ARYNews.tv | Urdu – Har Lamha Bakhabar

Tag: میئر کراچی وسیم اختر

  • سرکلر ریلوے کی بحالی: میئر اور کمشنر کراچی متحرک

    سرکلر ریلوے کی بحالی: میئر اور کمشنر کراچی متحرک

    کراچی: سپریم کورٹ کے حکم پر شہرِ قائد میں سرکلر ریلوے کی بحالی کے سلسلے میں انتظامیہ نے متحرک ہو کر ریلوے لائنز پر قائم تجاوزات کے خاتمے کے لیے منصوبہ بندی شروع کر دی۔

    تفصیلات کے مطابق کراچی سرکلر ریلوے کی بحالی کے سلسلے میں کمشنر کراچی نے ریلوے لائنوں پر قائم تجاوزات کا جائزہ لینے کے لیے مختلف علاقوں کا دورہ کیا۔

    [bs-quote quote=”سرکلر ریلوے ٹریک کے اطراف میں تجاوزات کا خاتمہ کر کے ٹریک کو بحال کریں گے۔” style=”style-7″ align=”left” color=”#dd3333″ author_name=”وسیم اختر” author_job=”میئر کراچی”][/bs-quote]

    دریں اثنا میئر کراچی وسیم اختر نے بھی اعلان کیا کہ سرکلر ریلوے ٹریک کے اطراف انسدادِ تجاوزات کے لیے منصوبہ بندی شروع کر دی گئی ہے۔

    وسیم اختر نے کہا ’ہمارا عزم ہے کہ کراچی کو اس کی اصل شکل میں واپس لائیں گے، محکمہ ریلوے، پولیس اور دیگر اداروں سے رابطے کر رہے ہیں۔‘

    میئر کراچی نے مزید کہا کہ ہم مل کر تجاوزات کو ہٹائیں گے اور ریلوے ٹریک کو بحال کریں گے، اس سلسلے میں متعلقہ اداروں کو میرا پورا تعاون، مشینری اور افرادی قوت حاضر ہیں۔

    دوسری طرف ریلوے لائنز پر قائم تجاوزات کے حوالے سے جائزہ لینے کے لیے کمشنر کراچی افتخار احمد شلوانی نے ماڑی پور روڈ، وزیر مینشن، شاہ لطیف ٹاؤن اور سائٹ ایریا کا دورہ کیا۔

    یہ بھی پڑھیں:  سپريم کورٹ کا کراچی سرکلر ريلوے اور ٹرام لائن کو بحال کرنے کا حکم

    کمشنر کراچی نے اس موقع پر کہا کہ ان کے دورے کا مقصد سرکلر ریلوے کی بحالی سے متعلق حکمتِ عملی بنانا ہے، سرکلر ریلوے کی بحالی کے لیے جلد آپریشن کا آغاز کیا جائے گا۔

    واضح رہے کہ گزشتہ روز سپريم کورٹ نے کراچی سرکلر ريلوے اور ٹرام لائن کو فوری بحال کرنے کا حکم دیا ہے، عدالت نے ريلوے لائن کو قبضہ مافیا سے واگزار کرانے کی بھی ہدايت کی۔

  • کراچی: رینبو سینٹر کے قریب نالوں پر قائم سو سے زائد دکانیں مسمار

    کراچی: رینبو سینٹر کے قریب نالوں پر قائم سو سے زائد دکانیں مسمار

    کراچی: بلدیہ عظمیٰ کراچی نے صدر میں تجاوزات اور غیر قانونی دکانوں کے خلاف ایک اور آپریشن شروع کر دیا، آپریشن میں رینبو سینٹر کے قریب نالوں پر قائم سو سے زائد دکانیں مسمار کی جا رہی ہیں۔

