ARYNews.tv | Urdu – Har Lamha Bakhabar

Tag: مہنگا

  • سونے کی قیمت میں مزید اضافہ، فی تولہ کتنے کا ہوگیا؟

    سونے کی قیمت میں مزید اضافہ، فی تولہ کتنے کا ہوگیا؟

    پاکستان میں آج بھی سونے کی قیمت میں اضافے ریکارڈ کیا گیا ہے۔

    آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت 500 روپے اضافے کے بعد 2 لاکھ 82 ہزار 900 روپے ہوگئی۔

    اسی طرح 10 گرام سونا 429 روپے اضافے سے 2 لاکھ 42 ہزار 571 روپے کا ہوگیا، عالمی مارکیٹ میں بھی سونے کی قیمت میں 5 ڈالر کا اضافہ ہوا جس کے بعد فی اونس سونا 2708 ڈالر پر پہنچ گیا ہے۔

    اس کے علاوہ چاندی کی فی تولہ قیمت 9 ڈالر کی کمی سے 3 ہزار 372 روپے ہوگئی ہے۔

    پاکستان میں آج ڈالر اور دیگر کرنسیوں کی قیمت

    یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • سونے کی قیمت میں اضافے کا سلسلہ جاری، مزید سیکڑوں روپے مہنگا ہوگیا

    سونے کی قیمت میں اضافے کا سلسلہ جاری، مزید سیکڑوں روپے مہنگا ہوگیا

    کراچی: ملک میں سونے کی قیمت میں مسلسل تیسرے روز بھی اضافہ ہوگیا۔

    آل پاکستان جیمز اینڈ جیولرز ایسوسی ایشن کے مطابق پاکستان میں آج سونے کی فی تولہ قیمت میں 1300 روپے کا اضافہ ہوا جس کے بعد فی تولہ قیمت 2 لاکھ 78 ہزار 300 روپے ہوگئی۔

    اسی طرح 10 گرام سونے کی قیمت 1114 روپے بڑھنے کے بعد 2 لاکھ 38 ہزار 597 روپے رہی جبکہ عالمی مارکیٹ میں بھی سونے کی قیمت میں 13 ڈالر اضافہ ہوا جس کے بعد سونے کی قدر 2665 ڈالر فی اونس ہے۔

    پاکستان میں آج ڈالر اور دیگر کرنسیوں کی قیمت

    یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    سال 2025 میں سونے کی قیمتیں کہاں تک جاسکتی ہے؟ – آڈیو

    پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • دنیا کا مہنگا اور سستا ترین موبائل فون! حیران کرتی قیمتیں

    دنیا کا مہنگا اور سستا ترین موبائل فون! حیران کرتی قیمتیں

    موبائل فون کا استعمال اتنا بڑھ چکا ہے کہ تقریباً ہر دوسرے شخص کے پاس موجود ہے لیکن کیا آپ دنیا کا سب سے مہنگا اور سستا فون جانتے ہیں؟

    دنیا کی تیز رفتار ترقی اور موبائل فون میں ہونے والی جدت نے اس چھوٹے س آلے کو ہر ایک کی ضرورت بنا دیا ہے۔ دنیا بھر میں درجنوں موبائل فون کمپنیاں نت نئے فیچرز کے ساتھ موبائل فونز متعارف کراتی ہیں جو انتہائی بیش قیمت اور عام افراد کی قوت خرید سے باہر ہوتے ہیں۔

    آج ہم آپ کو دنیا کا دو ایسے موبائل فونز کے بارے بتاتے ہیں جن کا کام تقریباً یکساں لیکن قیمتوں میں زمین اور آسمان کا فرق ہے۔

    غیر ملکی میڈیا کے مطابق اس وقت دنیا میں جو سب سے مہنگا موبائل فون دستیاب ہے وہ فالکن سپر نووا آئی فون 6 پنک ڈائمنڈ ہے۔

