Tag: میئر کراچی

کراچی: شہر میں جاری 100 روزہ صفائی مہم کے دوران میئر کراچی وسیم اختر کام کا جائزہ لینے عائشہ منزل پہنچ گئے۔ انہوں نے کہا کہ ہمارے ہاتھ بندھے ہیں، ہمیں کام نہیں کرنے دیا جا رہا ہے۔

تفصیلات کے مطابق کراچی میں میئر کی 100 روزہ صفائی مہم جاری ہے۔ مہم کے دوران میئر وسیم اختر نے عائشہ منزل کا دورہ کیا اور وہاں کام کا جائزہ لیا۔

مزید پڑھیں: وزیر اعلیٰ بھی 100 روزہ صفائی مہم میں شامل

اس موقع پر میڈیا سے گفتگو کرتے ہوئے ان کا کہنا تھا کہ پاکستان واحد ملک ہے جہاں مقامی حکومتوں کو پنپنے نہیں دیا جاتا۔ اختیارات دیے جائیں یا نہ دیے جائیں شہر کی ترقی کے لیے کام جاری رکھیں گے۔

وسیم اختر کا کہنا تھا کہ ہمارے ہاتھ بندھے ہیں، ہمیں کام کرنے نہیں دیا جا رہا ہے۔ شہر کو چار چاند لگانا چاہتے ہیں۔ ایسا کرنے نہیں دیا جا رہا۔

انہوں نے کہا کہ آج کل تعلیم دلوانا آسان کام نہیں ہے۔ والدین مشکلات برداشت کر کے بچوں کو تعلیم دلاتے ہیں۔ شہری اپنے علاقوں کو صاف رکھیں۔ ہمارے دین میں صفائی نصف ایمان ہے۔ 100 دن کی مہم میں طلبہ اپنے علاقوں کو صاف رکھیں۔

کراچی: میئر کراچی وسیم اختر صفائی مہم پر نکلے تو ایم کیو ایم لندن کے کارکنوں سے سامنا ہوگیا۔ وسیم اختر کہتے ہیں کہ 100 روز سڑکوں پر ہوں گے، سب کوغداروں کا پتہ چل جائے گا۔

تفصیلات کے مطابق میئر کراچی وسیم اختر شہر کی تعمیر اور ترقی کے لیے 100 روزہ منصوبے کے پہلے دن صفائی مہم کے لیے نکلے تو ان کا سامنا ایم کیو ایم لندن کے کارکنان سے ہوگیا۔

میئر کراچی وسیم اختر نے پریس کانفرنس کی جس کے دوران ایم کیو ایم لندن کے کارکنان نے بدمزگی پیدا کرنے کی کوشش کی تاہم وسیم اختر بھی ڈٹ گئے۔

MQM-London workers raise pro-Altaf slogans in… by arynews

وسیم اختر بدمزگی کی کوشش کرنے والوں پر برس پڑے۔ انہوں نے کہا کہ 100 دن میں کراچی میں تبدیلی نظر آئے گی۔

میئر وسیم اختر اور ان کی انتظامیہ نے شاہ فیصل کالونی میں صفائی کر کے سو روز مہم کا آغاز کیا۔

واضح رہے کہ وسیم اختر نے دو دن قبل شہر کی تعمیر و ترقی کے لیے 100 روزہ منصوبے کا اعلان کیا تھا جس کا آج آغاز کردیا گیا ہے۔

ان کا کہنا تھا کہ کراچی کے 4 اضلاع میں ترقیاتی کاموں کا جال بچھانا چاہتے ہیں جس کے لیے ابتدائی طور پر بطور نمونہ عمل 15 سے 20 یو سیز میں اسکول، ڈسپنسری اور پلے گراؤنڈ بنانے جا رہے ہیں۔