ARYNews.tv | Urdu – Har Lamha Bakhabar

Tag: مہنگائی

  • سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سیالکوٹ: معاون خصوصی برائے اطلاعات فردوس عاشق اعوان نے کہا ہے کہ ملک کو قرضوں میں ڈبونے والا ٹولہ مگرمچھ کے آنسوں رو رہا ہے۔

    ان خیالات کا اظہار انھوں نے جلسہ عام سے خطاب کرتے ہوئے کیا۔ ان کا کہنا تھا کہ کفایت شعاری ملکی معاشی صورت حال کے پیش نظر ناگزیر ہے۔

    انھوں نے کہا کہ عمران خان پاکستان کے مفاد پر کبھی سمجھوتا نہیں کریں گے، عمران خان پاکستان کے حقوق کی جنگ لڑیں گے، پاکستان کےعوام ان کے شانہ بشانہ کھڑے ہیں۔

    [bs-quote quote=”افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا” style=”style-8″ align=”left” author_name=”فردوس عاشق اعوان”][/bs-quote]

    انھوں نے کہا کہ طاقت ور اور کمزور کے لئے الگ الگ قانون اب نہیں چلے گا، طاقت ور شخصیات نے 70 سال ملک کے قانون کو اپنے تابع کر کے رکھا، قوم کو وزیراعظم عمران خان پر مکمل اتحاد ہے۔

    انھوں نے کہا کہ مریم صفدر کے والد نے قانون کو اپنے شکنجے میں رکھا، طاقت ور ٹولہ ملک کے قانون کو مذاق بنا رہا ہے، عوام اب لوٹ مارکرپشن کرنے والوں کے نعروں میں نہیں آئے گی، سازشی ٹولہ مہنگائی کی آڑ میں عوام کو سڑکوں پر لانے کی سازش کررہا ہے۔

    فردوس عاشق اعوان نے کہا کہ افواج پاکستان، جنرل قمرجاوید کو خراج تحسین پیش کرتی ہوں، افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا، افواج پاکستان نے ہرمحاذ پرملک کے لئے قربانیاں دی ہیں، مسلح افواج معاشی دباؤ میں بھی عوام کےشانہ بشانہ کھڑی ہوئی۔

    [bs-quote quote=”حکومت اپنے غیرضروری اخراجات میں کٹوتی کرے گی” style=”style-8″ align=”left” author_name=”فردوس عاشق اعوان”][/bs-quote]

    ان کا کہنا تھا کہ سازشی ٹولہ عوام کو سڑکوں پر لانے کی ناکام کوشش کر رہا ہے، ن لیگ کے دور میں معیشت کو تباہ کیا گیا۔

    افواج پاکستان ہرمشکل میں عوام کے ساتھ کھڑے ہوتے ہیں، حکومت ملکی دفاع سے غافل نہیں ہوگی، پاکستان حکومت کو دشمن کو للکارنا اور اسے سبق سکھانا آتا ہے، ہم کہتے نہیں ہم کرکے دکھاتے ہیں۔

    ان کا کہنا تھا کہ عمران خان ہر جوان کی ضرورتیں پوری کریں گے، افواج پاکستان کے بجٹ میں کوئی کٹوتی نہیں ہوگی، حکومت اپنے غیرضروری اخراجات میں کٹوتی کرے گی، حکومت ملک کے دفاع کی ضرورت سے بالکل غافل نہیں۔

    انھوں نے اپوزیشن کو آڑے ہاتھ لیتے ہوئے کہا کہ مریم نواز بتائیں نوازشریف آپ کواورنواسی کو کیوں جنرل اسمبلی لے کر گئے۔

  • چوڑیوں کی قیمتوں میں ہوشربا اضافے کےخلاف قرارداد

    چوڑیوں کی قیمتوں میں ہوشربا اضافے کےخلاف قرارداد

    لاہور:پنجاب کے بازاروں میں عید الفطرکی آمد سے قبل چوڑیوں کی قیمتوں میں ہوشربا اضافے کے خلاف قرارداد پنجاب اسمبلی سیکرٹریٹ میں جمع کرادی گئی۔

