Tag: میجر جنرل آصف غفور

راولپنڈی: ڈی جی آئی ایس پی آر میجر جنرل آصف غفور نے کہا ہے کہ چند افراد مذموم مقاصد کے لیے پی ٹی ایم کارکنوں کو اکسا رہے ہیں۔

تفصیلات کے مطابق شمالی وزیرستان واقعے سے متعلق ڈی جی آئی ایس پی آر نے ٹویٹ کیا ہے کہ معصوم پی ٹی ایم کارکنوں کا خیال رکھنے کی ضرورت ہے، چند افراد پی ٹی ایم کے معصوم کارکنوں کو استعمال کررہے ہیں۔

ڈی جی آئی ایس پی آر نے کہا کہ بہادر قبائلیوں کی قربانیوں کو رائیگاں نہیں جانے دیا جائے گا، دہائیوں پر مشتمل جدوجہد کے ثمرات ضائع کرنے کی اجازت نہیں دیں گے۔

میجر جنرل آصف غفور نے کہا کہ مٹھی بھر افراد ریاست کے خلاف پروپیگنڈا کررہے ہیں۔

NWTD incident. Innocent PTM supporters / workers need care. Only few are inciting and using them against state institutions for vested agenda. No one will be allowed to undo the gains of decades long national struggle & sacrifices especially of brave Pakistani tribals.

— Maj Gen Asif Ghafoor (@OfficialDGISPR) May 26, 2019

واضح رہے کہ پی ٹی ایم کے رہنما علی وزیر کو ساتھیوں سمیت پاک فوج کی چیک پوسٹ پر حملہ کرنے پر حراست میں لیا گیا تھا، چیک پوسٹ پر حملے میں پانچ فوجی زخمی ہوئے جبکہ تین حملہ آور ہلاک ہوئے تھے۔

آئی ایس پی آر کا کہنا تھا کہ چوکی پر حملہ آور گروہ کی فائرنگ کے سبب 5فوجی اہلکارزخمی ہوئے ہیں جنہیں سی ایم ایچ ایچ اسپتال منتقل کردیا گیا ہے اور انہیں طبی امداد فراہم کی جارہی ہے۔فائرنگ کےتبادلےمیں 3حملہ آورمارےگئے جبکہ 10 زخمی بھی ہوئے ہیں۔

پاک فوج نے اعلامیے میں کہا تھا کہ فوج پر حملے کے الزام میں پی ٹی ایم رہنما علی وزیر کو ان کے 8 ساتھیوں سمیت حراست میں لیا گیا ہے جبکہ محسن داوڑ فرار ہونے میں کامیاب ہوگئے ہیں۔

یاد رہے کہ کچھ روز قبل پی ٹی ایم رہنما علی وزیرنے جلسے میں کچھ عرصہ پہلے قومی اداروں کوکھلے عام دھمکیاں دی تھیں کہ میں تمہیں ماروں گا۔

راولپنڈی: پی ٹی ایم کے الزامات اور سوشل میڈیا پر مہم پر ڈی جی آئی ایس پی آر میجر جنرل آصف غفور نے ردعمل دیتے ہوئے کہا کہ کیا ہم بھارت کی فوج ہیں، ہمارے دلوں میں بھی خون دوڑتا ہے، ہم تو بول بھی نہیں رہے۔

تفصیلات کے مطابق ڈی جی آئی ایس پی آر میجر جنرل آصف غفور نے پریس بریفنگ کے بعد گفتگو کرتے ہوئے کہا کہ کیا ہم دوسرے درجے کے شہری ہیں؟ پی ٹی ایم ویب سائٹ پر آرمی چیف، میری جو تصاویر ہے کیا وہ دیکھی؟ کیا تین دن کی جنگ میں محسن داوڑ کنٹرول لائن پر فورسز کے ساتھ کھڑا ہوا، قربانیاں بھی دیں، الزام بھی لگتا ہے، دہشت گردوں کو اسپانسر کرتے ہیں۔

ڈی جی آئی ایس پی آر نے کہا کہ اپنی حکومت اور سیکیورٹی فورسز پر اعتماد کریں، ہم نے وہ کام کرنے ہیں، جس سے نظام ٹھیک ہو، حکومت نے دینی مدارس قومی دھارے میں لانے کے لیے 2.7 ارب جاری کردئیے۔

مزید پڑھیں: بھارت ذہن میں رکھے ، یہ 1971 نہیں، ڈی جی آئی ایس پی آر

میجر جنرل آصف غفور نے کہا کہ دینی مدارس کو قومی دھارے میں لانے کا کام حکومت کرے گی، کچھ دہشت گرد گروپس اوپن بارڈر کی وجہ سے ایران، پاکستان آجاتے ہیں، ایرانی سرحد پر سیکیورٹی فورسز کی تعداد بڑھا دی ہے۔

انہوں نے کہا کہ ایف سی ساؤتھ کو پاک ایران سرحد کی سیکیورٹی کی ذمہ داری دی ہے، بعض مغوی ایرانی اہلکاروں سے متعلق کوئی اطلاع نہیں ہے، ہم اپنے پاؤں پر کھڑے ہیں اور کھڑے رہیں گے۔

میجر جنرل آصف غفور نے کہا کہ اب ہمیں صاحب اور صاحبہ سے آگے نکلنا ہوگا، پاک فوج کی جہاں ضرورت ہوگی ہم مدد دیں گے۔