Tag: مہنگائی کی شرح

اسلام آباد : جنوری میں 2.4 فیصد کی شرح کے ساتھ پاکستان میں مہنگائی کی شرح 2015 کے بعد سے کم ترین سطح پر آگئی ہے۔

تفصیلات کے مطابق پاکستان میں مہنگائی کی شرح 2015 کے بعد کم ترین سطح پر آگئی، ادارہ شماریات نے بتایا کہ جنوری 2024میں مہنگائی کی شرح 2.4 فیصد اور دسمبر 2024 میں مہنگائی کی شرح 4.1 فیصد پر تھی جبکہ گزشتہ مالی سال کے 7 ماہ میں مہنگائی کی شرح 28.7 فیصد پر تھی۔

ادارہ شماریات نے ماہانہ بنیادوں پر مہنگائی کے اعدادوشمارجاری کئے ، جس میں بتایا گیا کہ شہروں میں ایک ماہ میں مہنگائی 0.20 فیصد بڑھی، جولائی تا جنوری مہنگائی کی شرح 6.50 فیصد ریکارڈ کی گئی، جنوری 2024 کی نسبت مہنگائی 2.41 فیصد بڑھ گئی۔

اعداد و شمار کے مطابق شہروں میں چکن 35.26 ،دال مونگ 5.43 فیصد مہنگی ہوئی جبکہ تازہ پھل 5.01، چینی 3.90 ، گھی 2.61 فیصد مہنگا ہوا۔

شہروں میں آلو 28.07، ٹماٹر 20.70 ،سبزیاں 19.97 فیصد سستی ہوئیں اور ایک ماہ میں انڈے 14، پیاز 13.98 فیصد سستے ہوئے۔

جنوری میں دیہات میں مہنگائی 2.41 فیصد بڑھی، دیہات میں ایک ماہ میں مرغی کا گوشت 33.02 مہنگا ہوا جبکہ چینی 4.82، دال مونگ 4.84 فیصد مہنگی ہوئی تاہم دیہات میں تازہ پھل 7.82 فیصد سستے ہوئے۔

وزیراعظم شہباز شریف نے جنوری 2025 میں مہنگائی کی بڑھتی شرح میں 9 سال کی کم ترین سطح پر آنے کا خیر مقدم کرتے ہوئے کہا کہ 2024 کے آغازمیں مہنگائی کی شرح 28.73فیصد تھی جو4.1  فیصدتک کم ہوئی۔

ان کا کہنا تھا کہ جنوری  2025 میں مہنگائی کی شرح مزید کم ہو کر 2.4 فیصد پر آ چکی ہے، مہنگائی کی شرح کا بتدریج کم ہونا انتہائی خوش آئند ہے، اشیائے خورد و نوش کی قیمتوں میں کمی سے عام آدمی کی زندگی میں بہتری آ رہی ہے۔

اسلام آباد : ایس آئی ایف سی کی معاونت سے پاکستان میں مہنگائی کی شرح ساڑھے 6  سال کی کم ترین سطح پر آگئی۔

تفصیلات کے مطابق ایس آئی ایف سی کے تعاون سے مہنگائی کی شرح میں نمایاں کمی ہوئی اور پاکستان میں مہنگائی کی شرح ساڑھے 6 سال کی کم ترین سطح پر آگئی۔

معاشی حالات میں بہتری کے باعث نومبر 2024 میں شرح کم ہوکر4.9 فیصد پر آ گئی ، سال کے پہلے 5 ماہ میں اوسط شرح 28.62فیصد سے کم ہوکر 7.88 فیصد پر آگئی۔

سالانہ بنیادوں پر شہری علاقوں میں  افراط زر کی شرح میں نمایاں کمی سے 5.2 فیصد پر آگئی

افراط زر میں مسلسل کمی صارفین اور معیشت پر دباؤ کم کرنے میں معاون ثابت ہورہی ہے جبکہ خوراک اورٹرانسپورٹ کےاخراجات میں کمی نےمہنگائی کو کم کرنے میں بھی مدد دی۔

پالیسی سطح پر کئے گئے اقدامات کی بدولت  افراط زر کی شرح کم ہونے سے معاشی استحکام کو فروغ ملا۔

کراچی : ملک میں مہنگائی کے طوفان کے باعث گھی، کوکنگ آئل، دالیں، آٹا، چینی، دودھ سمیت سب اشیا مہنگی ہوگئیں۔

تفصیلات کے مطابق ملک میں مہنگائی کی شرح میں اضافے کا سلسلہ نہ رک سکا، حکومتی دعوؤں کے برعکس اشیائےخورو نوش کی قیمتیں کم ہونے کے بجائےمزید بڑھتی جارہی ہیں۔

مہنگی ہونے والی اشیا میں بجلی، بناسپتی گھی، کوکنگ آئل، دالیں، آٹا، چینی، دودھ اور مرغی کا گوشت سرفہرست ہیں۔

مجموعی طور پر پچیس اشیائےضروریہ کے دام بڑھے اور مہنگائی کی شرح تئیس فیصد سےزائد ریکارڈ کی گئی۔

