Tag: میزبانی

  • انگلینڈ کو اگلے 3 ورلڈ ٹیسٹ چیمپئن شپ فائنل کی میزبانی مل گئی

    انگلینڈ کو اگلے 3 ورلڈ ٹیسٹ چیمپئن شپ فائنل کی میزبانی مل گئی

    سنگاپور (20 جولائی 2025): آئی سی سی نے انگلینڈ کو 2031 تک ہونے والے اگلے تین ورلـڈ ٹیسٹ چیمپئن شپ کی میزبانی سونپ دی ہے۔

    اے اسپورٹس میں شائع خبر کے مطابق انٹرنیسنل کرکٹ کونسل (آئی سی سی) کا سالانہ اجلاس سنگاپور میں ختم ہو گیا۔ اختتامی روز ورلڈ ٹیسٹ چیمپئن شپ سے متعلق بڑا فیصلہ کرتے ہوئے 2031 تک اگلے تینوں ورلڈ ٹیسٹ چیمپئن شپ کے فائنل کی میزبانی انگلینڈ کو سونپ دی گئی۔

    آئی سی سی کے اعلان کے مطابق انگلینڈ 2031 تک ورلڈ ٹیسٹ چیمپئن شپ (ڈبلیو ٹی سی) کے تینوں فائنل کی میزبانی کرے گا۔

    آئی سی سی کی سالانہ جنرل میٹنگ میں کرکٹ گورننگ باڈی نے یہ فیصلہ انگلینڈ کی جانب سے ڈبلیو ٹی سی فائنلز کے پچھلے ایڈیشنز کی کامیاب میزبانی کی روشنی میں کیا ہے۔

    انگلینڈ اس سے قبل 2021 کے افتتاحی ایڈیشن کے ساتھ ساتھ 2023 اور رواں برس 2025 ایڈیشن کی میزبانی کر چکا ہے۔

    سال 2021 میں ورلڈ ٹیسٹ چیمپئن شپ کے پہلے ایڈیشن کا فائنل دی روز باؤل ساؤتھمپٹن میں نیوزی لینڈ اور بھارت کے درمیان کھیلا گیا اور چیمپئن کا اعزاز کیویز نے حاصل کیا۔

    سال 2023 میں ورلڈ ٹیسٹ چیمپئن شپ کے دوسرے ایڈیشن کا فائنل اوول، لندن میں کھیلا گیا۔ بھارت نے مسلسل دوسری بار فائنل کھیلنے کا اعزاز حاصل کیا، لیکن چیمپئن بننے کا خواب پورا نہ ہوسکا۔ آسٹریلیا نیا ٹیسٹ چیمپئن بنا۔

    رواں برس 2025 میں لارڈز کے میدان میں ورلڈ ٹیسٹ چیمپئن شپ کے تیسرے ایڈیشن کے فائنل میں دفاعی چیمپئن آسٹریلیا کو ہرا کر جنوبی افریقہ نے پہلی بار ٹیسٹ چیمپئن بننے کا اعزاز حاصل کرنے کے ساتھ خود پر سے چوکر کا لیبل بھی ہٹا دیا۔

    ڈبلیو ٹی سی فائنل کے علاوہ، ویمنز ٹی ٹوئنٹی ورلڈ کپ 2026 انگلینڈ میں کھیلا جائے گا، جس کا فائنل 5 جولائی کو مشہور لارڈز کرکٹ گراؤنڈ میں کھیلا جائے گا۔

    اس کے علاوہ انٹرنیشنل کرکٹ کونسل کے اجلاس میں ٹمور اور زیمبیا کو آئی سی سی کی ایسوسی ایٹ رکنیت بھی دی گئی، جس کے بعد آئی سی سی کے ممبران کی تعداد 110 ہو گئی ہے۔

  • ’کون بنے گا کروڑ پتی‘ سیزن 16 کی میزبانی کون کرے گا؟

    ’کون بنے گا کروڑ پتی‘ سیزن 16 کی میزبانی کون کرے گا؟

    بالی ووڈ کے بگ بی امیتابھ بچن ایک بار پھر مشہور شو’ کون بنے گا کروڑ پتی‘ کی میزبانی کیلئے تیار ہیں۔