    تفصیلات کے مطابق بلدیہ عظمیٰ کی ہیوی مشینری شہرِ قائد کے مصروف ترین علاقے صدر میں غیر قانونی دکانوں کے خلاف آپریشن میں مصروف ہے، رینبو سینٹر کے اطراف میں سو سے زائد دکانیں گرائی جا رہی ہیں۔

    [bs-quote quote=”مشتعل افراد کا بلڈوزر کے ڈرائیور پر تشدد، مظاہرین نے کے ایم سی عملے پر بھی حملہ کیا۔” style=”style-7″ align=”left” color=”#dd3333″][/bs-quote]

    تجاوزات اور غیر قانونی دکانوں کے خلاف یہ آپریشن گزشتہ رات کیا جانا تھا لیکن دکان داروں کے احتجاج کے باعث انھیں بارہ گھنٹوں کی مہلت دی گئی تھی۔

    آپریشن کے دوران پولیس اور رینجرز کی بھاری نفری موجود رہی، تاہم پولیس اور رینجرز کی آمد سے قبل مشتعل افراد نے آپریشن رکوانے کی بھرپور کوشش کی۔

    رینبو سینٹر کے پاس مشتعل افراد نے بلڈوزر کے ڈرائیور پر بھی تشدد کیا، مظاہرین نے کے ایم سی عملے پر بھی حملہ کیا، کچھ دیر میں رینجرز کی بھاری نفری پہنچ گئی جنھوں نے حالات کو کنٹرول کر لیا۔

    یہ بھی پڑھیں:  کراچی ایمپریس مارکیٹ سے تجاوزات کا خاتمہ: 50 سال بعد تاریخی عمارت کی دھلائی

    شہر کے مختلف علاقوں میں جاری انسدادِ تجاوزات مہم سے متعلق میئر کراچی وسیم اختر کا کہنا تھا کہ شہر بھر سے تجاوزات کا خاتمہ کیا جا رہا ہے، اس سلسلے میں اتوار کے دن بھی کام کر رہے ہیں، مزاحمت ہوگی تو بھی آپریشن جاری رہے گا۔

    خیال رہے کہ اس سے قبل صدر میں ایمپریس مارکیٹ کے اطراف میں تجاوزات اور غیر قانونی دکانوں کے خلاف کام یاب آپریشن کیا جا چکا ہے۔

  • سانحہ بارہ مئی کے ایک اور کیس میں میئر کراچی پر فردِ جرم عائد

    سانحہ بارہ مئی کے ایک اور کیس میں میئر کراچی پر فردِ جرم عائد

    کراچی: سانحہ 12 مئی کے ایک اور کیس میں میئر کراچی وسیم اختر پر فرد جرم عائد کر دی گئی، انسدادِ دہشت گردی کی عدالت کی کارروائی سے بارہ مئی کیس میں اہم پیش رفت ہو گئی۔

    تفصیلات کے مطابق انسدادِ دہشت گردی کی عدالت میں میئر کراچی وسیم اختر سمیت 21 ملزمان پر سانحہ بارہ مئی کیس میں فردِ جرم عائد کی گئی۔

    [bs-quote quote=”ملزمان کے صحتِ جرم سے انکار پر عدالت نے کیس کے گواہان کو 27 اکتوبر کو طلب کر لیا۔” style=”style-7″ align=”left” color=”#dd3333″][/bs-quote]

    وسیم اختر سمیت اکیس ملزمان اے ٹی سی میں پیش ہوئے، ملزمان نے دورانِ سماعت صحتِ جرم سے انکار کر دیا، عدالت نے کیس کے گواہان کو 27 اکتوبر کو طلب کر لیا۔

    خیال رہے کہ گزشتہ ماہ سانحہ بارہ مئی کی از سرِ نو تحقیقات کے لیے سندھ ہائی کورٹ نے جے آئی ٹی اور انکوائری ٹربیونل تشکیل دینے کا حکم دیا تھا، تحقیقات کی مانیٹرنگ کے لیے چیف جسٹس سندھ ہائی کورٹ سے سینئر جج مقرر کرنے کی سفارش بھی کی گئی تھی۔