    تفصیلات کے مطابق یہ قرارداد مسلم لیگ (ن) کی رکن پنجاب اسمبلی عنیزہ فاطمہ کی جانب سے جمع کروائی گئی، قرارداد کے متن میں کہا گیا ہے کہ مہنگائی کے ستائے عوام پہلے ہی بہت پریشان ہیں اور اب چوڑیوں کے ریٹ بھی بڑھا دیئے ہیں۔

    قرارداد میں انہوں نے کہا کہ عید کے موقع پر لڑکیوں کے لیے کانچ کی نئی چوڑیاں خریدنا کسی بڑے تحفے سے کم نہیں۔چوڑیوں کا شمار خواتین کے سنگھار میں سب سے سستی آئٹم میں ہوتا ہے۔مگر موجودہ مہنگائی کی لہر نے بچیوں اور عورتوں سے یہ حق بھی چھین لیا ہے ۔

    انہوں نے قرار داد میں یہ بھی کہا ہے کہ حکومت جہاں کئی محاذوں پر ناکام ہوئی ہے وہاں چوڑیوں کی قیمتوں کو کنٹرول کرنے میں بھی ناکام ہوئی ہے۔قرارداد میں حکومت سے مطالبہ کیا گیا ہے کہ چوڑیوں کی قیمتوں کو کنٹرول کرے۔

    یاد رہے کہ مالی سال 19-2018 کے گیارہویں ماہ (مئی) کے تیسرے ہفتے میں مہنگائی کی شرح میں 0.33 فیصد اضافہ ریکارڈ کیا گیا جبکہ کم آمدنی والے طبقے کے لیے قیمتوں کے حساس اشاریے میں 0.38 فیصد اضافہ ریکار ڈ کیا گیا۔

    ادارہ شماریات کے مطابق گزشتہ ہفتے کے مقابلے میں 8 ہزار تا 12 ہزار آمدنی، 12 ہزار تا 18 ہزار آمدنی، 18 ہزار تا 35 ہزار تک اور 35 ہزار روپے سے زائد آمدنی والے افراد کے گروہوں کے لیے قیمتوں کے حساس اعشاریے میں بالترتیب 0.36، 0.36، 0.33، 0.29 فیصد اضافہ ریکارڈ کیا گیا ہے۔

  • مئی کے تیسرے ہفتے میں مہنگائی کی شرح میں اضافہ

    مئی کے تیسرے ہفتے میں مہنگائی کی شرح میں اضافہ

    اسلام آباد: مالی سال 19-2018 کے گیارہویں ماہ (مئی) کے تیسرے ہفتے میں مہنگائی کی شرح میں 0.33 فیصد اضافہ ریکارڈ کیا گیا۔

    تفصیلات کے مطابق مالی سال 19-2018 کے گیارہویں ماہ (مئی) کے تیسرے ہفتے میں مہنگائی کی شرح میں 0.33 فیصد اضافہ ریکارڈ کیا گیا جبکہ کم آمدنی والے طبقے کے لیے قیمتوں کے حساس اشاریے میں 0.38 فیصد اضافہ ریکار ڈ کیا گیا۔

    پاکستان بیورو شماریات کے اعداد و شمار کے مطابق 23 مئی کو ختم ہونے والے ہفتے کے دوران گندم، آٹا، روٹی سادہ، کیلے، ٹماٹر، پیاز، دال مونگ، دال ماش، خوردنی تیل، انڈے، گڑ، بیف، مٹن، باسمتی چاول، اری چاول، آلو اور ویجی ٹیبل گھی سمیت 18 اشیائے ضروریہ کی قیمتوں میں اضافہ ہوا۔

    دوسری جانب زندہ مرغی، دال مسور، چنے کی دال، ایل پی جی، چینی، لہسن، سمیت 6 اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پیٹرول، ہائی اسپیڈ ڈیزل، مٹی کا تیل، گیس نرخ، بجلی کے نرخ، چائے، سرخ مرچ، مسٹرڈ آئل، ملک پاؤڈر، نمک، سگریٹ، تازہ دودھ، دہی اور صابن سمیت 29 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتے کے مقابلے میں 8 ہزار تا 12 ہزار آمدنی، 12 ہزار تا 18 ہزار آمدنی، 18 ہزار تا 35 ہزار تک اور 35 ہزار روپے سے زائد آمدنی والے افراد کے گروہوں کے لیے قیمتوں کے حساس اعشاریے میں بالترتیب 0.36، 0.36، 0.33، 0.29 فیصد اضافہ ریکارڈ کیا گیا۔

