ARYNews.tv | Urdu – Har Lamha Bakhabar

Tag: میئر

  • حیدرآباد کیلیے فنڈز نہیں، میئر کے دورہ امریکا کے اخراجات منظور، ہنگامہ خیز اجلاس کی ویڈیو رپورٹ

    حیدرآباد کیلیے فنڈز نہیں، میئر کے دورہ امریکا کے اخراجات منظور، ہنگامہ خیز اجلاس کی ویڈیو رپورٹ

    شہر کی ترقی کیلیے فنڈز نہیں لیکن میئر حیدرآباد نے اپنے سیکریٹریٹ کے لیے سوا کروڑ اور دورہ امریکا کے اخراجات منظور کرا لیے۔

    حیدرآباد سندھ کا دوسرا بڑا شہر ہے۔ ٹھنڈی ہواؤں کا شہر کہلانے والے حیدرآباد میں جا بجا گندگی کے انبار، ٹوٹی پھوٹی سڑکیں، پانی کا بحران جیسے مسائل کا عوام کو سامنا ہے۔ بلدیہ کے پاس ترقیاتی فنڈز نہیں ہیں تاہم اس ابتر مالی صورتحال میں میئر حیدرآباد کاشف شورو نے اپنے سیکریٹریٹ کے لیے سوا کروڑ روپے اور دورہ امریکا کے اخراجات منظور کرا لیے۔

    حیدرآباد میونسپل کارپوریشن کا ہنگامہ خیز اجلاس 6 ماہ بعد ہوا۔ اس اجلاس میں حکومتی جماعت پیپلز پارٹی کے اراکین بھی ترقیاتی فنڈز نہ ملنے پر میئر حیدرآباد کے خلاف پھٹ پڑے۔ اراکین نے نعرے لگائے اور شور مچایا۔

    ایوان میں ترقیاتی فنڈز میں نظرانداز کرنے، پانی کے بحران، تجاوزات کی بھرمار اور افسران کی کرپشن پر احتجاج کے دوران گرما گرمی ہوئی تو میئر نے مائیک بند کرا دیا او بعد میں کئی انکوائری کمیٹیوں کا اعلان کر کے معاملہ ٹھنڈا کر دیا۔

    میئر حیدرآباد کاشف شورو نے اسی نعرے بازی اور شور شرابے کے دوران نہ صرف اپنے سیکریٹریٹ کی تزئین وآرائش کے لیے لگ بھگ سوا کروڑ روپے منظور کرائے بلکہ اپنے دورہ امریکا کے اخراجات کی منظوری لینے میں بھی کامیاب ہو گئے۔

    اجلاس کے بعد میڈیا سے گفتگو میں میئر کاشف شورو نے کہا کہ ہم نے شہر میں بہت ترقیاتی کام کرائے ہیں تاہم مسائل زیادہ اور وسائل کم ہیں۔

    ویڈیو رپورٹ: اشوک شرما

     

    ملٹی میڈیا – ویڈیو خبریں دیکھنے کے لیے کلک کریں

  • پیپلز پارٹی کو اپنے قیام کے 56 سال بعد بڑی کامیابی مل گئی

    پیپلز پارٹی کو اپنے قیام کے 56 سال بعد بڑی کامیابی مل گئی

    پاکستان پیپلزپارٹی اپنے قیام کے 56 سال بعد پہلی بار کراچی کی میئر شپ حاصل کرنے میں کامیاب ہوئی ہے۔

    پاکستان پیپلزپارٹی کے مرتضیٰ وہاب میئر کراچی منتخب ہوگئے ہیں انہیں 173 ووٹ ملے جب کہ ان کے حریف جماعت اسلامی کے حافظ نعیم کو 160 ووٹ مل سکے۔

    مرتضٰی وہاب کراچی کے27 ویں میئر ببنے کا اعزاز حاصل کرلیا ہے، مرتضیٰ وہاب سینیٹ رکن بھی رہے وہ کراچی کے سرکاری کالج و یونیورسٹی سے فارغ التحصیل ہیں۔