    گزشتہ سال امیتابھ بچن نے شو کی آخری قسط میں انتہائی جذباتی پیغام دیا تھا جس سے ان کے مداح یہ سمجھ بیٹھے تھے کہ شاید اگلے سیزن میں اداکار میزبانی کے فرائض انجام نہیں دیں گے۔

    تاہم اب بھارتی میڈیا کا کہنا ہے کہ ’ کون بنے گا کروڑ پتی‘ کے سیزن 16 کی تیاریاں شروع کردی گئی ہیں جس کی میزبانی امیتابھ بچن ہی کریں گے۔

    میڈیا رپورٹس کے مطابق امیتابھ بچن نے سوشل میڈیا اکاؤنٹ ایکس پر تصویر جاری کی ہے جس میں سینئر اداکار کو بھاگتے ہوئے دیکھا جاسکتا ہے۔

     بھارتی میڈیا کے مطابق رواں ماہ کی 24 جولائی سے ’ کون بنے گا کروڑ پتی‘ کے سیزن 16 کی شوٹنگ کا باقاعدہ آغاز ہوگیا ہے، امیتابھ بچن نے تصویر  شیئر کرتے ہوئے لکھا کہ ’شو میں واپسی، روٹین میں کوئی تبدیلی نہیں اور دوڑ جاری ہے‘۔

    بھارتی میڈیا کے مطابق ’کون بنے گا کروڑ پتی‘ سیزن 16 اگست کی 12 تاریخ سے شروع ہوگا اور یہ پروگرام پیر سے جمعہ تک ٹی وی چینل پر نشر کیا جائے گا۔

    ’کون بنے گا کروڑ پتی‘ انڈین ٹیلی ویژن گیم شو ہے جو برطانوی پروگرام ’Who Wants to Be a Millionaire?‘ پر نقول پر شروع کیا گیا تھا۔

    ’کون بنے گا کروڑ پتی‘ کا پہلا سیزن پہلی بار 2000 میں نشر کیا گیا تھا جس کے بعد یہ بھارت سمیت پاکستان میں بھی کافی مقبول ہوا تھا۔

    اس شو میں عام شہریوں اوربعض اوقات بولی اداکاروں کو بھی مدعو کیا جاتا ہے جس میں ان سے مختلف شعبہ سے متعلق سوال کیے جاتے ہیں اور ہر سوال میں 4 آپشن بھی دیے جاتے ہیں، سوال کا درست جواب دے کر پیسے کماتے ہیں۔

  • فیفا ورلڈ کپ کی میزبانی پر تنقید: ’قطر اپنے مخالفین کے زخموں پر نمک چھڑکتا رہے گا‘

    فیفا ورلڈ کپ کی میزبانی پر تنقید: ’قطر اپنے مخالفین کے زخموں پر نمک چھڑکتا رہے گا‘

    دوحا: 20 نومبر 2022 سے قطر میں شروع ہونے والے فیفا ورلڈ کپ کی میزبانی پر قطر کو تنقید کا نشانہ بنائے جانے کے بعد حکام کا کہنا ہے کہ قطر اپنے مخالفین کے زخموں پر نمک چھڑکتا رہے گا۔

    بین الاقوامی ویب سائٹ کے مطابق قطر ایئر ویز کے چیف ایگزیکٹو آفیسر اکبر البکر نے قطر میں فیفا ورلڈ کپ کی میزبانی کی مخالفت اور اس پر تنقید کرنے والوں کے خلاف سخت بیان دیا ہے۔

    اکبر البکر کا کہنا ہے کہ قطری قوم ہمیشہ اپنے مخالفین کے زخموں پر نمک چھڑکتی رہے گی۔

