Tag: میاں بیوی گرفتار

سرگودھا : سرگودھا میں 12 سالہ گھریلو ملازمہ کو پُرتشدد موت مارنے والے میاں بیوی کو گرفتار کرلیا گیا، ملزمان نے جرم کا اعتراف کرلیا ہے۔

تفصیلات کے مطابق پنجاب پولیس نے12سالہ گھریلوملازمہ کےقتل میں ملوث ملزمان گرفتار کرلئے، ڈی پی اوفیصل کامران نے بتایا کہ پولیس نے ملزم جواد بھٹی کو حافظ آباد اور بیوی کو لاہور سے پکڑا، ملزمان نے بچی کو تشدد کا نشانہ بنایا، جس کی وجہ سے ملازمہ دم توڑ گئی تھی۔

ترجمان پولیس کا کہنا تھا کہ ملزمان بچی کی لاش گھرمیں چھوڑکرفرارہوگئےتھے، بچی کے والدین نے یکم مارچ کو پولیس کو اطلاع دی، جس کے بعد تفتیش کی گئی۔

وزیراعلیٰ اور آئی جی پنجاب نےواقعےکانوٹس لیااورخصوصی ٹیمیں تشکیل دیں، ملزمان کیخلاف لاہور، ملتان،فیصل آباد،حافظ آباد،سرگودھا میں چھاپے مارے گئے۔

ڈی پی او سرگودھا فیصل کامران نے بتایا کہ خصوصی ٹیموں نےملزمان کولاہوراورحافظ آبادسےگرفتارکیا، ملزمان نےجرم کااعتراف کرلیاہے جبکہ ملزمان سےآلہ قتل بھی برآمدکرلیاگیاہے۔

فیصل کامران کا مزید کہنا تھا کہ بچی کےجسم پر 19سےزائدزخم پائےگئے تھے جوخراب ہوگئےتھے جبکہ تشددکی وجہ سےبچی کےگردےبھی فیل ہوگئے تھے۔

لاہور: جوہرٹاؤن میں کمسن گھریلو ملازمہ پر تشدد کرنے کے واقعے میں ملوث میاں بیوی کوگرفتارکرلیا او ملزمان کے خلاف مقدمہ درج کرلیا ہے۔

تفصیلات کے مطابق کمسن گھریلو ملازمین پر تشدد کا سلسلہ روک نہ سکا، لاہور کے علاقے جوہر ٹاون میں کمسن ملازمہ کو تشدد کا نشانہ بنایا گیا، پولیس نے مقدمہ درج کرکے ملزم میاں بیوی کو گرفتار کرلیا ہے۔

پولیس نے بتایا کہ گرفتار ملزمان میں جاوید اقبال اور اسکی اہلیہ رباب جاوید شامل ہیں ، جاوید نے کمسن گھریلو ملازمہ رکھی ہوئی تھی، جس پر دونوں میاں بیوی اکثر اوقات تشدد کرتے تھے۔

حکام کا کہنا تھا کہ گزشتہ روز جب بچی پر تشدد کیا گیا تو اہل علاقہ نے اطلاع دی، جس پر پولیس نے بروقت کارروائی کرتے ہوئے دونوں میاں بیوی کو گرفتار کر کے مقدمہ درج کر لیا ہے۔

بچی کو میڈیکل کے لئے جناح اسپتال منتقل کردیا بچی کے چہرے پر اور ہاتھوں پر زخم کے نشان ہیں۔

راولپنڈی: 8 سالہ گھریلو ملازمہ پر تشدد کرنے والے میاں بیوی کو گرفتار کرلیا گیا، گرفتار ملزمان میں علی شیر اور بیوی بختاورشامل ہیں۔

اے آر وائی نیوز کے مطابق گھر میں کام کرنے والی بچی کو تشدد کا نشانہ بنانے کا ایک اور کیس سامنے آیا ہے، پولیس نے فوری کارروائی کرتے ہوئے گھریلو ملازمہ 8 سالہ بچی پر تشدد کرنے والے جوڑے کو حراست میں لے لیا ہے۔

سی پی او نے اپنے بیان میں کہا کہ جن ملزمان کی گرفتاری عمل میں آئی ہے ان کے نام علی شیر اور بختاور ہیں جو کہ میاں بیوی ہیں۔

انھوں نے کہا کہ بچی بختاور اور علی شیر کے گھر میں کام کرتی تھی جس کو تشدد کا نشانہ بنایا گیا تھا، واقعے کا مقدمہ متاثرہ بچی کے والد کی مدعیت میں تھانہ روات میں درج تھا۔

سی پی او نے واقعے کا نوٹس لیتے ہوئے ملزمان کو فوری گرفتار کرنے کا حکم دیا تھا، جس کے بعد چھوٹی بچی کو مار پیٹ کا نشانہ بنانے والے قانون کی گرفت میں آئے۔

سی پی او خالد ہمدانی کا کہنا تھا کہ میرٹ پر تفتیش کر کے ملزمان کوعدالت میں پیش کیا جائے گا، بچوں پر تشدد، زیادتی اور استحصال برداشت نہیں کیا جائے گا۔