Tag: مہنگائی

وزیراعظم کا گندم،چینی بحران پر حتمی رپورٹ ایک ہفتے میں جمع کرانے کا حکم

اسلام آباد: وزیراعظم عمران خان نے گندم، چینی بحران پر حتمی تحقیقاتی رپورٹ جمع نہ کرانے پر برہمی کا اظہار کرتے ہوئے متعلقہ حکام کو ایک ہفتے کی ڈیڈ لائن دے دی۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت وفاقی کابینہ کا اجلاس ہوا۔ اجلاس میں معاشی وسیاسی صورتحال سمیت11 نکاتی ایجنڈے پر غور کیا گیا۔

اجلاس کے دوران وزیراعظم نے گندم، چینی بحران پر حتمی تحقیقاتی رپورٹ جمع نہ کرانے پر برہمی کا اظہار کرتے ہوئے متعلقہ حکام کو ایک ہفتے کی ڈیڈ لائن دے دی۔

وزیراعظم عمران خان نے مہنگائی میں مزید کمی کے لیے اقدامات تیز کرنے کا حکم دیتے ہوئے کہا کہ ارکان مہنگائی میں مزید کمی کے لیے اقدامات پرخصوصی توجہ دیں۔

اجلاس میں میٹابولزم کے شکار بچوں کی لائف سیونگ غذا کی فراہمی کے لیے ایس آر او کا عندیہ دے دیا، لائف سیونگ غذا کی فراہمی کے لیے امپورٹ پر ڈیوٹی ختم کرنے کی تجویز دی گئی۔

وزیراعظم کا کہنا تھا کہ عوام سے وعدہ کیا ہے بحران میں ملوث لوگوں کو بے نقاب کیا جائےگا، رپورٹ تیار ہوگئی تو کابینہ ڈویژن نے اجلاس میں کیوں پیش نہیں کی؟ وزیراعظم نے متعلقہ حکام کو کھری کھری سنا دیں۔

وفاقی کابینہ کے اجلاس میں یوٹیلٹی اسٹورز کے بورڈ آف ڈائریکٹرز میں توسیع کی منظوری دے دی، یوٹیلٹی اسٹورز کے بورڈ میں 3 پرائیویٹ ممبرز شامل کیے جائیں گے۔

وفاقی کابینہ نے ای سی سی اجلاس میں ہونے والے فیصلوں کی توثیق کردی۔ کابینہ نے بھارت سے کیڑے مار ادویات کی درآمد کی سمری مؤخر کر دی۔ چیئرمین ایس ای سی پی کی تعیناتی اور پاور ڈویژن کی جانب سے بجلی کے شعبے سے متعلق بریفنگ بھی موخر کر دی گئی۔

مارچ 10, 2020
مہنگائی کم ہوگئی ہے، اگلے بجٹ میں بہت بہتری ہوگی، محمد میاں سومرو

حیدرآباد: وفاقی وزیرنجکاری محمد میاں سومرو کا کہنا ہے کہ مہنگائی کم ہوگئی ہے، اگلے بجٹ میں بہت بہتری ہوگی۔

تفصیلات کے مطابق وفاقی وزیر نجکاری محمد میاں سومرو نے قاسم آباد میں پریس کانفرنس کرتے ہوئے کہا کہ 140اے کے تحت لوکل گورنمنٹ کو اختیارات دینا قانون میں ہے۔

این آر او سے متعلق محمد میاں سومرو کا کہنا تھا کہ پاکستان تحریک انصاف کی حکومت نے کوئی این آر او نہیں دیا۔ انہوں نے کہا کہ مہنگائی کم ہوگئی ہے، اگلے بجٹ میں بہت بہتری ہوگی۔

وفاقی وزیر نجکاری کا مزید کہنا تھا کہ چینی بحران پر جو بھی انکوائری رپورٹ آئی پبلک کریں گے۔ جہانگیر ترین سے متعلق ان کا کہنا تھا کہ تحریک انصاف کے رہنما جہانگیر ترین ساتھ ہیں سائیڈلائن نہیں ہیں۔