مختلف برانڈز کے کوکنگ آئل کی قیمت میں تیس سے چالیس روپے فی لیٹر اضافہ ہوا جبکہ کالےچنے پینسٹھ روپے،دال مونگ ساٹھ روپے، دال ماش پچاس روپے، دال چنا پینتالیس روپے فی کلو گرام تک مہنگی ہوئی۔

چینی کی قیمت میں بھی پچیس سےتیس روپے کلو تک اضافہ ہوا جبکہ مرغی کاگوشت بھی کہیں 80 تو کہیں 100 روپےسے زائد فی کلو تک مہنگا ہوکر 600 سے 650 روپےفی کلو میں فروخت ہورہا ہے۔

ہول سیل مارکیٹ کی بات کریں تو یہاں بھی مہنگائی نے ڈیرےڈال رکھے ہیں، مسلسل چوتھے ماہ اضافے کے بعد جون میں ہول سیل شرح مہنگائی سولہ ماہ کی بلند ترین سطح پرتین اعشاریہ تین چھ فیصد تک پہنچ گئی ہے، جو گزشتہ سال جون میں صفر اعشاریہ سے نیچے تھی۔

ٹن اوربیف کےبعدچکن بھی عام آدمی کی پہنچ سےدور،،سکھرمیں مرغی فروشوں کی منافع خوری جاری ہے،،،مرغی کاگوشت مزید مہنگا کر دیا گیا،اسی سےایک سوپچاس روپےفی کلوتک اضافےکے بعد قیمت ساڑھےچھ سوروپےتک پہنچ گئی

اسلام آباد : بجٹ کے بعد نئے مالی سال کا پہلا ہفتہ مہنگائی کے ستائے شہریوں پر بھاری رہا اورمہنگائی کی مجموعی سالانہ شرح 23.59 فیصد پر پہنچ گئی۔

تفصیلات کے مطابق ادارہ شماریات نے نے مہنگائی سے متعلق ہفتہ وار رپورٹ جاری کردی، جس میں بتایا کہ ہفتہ وار بنیادوں پرمہنگائی 1.28 فیصد بڑھی ، جس کے بعد ملک میں مہنگائی کی مجموعی سالانہ شرح 23.59 فیصد پر پہنچ گئی۔

ادارہ شماریات نے کہا کہ ایک ہفتے میں 29 اشیائے ضروریہ کی قیمتوں میں اضافہ ہوا جبکہ حالیہ ہفتے 5 اشیا سستی اور 17 اشیا کی قیمتیں مستحکم رہیں۔

ادارہ شماریات کا کہنا تھا کہ صرف ایک ہفتے میں ٹماٹر70.77 فیصد مہنگے ہوگئے اور ملک میں ٹماٹرکی اوسط فی کلو قیمت 200 روپے سے تجاوزکرگئی۔

ایک ہفتےمیں آٹا 10.57 فیصد مہنگا ہوا اور پاؤڈردودھ کی قیمت میں8.90 فیصد کا اضافہ ہوا جبکہ چکن،دالیں اورلہسن کی قیمتوں میں بھی مہنگی ہوئیں۔

ڈیزل3.58، پیٹرول 2.88 اور ایل پی جی کی قیمت 1.63 فیصد بڑھی جبکہ ایک ہفتے میں پیاز 9.05 اورآلو 1.04فیصد سستے ہوئے ساتھ ہی انڈے اور کیلے کی قیمتوں میں بھی کمی ہوئی۔

اسلام آباد : ہفتہ وارمہنگائی کی شرح 1.36فیصد اضافے کے بعد 44.16 فیصد کی سطح پر پہنچ گئی، 21 اشیائے ضروریہ کی قیمتوں میں اضافہ ہوا۔

تفصیلات کے مطابق ادارہ شماریات نے ہفتہ وار مہنگائی کے اعدادو شمار جاری کردیے ، جس میں بتایا گیا ہے کہ ہفتہ وار مہنگائی کی شرح میں1.36فیصد کا بڑا اضافہ ریکارڈ کیا گیا۔

ادارہ شماریات کا کہنا تھا کہ ہفتہ وارمہنگائی کی شرح44.16فیصدکی سطح پرپہنچ گئی، حالیہ ہفتے 21 اشیائے ضروریہ کی قیمتوں میں اضافہ ہوا۔

اعدادو شمار میں بتایا گیا کہ ایک ہفتے میں ٹماٹر19 روپے 41 فی کلو ، پیاز 17 روپے 29 پیسے،چکن 26 روپے31 پیسےفی کلو مہنگا ہوا جبکہ انڈے 17 روپے 22 پیسے، دال چنا 5 روپے 32 پیسے فی کلومہنگی ہوئی۔

ایک ہفتے میں ایل پی جی کاسلنڈر275 روپے، دال ماش4 روپے 40 پیسے،آٹےکا تھیلا6 روپے 53 پیسے مہنگا ہوا۔

ادارہ شماریات کے مطابق ایک ہفتے میں 8 اشیا کی قیمتیں کم ہوئیں، آلو3 روپے 79 پیسےفی کلو، چینی66پیسے سستی ، اڑھائی کلو گھی کا ٹن3 روپے 84 پیسے سستاہوا۔

ادارہ شماریات نے مزید کہنا تھا کہ ایک ہفتے میں 22 اشیا کی قیمتیں مستحکم رہیں۔