مزید پڑھیں: وزیر اعظم سے وزیر اطلاعات فواد چوہدری کی ملاقات

بریفنگ کے مطابق دبئی، برسلز، آسٹریا، فرانس، ڈنمارک، ناروے، گریس، سیٹل، نیو جرسی، شکاگو میں ڈیم فنڈ ریزنگ کا انعقاد کیا گیا.

وزیر اعظم کو بتایا گیا کہ واشنگٹن ڈی سی اور ایریزونا میں بھی فنڈ ریزنگ کا انعقاد کیا گیا، بہت جلد دیگر ممالک میں فنڈ ریزنگ ایونٹس کا اہتمام کیا جائے گا.

سینیٹر فیصل جاوید نے کہا کہ اووسیز پاکستانیوں کی طرف سےمزیدعطیات ڈیم فنڈ میں جمع کرائے جائیں گے۔

دسمبر 31, 2018
مہمند ڈیم کی تعمیر آئندہ ماہ شروع ہو جائے گی: واپڈا

لاہور: واپڈا نے کہا ہے کہ رواں سال کے اہداف کے حصول کے باعث مہمند ڈیم کی تعمیر آئندہ ماہ شروع ہو جائے گی۔

تفصیلات کے مطابق واٹر اینڈ پاور ڈیویلپمنٹ اتھارٹی کے ترجمان نے کہا ہے کہ واپڈا نے 2018 میں پانی اور پن بجلی میں اہم کام یابیاں حاصل کیں جس کے باعث مہمند ڈیم کی تعمیر آئندہ ماہ شروع ہو جائے گی۔

[bs-quote quote=”تین منصوبوں کی تکمیل سے پن بجلی کی پیداواری صلاحیت میں 2 ہزار 487 میگا واٹ اضافہ ہوا۔” style=”style-7″ align=”left” color=”#dd3333″][/bs-quote]

ترجمان نے میڈیا کو بتایا کہ دیامیر بھاشا ڈیم پر تعمیراتی کام کا آغاز 2019 کے وسط میں متوقع ہے۔

واپڈا کے ترجمان نے مزید بتایا کہ 2018 میں عرصے سے تاخیر کے شکار 3 پن بجلی منصوبوں کو مکمل کر دیا گیا ہے جن میں گولن گول، تربیلا 4 اور نیلم جہلم منصوبے شامل ہیں۔

منصوبوں کی تکمیل سے پن بجلی کی پیداواری صلاحیت میں 2 ہزار 487 میگا واٹ اضافہ ہوا، پن بجلی کی پیداوار 6 ہزار 902 سے بڑھ کر 9 ہزار 389 میگا واٹ ہو گئی ہے۔

یہ بھی پڑھیں: عالمی ماہرین نے دیامیر بھاشا ڈیم سائٹ کلیئر قرار دے دی

واپڈا کے مطابق پن بجلی کی پیداواری صلاحیت میں 36 فی صد اضافہ ہوا۔ دوسری طرف ڈیمز کی تعمیر پر بھی 2018 میں اہم اہداف حاصل کیے گئے ہیں۔

خیال رہے کہ مہمند ڈیم 49 سال پہلے منظور ہوا تھا لیکن اس پر کام شروع نہ ہو سکا، منصوبے سے 800 میگا واٹ بجلی پیدا ہوگی اور 12 لاکھ ایکڑ پانی ذخیرہ کرنے کی صلاحیت ہوگی۔

دوسری طرف عالمی ماہرین نے دیامیر بھاشا ڈیم کی سائٹ تعمیر کے لیے کلیئر قرار دے دی ہے، چییئرمین واپڈا مزمل حسین کے مطابق ڈیم کی تعمیر کے لیے سالانہ تین کروڑ ڈالر درکار ہوں گے۔

دسمبر 30, 2018
ڈیم فنڈ: نارروے میں‌ مقیم پاکستانیوں‌ نے دو گھنٹے میں 8 کروڑ روپے عطیہ کردیے

اوسلو: نارروے میں مقیم پاکستانیوں نے دیامیربھاشا اور مہمند ڈیم کی تعمیر کے لیے دو گھنٹوں میں 8 کروڑ روپے عطیہ کردیے۔

تفصیلات کے مطابق نارروے کے دارالحکومت اوسلو میں موجود پاکستانی سفارت خانے میں تقریب کا انعقاد کیا گیا جس میں تحریک انصاف کے سینیٹر فیصل جاوید خان نے مہمانِ خصوصی کی حیثیت سے شرکت کی۔