مارچ میں مہنگائی میں مزید کمی متوقع ہے: فواد چوہدری

اس سے قبل وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا تھا کہ مہنگائی کی شرح میں مسلسل دوسرے ماہ کمی آئی ہے۔

فواد چوہدری کا کہنا تھا کہ مارچ میں مہنگائی میں مزید کمی کی توقع ہے، حکومتی اقدامات اور عالمی سطح پر تیل کی قیمتوں میں کمی سے مہنگائی کا جن بوتل میں بند ہوتا دکھائی دیتا ہے۔

مارچ 7, 2020
وزیراعظم عمران خان کی کوششوں کے ثمرات، مہنگائی میں نمایاں کمی

اسلام آباد :مارچ میں مہنگائی میں کمی کاسلسلہ برقرارہے، مارچ کے پہلے ہفتے میں افراط زرکی شرح میں 0.32 فیصد کی کمی ریکارڈ کی گئی، ماہرین کا کہناہے مہنگائی میں کمی کا سلسلہ جاری رہےگا۔

تفصیلات کے مطابق ادارہ شماریات کی جانب سے مارچ کے دوران مہنگائی سےمتعلق اعدادوشمار جاری کردیے گئے ، جس میں بتایا گیا مارچ کے پہلے ہفتے کے دوران مہنگائی کی شرح میں 0.32 فیصد کی کمی ریکارڈ کی گئی جبکہ کم آمدنی والوں کیلئے قیمتوں کےحساس اشارئےمیں 0.28 فیصد کی کمی ہوئی۔

اعدادوشمار کے مطابق آلو، پیاز، انڈے، چینی، گڑ، کیلے، اری چاول، گائے کے گوشت ، بکرے کے گوشت ، تازہ دودھ،دھی،صابن،ویجی ٹیبل گھی سمیت 18 اشیائے کی قیمتوں میں اضافہ ہوا۔

ادارہ شماریات کا کہنا تھا کہ ٹماٹر،پیٹرول،ہائی اسپیڈڈیزل،مٹی کاتیل،ایل پی جی ، چنے کی دال،دال مسو،لر، مسٹرڈآئل،مرغی،لہسن اور آٹاسمیت12اشیاکی قیمتوں میں کمی ہوئی۔

مزید پڑھیں : فروری 2020کے دوران مہنگائی کی شرح میں 1.04 فیصد کمی

اعدادوشمار کے مطابق باسمتی چاول،گندم،خوردنی تیل،ملک پاؤڈر ، روٹی سادہ،چائے،سرخ مرچ،سگریٹ،نمک کےنرخ برقراررہے جبکہ گیس نرخ،بجلی کےنرخ ، بلب سمیت21اشیاکی قیمتیں مستحکم رہیں۔

یاد رہے گزشتہ ماہ کے اختتام پر افراط زرکی شرح میں دواعشاریہ دوفیصد کی کمی ریکارڈ کی گئی تھی، فروری میں مہنگائی میں اضافےکی شرح بارہ اعشاریہ چارفیصد ریکارڈ کی گئی۔

معاشی ماہرین کاکہناہےکہ حکومتی اقدامات اورعالمی منڈی میں خام تیل کی قیمت میں کمی کےباعث رواں ماہ کے اختتام تک افراط زرمیں مزید کمی متوقع ہے۔

ادارہ شماریات کا کہنا تھا کہ جولائی تافروری مہنگائی کی شرح سال گزشتہ کی نسبت11.70فیصدرہی، سبزیوں کی قیمتوں میں 13، کوکنگ آئل میں 10، چینی کی 8فیصد ، پھل 4 اور دالیں 2 فیصد تک مہنگی ہوئی جبکہ ایک ماہ میں ٹماٹر 60 ، انڈے 26،سبزیاں 11 اور آٹا 5 فیصد سستا ہوا جبکہ ایک ماہ میں ایل پی جی اور بجلی 13فیصدسستی اورگیس چارجز 55 فیصدبڑھے۔