    یہ موبائل 24 قیراط سونے کا بنا ہوا ہے اور اس کے بیک سائیڈ پر گلابی رنگ کا بڑا ہیرا جڑا ہوا ہے، جو اسے دنیا کے دیگر موبائل سے ممتاز کرتا ہے۔

    اس موبائل فون کی قیمت جان کر آپ حیران رہ جائیں گے۔ اس کی قیمت 48.5 ملین ڈالر (پاکستانی کرنسی میں 13 ارب روپے سے زائد) ہے

    یہ موبائل فون ایشیا کے امیر ترین شخص مکیش امبانی کی اہلیہ انیتا امبانی کے بھی زیر استعمال ہے۔

    تاہم دنیا میں ایک سب سے سستا بھی موبائل فون ہے جس کو بھارت کی کمپنی نے فریڈم 251 کے نام سے لانچ کیا ہے اور یہ فون اپنی ارزاں قیمت کے باعث ہر ایک کی دسترس میں ہے۔

    اس کی معمولی قیمت بھی آپ کو حیران کر دے گی کیونکہ یہ فون 251 بھارتی روپے میں دستیاب ہے، جو پاکستانی کرنسی میں صرف 813 روپے بنتی ہے۔

  • 2024 میں سب سے زیادہ کیا مہنگا اور کون سی چیز سستی ہوئی؟

    2024 میں سب سے زیادہ کیا مہنگا اور کون سی چیز سستی ہوئی؟

    سال 2024 میں سب سے زیادہ کون سی چیز مہنگی ہوئی اور کس شے کے دام سب سے کم ہوئے اس حوالے سے سرکاری رپورٹ جاری کر دی گئی ہے۔

    وفاقی ادارہ شماریات نے سال 2024 کے اختتام کے قریب اس سال سب سے زیادہ سستی اور مہنگی ہونے والی اشیا سے متعلق رپورٹ جاری کی ہے۔

    اس رپورٹ کے مطابق سال 2024 میں سب سے زیادہ مہنگے ٹماٹر ہوئے جب کہ جو چیز سب سے زیادہ سستی ہوئی وہ ہر گھر میں استعمال ہونے والا آٹا اور پیاز ہے۔

    ادارہ شماریات کی رپورٹ میں بتایا گیا ہے کہ ایک سال کے دوران ٹماٹر 138.53 فیصد مہنگے ہوئے۔ خواتین کے سینڈل کی قیمت میں 75.09 فیصد اضافہ ہوا۔

    اس سال آلو 61.17 فیصد، دال چنا 51.17 ، دال مونگ 31.51 فیصد مہنگے ہوئے اس کے علاوہ پاؤڈر دودھ کی قیمت میں 25.62 جب کہ گائے کے گوشت کی قیمت میں 24.28 فیصد تک اضافہ ریکارڈ کیا گیا۔

    ایک سال میں لہسن 17.27 اور پکی ہوئی دال 15.10 فیصد، گیس چارجز 15.52 فیصد اور جلانے والی لکڑی 13.14 فیصد مہنگی ہوئی۔

    سال 2024 میں پیاز 31.21 فیصد، آٹا 36.20 فیصد، مرچ پاؤڈر 20 فیصد سستا ہوا۔

    ادارہ شماریات کی رپورٹ کے مطابق ایک سال میں انڈے کی قیمتوں میں 12.89 فیصد کمی ہوئی۔ اسی مدت میں دال مسور 11.18 فیصد سستی ہوئی جب کہ باسمتی چاول اور دال ماش کی قیمتوں میں بالترتیب 7.98 اور 6.27 فیصد کمی ہوئی۔

    اس سل میں پٹرول 5.64 اور ڈیزل 7.49 فیصد سستا ہوا۔

  • سونا آج مہنگا ہو کر فی تولہ کتنے کا ہو گیا؟

    سونا آج مہنگا ہو کر فی تولہ کتنے کا ہو گیا؟

    کراچی: عالمی مارکیٹ میں سونے کی قیمت میں اضافے کی بعد آج بھی صرافہ مارکیٹ میں قیمت میں معمولی اضافہ ریکارڈ کیا گیا ہے۔