    میئر کراچی مرتضیٰ وہاب نے برطانیہ سے بار ایٹ لا کیا وہ وزیر اعلیٰ سندھ کے مشیر قانون کے طور کام کررہے ہیں، اس سے قبل وہ کے ایم سی کے ایڈ منسٹریٹر  بھی رہے ہیں۔

    مرتضیٰ وہاب کی والدہ فوزیہ وہاب رکن قومی اسمبلی رہیں، سلمان عبداللہ مراد کے والد عبداللہ مراد رکن سندھ اسمبلی رہے۔

    میئر کراچی کے نتائج کے اعلان کے بعد ڈپٹی میئر کراچی کے لیے مقابلہ ہوا جس میں پیپلز پارٹی کے امیدوار سلمان عبداللہ مراد ڈپٹی میئر منتخب ہوگئے۔

    ڈپٹی میئر سلمان عبد اللہ مراد 2015 میں ڈسڑکٹ کونسل کراچی کے چیئرمین تھے۔

  • پیپلز پارٹی کا میئر  بنانے کا خواب پورا نہیں ہوگا، حافظ نعیم

    پیپلز پارٹی کا میئر  بنانے کا خواب پورا نہیں ہوگا، حافظ نعیم

    کراچی: جماعت اسلامی کراچی کے امیر حافظ نعیم الرحمان نے کہا ہے کہ پیپلز پارٹی کا میئر  بنانے کا خواب پورا نہیں ہوگا۔

    کراچی میں میڈیا سے گفتگو کرتے ہوئے جماعت اسلامی کراچی کے امیر حافظ نعیم الرحمان نے کہا کہ پیپلز پارٹی چاہتی ہے کہ  یہ شہر جس پر پہلے ہی لوٹ مارکرپشن کر رہے ہیں مزید قبضہ بڑھ جائے، الیکشن کمیشن آف پاکستان سے مطالبہ کرتا ہوں اگر ضمیر موجود ہے تو اسکا نوٹس لیں، یہ کیسےممکن ہے کہ حلف برداری تقریب سے آپ لوگوں کو اٹھالیں۔

    حافظ نعیم الرحمان نے کہا کہ پیپلز پارٹی کا یہ ٹریک ریکارڈ ہے، 1977 میں پیپلز پارٹی نے مینڈیٹ تسلیم نہیں کیا اور ملک توڑ دیا، یہ کہا جو ڈھاکا جائے گا اسکی ٹانگیں توڑ دونگا، اسی طرح انہوں نے سینٹ انتخابات کو خریدا، یہاں سے بریف کیس جاتے تھے بلوچستان میں منڈیا لگاتے تھے، ابھی بھی وہ یہی کام کر رہے ہیں زدکوب کر کے دھمکیاں دے رہے ہیں۔

    ’میں جماعت اسلامی کا میئر ہوں‘

    ان کا کہنا تھا کہ سب چیزیں ایکسپوز ہوگئیں مگر الیکشن کمیشن نے پیپلزپارٹی کا لکھا فیصلہ سنایا، ہم نے اسلام آباد ہائیکورٹ سے اسٹے لیا اور الیکشن کمیشن کا فیصلہ کالعدم ہوا، ہم  نے اسلام آباد ہائیکورٹ سے اسٹے لیا وہاں پر ان 6 یوسیز کا کیس چل رہا ہے، 7 ہزار 400 والے کو ہرا دیا اور 1300 والے کو جتوادیا۔

    حافظ نعیم الرحمان نے کہا کہ انہوں نے پی ٹی آئی کی بہت سی نشستوں پر قبضہ کیا، باقائدہ طور پر پریزائیڈنگ افسران کی گواہی آئی الیکشن کمیشن آپ نےکیاکارروائی کی، بدترین فسطائیت، مجرمانہ ذہنیت کیساتھ کراچی پر قبضہ کرنا چاہتے ہیں ہم نہیں کرنے دینگے۔

