نئی دہلی(ئکم ستمبر): بالی ووڈ اسٹار شاہد کپور نے اہلیہ میرا راجپوت نے اپنے کاروباری سفر کی کامیابی کا کریڈٹ اپنے شوہر کو دیا ہے۔
’اسٹار وائف‘ ہونے کے باوجود میرا راجپوت نے ایک یوٹیوبر اور کاروباری شخصیت کے طور پر اپنی الگ شناخت بنائی ہے، انہوں نے ویلنس سینٹر ’دھن‘ کی بنیاد رکھی ساتھ ہی وہ اسکن کیئر برانڈ ’اکنڈ‘ کی شریک بانی بھی ہیں۔
اب میرا نے اپنی بہن نور ودھوانی اور ان کے شوہر کے یو ایس بیسڈ لگژری برانڈ ’Mo’s Athletifreak‘ میں سرمایہ کاری کرکے اپنے کاروباری سفر میں ایک نیا اعزاز شامل کیا ہے، جو دہلی میں اپنا پہلا ایشیائی اسٹور کھولنے جارہا ہے۔
اس نئے منصوبے میں میرا کے ساتھ ان کے شوہر شاہد کپور بھی شامل ہیں، جنہیں وہ اپنے سفر کی محرک قوت قرار دیتی ہیں، میرا راجپوت نے یہ کہا کہ ان کی گھریلو اور پیشہ وارانہ زندگی میں توازن نے بھی اس بزنس کی شروعات میں اہم کردار نبھایا ہے۔
میرا راجپوت نے اپنے پیشہ وارانہ سفرپر روشنی ڈالتے ہوئے کہا کہ فٹنس اور صحت ہماری زندگی کا لازمی حصہ ہے، صرف فٹنس نہیں بلکہ ہمارے جذبے نے ہمیں اس پروجیکٹ سے جوڑے رکھا ہے۔
انہوں نے شاہد کپور کے ڈسپلن پر روشنی ڈالتے ہوئے کہا کہ شاہد کپور کے کام اور فٹنس کے تئے شدہ ڈسپلن نے ہمیں اس پروجیکٹ کی شروعات کرنے کی ترغیب دی ہے۔
میرا راجپوت نے مزید کہا کہ شاہد کپور کے رقص کے جذبے اور کام اور فٹنس ڈسپلن اس پروجیکٹ سے جڑا ہے، میرا نے اپنی بہن نور وادھوانی کی بھی تعریف کی جنہوں نے 2021 میں شاہد کپور کے ساتھ اس برانڈ کی بنیاد رکھی تھی۔
میرا کا کہنا تھا کہ ہم ایک دوسرے کے کام کی اتنی ہی تعریف کرتے ہیں اور ایک دوسرے سے سیکھنے کو ترجیح دیتے ہیں۔ یہ میرے لئے بہترین تجربہ ہے۔
View this post on Instagram
میرا راجپوت نے انٹرپرینیور شپ کا اپنا فلسفہ بیان کرتے ہوئے کہا کہ میرے انٹرپرینیور شپ کی شروعات اس بھروسے سے ہوئی تھی جو لوگوں کو مجھ پر اور میرے وژن میں ہے۔ یہ میرے لئے بہترین تجربہ ہے کیونکہ میرے کاروبار کی توجہ کا مرکز صارفین ہیں اسی لئے میں اس کام کرتے ہوئے اچھا محسوس کرتی ہوں۔