  • آئندہ بجٹ میں 70 ارب کی چھوٹ ختم اور 40 ارب کے نئے ٹیکس لگانے کی تجویز

    آئندہ بجٹ میں 70 ارب کی چھوٹ ختم اور 40 ارب کے نئے ٹیکس لگانے کی تجویز

    اسلام آباد: آئندہ بجٹ میں سیلز ٹیکس کی مد میں سخت فیصلے کیے جانے کا امکان ہے، ذرایع کا کہنا ہے کہ مختلف اشیا پر 70 ارب کی چھوٹ ختم اور 40 ارب کے نئے ٹیکس لگائے جانے کی تجویز دی گئی ہے۔

    تفصیلات کے مطابق آئندہ سال کے بجٹ میں ٹیکس چھوٹ ختم کرنے اور نئے ٹیکس لگائے جانے کی تیاریاں ہو رہی ہیں، چینی، خوردنی تیل، ٹریکٹر، اور اسٹیل مصنوعات پر سیلز ٹیکس بڑھانے کی تجویز دی گئی ہے۔

    جنرل سیلز ٹیکس 17 سے بڑھا کر 18 فی صد کیے جانے کا امکان ہے، ذرایع کا کہنا ہے کہ ایک فی صد جی ایس ٹی سے 40 ارب روپے کی اضافی آمدن متوقع ہے۔

    ذرایع نے بتایا کہ چینی پر سیلز ٹیکس 7 سے بڑھا کر 18 فی صد، خوردنی تیل پر سیلز ٹیکس 5 سے بڑھا کر 18 فی صد، ٹریکٹر پر سیلز ٹیکس 5 سے بڑھا کر 18 فی صد کیا جائے گا۔

    یہ بھی پڑھیں:  مشیر خزانہ کے خلاف اسلام آباد ہائی کورٹ میں دائر درخواست خارج

    اسٹیل مصنوعات پر 5600 روپے ڈیوٹی بڑھانے کی تجویز ہے، بجٹ کے لیے ٹیکس تجاویز جب کہ تنخواہ دار طبقے کے لیے ٹیکس چھوٹ میں کمی کی تجویز ہے۔

    ٹیکس استثنیٰ کی حد 6 لاکھ تک کیے جانے کا امکان ہے، جب کہ نئے بجٹ میں کاٹن کی درآمد پر دوبارہ ڈیوٹیز لگانے کی تجویز بھی دی گئی ہے، کپاس کی درآمد پر 3 فی صد کسٹمز ڈیوٹی جب کہ 2 فی صد ایڈیشنل ڈیوٹی لگائے جانے کا امکان ہے۔

    ایف بی آر کا کہنا ہے کہ موجودہ مالی سال درآمدی کپاس پر ڈیوٹی صفرکی گئی تھی۔

  • حکومت کو مہنگائی ورثے میں ملی، عمر ایوب

    حکومت کو مہنگائی ورثے میں ملی، عمر ایوب

    اسلام آباد : وفاقی وزیر توانائی عمر ایوب کا کہنا ہے کہ ملک میں بجلی چوری کی روک تھام کے لیے ٹھوس اقدامات کیے جا رہے ہیں۔

    تفصیلات کے مطابق وفاقی وزیر برائے بجلی وپٹرولیم عمرایوب خان نے کہا کہ قومی مفادات پر کوئی سمجھوتہ نہیں کیا جائے گا اور حکومت تمام شعبوں میں اصلاحات کے لیے ہرممکن کوشش کررہی ہے۔

    عمرایوب نے کہا کہ موجودہ حکومت کو مہنگائی ورثے میں ملی اور اب وہ اس پر قابو پانے کے لیے کوشاں ہیں۔

    وفاقی وزیر برائے بجلی وپٹرولیم نے کہا کہ حکومت ملک میں قابل تجدید توانائی لانے کے لیے پالیسیاں مرتب کررہی ہے۔

    انہوں نے مزید کہا کہ ملک میں بجلی چوری کی روک تھام کے لیے ٹھوس اقدامات کیے جا رہے ہیں۔