     ان کا کہنا تھا کہ الیکشن کمیشن تو پیپلز پارٹی کی اے ٹیم بنا ہوا ہے، ہماری ملازمت کرنے والے ہمارے ہی مینڈیٹ کو کھا رہے ہیں، الیکشن کمیشن پیپلزپارٹی کی اے ٹیم بنے گا تو ہم  بے نقاب کرینگے، حیران ہوں سندھ ہائیکورٹ نے بھی پی ٹی آئی کی پٹیشن کو ٹیک اپ نہیں کیا۔

    انہوں نے کہا کہ 2009 سے لیکر 2015 تک پیپلزپارٹی نے بلدیاتی الیکشن نہیں کروایا تھا، یہ وہ پیپلزپارٹی ہے جو اگست 2020 سے جنوری 2023 میں جا کر الیکشن کروایا،  پیپلزپارٹی نے الیکشن کمیشن کیساتھ ملکر ضمنی الیکشن کے نتائج اعلان نہیں کرائے، ملک میں خاص قسم کے حالات موجود ہیں۔

    حافظ نعیم الرحمان کراچی کے لوگوں کو تنخواہیں بھی وقت پر نہیں ملتی، کراچی میں بچوں کی تعلیم کا پراپر نظام موجود نہیں۔

    انہوں نے مزید کہا کہ حکومت سروے کرالے یقین سے کہتا ہوں 90 فیصد لوگ جماعت اسلامی کا میئر چاہتے ہیں، آپ لیول پلئنگ فیلڈ دیں جو کچھ کرنا تھا آپ نےکرلیا، کچھ بھی کر لو جماعت اسلامی کا میئر ہر صورت میں بنے گا، پیپلز پارٹی کا میئر  بنانے کا خواب پورا نہیں ہوگا۔

  • اخلاقی طور پر تو میئر ہمارا بنتا ہے، ناصر حسین شاہ

    اخلاقی طور پر تو میئر ہمارا بنتا ہے، ناصر حسین شاہ

    کراچی: وزیر بلدیات ناصر حسین شاہ نے کہا ہے میئرجماعت اسلامی پی ٹی آئی کا بنتا ہے تو ہم ویلکم کریں گے لیکن اخلاقی طور پر تو میئر ہمارا بنتا ہے۔

    اے آر وائی سے گفتگو کرتے ہوئے وزیر بلدیات سندھ ناصر حسین شاہ نے کہا کہ اگر پی ٹی آئی جماعت اسلامی کی سپورٹ کریں ہمیں اعتراض نہیں، میئر جماعت اسلامی پی ٹی آئی کا بنتا ہے تو ہم ویلکم کریں گے، چاہتے ہیں جماعت اسلامی ہمارے ساتھ بات کرے۔

    انہوں نے کہا کہ جماعت اسلامی والے ہم پر مختلف الزامات لگا رہے ہیں، ہم کراچی اور سندھ کے لیے کام کررہے ہیں، کراچی کی بہتری کے لیے ہم سب کو مل کر کام کرنا چاہیے، سب مل کر کام کریں تو کراچی بہتر ہوگا۔

    میئر کراچی کا انتخاب ، تحریک انصاف کا جماعت اسلامی کی حمایت کا اعلان

    وزیر بلدیات سندھ نے کہا کہ جماعت اسلامی الزام لگا رہی ہے میں کہتان ہوں کوئی ایک چیئرمین آکر کہے کہ ان کو ہراساں کیا گیا ہے،  ہراساں کرنے کے الزامات کو مسترد کرتے ہیں۔

    ناصرحسین شاہ نے کہا کہ نمبرز کے حوالے سے ہم کراچی میں سب سے بڑی جماعت ہے، ان کے نمبرز  پورے ہونگے تو ہمیں کوئی اعتراض نہیں ہوگا۔