    ان کے اس بیان سے ظاہر ہو رہا ہے کہ جیسے جیسے فیفا ورلڈ کپ کا ایونٹ نزدیک آرہا ہے، ویسے ویسے اس موضوع کے متنازعہ ہونے اور اس بارے میں اختلافات کے آثار نمایاں ہوتے جا رہے ہیں۔

    اس حوالے سے چند ممالک اور فٹ بال ٹیموں کی طرف سے ایل جی بی ٹی کیو کے حقوق کے بارے میں قطر کے مؤقف اور کم تنخواہوں پر بڑی تعداد میں کام کرنے والے تارکین وطن کے ساتھ سلوک جیسے امور پر تشویش کا اظہار پہلے ہی کیا جا چکا ہے۔

    قطری حکام، جس وقت قطر کے حماد ہوائی اڈے کی توسیع کی نقاب کشائی کر رہے تھے، اسی وقت البکر نے ایک نقطے پر زور دیتے ہوئے کہا کہ ہم ہمیشہ اپنے مدمقابل کے زخموں پر نمک چھڑکتے ہیں۔

    البکر کا مزید کہنا تھا کہ ہمارے مخالفین ہمارے پیارے ملک کے خلاف منفی میڈیا مہم چلا رہے ہیں کیونکہ لوگ اس حقیقت کو تسلیم نہیں کرنا چاہتے کہ قطر جیسا ایک چھوٹا سا ملک، سب سے بڑے اسپورٹس ایونٹ فیفا ورلڈ کپ کی میزبانی کا مقابلہ جیت گیا۔

    انہوں نے فیفا ورلڈ کپ کے ایونٹ کے لیے اپنے ملک میں کی جانی والی تیاریوں کا ذکر کرتے ہوئے کہا کہ ہم نے اس بڑے ایونٹ کے لیے تمام تر ضروری چیزوں کی فراہمی کو یقینی بنایا ہے، ان میں اضافی فلائٹس اور چارٹرڈ طیاروں کے مدد سے دونوں ہوائی اڈوں پر زیادہ سے زیادہ پروازوں کا بندوبست بھی شامل ہے۔

    ان کے مطابق اس لحاظ سے ہم بہت اچھی طرح سے اپنی تمام تر تیاریاں کر چکے ہیں۔

  • سعودی عرب میں گلوبل انٹر پرینیور شپ کانگریس منعقد کی جائے گی

    سعودی عرب میں گلوبل انٹر پرینیور شپ کانگریس منعقد کی جائے گی

    ریاض: سعودی عرب 27 تا 30 مارچ 2022 گلوبل انٹر پرینیور شپ کانگریس کی میزبانی کرے گا، ایپل کے شریک بانی سٹیو ووزنیاک اور نیٹ فلکس کے شریک بانی مارک رینڈولف سمیت 150 سے زیادہ لوگ تقریب سے خطاب کریں گے۔

    سعودی ویب سائٹ کے مطابق ولی عہد شہزادہ محمد بن سلمان کی سرپرستی میں ریاض میں گلوبل انٹرپرینیور شپ کانگریس (جی ای سی) منعقد کی جائے گی۔

    سمال اینڈ میڈیم انٹر پرائزز جنرل اتھارٹی (منشات) نے گلوبل انٹرپرینیور شپ نیٹ ورک کے تعاون سے 27 تا 30 مارچ 2022 کو اس کا اہتمام کیا ہے جس میں 180 سے زیادہ ممالک حصہ لیں گے، کانفرنس کنگ عبد العزیز انٹرنیشنل کانفرنس سینٹر اور رٹز کارلٹن ہوٹل میں منعقد ہوگی۔

    ایس پی اے کے مطابق جی ای سی نیٹ ورک نے کانفرنس کی میزبانی کے لیے ریاض کا انتخاب کیا ہے، اس کی وجہ یہ ہے کہ مملکت میں کاروباری سرگرمیاں شروع کرنے کے لیے سہولت کاری اور کاروبار کے آغاز کے لیے بہترین مواقع فراہم کرنے والے گراف میں پوری دنیا میں سرفہرست آگیا ہے۔

