Tag: مہندر سنگھ دھونی

بھارت کے سابق کپتان مہندر سنگھ دھونی نے سخت سیکیورٹی کے باوجود وہیل چیئر پر بیٹھے معذور شخص کی خواہش پوری کردی۔

ایم ایس دھونی بھارتی کرکٹ کے سب سے زیادہ مشہور اور کامیاب کھلاڑیوں میں سے ایک ہیں، وہ ریٹائر ہونے کے بعد 43 سال کی عمر میں بھی ملک کے سب سے زیادہ مقبول اور پہچانے جانے والے کرکٹر ہیں، انھیں آئی پی ایل 2025 میں ایک بار پھر چنئی سپر کنگز کی کپتانی دی گئی ہے۔

آئی پی ایل میں کپتانی ملنے کے بعد سے مہندر دھونی اس سیزن میں بھی کافی توجہ کا مرکز بنے ہوئے ہیں، ایئرپورٹ پر انھوں نے ایک معذور بزرگ پرستار کے ساتھ اپنے برتائو سے لوگوں کے دل جیت لیے۔

سوشل میڈیا پلیٹ فارم ایکس پر ایک فین پیج کی جانب سے ایک ویڈیو شیئر کی گئی ہے جس میں دھونی کو بھاری سیکیورٹی فورسز کے ساتھ ایئرپورٹ پر دیکھا جاسکتا ہے۔

تاہم دھونی نے سخت سیکیورٹ کے باوجود وہیل چیئر پر بیٹھے ایک مداح کی خواہش پوری کی جو بھارتی لیجنڈ کے ساتھ سیلفی لینا چاہتا تھا، دھونی اس کے پاس گئے اور موبائل سے تصویر کھینچی۔

سوشل میڈیا پر وائرل ہونے والی ویڈیو میں دیکھا جاسکتا ہے کہ دھونی کس طرح اس معذور مداح کے ساتھ خوشگوار طریقے سے پیش آئے اور اس کی خواہش پوری کی، جس نے مداحوں کے دل جیت لیے، شائقین ان کے رویے کی تعریف کرتے ہوئے نظر آرہے ہیں۔

https://urdu.arynews.tv/ipl-2025-ms-dhoni-oldest-captain/

بھارت کے سابق لیجنڈری کپتان مہندر سنگھ دھونی نے انکشاف کیا ہے کہ ان کے اور اسٹار بیٹر ویرات کوہلی کے درمیان ہمیشہ سے ایک لائن رہی ہے۔

اپنی بہترین قائدانہ صلاحیت کی بنا پر بلیو شرٹس کو تینوں آئی سی سی ایونٹس جتوانے والے دھونی نے کہا کہ ویرات کوہلی شروع سے ہی ایسا شخص تھا جو اپنا حصہ ڈالنا چاہتا تھا وہ 40 یا 60 رنزسے کبھی خوش نہیں ہوا وہ 100 رنز بنانا چاہتا تھا اور آخر تک ناٹ آؤٹ رہنا چاہتا تھا۔

انھوں نے کہا کہ اس میں وہ بھوک شروع سے ہی موجود تھی اس نے اپنی بلے بازی کو بہتر کیا اور کارکردگی دکھانے کی اس کی خواہش ابھی بھی موجود ہے، اس نے ہمیشہ اپنی فٹنس کی سطح کو بلند کیا۔

مہندر سنگھ دھونی نے کہا کہ ہمارے درمیان بہت ساری بات چیت ہوتی تو اور ہم کھل کر اپنا نقط نظر پیش کرتے تھے، شروع میں یہ ایک کپتان اور ایک نئے آنے والے پلیئر کے درمیان ہونے والی گفتگو کی طرح تھا۔

سابق بھارتی کپتان نے کہا کہ آپ میں زیادہ بات چی ہوت تو آپ پھر دوست بن جاتے ہیں لیکن میں اب بھی محسوس کرتا ہوں کہ میرے اور کوہلی کے درمیان سینئر اور ایک جونیئر لائن ہے، حالانکہ اب بھی ہماری دوستی ہے۔

سب سے بڑی بات یہ ہے کہ اب ہم دونوں کپتان بھی نہیں ہیں جس کا مطلب ہے کہ ہم ٹاس سے پہلے زیادہ وقت گزار سکتے ہیں اور بات چیت کرسکتے ہیں۔