    ناصرحسین شاہ نے مزید کہا کہ احتجاج کی آڑ میں کراچی میں املاک کو نقصان پہنچایا گیا، کسی کے خلاف کوئی مقدمہ ہوا ہے تو اس کے کیخلاف کارروائی ہوگی، سینئر لوگ تحریک انصاف چھوڑ کر جارہے ہیں، جو لوگ چھوڑ کر جارہے ہیں تو الزامات ہم پر نہ لگائے۔

    واضح رہے کہ کراچی کے  امیرجماعت اسلامی حافظ نعیم الرحمان نے الزام لگایا تھا کہ چیئرمین کو تھانوں میں بلا رہے ہیں ان کے گھر پر چھاپے مارے جارہے ہیں، یہ چاہتے ہیں چیئرمین کسی طرح پیپلزپارٹی کی حمایت کردے۔

  • لوگ خود کو زبردستی میئر بنارہے ہیں، مرتضیٰ وہاب

    لوگ خود کو زبردستی میئر بنارہے ہیں، مرتضیٰ وہاب

     ایڈمنسٹریٹر کراچی مرتضیٰ وہاب نے کہا ہے کہ لوگ خود کو زبردستی میئر بنارہے ہیں۔

    ایڈمنسٹریٹرکراچی مرتضیٰ وہاب نے کڈنی ہل پارک میں بینظیر واٹر فال کا  افتتاح کرنے کے بعد میڈیا سے گفگو کرتے ہوئے کہا کہ کڈنی ہل پارک 62 ایکڑ پر مشتمل ہے، 3 سال پہلے اس پارک کی بحالی کا کام شروع کیا تھا۔

    انہوں نے کہا کہ میں جب اگست 2021 میں آیا تو گھبرایا ہوا تھا، کراچی2007 میں بارش کے بعد بند ہوجاتا تھا حالیہ بارشوں میں بند نہیں ہوا۔

    مرتضیٰ وہاب نے کہا کہ ماضی کے میئر اختیارات نہ ہونےکا رونا روتا رہا، ہم نے انہی اختیارات کے تحت کام کیا۔

    انہوں نے کہا کہ میں 2 ماہ پہلے استعفیٰ دےچکا تھا، لیڈر شپ کےکہنے پر ایڈمنسٹریٹر بنا جب قیادت کہے گی چلا جاؤں گا، میری قیادت نے مجھےکام جاری رکھنےکو کہا ہے۔

    مرتضیٰ وہاب کا مزید کہنا تھا کہ مجھےکے ایم سی اور اس کے لوگوں سے پیار ہوگیا ہے، میں نے عملے کے ساتھ بارشوں میں بھی کام کیا، ادارے کے ملازمین میں یہ صلاحیت ہے وہ بہترکام کرسکتے ہیں۔

    انکا مزید کہنا تھا کہ یہ شہر پہلے  بھی میرا تھا اب بھی میرا ہے، لوگوں نے دیکھا ہم خدمت کررہے ہیں، لوگوں نے یہ بھی دیکھا بارشوں میں ہم ہر علاقے میں کس طرح پہنچے تھے۔

  • بنوں کے میئر کی نشست پر ووٹوں کی دوبارہ گنتی کا حکم معطل

    بنوں کے میئر کی نشست پر ووٹوں کی دوبارہ گنتی کا حکم معطل

    اسلام آباد: الیکشن کمیشن آف پاکستان نے صوبہ خیبر پختونخواہ کے شہر بنوں کے میئر کی نشست پر ووٹوں کی دوبارہ گنتی کا حکم معطل کر دیا، الیکشن کمیشن نے بکاخیل میں انتخابات ملتوی ہونے کے کیس کی سماعت بھی کی۔

    تفصیلات کے مطابق الیکشن کمیشن نے صوبہ خیبر پختونخواہ کے شہر بنوں کے میئر کی نشست کے لیے ووٹوں کی دوبارہ گنتی کا حکم معطل کر دیا۔ الیکشن کمیشن نے جمیعت علمائے اسلام ف کے فاتح امیدوار عرفان اللہ درانی کی درخواست پر عبوری حکم جاری کیا ہے۔

