ترجمان امریکی محکمہ خارجہ میتھیوملر کا کہنا ہے کہ امریکی سکھ شہری پر قاتلانہ حملے کے حقائق موجود ہیں، یہ ایک قانونی معاملہ ہے جس کی تحقیقات جاری ہیں۔
ترجمان امریکی محکمہ خارجہ سے بریس بریفنگ کے دوران سوال کیا گیا کہ روس نے امریکا پر بھارتی انتخابات میں اثر انداز ہونے کا الزام عائد کیا ہے۔
ترجمان امریکی محکمہ خارجہ نے کہا کہ بھارت کے انتخابات میں امریکا کا کوئی کردار نہیں بلکہ ہمارا دنیا میں کہیں بھی ہونے والے انتخابات سے کوئی تعلق نہیں۔
ترجمان امریکی محکمہ خارجہ کا گزشتہ روز پاکستان کے حوالے سے کہنا تھا کہ آئی ایم ایف معاہدے، معاشی استحکام کی پاکستانی کوششوں اور پاکستان کی اپنی معیشت کو مستحکم کرنے کیلئے پیش رفت کی حمایت کرتے ہیں۔
ان کا مزید کہنا تھا کہ حکومت پاکستان اقتصادی اصلاحات کو ترجیح دے، پاکستان کی اقتصادی کامیابی کے لیے امریکی حمایت غیر متزلزل ہے۔
صدر بائیڈن کیلئے الیکشن سے قبل بری خبر سامنے آگئی
میتھیو ملر نے کہا کہ پاکستان کے ساتھ معاشی روابط دو طرفہ تعلقات کی ترجیحات ہیں، پاکستان سے تکنیکی مصروفیات کے علاوہ تجارتی وسرمایہ کاری سے منسلک رہیں گے۔
