Tag: مہندر سنگھ دھونی

بھارت کے سابق کپتان مہندر سنگھ دھونی اور موجودہ ٹیسٹ اور ون ڈے کپتان روہت شرما میں سے کون بہتر ہے، روی شاستری نے اس پر اپنے خیالات کا اظہار کیا ہے۔

روہت شرما کے بحیثیت کپتان ٹی ٹوئنٹی ورلڈکپ جیتنے کے بعد ان کا اور سابق لیجنڈ کپتان دھونی کا موازنہ کیا جارہا ہے، ایسے میں سابق بھارتی ہیڈ کوچ روی شاستری نے روہت شرما کی تعریف کرتے ہوئے انھیں اسی طرز کا کپتان قرار دیا ہے جیسا کہ دھونی ہوا کرتے تھے۔

روی شاستری نے کہا کہ اگر ٹیکنکلی بات کی جائے تو آپ اس بات کو نظر انداز نہیں کرسکتے کہ روہت ایک شاندار کپتان ہیں اور وہ اب تک کے بہترین قائد دھونی کی کپتانی میں بھی کافی کھیلنے کا تجربہ رکھتے ہیں۔

سابق بھارتی کرکٹر نے کہا کہ میں کہوں گا کہ جب وائٹ بال کرکٹ میں حکمت عملی کی بات آتی ہے تو میں دھونی اور روہوت دونوں کو برابر دیکھتا ہوں۔

شاستری نے آئی سی سی ریویو شو میں کہا کہ میں روہت کی اس سے زیادہ تعریف نہیں کر سکتا کیونکہ آپ جانتے ہیں کہ ایم ایس نے بھارت کے لیے کیا کیا ہے اور اس نے کون کون سے ٹائٹل جیتے ہیں۔

خیال رہے کہ مہندر سنگھ دھونی کا شمار بھارت کے اب تک کے میاب کپتان میں ہوتا ہے، انھوں نے اپنی کپتانی میں ٹیم کو تین آئی سی سی ٹرافی کا فاتح بنایا ہے جبکہ روہت شرما بھی بھارت کو ایک ٹی ٹوئنٹی ورلڈکپ جتوانے والے کپتان بن چکے ہیں۔

سابق بھارتی کرکٹرز کو لگتا ہے اگر دھونی ریٹائرمنٹ واپس لے کر ٹی ٹوئنٹی ورلڈکپ کھیلنے آجائیں تو یہ بھارت کیلئے بُرا فیصلہ نہیں ہوگا۔

امریکا اور ویسٹ انڈیز میں آئندہ چند ہفتوں میں منعقعد ہونے والے ٹی ٹوئنٹی ورلڈکپ کے لیے بھارتی اسکواڈ میں جگہ حاصل کرنے کے خواہشمند اس وقت کئی بھارتی وکٹ کیپر بیٹرز موجود ہیں۔ ان میں رشبھ پنت، سنجو سیمسن، کے ایل راہول اور دنیش کارتک جیسے پلیئرز شامل ہیں۔

یہ خیال بھارت کے سابق کرکٹرز عرفان پٹھان اور ورون آرون نے پیش کیا ہے۔ کیا ہوگا اگر کسی بھی طرح شعبدے بازی دکھاتے ہوئے دھونی کو بھارتی ٹی ٹوئنٹی ورلڈ کپ اسکواڈ میں شامل کیا جائے؟ کیا شائقین اسے پسند کریں گے۔

آرون نے بھارتی اسپورٹس چینل پر کہا کہ ہم بھارتی ورلڈ کپ اسکواڈ میں وائلڈ کارڈ انٹری دیکھ سکتے ہیں اور اس کے ذریعے ہم ایم ایس دھونی کو دیکھانا پسند کریں گے۔

انھوں نے ازراہِ مذاق کہا کہ یہ وائلڈیسٹ کارڈ انٹری ہوگی، عرفان پٹھان نے کہا کہ اگر دھونی یہ کہتے ہیں کہ وہ ٹی ٹوئنٹی ورلڈ کپ کھیلنا چاہتے ہیں تو کوئی بھی اس موقع سے انکار نہیں کرے گا۔

سابق آل راؤنڈر نے کہا کہ شاید ایسا نہیں ہوگا، تاہم اگر دھونی ایسا چاہیں تو کسی کو کوئی اعتراض نہیں ہو گا، کسی شخص کو اس سے کوئی مسئلہ نہیں ہو گا کیوں کہ وہ اب بھی بہت اچھی بیٹنگ کررہے ہیں۔

خیال رہے کہ دھونی اس وقت 42 سال کے ہیں مگر اس کے باوجود وہ آئی پی ایل میں اپنی پرانی فارم میں دکھائی دے رہے ہیں اور عمدہ بلے بازی کا مظاہرہ کررہے ہیں۔

اس سیزن میں دھونی نے وقت اور حالات کے مطابق عمدہ بیٹنگ کی ہے جب کہ ابھی تک وہ آؤٹ بھی نہیں ہوئے ، انھوں نے پانچ اننگز میں 35 گیندوں پر 260 کے اسٹرائیک ریٹ سے 91 رنز بنائے ہیں۔

