ایبٹ آباد: مقامی عدالت نے توہین اہل بیت کیس میں جیو ٹی وی کے مالک میرشکیل الرحمن ،میر ابراہیم اور دیگر کو مفرور قرار دے کر دائمی وارنٹ جاری کردئیے ہیں۔
سول جج نجیب الحق کی سربراہی میں عدالت نے مدعی بلال مرتضیٰ کی دائر درخواست پر مختصر فیصلہ سنادیا ہے۔
عدالت میں عدم حاضری پر جیو کے مالک میرشکیل الرحمن، سی ای اوجیو نیٹ ورک میرابراہیم، پروگرام کی میزبان شائستہ لودھی سمیت وینا ملک اوراسدخٹک کوعدالت نے دفعہ 512کے تحت مفرور قرار دے دیا، پانچوں ملزمان کے گرفتاری کیلئے دائمی وارنٹ بھی جاری کردئیےگئے ہیں۔
عدالت نے دائمی وارنٹ کے ذریعے پولیس کو حکم دیا ہے کہ پانچوں ملزمان کی پاکستان میں کہیں بھی موجودگی پر انہیں گرفتار کرکے عدالت میں پیش کیا جائے۔
عدالت میں درخواست مدعی بلال مرتضیٰ نے دائر کی تھی اور وہ خود ہی مقدمہ کی پیروری کررہے ہیں۔
