Tag: میاں اسلم اقبال

لاہور: وزیر صنعت وتجارت پنجاب میاں اسلم اقبال کا کہنا ہے کہ گراں فروش انسانیت کے دشمن ہیں، رعایت کے مستحق نہیں۔

تفصیلات کے مطابق صوبائی وزیر صنعت وتجارت میاں اسلم اقبال نے ضروری اشیا کی قیمتوں میں اضافہ کی خبروں پر نوٹس لیتے ہوئے کہا کہ مشکل کی گھڑی میں جیبوں پر ڈاکہ ڈالنے والی کالی بھیڑوں کی جگہ جیل ہے۔

میاں اسلم اقبال کا کہنا تھا کہ گراں فروش انسانیت کے دشمن ہیں، رعایت کے مستحق نہیں، معاشرے کے بے رحم عناصر قانون کے مطابق سخت سزا کے حقدار ہیں۔

وزیر صنعت وتجارت پنجاب کا مزید کہنا تھا کہ آرڈیننس کے تحت ذخیرہ اندوزوں کو قانون کی گرفت میں لایا جائے۔

دوسری جانب رمضان میں کھانے پینےکی اشیا کی قیمتوں میں اضافے کے خلاف جوڈیشل ایکٹو ازم پینل نے لاہور ہائی کورٹ میں درخواست دائر کر دی۔

درخواست کے موقف اختیار کیا گیا ہے کہ رمضان میں اشیا کی قیمتوں میں اضافہ، ذخیرہ اندوزی کی جا رہی ہے،قیمتوں میں اضافے،ذخیرہ اندوزی کی روک تھام کے لیے قانون متعارف کرایاگیا۔

درخواست گزار کا کہنا ہے کہ نیا قانون غیر موثر ہے جس کی وجہ سے قیمتوں میں اضافہ ہو رہا ہے،عدالت رمضان المبارک میں قیمتوں میں اضافے کا نوٹس لے۔

لاہور: پاکستان تحریک انساف کے رہنما میاں اسلم اقبال کا کہنا ہے کہ بار کے الیکشن کے لیے شرمناک حرکت کی گئی، بعض سینئر وکلا بار الیکشن کے لیے شرمناک حرکت کا دفاع کر رہے ہیں۔

تفصیلات کے مطابق پی ٹی آئی رہنما میاں اسلم اقبال نے اے آروائی نیوز کے پروگرام آف دی ریکارڈ میں گفتگو کرتے ہوئے کہا کہ ڈاکٹرز اور وکلاء میں صلح ہوگئی تھی اگلے دن وکیلوں نے حملہ کیا، وکلاء گیٹ توڑ کر اسپتال کی ایمرجنسی میں داخل ہوئے۔

میاں اسلم اقبال نے کہا کہ بار کے الیکشن کے لیے شرمناک حرکت کی گئی، بعض سینئر وکلا بار الیکشن کے لیے شرمناک حرکت کا دفاع کر رہے ہیں۔

دوسری جانب آج لاہور کی انسداد دہشت گردی کی عداالت کے جج عبدالقیوم کے سامنے وکلاء کو پیش کیا گیا۔ عدالت نے پی آئی سی میں ہنگامہ آرائی اور توڑ پھوڑ میں ملوث وکلاء کو جوڈیشل ریمانڈ پر جیل بھیج دیا۔

وکلاٗٗٗ نے پنجاب انسٹی ٹیوٹ آف کارڈیالوجی پر دھاوا بول دیا

واضح رہے کہ وکلاء کی جانب سے گزشتہ روز پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔ واقعے کی اطلاع ملنے کے بعد وزیر اطلاعات پنجاب فیاض الحسن چوہان رپورٹ لینے کے لیے موقع پر پہنچے تو مشتعل وکلاء نے انہیں بھی تشدد کا نشانہ بنایا۔