دھونی کو انڈیا کے لیے اپنا آخری میچ کھیلے تقریباً پانچ سال ہو گئے ہیں – 2019 ورلڈ کپ کا سیمی فائنل، لیکن ہارون اور پٹھان کو USA اور ویسٹ انڈیز میں دھونی کا تھوڑا سا جادو دیکھنے میں کوئی اعتراض نہیں ہوگا۔

سابق بھارتی کپتان مہندر سنگھ دھونی نے اپنے ساتھی پلیئرز کی پیشکش کے باوجود سیٹ پر بیٹھنا مناسب نہ سمجھا اور فرش پر بیٹھ گئے۔

اپنی کپتانی میں، دھونی نے کئی نوجوان ٹیلنٹ کو آگے بڑھنے اور بڑے اسٹیج پر اپنی صلاحیتوں کا اظہار کرنے کا موقع فراہم کیا ہے چاہے وہ بین الاقوامی کرکٹ ہو یا انڈین پریمیئر لیگ انھوں نے نوجوانوں کو کافی سپورٹ کیا ہے۔

سابق بھارتی کرکٹر فیض فضل نے لیجنڈری وکٹ کیپر کی شائستہ طبیعت کے بارے میں بتاتے ہوئے سب کو حیران کر دیا۔

حال ہی میں بین الاقوامی کرکٹ سے ریٹائرمنٹ کا اعلان کرنے والے فضل نے ماضی کا ایک واقعہ بتایا جب نوجوان کرکٹرز نے دھونی کو بس میں اپنی سیٹ دینے کی پیشکش کی تاہم وہ انکساری کے ساتھ نیچے زمین پر بیٹھ گئے۔

فیض نے بتایا کہ دھونی بہت عاجز ہیں، وہ آپ کو یہ محسوس نہیں کرائیں گے کہ وہ ایم ایس دھونی ہیں۔ ہم ہرارے سے واپس آ رہے تھے اور لاؤنج میں بیٹھے تھے۔

اس دوران دھونی اندر آئے اور ہم سب نے انھیں اپنی اپنی نشست دینے کی پیشکش کی تاہم انھوں نے کہا کہ نہیں نہیں تم لوگ بیٹھو اور وہ فرش پر بیٹھ گئے۔

واضح رہے کہ بائیں ہاتھ کے بلے باز نے 2016 میں زمبابوے کے دورے پر دھونی کی کپتانی میں بین الاقوامی کرکٹ میں ڈیبیو کیا تھا۔ انھوں نے اعتراف کیا کہ دھونی کی طرف سے ڈیبیو کیپ وصول کرنا بہترین لمحہ تھا۔

فضل نے شاندار ڈومیسٹک کیریئر کے دوران 138 فرسٹ کلاس گیمز میں 9184 رنز بنائے، 113 لسٹ اے میچوں میں انھوں نے 3641 رنز اور 66 ٹی 20 میں 1273 رنز اسکور کیے۔

سابق کپتان دھونی کے حوالے سے خبریں آئی تھیں کہ وہ مودی سرکار کےخلاف بھارتی کسانوں کے مظاہرے میں ان سے یکجہتی کے لیے پہنچے تھے۔

تاہم اب اس طرح کی خبروں کی تردید کی گئی ہے۔ حال ہی میں، چنئی سپر کنگز کے کپتان کی ایک تصویر سوشل میڈیا پر وائرل ہو ئی جس میں انھیں سکھوں کی پگڑی پہنے ایک شخص کے ساتھ کھڑے دیکھا جا سکتا ہے۔

اس تصویر کو کسانوں کے جاری احتجاج کے ساتھ اس دعوے کے ساتھ جوڑا جا رہا ہے کہ رانچی میں پیدا ہونے والے کرکٹر نے مودی سرکار کے خلاف احتجاج کرنے والے کسانوں کے ساتھ اظہار یکجہتی کے لیے گرودوارے کا دورہ کیا۔

مہندر سنگھ دھونی کو کاشتکاری سے کافی لگاؤ ہے اور وہ اکثر اپنے فارم ہاؤس میں پھل اگا کر اس سرگرمی سے اپنی محبت کا اظہار کرتے ہیں۔ اس لیے لوگوں نے سمجھا کہ وہ کسانوں کی طرف ہیں۔

Mahendra singh Dhoni didn’t go to Ram mandir Pran prathisthan after being invited but he has visited Gurudwara today during ongoing Farmer’s protest.