    گزشتہ روز ریٹرننگ افسر نے تمام پولنگ اسٹیشنز پر دوبارہ گنتی کا حکم دیا تھا، ریٹرننگ افسر کے اعلامیے کے مطابق دوبارہ گنتی اسسٹنٹ کمشنر کے دفتر میں کی جانی تھی۔

    اعلامیے میں کہا گیا تھا کہ بنوں کے میئر کے 286 پولنگ اسٹیشنز کے ووٹوں کی دوبارہ گنتی ہوگی۔

    تاہم عرفان اللہ درانی کی جانب سے دائر درخواست پر ان کے وکیل نے کہا کہ صرف 10 ہزار سے کم مارجن پر ہی دوبارہ گنتی ہو سکتی ہے۔

    الیکشن کمیشن نے دوبارہ گنتی کا حکم معطل کرتے ہوئے فریقین کو نوٹس جاری کیا ہے اور انہیں آئندہ ہفتے طلب کرلیا۔

    خیال رہے کہ مذکورہ نشست پر جمیعت علمائے اسلام ف کے عرفان اللہ درانی 59 ہزار 844 ووٹ لے کر کامیاب قرار پائے تھے جبکہ پاکستان تحریک انصاف کے امیدوار اقبال جدون 43 ہزار 398 ووٹ لے کر دوسرے نمبر پر رہے۔

    بکاخیل میں انتخابات ملتوی ہونے کے کیس کی سماعت

    دوسری جانب الیکشن کمیشن کے دفتر میں بنوں کی تحصیل بکاخیل میں انتخابات ملتوی ہونے کے کیس کی سماعت ہوئی، سماعت میں ڈی آر او اور ریٹرننگ افسر پیش ہوئے۔

    جمیعت علمائے اسلام ف کے وکیل نے کہا کہ صوبائی وزیر ٹرانسپورٹ پولنگ مٹیریل لے کر فرار ہوئے، صوبائی وزیر، ان کے بھائی اور بیٹے براہ راست اس میں ملوث ہیں۔

    وکیل کا کہنا تھا کہ ایف آئی آر میں وزیر اور ان کے بھائی کی جگہ پولیس نے نامعلوم افراد درج کیا۔

    چیف الیکشن کمشنر نے کہا کہ معاملہ انتہائی سنجیدہ ہے، منطقی انجام تک پہنچائیں گے، کوئی حکومتی عہدیدار ملوث ہوا تو اس کے خلاف بھی کارروائی ہوگی۔ کسی نے ملزمان کو بچانے کی کوشش کی تو وہ بھی نہیں بچے گا۔

    چیف الیکشن کمشنر نے ڈسٹرکٹ پولیس افسر (ڈی پی او) بنوں کی سرزنش کرتے ہوئے کہا کہ اس سے زیادہ اور کیا ہوگا کہ پولنگ سٹیشن سے عملہ اغوا ہوگیا۔

    انہوں نے سخت برہمی کا اظہار کرتے ہوئے کہا کہ خواتین کو پولنگ اسٹیشنز سے اغوا کرنا انتہائی سنگین واقعہ ہے۔

    یاد رہے کہ 19 دسمبر کو صوبے میں بلدیاتی الیکشن سے ایک رات قبل بکاخیل میں رات گئے 4 پولنگ اسٹیشنز پر مسلح نقاب پوشوں نے حملہ کیا اور پولنگ کا سامان اٹھا کر لے گئے۔

    مسلح نقاب پوشوں کی تعداد سینکڑوں میں تھی اور وہ 50 سے 60 گاڑیوں میں سوار ہو کر پولنگ اسٹیشنوں پر آئے تھے، واقعے کے بعد الیکشن کمیشن نے مذکورہ علاقے میں پولنگ ملتوی کردی تھی۔