    ن لیگ دورمیں بجلی چوری روکنے کے لیے موثرپالیسی مرتب نہیں کی گئی‘ عمرایوب

    یاد رہے کہ 8 مارچ کو وفاقی وزیر توانائی عمر ایوب کا کہنا تھا کہ ن لیگ دورمیں پاورسیکٹرکے لیے غلط فیصلے لیے گئے جس سے نقصان پہنچا۔

  • منافع خوروں کے خلاف کارروائیاں خوش آئند ہے: پاکستان اکانومی واچ

    منافع خوروں کے خلاف کارروائیاں خوش آئند ہے: پاکستان اکانومی واچ

    کراچی: پاکستان اکانومی واچ کے چیئرمین برگیڈئیر ریٹائرڈ محمد اسلم خان نے ملک بھر میں منافع خوروں کے خلاف کاروائیوں کو خوش آئند قرار دے دیا۔

    تفصیلات کے مطابق محمد اسلم خان نے مطالبہ کیا ہے کہ منافع خوروں کے خلاف کارروائی میں تیزی لائی جائے تاکہ عوام سکھ کا سانس لے سکیں۔

    اپنے ایک بیان میں انہوں نے کہا کہ عوام کو لوٹنے والوں کو جرمانہ نہ کیا جائے بلکہ جیل بھیجا جائے، ملک میں مہنگائی کی شدید لہر کی تمام تر ذمہ داری آڑھتی مافیا پر عائد ہوتی ہے جبکہ اس مافیا کو پروان چڑھانے میں بنیادی کردار بینکوں کا ہے۔

    ان کا موقف تھا کہ ضلعوں کی انتظامیہ نے بھی انہیں فری ہینڈ دیا ہوا ہے، جس کی وجہ سے وہ عوام کو لوٹ رہے ہیں، اگر بینک انہیں قرضے دیں یا انتظامیہ شہروں میں ان کے لیے اپنی اشیاء کی فروخت کے لیے آڑھتیوں سے پاک مارکیٹیں بنائے تو کسانوں کا منافع بڑھ جائے گا جبکہ پھلوں سبزیوں وغیرہ کی قیمتیں کافی کم ہو جائیں گی۔

    روپے کی قدر میں تیزی سے کمی کی اعلیٰ سطح پر تحقیقات کرائی جائیں، افتخارعلی ملک

    دوسری جانب پاک یو ایس بزنس کونسل کے بانی چیئرمین، یونائیٹڈ بزنس گروپ کے چیئرمین اور معروف تاجر رہنما افتخار علی ملک نے کہا ہے کہ ڈالر مافیا ملکی معیشت کو بری طرح تباہ کررہا ہے اس لئے اس کے خلاف جارحانہ اور نتائج پر مبنی کریک ڈاﺅن کیا جائے۔

  • عوام پرمہنگائی اور ٹیکسوں کا بوجھ ڈالا جا رہا ہے: سینیٹر سراج الحق

    عوام پرمہنگائی اور ٹیکسوں کا بوجھ ڈالا جا رہا ہے: سینیٹر سراج الحق

    کراچی: امیر جماعت اسلامی سراج الحق نے کہا ہے کہ ناقص پالیسیوں سے وسائل سے مالامال ملک قرضوں میں جکڑ گیا.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ موجودہ حکمران آئی ایم ایف سے مزید قرضے لے رہے ہیں، جو نقصان دہ ثابت ہوں گے۔

    [bs-quote quote=” ملک کا سب سے بڑا شہراور معاشی حب کراچی پانی وبجلی سےمحروم ہے.” style=”style-8″ align=”left” author_name=”سینیٹر سراج الحق”][/bs-quote]

    سینیٹر سراج الحق نے کہا کہ عوام پرمہنگائی اور ٹیکسوں کا بوجھ ڈالا جارہا ہے، قیمتوں میں مسلسل اضافہ ہورہا ہے، عوام کے لئے کوئی ریلیف نہیں ہے.

    انھوں‌ نے کہا کہ ملک کا سب سے بڑا شہراور معاشی حب کراچی پانی وبجلی سےمحروم ہے، جماعت اسلامی مظلوموں اور غریب عوام کی ترجمانی کرے گی.