MSD is a man with spine who is still upholding secular values ❤️ pic.twitter.com/YFvu2LTslj

— Dr Nimo Yadav 2.0 (@DrNimoYadav) February 26, 2024

تاہم تحقیق کے بعد یہ بات سامنے آئی ہے کہ دھونی کی جو تصویر ان دنوں وائرل ہورہی ہے وہ دو سال پہلے کی ہے۔

یہ تصویر دراصل 17 جولائی 2022 کو سنٹرل گوردوارہ خالصہ جاٹھا لندن میں لی گئی تھی۔ تصویر میں نظر آنے والا شخص گرپریت سنگھ آنند ہیں جنھوں نے اس تصویر کو اپنے انسٹاگرام ہینڈل پر اپ لوڈ کیا تھا۔

دھونے کے حوالے سے جس تصویر کو بڑے پیمانے پر شیئر کیا جا رہا ہے اس کا کسانوں کے احتجاج سے تعلق نہیں ہے۔

ایم ایس ان دنوں انڈین پریمیئر لیگ 2024 کے لیے تیاری کررہے ہیں، انھوں نے ٹی 20 لیگ کے 17 ویں ایڈیشن سے قبل ہی اپنی ٹریننگ شروع کر دی ہے۔ وہ اس بار آئی پی ایل میں پہلے کی طرح لمبے بالوں میں نظر آئیں گے۔

سابق بھارتی کپتان مہندر سنگھ دھونی کی ایک وجہ شہرت ان کے لمبے بال بھی تھے جسے انھوں نے کافی عرصہ پہلے کٹوالیا تھا، تاہم اب پھر سے ان کی لمبے بالوں میں تصاویر وائرل ہورہی ہیں۔

لیجنڈ وکٹ کیپر اور بھارت کو ورلڈکپ جتوانے والے کپتان مہندر سنگھ دھونی نے پھر سے لمبے بال رکھ لیے ہیں جن میں وہ کافی دلکش نظر آرہے ہیں۔ سوشل میڈیا پر زیر گردش تصاویر ہیئر اسٹائلسٹ کی جانب سے شیئر کی گئی ہیں۔

انسٹاگرام پر سابق بھارتی کرکٹر کے ہیئر اسٹائلسٹ نے اپنے ساتھ دھونی کی تصاویر لگائی ہیں، دھونہ نہ صرف لمبے بالوں میں دکھ رہے ہیں بلکہ ان کا حلیہ بھی کافی بدلہ ہوا نظر آرہا ہے۔ سوشل میڈیا پر چند ہی لمحوں میں ان تصاویر نے دھوم مچا دی ہے۔

ہیئر اسٹائلسٹ کیپشن میں لکھا کہ ’ہاں!!! یہ ہمارے مہندر سنگھ دھونی ہیں۔

مہندر سنگھ دھونی کے ساتھ منسلک ہونے یہ کسی بھی تخلیق کار کے لیے کا ایک حیرت انگیز موقع ہے، میں ہمیشہ شکر گزار رہوں گا کہ مجھے ان کے بالوں کا اسٹائل بنا کراپنا فن دکھانے کا اعزاز حاصل ہوا۔

مزے کی بات یہ ہے کہ تصاویر میں ہیئر اسٹائلسٹ بالک گنجے سر کے ساتھ موجود ہیں۔ انھوں نے اپنی خوشی کے اظہار کے ساتھ یہ بھی بتایا کہ ایم ایس دھونی نے یہ نیا انداز ایک تشہیری مہم کے سلسلے میں اپنایا ہے۔

بھارت کےسابق کپتان ایم ایس دھونی کے اسکول کوچ گیشو رنجن بنرجی کا ماننا ہے کہ روہت شرما فیلڈ میں سمجھداری کا مظاہرہ کرتے ہیں مگر لیجنڈ وکٹ کیپر سے ان کا کوئی موازنہ نہیں۔

آئی سی سی ورلڈکپ 2023 سے قبل بھارتی ذرائع ابلاغ سے خصوصی گفتگو کرتے ہوئے مہندرا سنگھ دھونی میں جو قائدانہ صلاحیتیں تھیں وہ شاید ہی بھارت کے کسی اور کرکٹر میں موجود ہو۔ اس لیے ان کے اور موجودہ کپتان کے درمیان موازنہ درست نہیں ہے۔

انھوں نے کہا کہ دھونی کے اشاروں پر بولرز بولنگ کرتے تھے۔ وکٹ کے پیچھے ان کی نگاہیں اتنی تیز ہوتی تھیں کہ وہ مخالف پلیئرز کے ارادوں کا اندازہ لگا لیتے تھے۔

گیشو رنجن نے کہا کہ بھارتی ٹیم کافی متوازن ہے تاہم عالمی کپ میں اسپنر اکشر پٹیل کی کمی محسوس ہوگی کیوں کہ وہ بیٹنگ کرنے کی صلاحیت بھی رکھتے تھے۔

انھوں نے کہا کہ عالمی کپ کے میزبان کے طور پر بھارت پر دباؤ بھی ہوگا مگر یہ کئی طریقے سے بھارت کے لیے فائدہ مند بھی ہوگا۔

بنرجی کے مطابق وہ موجودہ آئی سی سی کرکٹ ورلڈکپ کے فائنل میں بھارت کے ساتھ انگلینڈ کی ٹیم کو دیکھتے ہیں۔ بھارت کو میزبان ہونے کا فائدہ ملے گا اور وہ تیسری بار ورلڈکپ جیتنے کا اعزاز حاصل کرسکتا ہے۔