    سندھ حکومت کی جانب سے کمیشن بنانے کی مخالفت کی گئی اور مؤقف اختیار کیا گیا کہ تمام متاثرین کو معاوضے کی ادائیگی بھی کی جا چکی ہے۔

    یہ بھی پڑھیں:  سانحہ بارہ مئی: ازسرِنو تحقیقات کے لیے جے آئی ٹی تشکیل دینے کا حکم

    یاد رہے کہ شہرِ قائد میں رونما ہونے والے اپنی نوعیت کے، انتہائی سنگ دلی پر مبنی سانحہ 12 مئی کو 11 سال گزر چکے ہیں، تا حال اس سانحے کا حتمی فیصلہ نہیں کیا جا سکا۔

    12 مئی 2007 کو سابق چیف جسٹس افتخار چوہدری کے کراچی پہنچتے ہی شہر میں قتل و غارت گری کا طوفان آ گیا اور شہر لہو لہان کر دیا گیا، خوں ریز واقعات میں 50 سے زائد افراد کو زندگیوں سے محروم کیا گیا۔

  • کل وزیرِ اعظم کے سامنے کراچی کا مقدمہ لڑوں گا، میئر کراچی وسیم اختر

    کل وزیرِ اعظم کے سامنے کراچی کا مقدمہ لڑوں گا، میئر کراچی وسیم اختر

    کراچی: میئر کراچی وسیم اختر نے کراچی کے علاقے ناظم آباد 6 نمبر پر انّو بھائی پارک میں پویلیئن کا افتتاح کرتے ہوئے کہا کہ کل وزیرِ اعظم کے سامنے کراچی شہر کا مقدمہ لڑوں گا، پٹیشن تیار کرلی ہے۔

    میئر کراچی وسیم اختر نے کہا کہ انّو بھائی پارک میں ایک سوئمنگ پول کا بھی اضافہ کیا جائے گا، یہ پارک اب کے ایم سی کے ڈیپارٹمنٹ کی زیرِ نگرانی ہوگا۔

    وسیم اختر نے کہا ’کل وزیرِ اعظم کے ساتھ کراچی کی ترقی کے حوالے سے ہماری میٹنگ ہے، وزیرِ اعظم چاہتے ہیں کہ کراچی کا کچرہ صاف ہو، ٹرانسپورٹ کا نظام بہتر ہو، ہم نے اس میٹنگ کی تیاری کر لی ہے، پٹیشن خود وزیرِ اعظم کو پیش کروں گا۔‘

    [bs-quote quote=”شہر کا سارا نظام میئر کے ماتحت آنا چاہیے: وسیم اختر” style=”style-7″ align=”left” color=”#dd3333″][/bs-quote]

    میئر کراچی نے کہا کہ شہر کا سارا نظام میئر کے ماتحت آنا چاہیے، کراچی کے رکے ہوئے فنڈز کے اجرا کے لیے وزیرِ اعظم سے بات ہوگی، کے فور پروجیکٹ کے مسائل بھی ان کے سامنے رکھے جائیں گے، وہ واحد وزیرِ اعظم ہیں جو کراچی کے مسائل حل کرنے میں دل چسپی رکھتے ہیں۔

    وسیم اختر نے کہا کہ وفاقی کابینہ میں اب جو اضافہ ہوگا اس میں ایم کیو ایم کا وزیر بھی ہوگا، وزیرِ اعظم سے کراچی یونی ورسٹی کے لیے خصوصی فنڈز مانگے ہیں، حیدر آباد میں بھی یونی ورسٹی کے قیام کا مطالبہ کیا ہے، انھوں نے مردم شماری کے مسئلے پر نظرِ ثانی کی حامی بھری ہے۔

    [bs-quote quote=”شہر کے گراؤنڈز میں اب کمرشل سرگرمیاں نہیں ہونے دیں گے: میئر کراچی” style=”style-7″ align=”right” color=”#dd3333″][/bs-quote]

