Tag: میئر کراچی

کراچی: نومنتخب میئر کراچی مرتضیٰ وہاب کا کہنا ہے کہ کراچی کا مقدمہ ہر پلیٹ فارم پر لڑوں گا۔

اے آر وائی نیوز کے پروگرام ’خبر‘ میں گفتگو کرتے ہوئے نومنتخب میئر کراچی مرتضیٰ وہاب نے کہا کہ شہر قائد کو چلانے کے لیے صوبائی حکومت کی سپورٹ چاہیے ہوتی ہے، کراچی بڑا شہر ہے ہمیں تمام اداروں کو ساتھ لے کر چلنا ہوگا۔

مرتضیٰ وہاب نے کہا کہ شہریوں کو ریلیف دینے کے لیے زیادہ سے زیادہ کام کیا جائے گا، میئر جب سڑک پر ہوتا ہے تو تمام ادارے مکمل سپورٹ کرتے ہیں۔

انہوں نے کہا کہ ہم ایسا نظام لانا چاہتے ہیں جہاں اختیارات بھی ہوں اور چیک اینڈ بیلنس بھی ہو۔

نومنتخب میئر کراچی نے کہا کہ اگر اداروں کے معاملات میں دوسرے ادارے مداخلت کریں گے تو کام نہیں ہوسکتا، سٹی کونسل معروضی وجود میں آگئی ہے جو ایک قانونی حیثیت رکھتی ہے۔

مرتضیٰ وہاب کا کہنا ہے کہ کوشش کروں گا ہمارے راستے میں رکاوٹیں کھڑی نہ کی جائیں، سیاسی معاملات کو سیاسی پلیٹ فارم پر ہی لڑنا چاہیے عدالتوں میں نہیں۔

پی ٹی آئی کے آج 31 لوگ نہیں آئے تھے، حافظ نعیم الرحمان

دوسری جانب امیر جماعت اسلامی کراچی حافظ نعیم الرحمان نے کہا کہ پی ٹی آئی کے آج 31 لوگ نہیں آئے تھے، 6 سے 7 لوگ ایسے بھی تھے جو کل رات تک رابطے میں تھے۔

انہوں نے بتایا کہ ایسے لوگ بھی تھے جو اپنے بھائی کو ویڈیوز دے کر گئے تھے، ایسی ویڈیوز بھی موجود ہیں لوگ کہہ رہے ہیں کہ دباؤ ہے۔

حافظ نعیم الرحمان نے کہا کہ پیپلزپارٹی نے ان لوگوں کو ایک مقام پر رکھا تھا یہ کیسا الیکٹورل سسٹم ہے کہ 30 لوگ غائب ہیں۔

کراچی: امیر جماعت اسلامی کراچی حافظ نعیم الرحمان نے دعویٰ کیا ہے کہ میئر کراچی ہماری پارٹی کا ہوگا۔

اے آر وائی نیوز کے پروگرام ’الیونتھ آور‘ میں گفتگو کرتے ہوئے امیر جماعت اسلامی کراچی حافظ نعیم الرحمان نے کہا کہ 9 مئی کے واقعات کے بعد پی ٹی آئی رہنما ہم سے رابطے میں ہیں اور امید ہے پی ٹی آئی والے اپنے چیئرمین کی ہدایت کے خلاف نہیں جائیں گے۔

انہوں نے کہا کہ اگر یہ پارٹی ہدایت کے برعکس ووٹ دیں گے تو ان کا ووٹ شمار نہیں ہوگا اور پارٹی ہدایت کے باوجود نہیں آتے تو پارٹی ان کے خلاف کارروائی کرے گی۔

حافظ نعیم الرحمان نے کہا کہ ہم ڈپٹی میئر کراچی کا عہدہ پی ٹی آٗئی کو دینے کے لیے تیار ہیں۔

انہوں نے کہا کہ جماعت اسلامی دوسری جماعتوں سے بھی بات چیت کررہی ہے، ہم نے ن لیگ، جے یو آئی، ٹی ایل پی سے بھی رابطہ کیا ہے۔

