Tag: مہنگائی

وفاقی حکومت کے ماتحت ادارہ شماریات کے جاری اعداد وشمار کے مطابق پاکستان میں ایک ہفتے کے دوران مہنگائی میں اضافہ ہوا ہے۔

وفاقی ادارہ شماریات نے ہفتہ وار مہنگائی کے اعداد وشمار جاری کر دیے ہیں جس کے مطابق اس دوران ملک میں مہنگائی کی شرح میں 0.27 فیصد اضافہ ریکارڈ کیا گیا۔

ایک ہفتے میں جن اشیائے خورو نوش کی قیمتوں میں اضافہ ہوا۔ ان میں چینی 3 روپے 77 پیسے فی کلو مزید مہنگی ہوئی اور اوسط قیمت 180 روپے 93 پیسے فی کلو تک جا پہنچی۔

اسی مدت کے دوران مرغی کا گوشت 7 روپے 28 پیسے، آلو 2 روپے 9 پیسے، گڑ 5 روپے 8 پیسے، سرسوں کا تیل 5 روپے 91 پیسے مہنگا ہوا۔ دال مونگ، ماش، مسور اور پیاز کی قیمتوں میں بھی اضافہ ریکارڈ کیا گیا۔

ایک ہفتے میں ایل پی جی کی قیمت میں بھی اضافہ ریکارڈ کیا گیا اور گھریلو سلنڈر 452 روپے 47 پیسے مہنگا ہوا۔

ایک ہفتہ کے دوران 23 اشیا کی قیمتوں میں کمی بھی ریکارڈ کی گئی۔ انڈے 31 روپے 2 پیسے فی درجن سستے ہوئے۔ ٹماٹر کی قیمت میں 4 روپے 17 پیسے اور لہسن کی قیمت میں 3 روپے 37 پیسے کمی واقع ہوئی۔ اس کے علاوہ دال چنا، خوردنی گھی، تیل اور کیلے بھی سستے ہوئے۔

ادارہ شماریات کے اعداد وشمار کے مطابق حالیہ ہفتے 20 اشیا کی قیمتوں میں استحکام رہا۔

وفاقی ادارہ شماریات نے ماہ مئی کے حوالے سے مہنگائی کے اعداد وشمار جاری کیے ہیں جس کے مطابق گزشتہ ماہ ملک میں مہنگائی میں اضافہ ہوا۔

وفاقی ادارہ شماریات ایک حکومتی ادارہ ہے جو ملک میں مہنگائی کی شرح کا تعین کرتا ہے۔ ماہانہ اور ہفتہ وار اس حوالے سے رپورٹ جاری کی جاتی ہے۔

ادارہ شماریات نے گزرے ماہ مئی 2025 سے متعلق رپورٹ جاری کی ہے جس میں بتایا گیا ہے کہ پاکستان میں مہنگائی کی شرح میں اضافہ ہوا۔

رپورٹ کے مطابق مئی 2025 میں مہنگائی کی شرح 3.5 فیصد تک بڑھ گئی جب کہ اس سے قبل اپریل 2025 میں مہنگائی کی شرح 0.3 فیصد پر تھی۔

پاکستان کے شہری علاقوں میں مہنگائی کی شرح 3.5 فیصد جب کہ دیہی علاقوں میں 3.4 فیصد ریکارڈ کی گئی۔ جبکہ گزشتہ سال اسی ماہ مئی میں مہنگائی کی شرح 11.8 فیصد تھی۔

واضح رہے کہ اسٹیٹ بینک آف پاکستان نے رواں سال مہنگائی کی شرح زیادہ سے زیادہ 7.5فیصد تک رہنے کا امکان ظاہر کیا ہے۔

دوسری جانب عالمی مالیاتی ادارے آئی ایم ایف آئندہ 6 سال تک پاکستان میں مہنگائی کی کیا شرح رہے گی، اس حوالے سے پیشگوئی کی ہے۔

https://urdu.arynews.tv/imf-prediction-pakistan-inflation/

اسلام آباد : وزارت خزانہ نے بجٹ اور عید الاضحی سے قبل ملک میں مہنگائی میں اضافے کا خدشہ ظاہر کردیا۔

تفصیلات کے مطابق وزارت خزانہ کی ماہانہ معاشی اپ ڈیٹ اینڈآؤٹ لک رپورٹ جاری کردی گئی، ماہانہ معاشی اپ ڈیٹ اینڈ آؤٹ لک میں مہنگائی سے متعلق تخمینہ جاری کیا گیا۔