    میئر کراچی نے پیپلز پارٹی پر تنقید کرتے ہوئے کہا ’کراچی کا سیوریج نظام تباہ ہوگیا، پی پی نے وڈیروں کی طرح اسے چلایا، انھوں نے 2 اضلاع کے لیے پورے کراچی کو تقسیم کر دیا، پیپلز پارٹی اور ن لیگ نے کراچی والوں کو جھوٹے وعدے دیے۔‘

    یہ بھی پڑھیں:  وزیراعظم عمران خان 16 ستمبر کو کراچی کے دورے پر پہنچیں گے

    میئر کراچی وسیم اختر نے قبضہ مافیا کو بھی آڑے ہاتھوں لیا، کہا ’کراچی والوں کی قبضہ مافیا سے اب جان چھوٹ گئی ہے، کراچی پرقبضہ کرنے والے اب دبئی واپس چلے گئے ہیں، شہر کے گراؤنڈز میں اب کمرشل سرگرمیاں نہیں ہونے دیں گے۔‘

    انھوں نے مزید کہا کہ کراچی کو ٹرانسپورٹ کا نیا نظام درکا ہے، ہم نے شہر کے لیے 2 بڑی سڑکیں اور 2 بڑے پل منظور کرا لیے ہیں، 4 دیگر بڑے پروجیکٹ بھی منظور کرا چکے، جن پر جلد کام شروع ہوگا۔

  • میئر کراچی کی کار چِھننے کا معاملہ مشکوک بن گیا، مقدمہ 3 روز بعد درج

    میئر کراچی کی کار چِھننے کا معاملہ مشکوک بن گیا، مقدمہ 3 روز بعد درج

    کراچی: میئر کراچی وسیم اختر کی سرکاری گاڑی چِھن جانے کا معاملہ مشکوک بن گیا، واردات کا مقدمہ 3 روز بعد کراچی کے درخشاں تھانے میں درج کر دیا گیا، پولیس کا کہنا ہے کہ گاڑی پرائیویٹ ہے۔

    تفصیلات کے مطابق میئر کراچی وسیم اختر نے تین روز تک اپنی سرکاری گاڑی کے چھینے جانے کا مقدمہ درج نہیں کرایا، تاہم ان کا کہنا تھا کہ وہ تھانے میں درخواست دے چکے ہیں۔

    پولیس ذرائع کا کہنا ہے کہ میئر کراچی نے تین روز بعد مقدمہ درج کرایا، اس سلسلے میں پولیس سمیت دیگر ادارے بھی تحقیقات کر رہے ہیں، جس مقام سے گاڑی چِھننے کا بتایا گیا وہاں کسی شخص کوعلم نہیں۔

    [bs-quote quote=”پرائیویٹ گاڑی پر سرکاری نمبر پلیٹ لگا کر استعمال کیا جا رہا تھا: پولیس” style=”style-7″ align=”left” color=”#dd3333″ author_name=” "][/bs-quote]

    پولیس ذرائع کے مطابق علاقہ مکینوں میں سے کوئی عینی شاہد موجود نہیں جس نے وارادت خود دیکھی ہو، پولیس سمیت دیگر اداروں نے مکمل روٹس کی فوٹیجز لینا شروع کر دی۔

    ذرائع نے مزید بتایا کہ گاڑی جس علاقے سے چھینی گئی اس کے قریب صدرِ پاکستان ڈاکٹر عارف علوی کا کلینک ہے، کلینک پر سی سی ٹی وی کیمرے موجود ہیں مگرمنیجر پاکستان میں نہیں، منیجر کے آنے کے بعد سی سی ٹی وی فوٹیج کا جائزہ لیا جائے گا۔

