کراچی: شہر قائد میں مہنگا دودھ فروخت کرنے والوں کے خلاف کارروائیوں کا سلسلہ جاری ہے، بھاری جرمانے عائد کردیئے گئے۔
اے آر وائی نیوز کے مطابق اسسٹنٹ کمشنر لانڈھی مدیحہ ناریجو نے ٹیم کے ہمراہ دودھ کی دکانوں پرچھاپے مارے، اس دوران سرکاری نرخ سے زائد قیمت پردودھ فروخت کرنے والوں پر جرمانے عائد کئے گئے۔
واضح رہے کہ گزشتہ دنوں کراچی میں دودھ کی قیمت میں 10 روپے اضافہ کر دیا گیا تھا جس کے بعد سے ناگوری شاپس پر فی کلو دودھ 210 روپے میں فروخت کیا جا رہا ہے۔
صدر ڈیری فارمرز کراچی مبشر قدیر عباسی کی جانب سے خدشہ ظاہر کیا گیا تھا کہ دودھ کی بڑھتی ہوئی پیداوری لاگت، مویشیوں کی بڑھتی ہوئی قیمتوں، فی جانور کم پیداوار اور حکومتی عدم توجہی کی وجہ سے دودھ کی فی لیٹر قیمت میں اضافہ کیا جائے گا۔
دودھ کی فی لیٹر قیمت میں 50 روپے کا اضافہ، عوام کے لئے بڑی خبر
انہوں نے کہا تھا کہ کمشنر کراچی فوری طور پر دودھ کی پیداواری لاگت کے مطابق نئی قیمتوں کا نوٹیفکیشن جاری کریں بصورت دیگر مورخہ 10 مئی سے اسٹیک ہولڈرز مشاورت کے بعد ازخود قیمتوں میں اضافہ کردیں گے۔