    مزید پڑھیں: موجودہ حکومت بھی پرانی حکومتوں کا تسلسل ہے: سراج الحق

    امیر جماعت اسلامی سینیٹر سراج الحق نے کہا کہ عید کے بعد مہنگائی، آئی ایم ایف غلامی کے خلاف تحریک چلائیں گے.

    خیال رہے کہ 18 مئی 2019 کو اپنے ایک بیان میں امیر جماعت اسلامی، سراج الحق نے کہا تھاکہ آج ہمارے تمام وسائل پر دشمن کا قبضہ ہے، یہ ملک لسانیت کی بنیادپرنہیں کلمےکی بنیاد پربنا تھا.

  • گیس قیمتوں میں ممکنہ اضافے کو مکمل طور پر مسترد کرتے ہیں: شہباز شریف

    گیس قیمتوں میں ممکنہ اضافے کو مکمل طور پر مسترد کرتے ہیں: شہباز شریف

    لندن: اوگرا کی جانب سے گیس کی قیمتوں میں مزید 45 فی صد اضافے کی سفارش پر شہباز شریف نے ردِ عمل ظاہر کرتے ہوئے کہا ہم گیس قیمتوں میں ممکنہ اضافے کو مکمل طور پر مسترد کرتے ہیں۔

    تفصیلات کے مطابق قومی اسمبلی میں قائد حزب اختلاف شہباز شریف نے ایک بیان میں کہا ہے کہ حکومت ملکی امور چلانے میں مکمل طور پر نا کام ہو چکی ہے۔

    شہباز شریف کا کہنا تھا کہ گیس اضافہ فوری واپس لیا جائے، گیس، بجلی، پیٹرول اور اشیائے ضروریہ کی قیمتوں میں ہوش ربا اضافہ کیا گیا ہے، عوام کیسے زندہ رہیں گے۔

    انھوں نے مزید کہا کہ ملکی معیشت اسی طرح ڈوبتی رہی تو قومی سلامتی کے لیے سنگین خطرہ لاحق ہوگا۔

    یہ بھی پڑھیں:  پیپلز پارٹی نے گیس قیمتوں میں اضافہ مسترد کر دیا

    شہباز شریف نے مطالبہ کیا کہ مہنگائی کو دیکھتے ہوئے کم از کم تنخواہ 30 ہزار روپے کی جائے، اور تنخواہ دار طبقے کو تنخواہ میں کم از کم 10 ہزار کا فوری ریلیف دیا جائے۔

    خیال رہے کہ ماہ رمضان میں عوام کے چولھے ٹھنڈے کرنے کی تیاری کر لی گئی ہے، گزشتہ روز اوگرا نے گیس کی قیمتوں میں 47 فی صد تک اضافے کی منظوری دے دی ہے۔

    یہ بھی پڑھیں:  اوگرا نے گیس کی قیمتوں میں 47 فیصد اضافے کی منظوری دے دی

    سوئی ناردرن کے صارفین کے لیے گیس 236 روپے فی ایم ایم بی ٹی یو مہنگی ہوگئی ہے، جب کہ سوئی سدرن کے صارفین کا ٹیرف بھی 159 روپے فی ایم ایم بی ٹی یو مہنگا ہوگیا ہے۔

    گیس قیمتوں میں اضافے کا اطلاق حکومت کی جانب سے نوٹی فیکیشن جاری ہونے کے بعد ہوگا۔

  • پیپلز پارٹی نے گیس قیمتوں میں اضافہ مسترد کر دیا

    پیپلز پارٹی نے گیس قیمتوں میں اضافہ مسترد کر دیا

    اسلام آباد: پاکستان پیپلز پارٹی نے گیس قیمتوں میں اضافہ مسترد کر دیا، سینیٹر شیری رحمان نے کہا کہ غربت میں پسے عوام مزید مہنگائی برداشت نہیں کر سکتے۔

    تفصیلات کے مطابق حکومت کی جانب سے گیس قیمتوں میں ایک بار پھر اضافے پر پیپلز پارٹی کی رہنما شیری رحمان نے کہا کہ غریب عوام مہنگائی کے بوجھ تلے پہلے ہی دبے ہوئے ہیں، مزید مہنگائی برداشت نہیں کر سکیں گے۔