مارچ 7, 2020
مارچ میں مہنگائی میں مزید کمی متوقع ہے: فواد چوہدری

اسلام آباد: وفاقی وزیر فواد چوہدری کا کہنا ہے کہ مارچ میں مہنگائی میں مزید کمی کی توقع ہے، حکومتی اقدامات اور عالمی سطح پر تیل کی قیمتوں میں کمی سے مہنگائی کا جن بوتل میں بند ہوتا دکھائی دیتا ہے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ مہنگائی کی شرح میں مسلسل دوسرے ماہ کمی آئی ہے۔

فواد چوہدری کا کہنا تھا کہ مارچ میں مہنگائی میں مزید کمی کی توقع ہے، حکومتی اقدامات اور عالمی سطح پر تیل کی قیمتوں میں کمی سے مہنگائی کا جن بوتل میں بند ہوتا دکھائی دیتا ہے۔

مہنگائ کی شرح میں مسلسل دوسرے ماہ کمی آئ ہے، مارچ میں مہنگائ میں مزید کمی کی توقع ہے، حکومتی اقدامات عالمی سطح پر تیل کی قیمتوں میں کمی سے مہنگائ کا جن بوتل میں بند ہوتا دکھائ دیتا ہے۔

— Ch Fawad Hussain (@fawadchaudhry) March 7, 2020

خیال رہے کہ ادارہ شماریات کے اعداد و شمار کے مطابق فروری 2020 کے آخری ہفتے کے دوران مہنگائی کی شرح میں 1.16 فیصد کمی آئی۔ کم آمدنی والوں کے لیے مہنگائی کی شرح میں 1.34 فیصد کمی ریکارڈ کی گئی۔

ادارہ شماریات کا کہنا تھا کہ 13 اشیائے ضروریہ کی قیمتوں میں کمی اور 13 اشیائے ضروریہ کی قیمتوں میں اضافہ ہوا، جبکہ 25 اشیائے ضروریہ کی قیمتوں میں استحکام رہا۔

مارچ 7, 2020
مہنگائی میں کمی کے لیے تمام اقدامات کی نگرانی کر رہا ہوں، وزیراعظم

اسلام آباد: وزیراعظم عمران خان کا کہنا ہے کہ مہنگائی میں کمی کے لیے تمام اقدامات کی نگرانی کر رہا ہوں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت حکومتی اور پارٹی ترجمانوں کا اجلاس ہوا جس میں وزیر منصوبہ بندی اسد عمر نے ترجمانوں کو پی ایس ڈی پی پر بریفنگ دی۔

اسد عمر نے پی ایس ڈی پی منصوبوں اور ان پر اخراجات سے آگاہ کیا۔ اجلاس میں لیگی رہنماؤں کے کراچی میں ایم کیو ایم سے ملاقات کا تذکرہ بھی ہوا۔

اس موقع پر وزیراعظم عمران خان کا کہنا تھا کہ سیاسی لوگ آپس میں ملتے ہیں یہی جمہوریت ہے، حکومت کو ان ملاقاتوں سے کوئی نقصان نہیں، ایم کیو ایم حکومت کی اتحادی جماعت ہے، سندھ کے معاملات پر ایم کیوایم و دیگر اتحادی جماعتیں رابطے میں ہیں۔

وزیراعظم نے پاکستان میں پی ایس ایل کے انعقاد پر اظہار اطمینان کرتے ہوئے کہا کہ دبئی میں پی ایس ایل کے دوران اکثر اسٹیڈیم خالی ہوتے تھے، پاکستان کے اسٹیڈیم میں شائقین کی تعداد قابل تعریف ہے۔

عمران خان کا کہنا تھا کہ پی ایس ایل کے پاکستان میں انعقاد سے عالمی دنیا پر مثبت پیغام جا رہا ہے، سیاحت کے شعبے میں بھی حکومت مسلسل کام کر رہی ہے، سیاحوں کی پاکستان آمد میں دوگنا اضافہ ہوا۔

وزیراعظم نے کہا کہ حکومت کے مثبت اقدامات کو اعداد وشمار کے ساتھ اجاگر کریں، میڈیا پر مکمل اعداد وشمار کے ساتھ جایا کریں۔انہوں نے مزید کہا کہ مہنگائی میں کمی کے لیے تمام اقدامات کی نگرانی کر رہا ہوں۔