خیال رہے کہ کوہلی کو جب کپتانی سے ہٹایا گیا تھا تو ان کاکہنا تھا کہ انھیں صرف ایک کرکٹ نے کپتانی سے ہٹائے جانے کے بعد پیغام بھیجا تھا اور وہ مہندر سنگھ دھونی تھے۔

بھارت کے لیجنڈ کپتان مہندر سنگھ دھونی آئی پی ایل سمیت تمام طرز کی کرکٹ سے کب ریٹائر ہورہے ہیں، انھوں نے اس سلسلے میں اظہار خیال کیا ہے۔

چنئی سپرکنگز کے سابق کپتان اور موجودہ وکٹ کیپر بیٹر مہندر سنگھ دھونی نے اپنی ریٹائرمنٹ کے حوالے سے سامنے آنے والی افوایوں پر اظہار خیال کیا ہے، دہلی کیپٹلز کے خلاف میچ کے بعد سے سوشل میڈیا پر دھونی کی تمام طرز کی کرکٹ سے ریٹائرمنٹ کو لے کر افوائیں گرم تھیں۔

حال ہی میں دھونی نے بھارت کے معروف یوٹیوبر کے پوڈ کاسٹ میں شرکت کی، اس دوران یوٹیوبر نے ان کی فرنچائز کرکٹ سے ریٹائرمنٹ کے حوالے سے بھی سوال کیا، اس کے جواب میں مہندر سنگھ دھونے کہا کہ "نہیں، ابھی نہیں، میں اب بھی آئی پی ایل کھیل رہا ہوں۔

https://youtu.be/owTLxFD2-_g?si=HxZUvLNdpulaiI_F

دھونی نے مزید کہا کہ میں نے اسے بہت آسان رکھا ہے، میں ایک وقت میں ایک سال کےلیے سوچتا ہوں، میں 43 سال کا ہوں، جب تک آئی پی ایل 2025 ختم ہوگا میں 44 سال کا ہو جاؤں گا، اس کے بعد میرے پاس یہ فیصلہ کرنے کے لیے 10 ماہ ہیں کہ میں کھیلوں یا نہیں۔

5 اپریل کو دہلی کے خلاف میچ میں دھونی کافی جدوجہد کا شکار نظر آئے تھے، اس میچ میں ان کی بیوی ساکشی اور والدین بھی موجود تھے جس کی وجہ سے افواہوں نے زور پکڑا تھا کہ یہ آئی پی ایل میں ان کا آخری میچ ہوسکتا ہے۔

یہ بات بھی قابل ذکر ہے کہ دھونی نے یہ انٹرویو چنائی سپر کنگز اور دہلی کیپٹل کے درمیان ہونے والے میچ سے قبل دیا تھا جبکہ اس پوڈ کاسٹ کو میچ کے فوری بعد ریلیز کیا گیا۔

بھارت کے سابق کپتان اور مایہ ناز وکٹ کیپرمہندر سنگھ دھونی سمجھتے ہیں کہ اگر آپ اچھی کرکٹ کھیلتے ہیں تو آپ کو پی آر کی کوئی ضروت نہیں ہے۔

لیجنڈری بھارتی وکٹ کیپر بلے باز مہندر سنگھ دھونی نے سوشل میڈیا اور پی آر پر اپنے خیالات کا اظہار کیا جن پر آج کل بہت بحث کی جاتی ہے اور اکثر کھلاڑی اپنی پی آر ٹیم بھی رکھتے ہیں، تاہم بھارت کے مقبول ترین کرکٹرز میں سے ایک ہونے کے باوجود، دھونی سوشل میڈیا سے فاصلہ رکھا ہوا ہے۔

سابق کپتان ایکس اور انسٹاگرام پر زیادہ متحرک نہیں رہتے، مہندر دھونی نے آخری بار جولائی 2024 میں انسٹاگرام پر ایک پوسٹ کی تھی اور تب سے وہ سوشل میڈیا سے دور ہیں۔

2004 میں بین الاقوامی کیریئر کا آغاز کرنے والے دھونی کو ان کے کئی ٹیم مینیجرز نے اپنے کیریئر کے دوران سوشل میڈیا پر متحرک رہنے کا مشورہ دیا لیکن وہ وہ اس پلیٹ فارم سے دور ہی رہے۔

