Tag: میزائل تجربہ

سیول : جنوبی کوریا کی فوج کاکہنا ہےکہ شمالی کوریا نے درمیانے فاصلے تک مار کرنے والےایک اور میزائل کا تجربہ کیا ہے۔

تفصیلات کےمطابق جنوبی کوریا کے جوائنٹ چیفس آف اسٹاف کاکہنا کہ شمالی کوریا کی جانب سے داغے گئے میزائل نے 560 کلو میٹر تک بحیرہ جاپان میں سفر کیا۔

جنوبی کوریا کے وزارت خارجہ نے میزائل تجربے پر رد عمل کا اظہارکرتے ہوئے کہا کہ شمالی کوریا نے میزائل تجربہ کرکے غیرذمہ داری کا ثبوت دیا ہے۔

دوسری جانب جاپانی خبررساں ادارے کے مطابق میزائل ممکنہ طور پر جاپانی پانیوں میں گرا جس پر شمالی کوریا سے شدید احتجاج کیا گیا۔

شمالی کوریا نے ایک اوربیلسٹک میزائل کا کامیاب تجربہ کرلیا

ادھر وائٹ ہاؤس کے ترجمان نے دعویٰ کیا کہ اس بار تجربہ کیے گئے درمیانے فاصلے تک مار کرنے والے میزائل کی رینج پچھلے 3 تجربات کے میزائلوں سے کم تھی۔

واضح رہےکہ اقوام متحدہ کی سلامتی کونسل نے بھی شمالی کوریا سے مزید میزائل تجربے نہ کرنے کا مطالبہ کیا تھا لیکن اس کے باوجود شمالی کوریا نے میزائل تجربات جاری رکھنے کے عزم کا اظہار کیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

نیویارک : اقوام متحدہ کی سیکیورٹی کونسل نے شمالی کوریا کی جانب سے کیے جانے والے میزائل تجربے پر آج اجلاس طلب کرلیاہے۔

تفصیلات کےمطابق شمالی کوریا کے میزائل تجربے کی تصدیق کےبعدامریکہ،جاپان اورجنوبی کوریا نےسلامتی کونسل سے اجلاس طلب کرنے کی درخواست دی تھی۔

خیال رہےکہ گزشتہ شب اقوام متحدہ میں امریکہ کےخصوصی مشن کے ترجمان نے کہاتھاکہ پیر کے روز سیکیورٹی کونسل کا اجلاس متوقع ہے۔

یاد رہےکہ گزشتہ روز شمالی کوریا نےگزشتہ روز بیلسٹک میزائل کا کامیاب تجربہ کیا تھاجو زمین سے زمین تک درمیانی اور زیادہ فاصلے تک مار کرنے کی صلاحیت رکھتا ہے۔

شمالی کوریاکی جانب پکگکسونگ 2 نامی میزائل کے تجربے کے بعدامریکہ جاپان،اورجنوبی کوریا نے میزائل تجربے کی شدید مذمت کی تھی۔

مزید پڑھیں:شمالی کوریا کابلیسٹک میزائل کاتجربہ

امریکی دورے پرموجود جاپانی وزیر اعظم نےشمالی کوریا کےاس اقدام پر شدید ردعمل میں میزائل تجربے کو ناقابل قبول قرار دیتے ہوئے شمالی کوریا پر زور دیا کہ وہ اقوام متحدہ کی سلامتی کونسل کی قراردادوں کا احترام کرے۔

مزید پڑھیں:امریکہ جاپان کے ساتھ کھڑا ہے‘ڈونلڈ ٹرمپ

واضح رہےکہ شمالی کوریا کےمیزائل تجربے پرامریکی صدر ڈونلڈ ٹرمپ ڈونلڈ ٹرمپ نےردعمل کا اظہار کرتے ہوئےکہاکہ امریکہ جاپان کےساتھ کھڑا ہے۔

واشنگٹن : شمالی کوریا کےمیزائل تجربے پرامریکی صدر ڈونلڈ ٹرمپ ڈونلڈ ٹرمپ نےردعمل کا اظہار کرتے ہوئےکہاکہ امریکہ جاپان کےساتھ کھڑا ہے۔

تفصیلات کےمطابق امریکہ کے دورے پر آئے ہوئے جاپانی وزیر اعظم مشترکہ پریس کانفرنس سے خطاب کرتے ہوئے کہا کہ شمالی کوریا کی جانب سے کیے جانے والا تجربہ ناقابل برداشت ہے۔

امریکی صدر ڈونلڈ ٹرمپ نے جاپانی وزیر اعظم شنزو ایب کو امریکی حمایت کی یقین دہانی کراتے ہوئے کہا ہے کہ واشنگٹن ٹوکیو کے ساتھ کھڑا ہے۔

مزید پڑھیں:شمالی کوریا کابلیسٹک میزائل کاتجربہ

یاد رہےکہ گزشتہ روز جنوبی کوریا کےمطابق شمالی کوریا نےایک بیلسٹک میزائل کا تجربہ کیا ہےجو کہ ڈونلڈ ٹرمپ کے امریکہ کے صدر بننے کے بعد اس قسم کا پہلا تجربہ ہے۔

جنوبی کوریا کےحکام نے بتایا کہ گزشتہ روز مقامی وقت کے مطابق صبح سات بج کر55 منٹ پر میزائل لانچ کیا گیا اور یہ مشرق کی سمت میں جاپانی سمندر کی طرف 500 کلومیٹر تک گیا۔

مزید پڑھیں:شمالی کوریا کےحملے کاسخت جواب دیاجائےگا ‘امریکہ

واضح رہےکہ گزشتہ ہفتے امریکی وزیردفاع کاکہناتھاکہ شمالی کوریاکی جانب سے جوہری ہتھیاروں کےاستعمال کا سخت جواب دیاجائےگا۔

سیئول: جنوبی کوریا کا کہنا ہے کہ شمالی کوریا کی جانب سے درمیانے فاصلے پر مارکرنے والےمیزائل تجربہ ناکام ہوگیا۔

تفصیلات کےمطابق جنوبی کوریا کا کہنا ہے کہ شمالی کوریا کی جانب سے کیا جانے والا میزائل تجربہ ناکام ہوگیا یہ میزائل امریکی اڈوں کو نشانہ بنانے کی صلاحیت رکھتا تھا۔

شمالی کوریا کی جانب سے اس میزائل کو رواں برس 8بار ٹیسٹ کیا گیا جس میں صرف ایک بار ہی کامیابی حاصل ہوئی۔اس میزائل کی رینج کا اندازہ 4000 کلومیٹر لگایا گیا ہے۔

دوسری جانب امریکہ نے میزائل تجرے پر تنقید کرتے ہوئے کہا ہے کہ اس سے مزید ‘اشعال انگیزی’ بڑھے گی۔اقوام متحدہ نے بھی پیانگ یانگ کی جانب سے کیے جانے والے آخری تجربے پر تنقید کی تھی۔

مزید پڑھیں:شمالی کوریا کا بیلسٹک میزائل کا تجربہ ناکام

یاد رہےکہ چار روز قبل امریکی وزارت دفاع پینٹاگون کے ترجمان کا کہنا تھا کہ بیلسٹک میزائل کا یہ ٹیسٹ شمالی کوریا کے شمال مغربی شہر کسونگ میں ہفتے کو کیا گیا تھا جو ناکام رہا۔

واضح رہے کہ شمالی کوریا کی جانب سے ایک ہفتے سے بھی کم عرصے کے دوران ناکام ہونے واالا یہ دوسرامیزائل تجربہ ہے۔