مارچ 5, 2020
اسد عمر نے عوام کو بڑی خوشخبری سنادی

اسلام آباد : وفاقی وزیر منصوبہ بندی اسدعمر کا کہنا ہے کہ چندہفتوں میں مہنگائی میں 5فیصدکمی ہوئی ہے، مہنگائی اور افراط زرکاگراف مزیدنیچےآئےگا، سی پیک پربرق رفتاری سے کام جاری ہے۔

تفصیلات کے مطابق وفاقی وزیر منصوبہ بندی اسدعمر نے بریفنگ دیتے ہوئے کہا ملکی معیشت کو2سال میں مستحکم ہوناتھا، 2 سال سے پہلے معیشت کےمستحکم ہونےکاہدف حاصل ہوجائےگا، پچھلے چندہفتوں میں مہنگائی میں 5فیصدکمی ہوئی ہے، مہنگائی اور افراط زرکاگراف مزیدنیچےآئےگا۔

اسد عمر کا کہنا تھا کہ صنعتی پیداوار میں 9سے35فیصد اضافہ ہوا ہے، مختلف صنعتوں نےکام شروع کردیاہے، معاشی سرگرمیاں شروع ہوچکی ہیں صنعتوں کاپہیہ چل چکاہے، گزشتہ تین ماہ میں ترقیاتی بجٹ 185 ارب خرچ کیاہے۔

سی پیک منصوبوں کے حوالے سے وفاقی وزیر نے کہا سی پیک پربرق رفتاری سے کام جاری ہے ، سی پیک منصوبوں کی تکمیل کی رفتارسےچین،پاکستان مطمئن ہیں، رواں مالی سال میں 3خصوصی اکنامک زون کاسنگ بنیادرکھاجائےگا، چینی صدرکادورہ متوقع ہے،حتمی شیڈول طےکیاجارہاہے۔

ان کا کہنا تھا کہ اسلام آبادکا سب سےبڑا مسئلہ پانی ہے، غازی بروتھاسےپانی لانےکامنصوبہ ہے، راولپنڈی اوراسلام آبادمیں پانی کی کمی دورکی جائے گی اور اسلام آبادایئرپورٹ میٹروبس سروس منصوبہ چندہفتےمیں مکمل ہوجائےگا۔

اسد عمر نے کہا اسٹیٹ بینک کومانیٹری پالیسی پر نظر ثانی کرنا پڑےگی، نئےحالات میں انٹرسٹ ریٹ میں کمی ہوگی، روپے کی قدر مستحکم رہےگی اور انٹرسٹ ریٹ کم ہونے سے بھی سرمایہ محفوظ رہےگا۔

وفاقی وزیر کا کہنا تھا کہ بیرونی سرمایہ کاری سے زیادہ اندرونی سرمایہ کاری پرانحصارہے، ملکی معیشت کازیادہ انحصاراندرونی سرمایہ کاری پرہے، سعودی عرب کی2بڑےمنصوبوں میں سرمایہ کاری پرتیزی سےکام جاری ہے۔

مارچ 5, 2020
مہنگائی میں کمی کے لیے وفاقی کابینہ کے فیصلے خوش آئند ہیں،وزیراعظم

اسلام آباد: وزیراعظم عمران خان کا کہنا ہے کہ جنوری کی نسبت فروری میں افراط زر کی شرح میں 2 فیصد سے بھی زیادہ کمی آئی۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ مہنگائی میں کمی کے لیے وفاقی کابینہ کے فیصلے خوش آئند ہیں۔

وزیراعظم نے کہا کہ مہنگائی کوکم کرنے اور شہریوں پر بوجھ کم کرنے کے اقدامات کو جاری رکھیں گے۔انہوں نے کہا کہ افراط زر میں کمی کے کابینہ کے فیصلوں اور یوٹیلی اسٹورز کے ذریعے اشیائے خورونوش پر سبسڈی کے نمایاں ہوتے ثمرات باعث مسرت ہیں۔