فیصل جاوید خان نے ذاتی طور پر پروگرام کے انعقاد میں دلچپسی لی جس کے بعد یہ پورپ کی سب سے بڑی تقریب بن گئی جس میں بیرونِ ممالک میں رہنے والے پاکستانیوں نے شرکت کی۔

مزید پڑھیں: ڈیم فنڈ: سعودی عرب میں مقیم پاکستانیوں نے خطیر رقم عطیہ کردی

تحریک انصاف کے سینیٹر نے ملک میں ڈیموں کی تعمیر اور اہمیت کے حوالے سے روشنی ڈالی اور حاضرین سے اپیل کی کہ وہ بھی قومی فریضے میں حصہ ڈالتے ہوئے ڈیم فنڈ میں کچھ رقم عطیہ کریں۔

حاضرین نے فنڈ دینے کا سلسلہ شروع کیا تو دیکھتے ہی دیکھتے دو گھنٹے کے دوران 8 کروڑ روپے جمع ہوگئے۔

Hats off to Pakistanis living in Norway – Contributed Rs. 8 Crores in 2 hours at Pakistan Dams Fund Raiser in Oslo. One of the biggest events of overseas Pakistanis held in Europe. Well-done Embassy of Pakistan, PTI & Pakistani Community in Norway. #DamsFundRaiser #WaterForLife pic.twitter.com/DDScMVp0jz

— Faisal Javed Khan (@FaisalJavedKhan) November 2, 2018

فیصل جاوید خان نے سماجی رابطے کی ویب سائٹ پر ٹویٹ میں کہ کہ ’مجھے نارروے میں رہائش پذیر پاکستانیوں پر فخر ہے جنہوں نے 8 کروڑ روپے عطیہ کیے اور اس تقریب کو یورپ کی سب سے بڑی تقریب بنایا‘۔

ڈیم فنڈ میں اب تک جمع ہونے والی رقم

دوسری جانب سپریم کورٹ آف پاکستان کی ویب سائٹ پر 2 نومبر تک کے جاری ہونے والے اعداد و شمار کے مطابق پاکستانیوں نے فراخ دلی کا مظاہرہ کرتے ہوئے ڈیبٹ اور کریڈٹ کارڈ کے ذریعے ڈیم فنڈ میں اب تک سات ارب تینتس کروڑ چھبیس لاکھ التالیس ہزار 833 روپے عطیہ کیے۔

ڈیم فنڈ میں اب تک پاک فوج کی جانب سے سب سے زیادہ 58 کروڑ سے زائد کی رقم جمع کرائی گئی جبکہ اے آر وائی کے سی ای او سلمان اقبال نے بھی ایک لاکھ ڈالر کی خطیر رقم عطیہ کی۔

ڈیم فنڈ کھولنے کا حکم

یاد رہے کہ 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامیر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔

چیف جسٹس آف پاکستان کی ہدایت پر کھولے جانے والے ڈیم فنڈ میں ہر پاکستانی اپنی استطاعت کے مطابق حصہ لے رہا ہے جبکہ بہت سے صارفین موبائل میسج کے ذریعے 10 روپے کی رقم بھی عطیہ کررہے ہیں۔

یہ بھی پڑھیں: پیرس میں ڈیم فنڈ ریزنگ تقریب: اوورسیز پاکستانیوں نے دو لاکھ یورو چندہ دیا

فنانس ڈویژن نے ایک قدم مزید اور بڑھاتے ہوئے دیامربھاشا ڈیم فنڈز قائم کرنے کیلئے مختلف اداروں کو خط ارسال کیا تھا، جس میں آڈیٹر جنرل، کنٹرولرجنرل اکاؤنٹس، اکاؤنٹنٹ جنرل پاکستان اور دیگر اداروں کے حکام سے لوگوں کی رقوم اسٹیٹ بینک اورنیشنل بینک کی برانچزمیں جمع کرانے کا انتظامات کے حوالے سے اقدامات کرنے کا کہا گیا تھا۔

سیکیورٹی ایکسچینج آف پاکستان نے ڈیمز کی تعمیر کے حوالے سے 14 جولائی کو اہم فیصلہ کرتے ہوئے سرکلر جاری کیا تھا جس میں تمام رجسٹرڈ کمپنیوں کو کمرشل سماجی ذمہ داری کے تحت ڈیموں کی تعمیر میں عطیات دینے کی ہدایت کی گئی تھی۔