    پولیس ذرائع نے کہا کہ میئر کراچی کے مطابق گاڑی کا نمبر جی ایس ڈی 999 ہے، معلومات کے مطابق گاڑی 2016/17 ماڈل کی گرینڈی کرولا ہے تاہم پولیس نے ایکسائز سے معلومات کی تو گاڑی کا ماڈل اور سال مختلف نکلے۔

    مزید پڑھیں:  گاڑی چِھننے کا معاملہ: فیصل واوڈا نے میئر کراچی کو نام نہاد وی آئی پی قرار دے دیا، معطل ایس ایچ او بحال

    ایکسائز ریکارڈ کے مطابق چھینی جانے والی گاڑی ایلٹس ہے، پرائیویٹ گاڑی پر سرکاری نمبر پلیٹ لگا کر استعمال کیا جا رہا تھا، تفتیشی ادارے اس سلسلے میں ڈرائیور کو بھی بیان کے لیے طلب کر سکتے ہیں۔

    مقدمہ درج

    دوسری طرف میئر کراچی کی جانب سے تین روز بعد درخشاں تھانے میں گاڑی چھینے جانے کا مقدمہ درج کروا دیا گیا، مقدمہ وسیم اختر کے ڈرائیور محسن کی مدعیت میں درج کیا گیا۔

    ایس ایس پی درخشاں نے بتایا کہ مقدمہ نمبر 500/2018 دفعہ 392 /34 کے تحت درج کیا گیا، ایف آئی آر میں گاڑی چھینے جانے کا مقام شہباز کمرشل نزد ڈاکٹر علوی کلینک لکھا گیا ہے، ڈرائیور کے مؤقف کے مطابق دوپہر 2 بجے وہ گاڑی میں جا رہا تھا کہ کلٹس گاڑی پاس آ کر رکی۔

    یہ بھی پڑھیں:  اسٹریٹ کرائمز: فیصل واوڈا سندھ حکومت کے مقابل آ گئے، پولیس کی مدد کا اعلان

    ڈرائیور نے بتایا ’پینٹ شرٹ پہنے 3 افراد گاڑی کے دونوں طرف آئے اور اترنے کی دھمکی دی، گاڑی چِھن جانے کے بعد واقعے کی بر وقت اطلاع میئر صاحب کو دی، وسیم اختر کے مشورے پر مقدمہ درج کرانے آیا۔‘

  • گاڑی چِھننے کا معاملہ: فیصل واوڈا نے میئر کراچی کو نام نہاد وی آئی پی قرار دے دیا، معطل ایس ایچ او بحال

    گاڑی چِھننے کا معاملہ: فیصل واوڈا نے میئر کراچی کو نام نہاد وی آئی پی قرار دے دیا، معطل ایس ایچ او بحال

    کراچی: شہرِ قائد کے میئر وسیم اختر کی سرکاری گاڑی چھن جانے کے معاملے میں مداخلت کرتے ہوئے تحریکِ انصاف کے رکن قومی اسمبلی فیصل واوڈا نے معطل ایس ایچ او کو بحال کروادیا۔

    تفصیلات کے مطابق میئر کراچی کی سرکاری گاڑی چھن جانے کے بعد ڈی آئی جی جنوبی جاوید اوڈھو نے علاقے کے ایس ایچ او کو ذمہ دار قرار دیتے ہوئے معطل کردیا تھا، فیصل واوڈا نے مداخلت کرتے ہوئے مذکورہ ایس ایچ او کو بحال کروادیا۔

    فیصل واوڈا نے بتایا کہ ایڈیشنل آئی جی کراچی امیر شیخ نے فیصلہ واپس لے لیا، نئے پاکستان میں معطلی کی یہ ڈرامے بازی نہیں چلے گی، مئیر، وزیرِ اعلیٰ، وزیرِاعظم، کو ئی بھی ہو، قانون سب کے لیے برابر ہوگا۔