Good to see Cabinet decisions to reduce inflation, incl subsidy on products through Utility Stores, starting to bear fruit. Inflation rate for Feb shows decline by more than 2% versus Jan. We will continue pursuing measures to bring down inflation & reduce burden on citizens

— Imran Khan (@ImranKhanPTI) March 2, 2020

آئندہ مہنگائی کی شرح میں کمی کے واضح امکانات ہیں، رضا باقر

اس سے قبل گورنر اسٹیٹ بینک رضا باقر نے کراچی میں تقریب سے خطاب کرتے ہوئے کہا تھا کہ اسٹیٹ بینک نے جن اہم چیلنجز پر فوکس کیا وہ اب بہتر ہورہے ہیں، 7 ماہ کے دوران کرنٹ اکاؤنٹ خسارے میں نمایاں کمی ہوئی ہے۔

رضا باقر کا کہنا تھا کہ تجارتی خسارہ کم ہوا ہے، برآمدات بڑھنے سے بہت فائدہ ہوگا، برآمد کنندگان کو سہولت دی ہے جس سے برآمدات میں بھی بہتری ہوگی۔

مارچ 2, 2020
مہنگائی میں کمی ہو گئی، حکومت کا اعلان

اسلام آباد: وفاقی وزیر برائے اقتصادی امور حماد اظہر نے کہا ہے کہ مہنگائی کی شرح 14.6 سے کم ہوکر 12.4 فیصدہو گئی۔

تفصیلات کے مطابق سینیٹ اجلاس میں سوالات کا جواب دیتے ہوئے حماد اظہر نے بتایا کہ تیل، ڈیزل میں5 روپےکمی کے بعدمہنگائی میں کمی ہوگی۔

انہوں نے کہا کہ رواں سال فروری میں برآمدات میں 13.6 فیصداضافہ ہوا جب کہ پچھلے سال 32 فیصدخسارہ کم ہوا اور رواں برس 70 فیصد کم ہوا۔

یہ بھی پڑھیں: فردوس عاشق اعوان نے عوام کو بڑی خوشخبری سنادی

حماد اظہر نے کہا کہ جب اقتدار سنبھالا تو پاکستان کےپاس صرف 2 ہفتےکے ریزرو رہ گئے تھے، ہماری حکومت نے سخت حالات سےملک کو نکالا۔

وفاقی وزیر کا کہنا تھا کہ ہماری حکومت میں اسٹیٹ بینک کےذخائرمیں 50فیصداضافہ ہوا، روپےکی قدر کو مستحکم کرنےکیلئے ایک ڈالر بھی مارکیٹ میں نہیں جھونکا گیا۔

اس سے قبل معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا سی پی آئی کےمطابق خوراک کی قیمتوں میں واضح کمی دیکھنےمیں آئی، اشیائےخوردونوش کی قیمتیں فروری میں 12.4 فیصدکم ہوئیں۔

مارچ 2, 2020
مہنگائی میں کمی کے لیے وزیراعظم عمران خان کے اہم اقدامات کے مثبت نتائج نمایاں ہونے لگے

اسلام آباد : مہنگائی میں کمی کےلیےوزیراعظم عمران خان کےاہم اقدامات کےمثبت نتائج نظر آنے لگے ، صرف ایک ماہ میں افراط زر کی شرح میں نمایاں کمی ریکارڈ کی گئی۔

تفصیلات کے مطابق مہنگائی میں کمی کےلیےوزیراعظم عمران خان کی جانب سے کئے گئے اقدامات کےمثبت نتائج نمایاں ہونے لگے ، افراط زرکی حالیہ اعداد و شمار پر مبنی رپورٹ وزیراعظم کو پیش کردی گئی۔

رپورٹ میں بتایا گیا فروری میں افراط زرکی شرح کم ہوکر12اعشاریہ4فیصدپرآ گئی جبکہ جنوری میں افراط زرکی شرح 14اعشاریہ6فیصد تک پہنچ چکی تھی۔