  • میئر کراچی وسیم اختر نے کے ایم سی کو اہم ہدایات جاری کردیں

    میئر کراچی وسیم اختر نے کے ایم سی کو اہم ہدایات جاری کردیں

    کراچی: میئر کراچی وسیم اختر نے کراچی میٹرو پولیٹن کارپوریشن (کے ایم سی) کو اہم ہدایات جاری کرتے ہوئے کہا ہے کہ فوری طور پر برساتی پانی کی نکاسی شروع کردی جائے۔

    تفصیلات کے مطابق میئر کراچی وسیم اختر کا کہنا ہے کہ کراچی میں کے ایم سی کے متعلقہ محکموں کو الرٹ کردیا گیا، فوری طور پر برساتی پانی کی نکاسی کرنے کی ہدایت دے دی گئی ہے۔

    وسیم اختر کا کہنا تھا کہ کے ایم سی نے انڈر پاسز سے پانی کی نکاسی شروع کر دی ہے، ضلعی چیئرمین اپنے علاقوں میں موجود رہ کر نکاسی آب کروائیں۔

    انہوں نے کہا کہ کے ایم سی اسپتالوں میں ڈاکٹرز اور پیرا میڈیکل اسٹاف کی حاضری یقینی بنائی جائے، شہری بھی بلا ضرورت گھروں سے نکلنے سے گریز کریں۔

    خیال رہے کہ شہر میں ہونے والی موسلا دھار بارش نے نظام زندگی درہم برہم کردیا ہے اور شہر میں اربن فلڈ کی صورتحال پیدا ہوگئی ہے۔

    مختلف علاقوں میں کئی کئی فٹ پانی کھڑا ہوچکا ہے، سڑکیں تالاب بن چکی ہیں، شہر کے متعدد علاقوں میں پانی گھروں میں بھی داخل ہوگیا ہے۔ بیشتر علاقوں میں بجلی بھی معطل ہے۔

  • صرف 7 ماہ کا بچہ میئر بن گیا

    صرف 7 ماہ کا بچہ میئر بن گیا

    ٹیکساس: آپ یقین کریں یا نہیں کہ 7 ماہ کا بچہ امریکی تاریخ کا سب سے کم عمر ترین میئر بن گیا۔

    بین الاقوامی میڈیا رپورٹس کے مطابق ولیم چارلس میک ملن’ چارلی‘ نے ریاست ٹیکساس کے جنوبی علاقے گریمیز کاؤنٹی کے میئر کی حیثیت سے حلف اٹھا لیا، حلف برداری کی تقریب میں سیکڑں افراد شریک تھے جنہوں نے نومنتخب میئر کا والہانہ استقبال کیا۔

    اس پرقار تقریب میں نومنتخب میئر چارلی نے روایتی ٹوکسیڈو زیب تن کیا تھا اور ہال میں موجود شرکاء نے تالیاں بجا کر نئے ممبر کو خوش آمدید کہا۔

    اس موقع پر چارلی کی والدہ کا کہنا تھا کہ ہمیں برداشت اور تحمل کے رویے اپناتے ہوئے امریکا کو پھر سے ’میک امریکا کائنڈ اگین‘ کی طرف لے جانا ہے۔

    انہوں نے کہا کہ آپ خواہ ریپبلکن ہوں، ڈیموکریٹس یا پھر انڈیپینڈنٹ ، چارلی آپ سب سے پیار کرتا ہے، جیسا کہ ہمارے صدر ڈونلڈ ٹرمپ ہمیشہ سب سے پہلے امریکا کے نعرے کو دہراتے ہیں۔

    وائٹ ہال والنٹیئر ڈیپارٹمنٹ میں ہر سال کی طرح چارلی بھی اپنی کمیونٹی کو عہدے کی مدت ختم ہونے تک میئر کی ذمہ داریاں نبھاتے رہیں گے۔

  • بڑے صوبوں کا نظام ناکام ہوگیا، 20 صوبے ہونے چاہئیں: وسیم اختر

    بڑے صوبوں کا نظام ناکام ہوگیا، 20 صوبے ہونے چاہئیں: وسیم اختر

    کراچی: میئر کراچی وسیم اختر کا کہنا ہے کہ 20 صوبے ہونے چاہئیں، بڑے صوبوں کا نظام ناکام ہوگیا، سیوریج سمندر میں جا رہا ہے اور شہر میں کچرا بھرا ہوا ہے۔

