Tag: مہنگائی

لاہور: وزیراعلیٰ پنجاب سردار عثمان بزدار کا کہنا ہے کہ ہم نے مہنگائی پر قابو پا کرعوام کو ریلیف دینا ہے، پرائس کنٹرول کمیٹیوں کو بھی فعال کردار ادا کرنا ہوگا۔

تفصیلات کے مطابق ضروری اشیا، سبزیوں کی قیمتوں میں اضافے کا نوٹس لیتے ہوئے کابینہ پرائس کنٹرول کمیٹی کو مصنوعی مہنگائی کے خلاف قانونی کارروائی کی ہدایت کردی۔

وزیراعلیٰ پنجاب سردار عثمان بزدار نے صوبے میں گراں فروشوں کے خلاف مؤثر کارروائی کا حکم بھی دیا۔

سردار عثمان بزدار نے کہا کہ مہنگائی کے مستقل سدباب کے لیے فول پروف میکنزم بنایا جائے، عوام کو گراں فروشوں کے سپرد نہیں کرسکتے۔

انہوں نے کہا کہ قیمتوں کا معاملہ حل کرکے رپورٹ وزیراعلیٰ آفس میں جمع کرائی جائے، گراں فروشی کرنے والے قانون کے ساتھ معاشرے کے بھی مجرم ہیں۔

وزیراعلیٰ پنجاب نے کہا کہ کاغذی کارروائیاں نہیں، ناجائز منافع خوروں کے خلاف ایکشن لینا ہوگا، ہم نے مہنگائی پر قابو پا کر عوام کو ریلیف دینا ہے۔

سردار عثمان بزدار نے کہا کہ پرائس کنٹرول کمیٹیوں کو بھی فعال کردار ادا کرنا ہوگا۔

وزیراعلیٰ پنجاب نے کہا کہ حکومت پنجاب نے شکایات کے لیے ٹال فری نمبرمتعارف کرایا ہے، شہری ٹال فری نمبر 08000234 پر شکایت درج کراسکتے ہیں۔

لوٹ مار کا دور گزر چکا، قومی وسائل عوام کی امانت ہیں، عثمان بزدار

یاد رہے کہ چار روز قبل وزیراعلیٰ پنجاب عثمان بزدار کا کہنا تھا کہ لوٹ مارکا دورگزر چکا، قومی وسائل عوام کی امانت ہیں ، نئے پاکستان میں اس ظالمانہ نظام کی کوئی گنجائش نہیں، ہم باتیں نہیں کام کرکے دکھاتے ہیں۔

اسلام آباد: وزیر توانائی عمر ایوب خان نے کہا ہے کہ نیپرا نے بجلی کے نرخ میں 83 پیسے اضافے کی تجویز دی، 300 یونٹ کے صارفین پر اضافے کا کوئی بوجھ نہیں ڈال رہے، بجلی کی قیمت بڑھنے سے 80 ارب روپے ملیں گے۔

تفصیلات کے مطابق آج اسلام آباد میں وزیر توانائی عمر ایوب خان نے پریس کانفرنس کرتے ہوئے کہا گردشی قرضہ گزشتہ حکومت کے دور میں ہر ماہ 38 ارب بڑھتا تھا، اب اسے گزشتہ 3 ماہ میں 35 ارب روپے پر لے آئے ہیں، اس سے گردشی قرضہ 10 سے 12 ارب روپے پر آ گیا ہے۔

بجلی نرخوں میں کمی سے متعلق انھوں نے کہا نرخوں میں کمی چوری پر قابو پانے سے ممکن ہو سکے گی، قابل تجدید توانائی کے ذریعے بھی نرخوں میں کمی ہو گی، بجلی نرخوں میں اضافہ ن لیگ حکومت کی غلط پالیسی کی وجہ سے ہے، مسلم لیگ ن اور پیپلز پارٹی نے مہنگے پاور پلانٹس لگائے، ووٹ لینے کے لیے ن لیگ نے ڈیڑھ سال تک نرخ نہیں بڑھائے۔

یہ بھی پڑھیں:  بجلی کی قیمت میں مزید 30 پیسے فی یونٹ اضافے کی منظوری

وزیر توانائی کا کہنا تھا 1400 فیڈرز پر چوری کے خاتمے کے لیے ہماری ٹیمیں کام کر رہی ہیں، بجلی کی قیمت بڑھنے سے 80 ارب روپے ملیں گے، سسٹم کی اپ گریڈیشن پر 25 ارب روپے خرچ کیے جائیں گے، قابل تجدید توانائی کو 2023 تک 42 ہزار میگا واٹ تک لے جانا چاہتے ہیں۔

عمر ایوب نے کہا نیپرا آزاد ریگولیٹر ہے، ہمارا کسی ادارے پر کوئی دباؤ نہیں، قانون کے مطابق چلتے ہیں، بجلی چوروں کے خلاف بلا امتیاز کارروائی کی ہے، چور چور ہوتا ہے اس کی جنس کی حیثیت کا تعین کرنا ضروری نہیں۔

انھوں نے کہا ہم وہ فیصلہ کریں گے جو ملک اور قوم کے حق میں ہوگا، چیپ پاپولیریٹی نہیں لینا چاہتے، بارودی سرنگیں نہیں بچھا کر جائیں گے، جن لوگوں کی حیثیت ہے ان پر ہی بوجھ ڈالا۔

اسلام آباد: بجلی کی قیمت میں مزید 30 پیسے فی یونٹ اضافے کی منظوری دے دی گئی، اضافے کا اطلاق 300 یونٹ ماہانہ بجلی استعمال کرنے والے گھریلو صارفین پر نہیں ہوگا۔

تفصیلات کے مطابق اسلام آباد میں منعقد ہونے والے ایکنک اجلاس میں بجلی کی قیمت میں ایک بار پھر اضافے کی منطوری دی گئی، تیس پیسے فی یونٹ اضافے کا اطلاق تین سو یونٹ استعمال کرنے والے گھریلو صارفین پر نہیں ہوگا۔

اجلاس کے اعلامیے میں کہا گیا ہے کہ ایکنک نے کرتارپور راہ داری کے منصوبے کی بھی منظوری دے دی ہے، داسو پن بجلی کے لیے 511 ارب روپے منصوبوں کی منظوری بھی دی گئی، بی آر ڈی بی نہر لاہور کے ساتھ پانی کی صفائی منصوبے شروع کیے جائیں گے۔

یہ بھی پڑھیں:  بجلی کی قیمت میں ایک بار پھر اضافہ

اعلامیے کے مطابق پانی کی صفائی کے منصوبے پر 21ا رب ایک کروڑ لاگت آئے گی، گوادر میں مشرقی بے پر 19 کلو میٹر طویل ایکسپریس وے کی منظوری بھی دی گئی، جس پر 17 ارب 37 کروڑ کی لاگت آئے گی۔

ایکنک اجلاس میں لانڈھی اور نمایش کے درمیان 21 کلو میٹر سڑک کی تعمیر کی منظوری بھی دی گئی۔

واضح رہے قومی اقتصادی کونسل کی انتظامی کمیٹی (ایکنک) کا اجلاس مشیر خزانہ عبد الحفیظ شیخ کی زیر صدارت منعقد ہوا، جس میں اربوں روپے مالیت کے مختلف بڑے منصوبوں کی منظوری دی گئی، جس میں ییلو بس ریپڈ ٹرانزٹ کا منصوبہ بھی شامل ہے۔