    آل پاکستان جیمز اینڈ جیولرز ایسوسی ایشن کے مطابق 200 روپے اضافے سے ملک میں سونے کی فی تولہ قیمت 2 لاکھ 52 ہزار 700 روپے ہے۔

    آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت 172 روپے اضافے سے 2 لاکھ 16 ہزار 650 روپے ہے۔

    ایسوسی ایشن کے مطابق عالمی مارکیٹ میں 4 ڈالر اضافے سے فی اونس سونا 2390 ڈالر کا ہوگیا جبکہ چاندی کی فی تولہ قیمت 2 ہزار 860 روپے پر مستحکم رہی۔

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

     پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

    Gold Price in Pakistan Today- پاکستان میں آج سونے کی قیمت (arynews.tv)

  • سعودی عرب میں کیا کچھ مہنگا اور کیا سستا ہوا؟

    سعودی عرب میں کیا کچھ مہنگا اور کیا سستا ہوا؟

    دنیا بھر میں اس وقت مہنگائی کا زور ہے اور سعودی عرب بھی اس سے متاثر ہے جہاں افراط زر کی شرح 1.6 فیصد تک پہنچ گئی ہے۔

    سعودی اخبار 24 کے مطابق سعودی اتھارٹی برائے شماریات کا کہنا ہے کہ مملکت میں گزشتہ برس کے مقابلے میں افراط زر کی شرح گزشتہ ماہ 1.6 فیصد تک پہنچ گئی جس کی وجہ مکانات کے بڑھتے ہوئے کرایوں کو بتایا گیا ہے۔

    ایک سروے پر مبنی رپورٹ کے مطابق مملکت کے مکانات کے کرایوں، بجلی، پانی اور دیگر یوٹیلیٹی بلوں میں 8.8 فیصد تک اضافہ ہوا ہے۔

    حکام کے مطابق سال 2023 کے مقابلے میں 2024 میں سب سے زیادہ اضافہ کرایوں میں ہی ریکارڈ کیا گیا۔ صرف مارچ 2024 کے دوران مکانات کے کرایوں میں 10.5 فیصد اضافہ ریکارڈ کیا گیا، جس کے براہ راست اثرات افراط زر پر مرتب ہوئے اور یہی مہنگائی میں اضافے کی بنیادی وجہ ہے۔

    صرف مکانوں اور یوٹیلٹی بلز  میں ہی نہیں بلکہ اشیائے خور ونوش کی قیمتوں میں 0.9 فیصد دیکھا گیا جن میں سبزیوں کی قیمتوں میں ہونے والا اضافہ 6.8 فیصد جبکہ ریسٹورانٹ سیکٹر میں 2.4 فیصد اضافہ ریکارڈ کیا گیا۔

    اس کے علاوہ ٹرانسپورٹیشن سیکٹر میں 1.8 فیصد جب کہ سروسز میں 1.1 فیصد اضافہ ریکارڈ کیا گیا۔

    اس کے برعکس جن چیزوں کی قیمت میں کمی ہوئی ان میں فرنیچر کی قیمتوں میں 3.2 فیصد جبکہ ملبوسات کی قیمتوں میں 4 فیصد کی کمی ریکارڈ کی گئی ہے۔

  • دولہے کو ہائی وے پر ریل بنانا مہنگا پڑگیا

    دولہے کو ہائی وے پر ریل بنانا مہنگا پڑگیا

    دلہے نے اپنی بارات کو یاد گار بنانے اور سب کی توجہ سمیٹنے کیلئے منفرد طریقہ اپنایا جو دلہے کو کافی مہنگا پڑگیا۔