دھونی نے کہا کہ میں کبھی بھی سوشل میڈیا کا مداح نہیں رہا، اس پورے عرصے میں میرے ساتھ بہت سارے مینیجر رہے اور وہ مجھ سے اس بارے میں اصرار کرتے رہے،

میں نے 2004 میں کھیلنا شروع کیا تھا، ٹویٹر بعد میں مقبول ہوا جس کے بعد انسٹاگرام آیا، تمام منیجرز نے مجھے کہا، آپ کو کچھ پی آر کے حوالے سے کرنا چاہیے، پی آر کو بنانا چاہیے’۔

مہندر سنگھ دھونی نے کہا کہ میڈیا منیجرز کو میرا ایک ہی جواب تھا کہ اگر آپ اچھی کرکٹ کھیلتے ہیں تو آپ کو پی آر کی ضرورت نہیں ہے

دھونی نے 60 ٹیسٹ میچوں میں ہندوستان کی قیادت کی جن میں سے انھوں نے 27 میچ جیتے، 18 ہارے اور 15 ٹیسٹ ڈرا ہوئے۔

وہ تاریخ کے واحد کپتان ہیں جنھوں نے تینوں آئی سی سی محدود اوورز کے ٹائٹل جیتے ہیں- 2007 کا ٹی ٹوئنٹی ورلڈ کپ، 2011 کا ون ڈے ورلڈ کپ اور 2013 کی چیمپئنز ٹرافی وہ بطور کپتان جیتنے میں کامیاب رہے۔

سابق بھارتی آف اسپنر ہربھجن سنگھ نے انکشاف کیا ہے کہ انھوں نے سابق کپتان مہندر سنگھ دھونے سے پچھلے 10 سالوں سے بات نہیں کی ہے۔

بھارت کے ورلڈکپ وننگ کپتان سے ہربھجن سنگھ کو کیا پرخاش ہے جس کی وجہ سے انھوں نے دھونی سے بات نہیں کی اس بارے میں انھوں نے کچھ خاص باتیں نہیں بتائیں، تاہم ان کی باتوں سے پتا چلتا ہے کہ دونوں کے درمیان ماضی میں کافی تناؤ اور ٹینشن رہی ہے۔

جارح مزاج آف اسپنر نے کہا کہ میں دھونی سے بات نہیں کرتا، جب میں چنئی سپرکنگز کےلیے کھیلتا تھا تو ہم میں بس میچ کی حد تک باتیں ہوجاتی تھیں اور یہ گفتگو بس گراؤنڈ کی حد تک ہی ہوتی تھی۔

انھوں نے کہا کہ ہمیں بات کیے ہوئے 10 سال یا شاید اس سے بھی زیادہ کا عرصہ ہوچکا ہے، میری پاس اس کی کوئی وجہ نہیں ہے شاید دھونی یہ جانتے ہوں۔

مجھے ان سے کوئی شکایت نہیں ہے، ہاں اگر ان کے پاس کچھ کہنے کو ہے تو وہ مجھے کہہ سکتے ہیں، میں نے کبھی دھونی کو کال کرنے کی کوشش نہیں کی، میں صرف انہی کو کال کرتا ہوں جو میرے کال ریسیو کرتے ہیں۔

2015 میں ساؤتھ افریقہ کے خلاف ون ڈے میچ کے بعد سے دھونی اور ہربھجن سنگھ نے کبھی کوئی میچ ساتھ نہیں کھیلا بلکہ 2015 کے ون ڈے عالمی کپ تک خاموشی سے ہربھجن اور یوراج جیسے پلیئرز کو ٹیم سے سائیڈ لائن کردیا گیا تھا۔

خیال رہے کہ وہ بھارتی ٹیم جس نے دھونی کی کپتانی میں 2007 میں ٹی ٹوئنٹی ورلڈکپ اور 2011 میں ون ڈے ورلڈکپ جیتا تھا اس میں ہربھجن سنگھ بھی اس کا حصہ تھے۔

بھارت کے سابق کرکٹر مرلی کارتک نے اس مشہور کرکٹر کا نام بتایا ہے جس نے آج تک اپنے کیریئر میں کبھی بھی سوئپ شاٹ نہیں کھیلا۔