اعدادوشمار کے مطابق شہری علاقوں میں مہنگائی13.4فیصدسےکم ہوکر11.2فیصداور دیہی علاقوں میں مہنگائی کی شرح 14.2فیصدتک آگئی۔

رپورٹ میں کہا گیا اشیائےخورونوش میں افراط زرکی شرح 19.5 سےکم ہوکر15.2فیصد ہوگئی ، مہنگائی میں کمی کےلیےمزید اقدامات جاری ہے ،آئندہ ماہ مزیدکمی متوقع ہے۔

وزیراعظم نے معاشی ٹیم کومہنگائی میں ہرممکن حدتک مزیدکمی لانےکی ہدایت کردی ہے۔

دوسری جانب ادارہ شماریات کی جانب سے فروری کےدوران مہنگائی سےمتعلق اعدادوشمار جاری کئے گئے ، جس میں بتایا گیا فروری 2020کے دوران مہنگائی کی شرح میں 1.04 فیصد کمی ہوئی ، مہنگائی کی شرح فروری 2019کےمقابلے میں 12.40 فیصدرہی۔

ادارہ شماریات کا کہنا ہے کہ جولائی تافروری مہنگائی کی شرح سال گزشتہ کی نسبت11.70فیصدرہی، سبزیوں کی قیمتوں میں 13، کوکنگ آئل میں 10، چینی کی 8فیصد ، پھل 4 اور دالیں 2 فیصد تک مہنگی ہوئی ۔

اعدادوشمار کے مطابق ایک ماہ میں ٹماٹر 60 ، انڈے 26،سبزیاں 11 اور آٹا 5 فیصد سستا ہوا جبکہ ایک ماہ میں ایل پی جی اور بجلی 13فیصدسستی اورگیس چارجز 55 فیصدبڑھے۔

ادارہ شماریات کا کہنا ہے کہ ایک سال میں پیاز 102 ، دال مونگ 84، آلو 83، سبزیاں 62 فیصد ، ماش 51، مکھن 43، چینی 37، گھی 34، دال چنا 24 اور دال مسور 22 فیصد مہنگی ہوئی جبکہ ایک سال میں ٹماٹر 61، انڈے 10 اور بجلی کے نرخ 4 فیصد سستے ہوئے

مارچ 2, 2020
فروری کے آخری ہفتے میں مہنگائی کی شرح میں 1.16 فی صد کمی

کراچی: ادارہ شماریات کا کہنا ہے کہ فروری 2020 کے آخری ہفتے کے دوران مہنگائی کی شرح میں 1.16 فی صد کمی آئی۔

اے آر وائی نیوز کے مطابق ادارہ شماریات نے تازہ ترین اعداد و شمار جاری کرتے ہوئے کہا ہے کہ رواں برس فروری کے آخری ہفتے میں مہنگائی کی شرح میں ایک اعشاریہ سولہ فی صد کمی آئی، کم آمدنی والوں کے لیے مہنگائی کی شرح میں 1.34 فی صد کمی ریکارڈ کی گئی۔

اری چاول، ایل پی جی، کیلے، پیاز، تازہ دودھ، دہی، مسٹرڈ آئل کی قیمتوں میں اضافہ ہوا، دال مونگ، بیف، مٹن، ویجی ٹیبل گھی سمیت 13 اشیا کی قیمتوں میں بھی اضافہ ہوا جب کہ بجلی کے نرخ، چینی، گڑ، ٹماٹر، آلو، مرغی اور انڈے کی قیمتوں میں کمی ہوئی۔

دال ماش، چنے کی دال، دال مسور، لہسن، آٹا سمیت 13 اشیا کی قیمتوں میں کمی آئی، پیٹرول، ہائی اسپیڈ ڈیزل، مٹی کا تیل، گیس نرخ، اور چائے کے نرخ برقرار رہے۔ باسمتی چاول، گندم، خوردنی تیل، نمک، ملک پاؤڈر اور روٹی کی قیمت مستحکم رہی۔

ادارہ شماریات کے مطابق بلب، سگریٹ، لال مرچ، صابن سمیت 25 اشیا کی قیمتیں مستحکم رہیں۔

فروری 29, 2020