میئر کراچی مرتضیٰ وہاب نے کہا ہے کہ پچھلے سال پرفارمنس بہتر تھی اس سال مزید بہتر بنائی، کراچی میں 37ہزار ٹن سے زائد الائشیں اٹھائی جا چکی ہیں۔
اے آر وائی نیوز کے مطابق میئر کراچی بیرسٹر مرتضیٰ وہاب کا کہنا ہے کہ لوگ اے سی میں بیٹھ کر الزام تراشی کرتے ہیں، کراچی کے تمام اضلاع اور ٹاؤنز میں کلیکشن پوائنٹ بنائے، ٹارگٹ رکھا تھا کہ شہریوں کی پریشانیوں کو ٹھیک کرنا ہے۔
مرتضیٰ وہاب نے کہا کہ گزشتہ رات تمام کلیکشن پوائنٹس کو کلیئر کردیا تھا، بڑی شاہراہوں کو دھونے کا فیصلہ کیا ہے برنس روڈ سے آغاز کیا، میڈیا کا شکریہ کہ خامیوں والی جگہوں کی نشاندہی کی۔
انھوں نے کہا کہ سب کو پتہ ہے کراچی میں ایم کیو ایم کے کتنے ایم این ایز، ایم پی ایز ہیں، علی خورشیدی اور منعم ظفر کی پریس کانفرنس نہیں دیکھیں۔
ایم کیوایم چاہتی ہے اچھا ہو تو ہم، برا ہو تو کوئی اور یہ نہیں ہوسکتا، مریم نواز کسی علاقے میں نہیں گئیں لیکن وہاں سب اچھا دکھایا جارہا ہے، ان کا مقصد لوگوں کی کھال اتار کر کھالیں جمع کرنا ہے۔
مرتضیٰ وہاب نے کہا کہ علی خورشیدی، منعم ظفر بتائیں انھوں نے 1122 پر کتنی شکایت کیں؟ بہت کھالیں جمع کرلیں اب ٹھنڈے کمروں سے باہر نکلیں۔
میئر کراچی نے کہا کہ علی خورشیدی کی بات سے اتفاق کرتا ہوں مجھے چونا لگانا نہیں آتا، وسیم اختر کا دور سب کو یاد ہے، سیاست میں آنے سے پہلے ایم کیو ایم مستقل قومی مصیبت سمجھتا تھا۔
مرتضیٰ وہاب نے کہا کہ جماعت اسلامی کو فیڈرل بی ایریا رضوان پارک میں قربانی کرتے دیکھا، مریم نواز کہیں گئی نہیں لیکن سب جگہ صاف ستھرا پنجاب آرہا ہے، مریم نوازکی کمپین دیکھی پنجاب کو صاف کرنے کیلئے 30 ارب خرچہ کیا جارہا ہے۔
انھوں نے کہا کہ میرے پاس کے ایم سی میں اتنے وسائل اور انفارمیشن ڈپارٹمنٹ کا بجٹ نہیں، تنقید کرنے والوں کا مقصد کھال جمع کرنا تھا اور کھال جمع کرنا ہی رہے گا۔
https://urdu.arynews.tv/mayor-karachi-requests-citizens-qurbani/
