راولپنڈی : آرمی چیف جنرل قمر باجوہ نے کہا ہے کہ سی پیک کے خلاف سازشوں سے مکمل طور پرآگاہ ہیں اس لیے سی پیک کے تحفظ کے لیے ہر ممکن اقدام اٹھائے ہیں۔

آئی ایس پی آر کے ترجمان میجر جنرل آصف غفور کے مطابق آرمی چیف قمر باجوہ نے اسپیشل سیکیورٹی ڈویژن کے ہیڈکوارٹرز کا دورہ کرتے ہوئے اپنے خیالات کا اظہار کیا۔

آئی ایس پی آر کے مطابق آرمی چیف کو اسپیشل سیکیورٹی ڈویژن ہیڈکوارٹرز کا دورے پر ڈویژن کے مربوط سیکیورٹی میکنزم پر بریفنگ دی گئی یہ ڈویژن خاص طور پر سی پیک میں شامل چینی شہریوں کی سیکیورٹی کے لیے قائم کیاگیا ہے۔

آرمی چیف جنرل قمر باجوہ نے کہا کہ چینی باشندوں کے تعاون اور اہمیت سے آگاہ ہیں اورسی پیک کی سیکیورٹی کے حوالے سے کیے گیا وعدہ نبھائیں گے جس کے لیے تمام تر تیاریاں مکمل ہیں۔

جنرل قمر باجوہ کی اسپیشل سیکیورٹی ڈویژن کے ہیڈ کوارٹرز آمد پر جی او سی ایس ایس ڈی میجرجنرل عابد رفیق نے آرمی چیف کااستقبال کیا اور بریفنگ دی جس پر آرمی چیف نے ڈویژن کے امور کار اور تیاریوں پر اطمینان کا اظہار کیا۔

راولپنڈی : آرمی چیف جنرل قمر جاوید باجوہ نے کہا ہے کہ پاک فوج ہر قسم کی جارحیت کا منہ توڑ جواب دینا جانتی ہے، بھارتی آرمی چیف کا سرجیکل اسٹرائیک کا دعویٰ مضحکہ خیز ہے، بھارتی آرمی چیف خود کو دھوکہ دے رہے ہیں۔

پاک فوج کے شعبہ تعلقات عامہ کے ادارے آئی ایس پی آر کے مطابق آرمی چیف جنرل قمر جاوید باجوہ نے بھارتی آرمی چیف کی جانب سے پاکستانی سرحد کے اندر سرجیکل اسٹرائیک کرنے کے خودساختہ دعوی کو مضحکہ خیز اور من گھڑت قرار دیتے ہوئے مسترد کردیا ہے۔

ڈی جی آئی ایس پی آر میجر جنرل آصف غفور نے سماجی رابطے کی ویب سائیٹ پر اپنے ایک پیغام میں بتایا کہ آرمی چیف جنرل قمر جاوید باجوہ نے کہا کہ بھارتی فوج کی جانب سے کسی بھی قسم کی جارحیت کی گئی تو پاکستان کی مسلح افواج اس کا منہ توڑ جواب دے گی۔

#COAS Gen Qamar Javed Bajwa rejects self defeating claims by Indian COAS about ‘so called surg strikes’ and its possible recurrence. 1 of 2

— Maj Gen Asif Ghafoor (@OfficialDGISPR) January 5, 2017

آرمی چیف کا کہنا تھا کہ بھارت کسی بھی قسم کی جارحیت سے باز رہے، پاک افواج ہر قسم کی جارحیت کا منہ توڑ جواب دینے کے لیے تیار ہے، جھوٹا دعوی کر کے بھارتی آرمی چیف خود کو دھوکہ دے رہے ہیں۔

"Pakistan Armed Forces are fully geared to respond to any aggression by India” COAS. (2 of 2).

— Maj Gen Asif Ghafoor (@OfficialDGISPR) January 5, 2017

واضح رہے کہ بھارتی فوج کے نئے آرمی چیف جنرل بپن راوت نے ایک ٹی وی انٹرویو میں کہا تھا کہ انڈین افواج نے پاکستان کے علاقے میں باقاعدہ پلاننگ اور مانیٹرنگ کے ساتھ سرجیکل اسٹرائیک کی تھی جسے ضروت پڑنے پر دوبارہ دہرایا بھی جا سکتا ہے۔