    بھارتی میڈیا کے مطابق ریاست اترپردیش سے تعلق رکھنے والے انکت نامی ایک دلہے نے اپنی بارات کو یاد گار بنانے اور سب کی توجہ سمیٹنے کیلئے منفرد طریقہ اپنایا جس کے بعد پولیس آگئی۔

    بھارتی میڈیا رپورٹ کے مطابق انکت نامی دولہے کی شادی کی بارات میرٹھ کے کسوالی گاؤں جا رہی تھی، اسی دوران مظفر نگر میں واقع دہلی دہرادون نیشنل ہائی وے پر دولہا انکت نے کار پر چڑھ کر ڈرون کیمرے سے انسٹاگرام کے لیے ریل بنائی تھی۔

    جیسے ہی یہ ریل سوشل میڈیا پر وائرل ہوئی تو مظفر نگر کی منصور پور پولیس نے فوراً اس پر ایکشن لیتے ہوئے دولہے کی گاڑی کو روک کر اپنی تحویل میں لے لیا جبکہ دلہے کے خلاف قانونی کارروائی بھی عمل میں لائی گئی۔

  • ویڈیو: ہیلی کاپٹر بغیر پائلٹ کے گھومنا شروع ہوگیا

    ویڈیو: ہیلی کاپٹر بغیر پائلٹ کے گھومنا شروع ہوگیا

    امریکی ریاست پانامہ میں زمین پر کھڑا پہلی کاپٹر بغیر پائلٹ کے گھومنا شروع ہوگیا جس کی ویڈیو سوشل میڈیا پر وائرل ہے۔

    ایکس پر ایوی ایشن نیوز نامی اکاؤنٹ نے ایک دل دہلا دینے والی ویڈیو شیئر کی ہے جس میں دیکھا گیا کہ زمین پر کھڑا ہیلی کاپٹر بغیر پائلٹ کے گھومنا شروع ہوگیا۔

    ویڈیو میں دیکھا جا سکتا ہے کہ واقعہ اس وقت پیش آیا جب پائلٹ ہیلی کاپٹر کے دروازے کے قریب کھاڑا تھا اور ایک خاتون ہیلی کاپٹر سے جیسے ہی باہر آئیں تو ہیلی کاپٹر اچانک خود بخود گھومنا شروع ہوگیا۔

    ویڈیو میں دیکھا جاسکتا ہے کہ خاتون ہیلی کاپٹر سے بچ کر اپنی جان بچانے میں کامیاب ہوگئیں اورفوری طور پر دوڑ لگاکر بھاگ گئیں تاہم پائلٹ نے اپنی جان کو خطرے میں ڈال دیا۔

    پائلٹ نے ہیلی کاپٹر کو ہاتھوں سے روکنے کی کوشش کی لیکن وہ ناکام رہا پھر اس نے اپنی جان کو خطرے میں ڈال کر کسی طرح ہیلی کاپٹر کے اندر جانے کی کوشش کی اور ہیلی کاپٹر کو بند کیا۔

  • سرکاری حج پیکج اتنا مہنگا کیوں ہوا؟ تفصیلات سامنے آگئیں

    سرکاری حج پیکج اتنا مہنگا کیوں ہوا؟ تفصیلات سامنے آگئیں

    اسلام آباد: سرکاری حج پیکج مہنگا ہونے کی تفصیلات اے آر وائی نیوز نے حاصل کرلیں جس کے مطابق گزشتہ سال کی نسبت حج پیکج میں ساڑھے 3 لاکھ روپے کا اضافہ ہوا ہے۔

    اے آر وائی نیوز کو موصول دستاویز کے مطابق گزشتہ سال قربانی سمیت حج پیکج 8 لاکھ 26 ہزار 528 روپے تھا جب کہ  رواں سال قربانی کے علاوہ اخراجات 11 لاکھ 75 ہزار تک پہنچ گئے،  جس کا مطلب یہ کہ اب 50 ہزار روپے سے لے کر 74 ہزار روپے قربانی کے لیے اضافی الگ سے ادا کرنا ہوں گے۔

