راولپنڈی : میر علی میں جام شہادت نوش کرنیوالے میجر حمزہ اسرار شہید کی نمازِ جنازہ ادا کردی گئی ،وزیر اعظم شہباز شریف اور آرمی چیف جنرل سید عاصم منیر نے نماز جنازہ میں شرکت کی۔
تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے جاری بیان میں کہا گیا ہے کہ شمالی وزیرستان کے علاقے میر علی میں جام شہادت نوش کرنیوالے میجر حمزہ اسرار شہید کی نمازجنازہ ادا کردی گئی۔
آئی ایس پی آر کا کہنا تھا کہ میجرحمزہ اسرارشہید کی نمازجنازہ چکلالہ گیریژن راولپنڈی میں ادا کی گئی، وزیر اعظم شہباز شریف ،آرمی چیف جنرل سید عاصم منیر نےنمازجنازہ میں شرکت کی جبکہ نائب وزیراعظم اسحاق ڈار ، وزیردفاع،وزیر اطلاعات بھی شریک تھے۔
اس موقع پر شہبازشریف نے کہا کہ شہدا کی عظیم قربانی قومی عزم کومضبوط کرتی ہے، آئندہ نسلوں کو پر امن اور محفوظ پاکستان دینے کیلئےپرعزم ہیں، پوری قوم مسلح افواج اور قانون نافذ کرنیوالے اداروں کیساتھ کھڑی ہے۔
ترجمان کا کہنا تھا کہ شہید میجرکا جسدخاکی آبائی علاقے کو روانہ کردیاگیا ہےْ
گذشتہ روز شمالی وزیرستان میں خفیہ اطلاع پر سیکیورٹی فورسز نے کارروائی کرتے ہوئے چھے خوارج ہلاک کردیئے تھے جبکہ میجرحمزہ اور سپاہی محمد نعیم بہادری سے لڑتے ہوئے شہید ہوئے۔
میجرحمزہ اپنے دستوں کی قیادت کرتے ہوئے شہید ہوئے،ان کی حال ہی میں شادی ہوئی تھی