جس میں بجٹ اورعیدالاضحی سےقبل ملک میں مہنگائی میں اضافے کا خدشہ ظاہر کیا گیا، رپورٹ میں بتایا گیا، مئی میں مہنگائی ممکنہ طورپربڑھ کر3سے4فیصد کےدرمیان ہوسکتی ہے۔

رواں ماہ مہنگائی 1.5فیصدسے2فیصدکےدرمیان رہنےکی توقع ہے، ملک میں مارچ2025 کےدوران مہنگائی کی شرح0.69فیصدرکارڈ کی گئی تھی جبکہ جولائی2024سےمارچ 2025 کے دوران مہنگائی کی اوسط شرح 5.25 فیصد تھی۔

وزارت خزانہ نے کہا کہ رواں مالی سال کے 9 ماہ میں ترسیلات زر، برآمدات،درآمدات میں اضافہ ہوا، کرنٹ اکاؤنٹ سرپلس،براہ راست بیرونی سرمایہ کاری میں اضافہ ہوا جبکہ اسٹیٹ بینک ذخائر میں اضافہ رکارڈ کیا گیا۔

رپورٹ میں کہنا تھا کہ جولائی تا مارچ ترسیلات زر 33.2 فیصد اضافے سے 28 ارب ڈالرز سے زائدرہیں، برآمدات میں9ماہ میں 7.7 فیصد کا اضافہ، درآمدات 11فیصد بڑھ گئیں، اسی مدت میں برآمدات 24 ارب 66 کروڑ اور درآمدات 43 ارب ڈالرز سے زائد رہیں۔

رپورٹ کے مطابق جولائی تامارچ براہ راست بیرونی سرمایہ کاری 14 فیصد اضافے سے ایک ارب 64 کروڑ 40 لاکھ ڈالرز رہیں، کرنٹ اکاؤنٹ جولائی تا مارچ ایک ارب 85 کروڑ90لاکھ ڈالرزسرپلس رہا۔

وزارت خزانہ نے کہا کہ اسٹیٹ بینک کے ذخائر 8 ارب 5 کروڑ ڈالر سے بڑھ کر10 ارب 57 کروڑ 20 لاکھ ڈالرز ہوگئے، ایف بی آر محصولات میں جولائی تا مارچ25.9 فیصد کا اضافہ ریکارڈ کیا گیا، رواں مالی سال کےدوران نان ٹیکس آمدنی میں72.9 فیصد کا اضافہ ہوا۔

ملک میں ایک ماہ میں مہنگائی کتنی بڑھی اس حوالے سے وفاقی حکومت کے ادارہ شماریات نے اعداد وشمار جاری کر دیے ہیں۔

وفاقی ادارہ شماریات نے ماہانہ بنیادوں پر مختلف شعبوں میں مہنگائی کی تفصیلات جاری کی ہیں جس کے مطابق ایک ماہ میں سب سے زیادہ جوتوں کی قیمت میں ریکارڈ اضافہ ہوا اور وہ 31.89 فیصد تک مہنگے ہوئے جب کہ کپڑے 15.26 فیصد مہنگے ہوئے۔

جاری رپورٹ کے مطابق رپورٹ کے مطابق ایک ماہ میں کاٹن کا کپڑا 15.12 فیصد، وولن کپڑا 10.55 فیصد مہنگا ہوا۔ ریڈ میڈ گارمنٹس 9.5 جب کہ وولن ریڈی میڈ گارمنٹس کی قیمتیں 11.51 فیصد بڑھیں۔

درزیوں کے معاوضوں میں 8.5 فیصد، ہوزری کے شعبے میں ایک ماہ کے دوران 14.85 فیصد مہنگائی ہوئی۔

ماہانہ بنیادوں پر گھریلو ساز وسامان 5.39 فیصد، پلاسٹک مصنوعات 8.5 فیصد، ٹیکسٹائل کی گھریلو مصنوعات 14.26 فیصد مہنگی ہوئیں۔

ایک ماہ میں ریسٹورینٹس اور ہوٹلز کی خدمات کے معاوضے میں 5.64 جب کہ تفریحی شعبہ میں 5.21 فیصد مہنگائی ریکارڈ کی گئی۔ ریڈ میڈ فوڈ 5.53 فیصد مہنگا ہوا۔