لاہور : صوبائی وزیر اطلاعات میاں اسلم اقبال کا کہنا ہے کہ آئندہ کچھ ماہ میں مہنگائی کی شرح سنگل ڈیجٹ میں آئے گی۔

تفصیلات کے مطابق وزیراطلاعات پنجاب میاں اسلم اقبال نے کہا کہ پنجاب کے اندر 4 نئی ٹیکنیکل یونیورسٹیز قائم کر رہے ہیں۔ انہوں نے کہا کہ ایک سال میں ساڑھے 10ارب ڈالر قرضہ واپس کیا ہے۔

میاں اسلم اقبال نے کہا کہ مشکل ریفارمز کیے، ریونیو میں 30 فیصد بہتری آئی، عوام کو مالی مشکلات کا ہمیں اندازہ ہے۔

صوبائی وزیر نے کہا کہ آئندہ کچھ ماہ میں مہنگائی کی شرح سنگل ڈیجٹ میں آئے گی، کوئی وزیر وسائل کا ناجائز استعمال نہیں کرے گا۔ انہوں نے مزید کہا کہ ہم سب نے پاکستان کے لے کام کرنا ہے۔

دنیا میں ہم نریندر مودی کا چہرہ بے نقاب کرتے رہیں گے، میاں اسلم اقبال

یاد رہے کہ گزشتہ روز صوبائی وزیر کا کہنا تھا کہ مولانا فضل الرحمن کسی اور ایجنڈے پر دھرنا چاہتے ہیں، مولاناصاحب بچوں کو اشتعال دلانے کی کوشش کر رہے ہیں۔

میاں اسلم اقبال کا کہنا تھا کہ مدرسے کے بچوں کو ڈنڈوں کے ساتھ آنے کی ترغیب دی جا رہی ہے، بچوں کو اشتعال دلانے سے انارکی پھیلے گی۔ انہوں نے کہا کہ پرامن احتجاج پر کسی کو نہیں روک رہے۔

لاہور : صوبائی وزیر اطلاعات میاں اسلم اقبال نے کہا ہے کہ مولانا فضل الرحمن کسی اور ایجنڈے پر دھرنا چاہتے ہیں۔

تفصیلات کے مطابق لاہور میں میڈیا سے گفتگو کرتے ہوئے وزیراطلاعات پنجاب میاں اسلم اقبال نے کہا کہ عمران خان نے نریندرمودی کو بے نقاب کیا۔ انہوں نے کہا کہ دنیا میں ہم نریندر مودی کا چہرہ بےنقاب کرتے رہیں گے۔

صوبائی وزیر نے کہا کہ مولانا فضل الرحمن کسی اور ایجنڈے پر دھرنا چاہتے ہیں، مولاناصاحب بچوں کو اشتعال دلانے کی کوشش کر رہے ہیں۔

میاں اسلم اقبال نے کہا کہ مدرسے کے بچوں کو ڈنڈوں کے ساتھ آنے کی ترغیب دی جا رہی ہے، بچوں کو اشتعال دلانے سے انارکی پھیلے گی۔ انہوں نے کہا کہ پرامن احتجاج پر کسی کو نہیں روک رہے۔

مولانا فضل الرحمان کا مسئلہ اسلام نہیں بلکہ اسلام آباد ہے، میاں اسلم اقبال

یاد رہے کہ دو روز قبل صوبائی وزیر اطلاعات میاں اسلم اقبال کا کہنا تھا کہ فضل الرحمان کا مسئلہ اسلام نہیں بلکہ اسلام آباد ہے، ختم نبوت کے نام پر 20کروڑ کا چندا جمع کرنے والے مولانا کا اصل چہرہ وکی لیکس نے بے نقاب کردیا ہے۔

لاہور: وزیر اطلاعات پنجاب میاں اسلم اقبال نے کہا ہے کہ سولر کمپنیوں کو کسی رکاوٹ کا سامنا نہیں کرنا پڑے گا۔