    شیری رحمان نے کہا کہ پی ٹی آئی اپنے اقدامات سے احتجاج کو ہوا دے رہی ہے، اوگرا نے گیس کی قیمتوں میں 45 فی صد اضافے کی سفارش کر دی ہے۔

    ان کا کہنا تھا کہ اس فیصلے سے عوام پر 175 ارب روپے کا اضافی بوجھ پڑے گا، غربت میں پسے عوام مزید مہنگائی برداشت نہیں کر سکیں گے۔

    یہ بھی پڑھیں:  اوگرا نے گیس کی قیمتوں میں 47 فیصد اضافے کی منظوری دے دی

    خیال رہے کہ ماہ رمضان میں عوام کے چولھے ٹھنڈے کرنے کی تیاری کر لی گئی ہے، اوگرا نے گیس کی قیمتوں میں 47 فی صد تک اضافے کی منظوری دے دی ہے۔

    سوئی ناردرن کے صارفین کے لیے گیس 236 روپے فی ایم ایم بی ٹی یو مہنگی ہوگئی ہے، جب کہ سوئی سدرن کے صارفین کا ٹیرف بھی 159 روپے فی ایم ایم بی ٹی یو مہنگا ہوگیا ہے۔

    گیس قیمتوں میں اضافے کا اطلاق حکومت کی جانب سے نوٹی فیکیشن جاری ہونے کے بعد ہوگا۔

  • وزیر اعظم کی مؤثر ڈرگ پرائسنگ پالیسی تشکیل دینے کی ہدایت

    وزیر اعظم کی مؤثر ڈرگ پرائسنگ پالیسی تشکیل دینے کی ہدایت

    اسلام آباد: وزیر اعظم عمران خان نے مؤثر ڈرگ پرائسنگ پالیسی تشکیل دینے کی ہدایت کرتے ہوئے کہا ہے کہ ادویات کی قیمتیں عام آدمی کی پہنچ میں لائی جائیں۔

    تفصیلات کے مطابق آج بنی گالہ میں نیشنل ہیلتھ ٹاسک فورس اجلاس میں وزیر اعظم عمران خان نے ملک بھر میں صحت کی سہولتوں اوردواؤں کی قیمتوں کا جائزہ لیا۔

    اجلاس میں وزیر اعظم کو صحت کے قومی پروگرامز، ہیلتھ کارڈ اور صحت سے متعلق امور پر بریفنگ دی گئی، ملک بھر میں طبی سہولتوں اور دواؤں کی قیمتوں میں اضافے کے معاملے پر غور کیا گیا۔

    وزیر اعظم نے کہا کہ ادویات کی قیمتوں کی مختصر، وسط اور طویل مدتی پالیسی ہونی چاہیے، آئندہ دواؤں کی قیمتوں میں بے یقینی قابل برداشت نہیں۔

    انھوں نے ہیلتھ انشورنس کارڈ پر مالی اور قانونی پیچیدگی ہٹانے کی بھی ہدایت کی، کہا ہیلتھ کارڈ پاکستان میں پھیلانے کے لیے پالیسی پر عمل کیا جائے۔

    یہ بھی پڑھیں:  چیئرمین نیب کا ادویات کی قیمتوں میں اضافے کی تحقیقات کا حکم

    وزیر اعظم نے ہدایت کی کہ نرسنگ ڈویلپمنٹ پلان کے تحت ایک نرسنگ سروس اسٹرکچر بنایا جائے، نرسوں کی اسامیاں بڑھانے کے ساتھ اسکالر شپ پروگرام بھی متعارف کرائیں، 10سال میں 10 لاکھ نرسز کا ہدف پورا کرنے کے لیے نئے کالج کھولے جائیں۔

    انھوں نے کہا کہ نرسوں کو بیرون ملک سے پاکستان لانے کے اقدامات کیے جائیں گے۔

    اجلاس میں ملک بھرمیں نئے اسپتال، پنجاب میں ڈاکٹروں کی ہڑتال اور بورڈ آف گورنر پر غور کیا گیا، وزیر اعظم نے دواؤں کی قیمتیں عام لوگوں کی پہنچ تک رکھنے کی ہدایت کی اور کہا کہ ملک میں علاج کی سہولتوں کو معیاری اور آسان بنایا جائے۔