ایک سوال کے جواب میں انہوں نے کہا کہ مرتضیٰ وہاب کے نام پر پیپلزپارٹی میں ابھی بھی جھگڑے چل رہے ہیں۔

حافظ نعیم الرحمان نے کہا کہ سندھ حکومت کا ترمیم کردہ اینی پرسن والا قانون کل ہائیکورٹ میں چیلنج کرنے جارہے ہیں، الیکشن تو مرتضیٰ وہاب نے لڑا نہیں باہر سے آرہے ہیں کہیں ان کے لالے نہ پڑجائیں۔

کراچی: امیر جماعت اسلامی کراچی حافظ نعیم الرحمان کا کہنا ہے کہ میئرکراچی کے لیے ہمارے پاس نمبرز پورے ہیں۔

اے آر وائی نیوز کے پروگرام الیونتھ آور میں گفتگو کرتے ہوئے امیر جماعت اسلامی کراچی حافظ نعیم الرحمان نے کہا کہ میئر کراچی کے لیے یپلزپارٹی کے نمبرز پورے نہیں ہیں اب یہ جو بھی کریں گے وہ غیر آئینی ہوگا۔

انہوں نے کہا کہ 9 مئی کے واقعات کے بعد سندھ حکومت کے ہاتھ میں ٹول آگیا ہے اس کی آر میں یہ دھمکیاں دینے میں کامیاب نہیں ہوں گے، پی ٹی آئی نے ہماری غیر مشروط حمایت کا اعلان کردیا ہے۔

حافظ نعیم نے کہا کہ پیپلزپارٹی سے قانونی طور پر میئر کے لیے گنتی پوری نہیں ہورہی یہ نو مئی کے واقعات کو جواز بناکر طاقت کا استعمال کررہے ہیں اورمقدمات کی دھمکیاں دے کر لوگوں کو توڑنے کی کوشش جاری ہے۔

انہوں نے کہا کہ نمبر سے واضح ہوگیا ہے کہ میئر کراچی جماعت اسلامی کا ہوگا، ڈھائی سال سے یہ بلدیاتی الیکشن تک نہیں چاہتے تھے اب میئر کے انتخاب کے لیے جلدی ہوگئی ہے۔

اس سے قبل پروگرام ’خبر‘ میں پی پی رہنما مرتضیٰ وہاب کا کہنا تھا کہ میئر کیلئے پیپلزپارٹی کراچی کی سب سےبڑی جماعت کےطور پر سامنے آئی کراچی کی بڑی جماعت ہونےکی وجہ سےاصولی طور پر میئر ہمارا ہوناچاہیے۔

ان کا کہنا تھا کہ عددی اعتبار سے ہم سب سے آگے ہیں جب کہ جماعت اسلامی دوسرے اور تحریک انصاف تیسرے نمبر پر ہے، اس اعتبار سے میئر بنانا ہمارا حق ہے، اس پراسس کو جلد مکمل ہونا چاہیے تاکہ مسائل کو حل کیا جا سکے۔

کراچی: پیپلز پارٹی نے سابق ایڈمنسٹریٹر کراچی مرتضیٰ وہاب کو میئر کراچی بنانے کا فیصلہ کیا ہے۔

میئر کراچی کے لئے پیپلز پارٹی نے  آصف زرداری، فریال تالپور، بلاول بھٹو اور سینئر رہنماؤں سے مشاورت مکمل کرلی۔

پیپلز پارٹی کے چیئرمین اور وفقی وزیر بلاول بھٹو نے مرتضی وہاب کو میئر کراچی کیلئے پی پی کے امیدوار کی منظوری دیدی ہے۔

کراچی کے 25 ٹاؤنز میں چیئرمین کے امیدواروں کے نام بھی فائنل کرلیے گئے ہیں، پرویز دودا بلدیہ، ہمایوں محمد خان ماڑی پور ٹاؤن چیئر مین جبکہ سلمان عبداللہ مراد گڈاپ ٹاؤن کیلئےچیئرمین کے امیدوار ہونگے۔

اس کے علاوہ پیپلز پارٹی نے حیدرآباد میئر  کے لیے کاشف شورو کے نام کی منظوری دی ہے۔