    تفصیلات کے مطابق میئر کراچی وسیم اختر کا کہنا ہے کہ دنیا بھر میں نئے صوبے بن رہے ہیں ہم 72 سال پیچھے کھڑے ہیں، 20 صوبے ہونے چاہئیں، بڑے صوبوں کا نظام ناکام ہوگیا۔

    وسیم اختر کا کہنا تھا کہ ہر ماہ 10 کروڑ کی کمی کے ساتھ 13 ہزار ملازمین کووقت پر تنخواہ دی جاتی ہے، تنخواہ کی ادائیگی کے بعد شہر کے مسائل حل کرنا آسان کام نہیں۔

    انہوں نے کہا کہ وزیر اعظم سے درخواست ہے صحت کے شعبے میں کراچی کی مدد کریں۔ میں اضافی مدد نہیں مانگ رہا، جو اس شہر کا حق ہے وہ دیا جائے۔

    میئر کراچی کا کہنا تھا کہ مقامی حکومت مضبوط ہو جائے تو یہ ملک بہت جلد ترقی کرے اور مسائل ختم ہو جائیں۔ کسی کو بھی دلچسپی نہیں کہ ملک میں ترقی کا عمل شروع اور مسائل حل ہوں۔

    انہوں نے کہا کہ کراچی بڑا شہر ہے، ماحولیاتی آلودگی پر ہماری ذمے داری زیادہ ہے، حکومت اس پر توجہ دے ورنہ عالمی سطح پر بڑے نقصان کا سامنا ہوگا۔ سیوریج سمندر میں اور کچرا شہر میں، عالمی سطح پر پیغام درست نہیں جا رہا۔

  • کچرا اٹھانا سندھ حکومت اور میئر کا کام ہے، انہی سے لیا جانا چاہیئے: گورنر سندھ

    کچرا اٹھانا سندھ حکومت اور میئر کا کام ہے، انہی سے لیا جانا چاہیئے: گورنر سندھ

    کراچی: گورنر سندھ عمران اسمعٰیل کا کہنا ہے کہ کچرا اٹھانا یا شہر کی صفائی سندھ حکومت اور میئر کا کام ہے، پوری دنیا میں لوکل گورنمنٹ کی ذمہ داری ہے شہر صاف کرے۔

    تفصیلات کے مطابق گورنر سندھ عمران اسمعٰیل کا کہنا تھا کہ کچرا اٹھانا یا شہر کی صفائی سندھ حکومت اور میئر کا کام ہے، کچرا اٹھانے کا کام انہی سے لیا جائے تو بہتر ہے۔

    گورنر سندھ نے کہا کہ پوری دنیا میں لوکل گورنمنٹ کی ذمہ داری ہے شہر صاف کرے، فضل الرحمٰن عرصے سے کوشش کر رہے ہیں نظام کو پٹڑی سے اتاریں، فضل الرحمٰن کی اپنی حریف جماعتیں ان کے ساتھ آنے سے گھبرا رہی ہیں۔

    انہوں نے کہا کہ مولانا کو سوچنا چاہیئے کیا کشمیر معاملے کو نقصان پہنچائیں گے، موجودہ حکومت 5 سال کہیں نہیں جارہی۔ سڑکوں پر اس لیے نکل رہے ہیں جو کرپشن کر رہے ہیں ان کو نہ پکڑیں۔

    گورنر سندھ کا کہنا تھا کہ تحریک انصاف کی سندھ میں حکومت نہیں، بہت جلد چیزیں بہتر ہوتے ہوئے نظر آئیں گی۔ مولانا فضل الرحمٰن کا دھرنا کامیاب نہیں ہوگا۔ جب تک سنگل اتھارٹی قائم نہیں ہوگی وہاں ڈلیور کرنا مشکل ہوجاتا ہے۔