نومبر 4, 2018
ڈیم کی تعمیر کے لیے ایک ارب روپے جمع ہوگئے، رکاوٹ برداشت نہیں کریں گے: چیف جسٹس

اسلام آباد: چیف جسٹس آف پاکستان جسٹس ثاقب نثار نے کہا ہے کہ ڈیم کے کام میں رکاوٹ برداشت نہیں کی جائے گی، مہند اور دیامر بھاشا ڈیم کے لیے ایک ارب روپے جمع ہوگئے۔

تفصیلات کے مطابق چیف جسٹس میاں ثاقب نثار کی سربراہ میں ڈیمز عملدرآمد کمیٹی سے متعلق اجلاس ہوا، اس موقع پر چیف جسٹس کا کہنا تھا کہ واپڈا نادہندگان سے ریکوری شروع کرے، ڈیم کی تعمیر میں نگران جج بھی مقرر کیا جائے گا۔

اجلاس میں چیئرمین واپڈا نے بریفنگ دیتے ہوئے کہا کہ ایشین ڈیولپمنٹ بینک نے ڈیم کے لیے فنڈز دینے سے انکار کر دیا ہے، مہمند اور دیامر بھاشا ڈیم کا پہلا مرحلہ اسی سال شروع ہوجائے گا۔

ان کا مزید کہنا تھا کہ بھاشا ڈیم سے آٹھ سومیگا واٹ بجلی پیدا ہو گی، جبکہ تمام تر پہلوؤں کا جائزہ لے رہے ہیں، ڈیم کا پہلا مرحلہ اسی سال شروع ہوگا۔

ڈیموں کی تعمیر کے خلاف سازشیں‌ اور کرپشن کا خاتمہ، چیف جسٹس نے اعلانِ جہاد کردیا

گذشتہ روز ایک تقریب سے خطاب کرتے ہوئے ثاقب نثار نے کہا تھا کہ آپ سب کو مل کر ڈٰیموں کی تعمیر میں اپنا اپنا حصہ ڈالنا ہے اور پھر پہرہ بھی دینا ہے کہ اس کے خلاف کون سازشیں کررہا ہے، جو بھی سازش کرے ہمیں مل کر اُسے کچلنا ہے۔

انہوں نے یہ بھی کہا تھا کہ ملک میں چالیس سال سے ڈیم نہیں بنے ہم نے ڈیمز کی تعمیر کا حکم دیا تو گلگت بلتستان میں سازشیں شروع ہوگئیں، ہمیں تمام سازشوں کو مل کر کچلنا اور معاشرے سے کرپشن کے ناسور کو ختم کرنا ہوگا۔

اگست 8, 2018
ڈیموں کی تعمیر، بحریہ ٹاؤن کراچی کا 5 کروڑ روپے عطیے کا اعلان

کراچی: بحریہ ٹاؤن کراچی کے کنٹریکٹرز نے دیامر بھاشا اور مہمند ڈیم کے فنڈ میں پانچ کروڑ روپے عطیہ کرنے کا اعلان کردیا، سپریم کورٹ کے مطابق اب تک 96 کروڑ روپے عطیات کی مد میں وصول ہوئے۔

تفصیلات کے مطابق بحریہ ٹاؤن کراچی کے چیف ایگزیکٹو آفیسر احمد علی ریاض نے ڈیموں کے تعمیر کے لیے کھولے جانے فنڈ اکاؤنٹ میں فنڈ جمع کرانے کا اعلان کیا۔

ترجمان کے مطابق بحریہ ٹاؤن کے ملازمین اس سے قبل 4کروڑ26لاکھ روپے ڈیم فنڈمیں عطیہ کرچکے ہیں۔

دوسری جانب سپریم کورٹ آف پاکستان کی ویب سائٹ پر 6 جولائی سے 2 اگست تک ڈیموں کی تعمیر کے لیے جمع ہونے والے فنڈ کے اعداد و شمار جاری کیے گئے جن کے مطابق اب تک متخلف اداروں اور پاکستانی شہریوں کی جانب سے (چھپن کروڑ اناسی لاکھ پینتیس ہزار چار سو آٹھ روپے) عطیات جمع کروائے گئے ہیں۔