بنگلہ دیش اور بھارت کے درمیان جاری ٹیسٹ میں روی شاستری، مرلی کارتک اور اطہر علی خان کمنٹری باکس میں موجود اور میچ پر اپنی آرا کا اظہار کررہے تھے، ایسے میں سابق بنگلہ کرکٹر اطہر خان نے بنگلہ دیشی بیٹر مشفق الرحیم کے سوئپ شاٹ کی تعریف کی۔

ساتھی کمنٹیٹر کی اس بات پر لقمہ دیتے ہوئے سابق بھارتی ہیڈ کوچ روی شاستری نے پوچھ لیا کہ اس وکٹ کیپر کا نام بتائیں جو سوئپ شاٹ نہیں کھیلتا، اس سے قبل کے اطہر کچھ کہتے کارتک نے ان کی بات کا جواب دیا۔

کانپور میں گرین پارک اسٹیڈیم میں بھارت اور بنگلہ دیش کے درمیان میچ میں کمنٹری کرتے ہوئے مرلی کارتک نے فوری طور پر کہا کہ دھونی وہ وکٹ کیپر بیٹر تھے جو سوئپ شاٹ نہیں کھیلا کرتے تھے۔

سابق بھارتی کپتان اور وکٹ کیپر بیٹر مہندر سنگھ دھونی نچلے نمبرز پر کھیلنے والے پلیئر تھے جو کبھی بھی سویپ کھیلنے پر یقین نہیں رکھتے تھے، اس کے بجائے اسپن کو کھیلنے کے لیے ٹریک کو چھوڑ کر کھیلنا پسند کرتے تھے۔

خیال رہے کہ مہندر دھونی کو انٹرنیشنل کرکٹ میں نہ صرف بھارت کا کامیاب ترین کپتان سمجھا جاتا ہے بلکہ وہ وکٹوں کے پیچھے اپنی مہارت کی وجہ سے بھی جانے جاتے ہیں۔

مہندر سنگھ دھونی میچ کے دوران بات نہ ماننے پر غصے میں آگئے تھے، انھوں نے ساتھی کرکٹر پر برہم ہوتے ہوئے خود کو ہی بیوقف کہہ ڈالا تھا۔

سابق بھارتی کپتان کو یوں تو گراؤنڈ میں مسٹر کول کی عرفیت سے جانا جاتا تھا اور وہ اکثر مشکل سے مشکل صورتحال میں بھی کافی پرسکون نظر آتے تھے، تاہم ان کی قیادت میں کھیلنے والے کرکٹر جانتے ہیں کہ پرسکون شخصیت کے علاوہ ان کا ایک چہرہ اور بھی ہے جس سے کئی کرکٹرز کو واسطہ پڑا ہے۔

چنئی سپر کنگز کے کسی بھی موجودہ اور سابق کرکٹر سے پوچھا جائے تو وہ دھونی کی تعریف کرنے کے ساتھ ساتھ ایسا واقعہ بھی ضرور بتائے گا جب دھونی غصے میں آگئے ہوں۔؎

بھارتی کرکٹر موہت شرما نے بتایا کہ ایک میچ کے دوران کسی بات پر ماہی بھائی غصے میں آئے گئے اور دیپک چہر کے کندھے پر ہاتھ رکھ کر طنزیہ انداز میں کہا کہ ’بیوقوف تو نہیں ہے بیوقوف میں ہوں!‘

موہت شرما نے بتایا کہ ہمیں ان کی طرف سے میدان میں کافی باتیں سننے کو ملتی تھیں اور وہ صرف گراؤنڈ تک ہی ہوتا تھا، انھوں نے مجھے بھی کافی سنائی ہیں، ایک فاسٹ بولر ہونے کے ناطے کبھی کبھی آپ اپنی توجہ کھو دیتے ہیں۔

خیال رہے کہ بھارت کرکٹ ٹیم کے سابق کپتان مہندر سنگھ دھونی کو انڈیا کا سب سے کامیاب کرکٹ کپتان سمجھا جاتا ہے، جن کی کپتانی میں بھارت نے دو بار ورلڈکپ جیتنے کا اعزاز حاصل کیا۔