    ایپل کے شریک بانی سٹیو ووزنیاک اور نیٹ فلکس کے شریک بانی مارک رینڈولف سمیت 150 سے زیادہ لوگ تقریب سے خطاب کریں گے، گلوبل انٹر پرینیور شپ کانگریس میں ایک ساتھ نمائش اور ورکشاپس بھی شامل ہوں گے۔

    گلوبل انٹر پرینیور شپ مانیٹر کے مطابق مملکت کئی کیٹیگریز میں 45 ممالک میں پہلے نمبر پر ہے، ان میں کاروبار شروع کرنے کے اچھے مواقع، کاروبار شروع کرنے میں آسانی، کرونا کی عالمی وبا کے لیے کاروباری اور حکومتی ردعمل شامل ہے۔

    ریبوٹ، ریتھنک اور ری جنریٹ کے عنوان سے جی ای سی کورنا کی وبا شروع ہونے کے بعد سے سرمایہ کاروں، پالیسی سازوں اور کمیونٹی لیڈرز کے پہلے براہ راست عالمی اجتماعات میں سے ایک ہوگا۔

    شرکا عالمی کاروباری ماحول کو درپیش معاشی چیلنجز پر تبادلہ خیال کریں گے اور تجربات کا تبادلہ کریں گے، سرمایہ کاری کے مواقع سے فائدہ اٹھائیں گے اور کرونا کی وبا کے چیلنجز سے سیکھے جانے والے اسباق کو اخذ کریں گے۔

  • جرمنی کی میزبانی میں 10ویں عظیم الشان عالمی بین المذاہب امن کانفرنس جاری

    جرمنی کی میزبانی میں 10ویں عظیم الشان عالمی بین المذاہب امن کانفرنس جاری

    برلن:جرمنی کی میزبانی میں بین المذاہب عظیم الشان عالمی امن کانفرنس جاری ہے جس میں پوری دنیا سے مختلف مذاہب کے سرکردہ رہ نما، حکومتی شخصیات اور مختلف تہذیبوں کے نمائندے سمیت سعودی عرب کے شاہ عبداللہ بین المذاہب ڈائیلاگ سینٹر کے مندوبین بھی شریک ہیں۔

    تفصیلات کے مطابق جرمنی کے شہر لینڈاؤ میں 20 اگست سے جاری چار روزہ کانفرنس 23 اگست کو ختم ہوگی، اس کانفرنس کے انعقاد کا مقصد دنیا بھر میں مختلف مذاہب کے درمیان امن، رواداری اور مکالمے کو فروغ دیتے ہوئے عالمی امن کے لیے مذہب کے کردار کو موثر بنانا بنانا ہے۔

    کانفرنس کے منتظمین نے کہا کہ عالمی تنازعات کے حل میں مذہب کے کردار کو موثر بنانا، مختلف مذاہب کے پیرو کاروں کے درمیان ہم آہنگی، جامع ترقی اور ماحولیاتی تحفظ کےلیے مذاہب کے درمیان رابطوں کو فروغ دینا ہے۔

    کانفرنس میں میانمار، جمہوریہ وسطی افریقا، نائیجیریا اور مشرق وسطیٰ میں امن بقائے باہمی کے اصولوں کو اپناتے ہوئے ان علاقوں میں جاری مذہبی تنازعات کو ختم کرانے کے لیے حکومتوں کی مدد کرنا ہے۔

    خیال رہے کہ عالمی بین المذاہب ہم آہنگی اور ڈائیلاگ سینٹر کا قیام سنہ 2013ءمیں عمل میں لایا گیا تھا۔

    اس مرکز کا مقصد مختلف ثقافتوں، تہذیبوں اور مذاہب کے ماننے والوں کے درمیان رابطوں کو فروغ دے کرمذاہب کو عالمی تنازعات کے حل، انسانی اور سماجی بہبود وترقی، تشدد کے خاتمے، عالمی امن اور متنوع عالمی مذہبی قیادت کے درمیان رابطے کے لیے پل قائم کرنا تھا۔