اس سے قبل 10 روز میں ساڑھے 3 کروڑ 42 لاکھ سے زائد عطیات جمع ہوئے تھے بعد ازاں21 جولائی تک تقریباً 27کروڑ 67 لاکھ 49 ہزار چار سو 12 روپے کے فنڈز مختلف بینکوں کے ذریعے وصول ہوئے تھے۔

مزید پڑھیں: ڈیموں کی تعمیر، پی این ایس سی کی جانب سے 2 کروڑ روپے عطیہ

یاد رہے کہ اسٹیٹ بینک آف پاکستان عطیات جمع کرانے والے شہریوں کے نام اور رقم تاریخ کے ساتھ اپنی ویب سائٹ پر باقاعدگی کے ساتھ شیئر کررہا ہے۔

ڈیمز اکاؤنٹ میں جمع کرائے گئے فنڈز کو بالحاظ ڈونر اور بینک ترتیب دیا گیا اور یہ قومی بینک کے ترجمان یہ شہریوں کو یہ بھی ہدایت کی گئی ہے کہ عطیہ کنندہ اپنی رقم اور تفصیل مذکورہ تاریخ پر جاکر دیکھ سکتا ہے۔

یہ بھی یاد رہے کہ 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔

فنانس ڈویژن نے دیامربھاشا ڈیم فنڈز قائم کرنے کے لیے مختلف اداروں کو خط ارسال کیا تھا جس میں آڈیٹر جنرل، کنٹرولرجنرل اکاؤنٹس، اکاؤنٹنٹ جنرل پاکستان اور دیگر اداروں کے حکام سے لوگوں کی رقوم اسٹیٹ بینک اورنیشنل بینک کی برانچزمیں جمع کرانے کے انتظامات اور اس ضمن میں اقدامات کرنے کی ہدایت کی گئی تھی۔

بعد ازاں چیف جسٹس میاں ثاقب نثار نے سب سے پہلے ڈیموں کی تعمیر کے لئے دس لاکھ روپے کا عطیہ جمع کرایا پھر میئر کراچی اور پیر پگارا نے ہر قسم کے تعاون کی پیشکش کی تھی اور وسیم اختر نے اپنی اور کے ایم سی افسران کی طرف سے ایک ایک لاکھ روپے فنڈ عطیہ کرنے کا اعلان کیا تھا۔

یہ بھی پڑھیں: ڈیموں کی تعمیر، فراخ دل پاکستانیوں نے اب تک کتنے کروڑ روپے فنڈ دیا؟‌

مسلح افواج نے ڈیموں کی تعمیر کے کار خیر میں بڑھ چڑھ کر حصہ لینے کا اعلان کرتے ہوئے کہا تھا کہ تینوں مسلح افواج کے افسران 2دن کی تنخواہ فنڈ میں جمع کرائی جبکہ گزشتہ ہفتے پاکستان نیشنل شپنگ کارپوریشن کے ملازمین نے بھی 2 کروڑ روپے عطیے کی رقم کا چیک چیف جسٹس کو دیا تھا۔

چیئرمین سینیٹ صادق سنجرانی نے 15 لاکھ جبکہ قومی کرکٹ ٹیم کے سابق کپتان اور اداکار حمزہ علی عباسی سمیت ملک میں بسنے والے دیگر لوگوں نے بھی ڈیمز کی تعمیر میں حصہ ڈالا، شاہد آفریدی نے اپنی اور فاؤنڈیشن کی جانب سے 15 لاکھ روپے دینے کا اعلان کیا بعدازاں پاکستانی نژاد برطانوی باکسر نے بھی 10 لاکھ روپے عطیہ کیے۔

سیکیورٹی ایکسچینج آف پاکستان نے ڈیمز کی تعمیر کے حوالے سے 14 جولائی کو اہم فیصلہ کرتے ہوئے سرکلر جاری کیا تھا جس میں تمام رجسٹرڈ کمپنیوں کو کمرشل سماجی ذمہ داری کے تحت ڈیموں کی تعمیر میں عطیات دینے کی ہدایت کی گئی تھی۔

سپریم کورٹ آف پاکستان کے حکم پر بنائے جانے والے دیامربھاشا اورمہمند کی تعمیر کے لیے فنڈقائم کیا جس میں اب اسٹیٹ بینک و دیگر نجی بینکوں ، سرکاری و پرائیوٹ اداروں کے ملازمین اور عوام کی جانب سے عطیات دینے کا سلسلہ زور و شور سے جاری ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اگست 2, 2018