    پاکستان تحریکِ انصاف کے رہنما فیصل واوڈا نے سماجی رابطے کی ویب سائٹ پر ٹویٹ کرتے ہوئے کہا ’کراچی پولیس چیف اور ڈی آئی جی کا شکریہ ادا کرتا ہوں، پولیس افسران نے عام آدمی اور نام نہاد وی آئی پی میئر کے خلاف فرق ختم کیا۔‘

    انھوں نے اپنے ٹویٹر اکاؤنٹ کے ذریعے اطلاع دی کہ ایس ایچ او کی معطلی کا حکم نامہ روک دیا گیا ہے۔ ان کا کہنا تھا کہ ایس ایچ او کو کار چور گینگ کی گرفتاری اور میئر کی گاڑی ریکور کرنے کا حکم دے دیا گیا ہے۔

    مزید پڑھیں:  کراچی جنوبی زون میں گاڑیاں چھیننے والوں نے سرکاری گاڑیوں کو ہدف بنا لیا

    دوسری طرف میئر وسیم اختر نے اپنے دفتر کی سرکاری گاڑی چھن جانے پر اظہارِ تشویش کرتے ہوئے کہا کہ محرم سے قبل سرکاری گاڑی کا چھن جانا لمحۂ فکریہ ہے۔

    وسیم اختر نے کہا ’ڈیفنس میں اسٹریٹ کرائم دن بہ دن بڑھ رہے ہیں، سندھ حکومت نے گاڑی کے سلسلے میں مجھ سے اب تک کوئی رابطہ نہیں کیا، ڈی آئی جی نے ایکشن لیا ہے، دیکھتے ہیں کہ کیا کارروائی ہوتی ہے۔‘

  • کراچی جنوبی زون میں گاڑیاں چھیننے والوں نے سرکاری گاڑیوں کو ہدف بنا لیا

    کراچی جنوبی زون میں گاڑیاں چھیننے والوں نے سرکاری گاڑیوں کو ہدف بنا لیا

    کراچی: شہرِ قائد کے زون جنوبی میں سرکاری گاڑیاں چھیننے کی وارداتوں میں بے پناہ اضافہ ہوگیا ہے، میئر کراچی کی گاڑی کے علاوہ کئی دیگر سرکاری گاڑیاں بھی چھینی گئیں۔

    تفصیلات کے مطابق شہرِ قائد میں گاڑیاں چھیننے کی وارداتیں کرنے والوں نے سرکاری گاڑیوں کو ہدف بنا لیا، میئر کراچی وسیم اختر کی گاڑی کے علاوہ ڈیفنس اور کلفٹن میں کئی دیگر سرکاری گاڑیاں چھیننے کی وارداتیں ہو چکی ہیں۔

    پولیس کا کہنا ہے کہ سرکاری گاڑیاں چھیننے میں بین الصوبائی کار لفٹر گروہ ملوث ہے، رواں سال کے دوران 968 گاڑیاں چھینی اور چوری کی گئیں، جب کہ مختلف کارروائیوں کے دوران 420 گاڑیاں بر آمد کی گئیں۔

    [bs-quote quote=”میئر کراچی کی گاڑی کی تلاش جاری ہے: کراچی پولیس” style=”style-7″ align=”left” color=”#dd3333″][/bs-quote]

    خیال رہے کہ اینٹی کار لفٹنگ سیل (اے سی ایل سی) اور ساؤتھ زون پولیس سرکاری گاڑیوں کی ریکوری میں اب تک ناکام رہے ہیں، ڈیفنس، کلفٹن سے رواں سال میں متعدد اعلیٰ شخصیات کی گاڑیاں چھینی جا چکی ہیں۔

    دوسری طرف ڈی آئی جی ساؤتھ جاوید اوڈھو نے میئر کراچی کی گاڑی چھینے جانے کے معاملے پر بیان دیتے ہوئے کہا ہے کہ وسیم اختر کی گاڑی کی تلاش جاری ہے۔