    حاجیوں کے کھانے پینے کے اخراجات میں 100 فیصد تک اضافہ ہوا، فی حاجی 38 روز کے کھانے پینے کا خرچہ ایک لاکھ سے بڑھ گیا، گزشتہ سال کھانے پینے کے اخراجات 53 ہزار 440 روپے تھے۔

    سرکاری حج اسکیم میں درخواستیں جمع کروانے والوں کیلئے اہم خبر

    دستاویزات کے مطابق مکہ مکرمہ میں رہائش کے کرائے بھی 70 فیصد سے زیادہ ہوگئے، کرایہ ایک لاکھ 11 ہزار کے بجائے ایک لاکھ 93  ہزار  روپے ہوگیا جبکہ مدینہ میں رہائش کا کرایہ 37 ہزار سے بڑھ کر 78 ہزار روپے ہوگئے ہیں۔

    ٹرانسپورٹ اخراجات 61 ہزار  سے بڑھ کر ایک لاکھ 12 ہزار ہوگئے، رواں سال حج پیکج میں 43 ہزار  882 روپے ٹرین کرایہ بھی شامل ہے، حج لازمی اخراجات بھی 3 لاکھ سے بڑھ کر 3 لاکھ 56 ہزار ہوگئے، رواں سال جہاز کے کرائے بھی 70 ہزار بڑھ کر ڈھائی لاکھ کردیا گیا ہے، ہوائی جہاز کا ٹکٹ گزشتہ سال ایک لاکھ 81 ہزار 760 روپے کا تھا۔

    دستاویز کے مطابق زم زم چارجز  721 کے بجائے 1100 روپے وصول کئے جائیں گے، ادویات ویکسین وغیرہ کی مد میں بھی 12 ہزار روپے لئے جائیں گے، ویزا فیس بھی 16 ہزار سے بڑھ کر 22 ہزار 275 روپے ہوگئی ہے۔

  • سونے کی قیمتیں‌ پھر آسمان کو چھونے لگیں، ڈالر بھی مہنگا ہوگیا

    سونے کی قیمتیں‌ پھر آسمان کو چھونے لگیں، ڈالر بھی مہنگا ہوگیا

    کراچی : ملک میں سونے کی فی تولہ قیمتوں میں 1600 روپے کا حیران کن اضافہ ہوگیا، جبکہ ڈالر بھی 64 پیسے مہنگا ہوگیا۔

    اے آر وائی نیوز کی رپورٹ کے مطابق آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں فی تولہ سونے کی قیمت 1600 روپے اضافے کے بعد 110700 روپے ہوگئی۔

    فی تولہ قیمت میں اضافے کے بعد 10 گرام سونے کی قیمت 1372 روپے اضافے کے بعد 94907 روپے ہوگئی۔

    عالمی مارکیٹ میں بھی سونے کی قیمت آسمان کو چھونے لگی، جس کے باعث سونے کی قیمتوں میں 33 ڈالر اضافے کے بعد 1831 ڈالر فی اونس پر ٹریڈنگ جاری رہی۔

    ڈالر کی قدر میں اضافہ

    دوسری جانب انٹر بینک میں ڈالر کو پھر پَر لگ گئے جس کے باعث ڈالر 64 پیسے مہنگا ہوگیا۔

    فاریکس ڈیلرز کا کہنا ہے کہ انٹر بینک میں ڈالر 159.82 سے بڑھ کر 160.46 روپے پر بند ہوا۔

    اسٹاک ایکسچینج میں کاروبار کا اختتام

    پاکستان اسٹاک ایکسچینج میں بھی تیزی کا رجحان رہا، آج 100 انڈیکس میں 362 پوائنٹس کا اضافہ ہوا جس کے بعد 100 انڈیکس 0.87 اضافے سے 42027 کی سطح پر بند ہوا۔