Tag: میئر کراچی کا انتخاب

کراچی : سندھ حکومت نے الیکشن کمیشن کو آگاہ کیا ہے کہ کراچی کے میئر کا انتخاب شو آف ہینڈ کے ذریعے کیا جائے گا۔

تفصیلات کے مطابق سندھ حکومت کی جانب سے کراچی کے میئر کے انتخاب کے عمل سے متعلق الیکشن کمیشن کو آگاہ کرتے ہوئے بتایا ہے کہ محکمہ بلدیات کے مطابق بلدیاتی ایکٹ کے مطابق میئر کا الیکشن شو آف ہینڈ سے ہوگا۔

محکمہ بلدیات کا کہنا تھا کہ کہ میئر کا الیکشن شفاف ہوگا جس کی اکثریت حاصل کرے گا میئر اْسی کا آئے گا۔

خیال رہے الیکشن کمیشن نے میئرکراچی الیکشن سےمتعلق محکمہ بلدیات سے وضاحت مانگی تھی۔

یاد رہے الیکشن کمیشن آف پاکستان نے سندھ میں میئر اور ڈپٹی میئر کے انتخاب کے شیڈول کا اعلان کردیا ہے، جس کے مطابق میئر اور ڈپٹی میئر کا انتخاب 15 جون کو ہوگا جب کہ کاغذات نامزدگی 9 سے 10 جون تک جمع کرائے جاسکیں گے۔

شیڈول میں کہا گیا تھا کہ ریٹرننگ افسر 11 جون کو کاغذات نامزدگی کی جانچ پڑتال کریں گے اور امیدواروں کی حتمی فہرست 14 جون کو جاری کی جائے گی۔

ای سی پی کا کہنا تھا کہ 16 جون کو ریٹرننگ افسران نتائج کا اعلان کریں گے جب کہ کامیاب امیدوار 19 جون کو حلف اٹھائیں گے۔

کراچی : میئر کراچی کے انتخاب میں تحریک انصاف نے جماعت اسلامی کی حمایت کا اعلان کردیا، حافظ نعیم الرحمان جماعت اسلامی کےمیئر کے امیدوار ہیں۔

تفصیلات کے مطابق پاکستان تحریک انصاف نے میئر کراچی کے انتخاب میں جماعت اسلامی کی حمایت کردی۔

پی ٹی آئی کراچی کی جانب سے بیان میں کہا گیا کہ میئر کے انتخاب میں جماعت اسلامی کےامیدوارکوسپورٹ کریں گے، حافظ نعیم الرحمان جماعت اسلامی کےمیئرکےامیدوار ہیں۔

پی ٹی آئی کا کہنا تھا کہ پیپلزپارٹی میئرکراچی کےانتخابی عمل میں پری پول رگنگ کررہی ہے اور منتخب بلدیاتی نمائندگان کوسندھ پولیس کےذریعےاغواکر رہی ہے۔

تحریک انصاف نے کہا کہ جو پیپلز پارٹی 4 بار بلدیاتی انتخاب سے پیچھے بھاگی وہ عجلت میں میئر کا انتخاب کروانا چاہتی ہے، بلدیاتی نمائندگان کی حلف برداری سے پہلے ان کو اغوا کیا جارہا ہے، اس معاملے پر عدالت سے بھی رجوع کر چکی ہے۔

ترجمان کا کہنا تھا کہ میئر کا انتخاب شفاف طریقہ کار سے ہونا چاہیے، پیپلز پارٹی نے چور دروازے سے میئر کے انتخاب کا راستہ بنایا، پیپلز پارٹی اور ایم کیو ایم نہیں چاہتی کے عوامی مینڈیٹ قبول کیا جائے۔

خیال رہے جماعت اسلامی کی بلدیاتی نشستیں 87 اور پی ٹی آئی کی43 ہیں ، تحریک انصاف اور جماعت اسلامی ملکر میئربناسکتے ہیں جبکہ پاکستان پیپلز پارٹی کی نشستیں 104ہیں۔