    مزید پڑھیں:  میئر کراچی وسیم اختر کی گاڑی گن پوائنٹ پر چھن گئی

    انھوں نے دعویٰ کیا کہ سرکاری گاڑیاں چوری کرنے والے 2 گروہ ٹریس کر لیے گئے ہیں، پولیس میئر کراچی کی گاڑی ریکور کرانے کی کوششیں کر رہی ہے۔

    ڈی آئی جی جنوبی نے میئر کراچی کی گاڑی چھیننے کے واقعے کا ذمہ دار ایس ایچ کو قرار دیا، ان کا کہنا تھا کہ ایس ایچ او جرائم روکنے کا ذمہ دار ہوتا ہے۔

    جاوید اوڈھو نے بتایا کہ کچھ اور شکایتیں بھی موصول ہوئی ہیں، علاقے میں بند کرائے گئے شیشہ کیفے بھی دوبارہ کھل گئے تھے اس لیے ایس ایچ او کو معطل کر دیا گیا ہے۔

  • وزیرِ بلدیات سعید غنی کا بیان افسوس ناک ہے، میئر کراچی وسیم اختر

    وزیرِ بلدیات سعید غنی کا بیان افسوس ناک ہے، میئر کراچی وسیم اختر

    کراچی: میئر کراچی وسیم اختر نے وزیرِ بلدیات سندھ سعید غنی کے الزامات کا جواب دیتے ہوئے کہا ہے کہ وزیرِ بلدیات کا بیان افسوس ناک ہے۔

    تفصیلا ت کے مطابق میئر کراچی نے وزیرِ بلدیات سعید غنی کے بیان کو افسوس ناک قرار دیتے ہوئے کہا ہے کہ میں کراچی کا شہری ہوں اور اس شہر اور عوام کا درد رکھتا ہوں۔

    وسیم اختر نے میڈیا سے خصوصی گفتگو کرتے ہوئے کہا ’میں کبھی نہیں چاہوں گا کہ شہری مزید مشکلات میں مبتلا ہوں، ایم کیو ایم یا کے ایم سی ان کے کام میں رکاوٹیں پیدا نہیں کرے گی۔‘

    میئر کراچی وسیم اختر نے وزیرِ بلدیات سعید غنی کو پیش کش کرتے ہوئے کہا ’آپ کو جہاں بھی ضرورت ہو میں ساتھ کھڑا ہوں، میں اور کے ایم سی آپ کے شانہ بہ شانہ نظر آئیں گے۔‘

    یہ بھی پڑھیں:  ’آلائشیں کون اٹھائے گا؟‘ پی پی ایم کیو ایم اختلافات نے انتظامی ڈیڈ لاک پیدا کر دیا، شہری پریشان

    وسیم اختر کا کہنا تھا کہ عید کے تینوں دن بلدیاتی نمائندے سڑکوں پر ہوں گے، وہ خود بھی علاقوں کا دورہ کرتے رہیں گے۔ انھوں نے سعید غنی کو مخاطب کر کے کہا ’ہم نے پلان ترتیب دے دیا، آپ کو پریشان ہونے کی ضرورت نہیں۔‘

    واضح رہے کہ وزیرِ بلدیات سندھ سعید غنی نے ایم کیو ایم پر کھلا الزام لگاتے ہوئے کہا ہے ’ایم کیو ایم کا وتیرہ رہا ہے کہ خود ہی مسائل پیدا کرتے ہیں، ایم کیو ایم کبھی گٹر بند کر دیتی ہے، کبھی پانی کی لائنیں توڑ دیتی ہے۔‘

  • پی ایس پی ٹیسٹ ٹیوب بے بی ہے، ڈولفن جیسے معصوم جانور کو بدنام کیا،میئر کراچی

    پی ایس پی ٹیسٹ ٹیوب بے بی ہے، ڈولفن جیسے معصوم جانور کو بدنام کیا،میئر کراچی

    کراچی : میئر کراچی وسیم اختر نے مصطفی کمال پر تنقید کرتے ہوئے کہا پی ایس پی ٹیسٹ ٹیوب بے بی ہے، ڈولفن جیسے معصوم جانور کو بدنام کیا۔