تفصیلات کے مطابق وزیر اطلاعات پنجاب میاں اسلم اقبال کی زیرصدارت اجلاس ہوا میں جس میں سولرانرجی کے لیے پبلک پرائیویٹ اشتراک کے امکانات کا جائزہ لیا۔

سولر کمپنیز نے شمسی توانائی کی فراہمی کے منصوبوں میں سرمایہ کاری میں دلچسپی کا اظہار کیا ہے۔

میاں اسلم اقبال نے کہا کہ پنجاب حکومت سولر انرجی کا استعمال بڑھانے کی حکمت عملی بنا رہی ہے۔

صوبائی وزیر نے کہا کہ سولر کمپنیاں انڈسٹریل اسٹیٹس کے لیے شمسی توانائی کا قابل عمل پلان دیں، سولر کمپنیوں کو کسی رکاوٹ کا سامنا نہیں کرنا پڑے گا۔

آنے والے چار برس ترقی و خوشحالی کی نوید ثابت ہوں گے، میاں اسلم اقبال

یاد رہے کہ گزشتہ ہفتے وزیر اطلاعات پنجاب میاں‌ اسلم اقبال کا کہنا تھا کہ حکومت عوامی مسائل کے حل کے لیے دن رات کوشاں ہے، ملک کو مستحکم بنیادیں دینا چاہتے ہیں۔

میاں‌ اسلم اقبال کا کہنا تھا کہ کہ انشاءاللہ آنے والے چار برس ترقی وخوشحالی کی نوید ثابت ہوں گے اور عام آدمی کی مشکلات کم سے کم کرنے کے لیے ٹھوس بنیادوں پر کام جاری ہے۔

لاہور: وزیر اطلاعات پنجاب میاں‌ اسلم اقبال کا کہنا ہے کہ حکومت عوامی مسائل کے حل کے لیے دن رات کوشاں ہے، ملک کو مستحکم بنیادیں دینا چاہتے ہیں۔

تفصیلات کے مطابق صوبائی وزیر اطلاعات میاں اسلم اقبال نے کہا ہے کہ موجودہ حکومت کو ورثے میں ملنے والے قرضوں کے بوجھ اور مسائل کے انبار حل کیے جا رہے ہیں۔

انہوں نے کہا کہ انشاءاللہ آنے والے چار برس ترقی وخوشحالی کی نوید ثابت ہوں گے اور عام آدمی کی مشکلات کم سے کم کرنے کے لیے ٹھوس بنیادوں پر کام جاری ہے۔

میاں اسلم اقبال نے کہا کہ وزیراعظم عمران خان کی قیادت میں تحریک انصاف کی حکومت ملک کو مستحکم بنیادیں دینا چاہتی ہے اسی لیے روایتی طریقہ کار سے ہٹ کر کرپشن کے خاتمے اور لانگ ٹرم پالیسیز متعارف کرائی جا رہی ہیں۔

صوبائی وزیر اطلاعات نے کہا کہ بعض عناصر اپنے مخصوص سیاسی مقاصد کے لیے منفی پراپیگنڈا کرنے میں مصروف ہیں، عوام بخوبی جانتے ہیں کہ نوازلیگ اور پیپلزپارٹی نے اپنے ادواراقتدار میں ملک کے ساتھ کیا کھلواڑ کیا۔

انہوں نے کہا کہ احتسابی عمل کے بارے میں دانستہ افواہیں پھیلائی جا رہی ہیں جبکہ نوازلیگ اور پیپلزپارٹی اپنا بویا ہوا کاٹ رہی ہے اور انہیں قومی دولت کا لوٹا ہوا ایک ایک پیسہ واپس کرنا ہوگا۔

میاں اسلم اقبال نے کہا کہ اپوزیشن کو اقتدار کا غم کھائے جا رہا ہے لیکن انہیں مزید چار سال عوامی مینڈیٹ کا انتظارکرنا ہوگا۔