کراچی: ریسکیو حکام نے کہا ہے کہ اداکارہ حمیرااصغرکی میت لاہورروانہ کردی گئی، ان کے اہلخانہ لاہور سے یہاں آئے تھے۔
ریسکیو حکام نے بتایا ہے کہ اداکارہ حمیرااصغر کی میت ایمبولنس کے ذریعے لاہور روانہ کردی گئی ہے، رمضان چھیپا کا کہنا ہے کہ نوید اصغر مجھ سے مستقل رابطے میں تھے، سوشل میڈیا پروپیگنڈا کیا گیا کہ حمیرا کے والدین اس سے ناراض ہیں۔
رمضان چھیپا کا کہنا تھا کہ حمیرا میری بیٹی ہے، اہلخانہ کے غم میں برابر کے شریک ہیں، اصغر بھائی کراچی سے میت لاہور لے کر جارہے ہیں، اخراجات ہم برداشت کریں گے۔
حمیرا اصغر کی لاش فلیٹ میں پڑی سڑ گئی! رونگٹے کھڑے کر دینے والے انکشافات
ماڈل و اداکارہ حمیرا اصغر کے بھائی نوید اصغر نے میڈیا سے گفتگو میں کہا کہ تاثر دیا گیا کہ والدین بہن کو قبول نہیں کررہے جو افواہیں تھیں، ہم پہلے دن سے انتظامیہ اور پولیس سے رابطے میں ہیں۔
نوید اصغر نے کہا کہ ایک ماہ قبل پھپھو کا انتقال ہوا والدین صدمے میں تھے، میں آنے آج آکر حمیرا کی لاش وصول کی، تدفین لاہور میں کی جائے گی۔
اداکارہ کے بھائی کے مطابق ہمارا ایک سال سے حمیرا اصغر سے رابطہ منقطع تھا، والدہ کا 6 ماہ سے کوئی رابطہ نہیں ہوا تھا، ان کے انتقال کا سن کر ہم اچانک صدمے میں چلے گئے۔
https://urdu.arynews.tv/alizeh-shah-says-stop-using-humaira-death-using-for-likes/