    تفصیلات کے مطابق چائنیز قونصل جنرل نے کے ایم سی عباسی شہید اسپتال کو جدید ایمبولینس کا عطیہ دیا ، اس موقع پر میئر کراچی
    نے کہا کہ ایمبولنس کے عطیے پر چائنیز قونصل جنرل کا شکر گزار ہوں۔

    وسیم اختر کا کہنا تھا کہ عباسی شہید اسپتال کواپ گریڈ کرنے کے لئے مزید عطیات درکار ہیں، ایم ایس عباسی اسپتال کو چاہئے ایمبولنس کو اچھی حالت میں رکھیں،میئرکراچی

    انھوں نے کہا کہ پاکستان تحریک انصاف کے ساتھ ابھی معاملات پروسس میں ہیں، عوام کو دیکھنا ہے، بڑے بڑے دعوے کرنے والے کیا کرتے ہیں۔

    میئر کراچی نے مصطفیٰ کمال پر تنقید کرتے ہوئے کہا کہ پارٹی شروع ہونے کا چٹکلہ چھوڑنے والوں کو دیکھ کرہنسی آتی ہے، پی ایس پی ٹیسٹ ٹیوب بے بی ہے، ڈولفن جیسے معصوم جانور کو بدنام کرایا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں وفاق کے تحت 75 ارب کے ترقیاتی کام کیے جائیں گے، گورنر سندھ

    کراچی میں وفاق کے تحت 75 ارب کے ترقیاتی کام کیے جائیں گے، گورنر سندھ

    کراچی: گورنر سندھ محمد زبیر عمر نے کہا ہے کہ کراچی میں وفاق کے تحت 75 ارب کے ترقیاتی کام کیے جائیں گے۔

    تفصیلات کے مطابق کراچی کے میئر وسیم اختر نے گورنر سندھ محمد زبیر عمر سے گورنر ہاؤس میں ملاقات کی جس میں وفاق کے تحت کراچی میں جاری ترقیاتی منصوبوں پر تبادلہ خیال کیا گیا۔

    ملاقات کے دوران کراچی ترقیاتی پیکج، عوامی فلاح و بہبود کے دیگر امور پر بھی گفتگو ہوئی، گورنر سندھ نے کہا کہ کراچی روشنیوں کا شہر بن رہا ہے، ترقیاتی کام وقت کی ضرورت ہیں۔

    انھوں نے میئر کراچی کو یقین دلاتے ہوئے کہا کہ کراچی کی ترقی میں وفاق کا تعاون جاری رہے گا، ایک طرف لیاری ایکسپریس وے منصوبہ مکمل ہوچکا ہے تو دوسری طرف کراچی ترقیاتی پیکج کے تحت چار بڑے منصوبوں کا اعلان کردیا گیا ہے۔

    میئر کراچی کا شہر کے مختلف علاقوں کا دورہ، ترقیاتی کاموں کا جائزہ

    اس موقع پر میئر کراچی وسیم اختر کا کہنا تھا کہ شہر کے مکین وفاق کے تعاون کو قدر کی نگاہ سے دیکھتے ہیں، وفاق کے تعاو ن سے شہر کی ترقی یقینی ہے، انھوں نے گورنرسندھ کی کوششوں کو قابل ستائش قرار دیا۔

    وفاقی بجٹ میں کراچی کے لیے کوئی اسکیم نہیں رکھی گئی: میئر کراچی

    واضح رہے کہ میئر کراچی نے قومی بجٹ کے اعلان کے بعد یہ شکایت کی تھی کہ وفاقی بجٹ میں کراچی کے لیے کوئی اسکیم نہیں رکھی گئی، ہم نے کئی اسکیمیں پیش کیں لیکن افسوس کہ انہیں شامل نہیں کیا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