Tag: مہنگائی کی شرح

اسلام آباد : پاکستان میں مہنگائی کی شرح 8.4 فیصد تک پہنچ گئی، جولائی کی نسبت اگست میں مہنگائی کی شرح میں 0.6 فیصد اضافہ ہوا۔

تفصیلات کے مطابق ادارہ شماریات نے ماہانہ بنیادوں پرمہنگائی کے اعدادوشمارجاری کردئیے، جس میں بتایا گیا کہ اگست 2021 مہنگائی کی شرح 8.4 فیصدرہی، جولائی کی نسبت اگست میں مہنگائی 0.6 فیصد بڑھی۔

ادارہ شماریات کا کہنا تھا کہ اگست میں ٹماٹر17.84فیصد،سبزیاں 12.54فیصد اور پیٹرولیم مصنوعات 18سے 6فیصد تک مہنگی ہوئیں جبکہ آلوکی قیمت میں 1.84فیصد،خوردنی تیل وگھی1.75فیصد ، دودھ میں 1.94فیصد اور چینی میں 1.36فیصد اضافہ ہوا۔

اعدادوشمار کے مطابق ماہ اگست میں چکن11.98فیصد، پھل 7.75، دال چنا 5.18فیصد ، مصالحہ جات 2.75فیصد ،دال مونگ 2.35،انڈے 1.64فیصد سستے ہوئے۔

ادارہ شماریات نے بتایا کہ سالانہ بنیاد پر ویجی ٹیبل گھی36.34فیصداورٹماٹر35.15فیصد ، خوردنی تیل33.96فیصد ،مسٹرڈ آئل33.10 ،انڈے23.68 فیصد  ، چکن20.47 فیصد، گوشت 13.71 اور دودھ 10.64فیصد مہنگا ہوا۔

رپورٹ میں کہا گیا کہ سالانہ بنیاد پر آلو، دالیں ، پیاز اور گندم 19سے 4فیصد تک سستی ہوئیں۔

اسلام آباد: ملک میں رواں ہفتے مہنگائی میں 0.22 فیصد کمی ریکارڈ کی گئی ، اس دوران 23 اشیا ضروریہ کی قیمتوں میں اضافہ ، 7اشیا کی قیمتوں میں کمی اور 21اشیا کی قیمتوں میں استحکام رہا۔

تفصیلات کے مطابق وفاقی ادارہ شماریات نے مہنگائی کی ہفتہ وار رپورٹ جاری کردی ہے ، جس میں بتایا گیا کہ ملک میں رواں ہفتے مہنگائی میں 0.22 فیصد کمی اور مہنگائی کی شرح 5.77 فیصد تک ریکارڈ کی گئی۔

ادارہ شماریات کا کہنا تھا کہ ایک ہفتے میں 23 اشیا ضروریہ کی قیمتوں میں اضافہ ، 7 اشیا ضروریہ کی قیمتوں میں کمی اور 21 اشیا کی قیمتوں میں استحکام رہا۔

ایک ہفتے میں چینی کی فی کلوقیمت میں2روپے81پیسےاضافہ جبکہ آٹا، مٹن، بیف ،چاول کی قیمتوں میں بھی معمولی اضافہ ہوا جبکہ ویجی ٹیبل گھی کی قیمت میں 5 سے 7 روپے فی اڑھائی کلو اضافہ اور دال مسور،دال ماش، دال مونگ کی قیمتوں میں بھی معمولی اضافہ ہوا۔

ادارہ شماریات کے مطابق انڈے 31 روپے فی درجن سے کم ہوکر 167 روپے درجن ہوگئے، ٹماٹرکی فی کلوقیمت میں9 روپے 46 پیسے کمی ، زندہ مرغی کی فی کلو قیمت21 روپے 3پیسے کمی جبکہ پیازاور آلوکی فی کلو قیمت میں اوسط 2 روپے کی کمی ہوئی۔

یاد رہے جنوری کے پہلے ہفتے میں مہنگائی کی شرح 15 اعشاریہ 81 فیصد پر آگئی۔

گزشتہ ہفتے کے مقابلے رواں ہفتے مہنگائی میں اعشاریہ 06 فیصد اضافہ ہوا ، جس سے مہنگائی کی شرح 15 اعشاریہ 81 فیصد پر آگئی تھی ، ایک ہفتے میں بائیس اشیائے ضروریہ کی قیمتوں میں اضافہ اور چھ میں کمی ہوئی تھی۔

اسلام آباد : وفاقی ادارہ شماریات کا کہنا ہے کہ گزشتہ ہفتے کے مقابلے مہنگائی میں کمی ہوئی ، رواں ہفتے مہنگائی کی شرح 8اعشاریہ 93 فیصد تک آگئی۔

تفصیلات کے مطابق وفاقی ادارہ شماریات نے مہنگائی کے حوالے سے رپورٹ جاری کردی، جس میں بتایا گیا کہ گزشتہ ہفتے کے مقابلے اس ہفتے مہنگائی میں اعشاریہ ایک دو فیصد کمی ہوئی اور رواں ہفتے ملک میں مہنگائی کی شرح آٹھ عشاریہ نو تین فیصد رہی۔

وفاقی ادارہ شماریات کے مطابق حالیہ ہفتے میں چودہ اشیائے ضروریہ کی قیمتوں میں اضافہ ، چودہ میں کمی اور تیئیس کی قیمتوں میں استحکام رہا، ایک ہفتے دوران مرغی، پیاز،آلو،لہسن، ایل پی جی مہنگی جبکہ ٹماٹر،آٹا،چینی، انڈے، پیٹرول سستا ہوا۔

یاد رہے 4 روز قبل وفاقی ادارہ شماریات نے تسلیم کیا تھا کہ بنیادی فوڈ آئٹمز آٹا،چینی،دالوں اور مرغی کی قیمتوں میں اضافے کی وجہ سے مہنگائی میں اضافہ ہوا۔

وفاقی ادارہ شماریات کے مطابق گزشتہ سال کے مقابلے اس سال اکتوبرکے مہینے میں ملک میں مہنگائی میں آٹھ اعشاریہ نو فیصد اضافہ ہوا، ستمبر کے مقابلے اکتوبر میں مہنگائی ایک اعشاریہ سات فیصد بڑھی۔

اس سے قبل اکتوبر کے تیسرے ہفتے میں مہنگائی کی شرح میں0.23 فیصد کمی ریکارڈ کی گئی تھی جبکہ اکتوبر کے دوسرے ہفتے مہنگائی میں 0.45 فیصد اضافہ ہوا تھا ، جس کے بعد ملک میں مہنگائی کی مجموعی شرح9.20 تک پہنچ گئی تھی۔