    جرمنی میں جاری عالمی بین المذاہب کانفرنس میں سعودی عرب کے شاہ عبداللہ بین المذاہب ڈائیلاگ مرکز کے سیکرٹری جنرل فیصل بن معمر کی قیادت میں اعلیٰ سطحی وفد شریک ہے۔

    اس کے علاوہ دنیا بھر کے 100 ممالک سے مسلمان، عیسائی، یہودی،بدھ اورہندو مذہب سمیت دیگر مذاہب کی نمائندہ 900 شخصیات شرکت کررہی ہیں۔ مجموعی طور پراس کانفرنس میں 17 مذاہب کی نمائندے شامل ہیں۔

  • شاہ سلمان کی 72 ملکوں کے عازمینِ حج کی میزبانی کی خصوصی ہدایت

    شاہ سلمان کی 72 ملکوں کے عازمینِ حج کی میزبانی کی خصوصی ہدایت

    ریاض : سعودی فرمانروا شاہ سلمان بن عبدالعزیز نے اپنی حکومت کو  دنیا بھر سے آنے والے عازمین حج کی خدمت کی ہدایت کردی، وزیر مذہبی امور نے کہا ہے کہ پوری دنیا میں عالم اسلام کے مفادات کے خیر خواہ ہیں۔

    تفصیلات کے مطابق خادم الحرمین الشریفین شاہ سلمان بن عبدالعزیز آل سعود نے 72 ممالک کے 1300 عازمین حج کے لیے سرکاری سطح پر حج کے تمام انتظامات کی ہدایت کی ہے۔ یہ تمام عازمین شاہ سلمان کی خصوصی دعوت پر حج کی سعادت حاصل کریں گے۔

    عرب خبر رساں ادارے کا کہنا تھا کہ شاہ سلمان کی طرف سے خادم الحرمین الشریفین خصوصی حج پروگرام کے تحت 1440ھ کے حج کے موقع پر پوری دنیا سے 1300 شخصیات کے حج کے انتظامات کیے گئے ہیں اور ان کی ذمہ داری سعودی وزارت مذہبی امور و دعوت ارشاد کو سونپی گئی ہے۔

    وزیر مذہبی امور عبداللطیف بن عبدالعزیز آل الشیخ نے ایک بیان میں کہاکہ خادم الحرمین الشریفین شاہ سلمان پوری دنیا میں عالم اسلام کے مفادات کے خیر خواہ ہیں، اسی جذبہ خیر سگالی کے تحت شاہ سلمان کی ہدایت پرمذکورہ غیر ملکی فریضہ حج کی سعادت حاصل کریں گے۔

    سعودی عرب میں سرکاری سطح پر عالمی شخصیات کے خصوصی حج پروگرام کا آغاز 1417ھ میں ہواتھا۔اس سے قبل شاہ سلمان نے فلسطینی شہداءکے ایک ہزار اقارب کے سرکاری سطح پر حج کے انتظامات کے احکامات دیے تھے۔

  • پاکستان کی فضائی حدود بند ہونے پر سعودی حکومت کا پاکستانی عمرہ زائرین کے لیے بڑا اعلان

    پاکستان کی فضائی حدود بند ہونے پر سعودی حکومت کا پاکستانی عمرہ زائرین کے لیے بڑا اعلان

    اسلام آباد: پاکستان کی فضائی حدود بند ہونے پر سعودی حکومت نے پاکستانی عمرہ زائرین کے لیے بڑا اعلان کر دیا ہے۔

    تفصیلات کے مطابق پاکستان میں سعودی سفارت خانے کے حکام نے کہا ہے کہ سعودی حکومت پروازیں بحال ہونے تک عمرہ زائرین کی میزبانی کرے گی۔

    [bs-quote quote=”سعودی حکومت پروازیں بحال ہونے تک عمرہ زائرین کی میزبانی کرے گی۔” style=”style-8″ align=”left”][/bs-quote]

    سعودی سفارت خانے کا کہنا ہے کہ سعودی حکومت ائیر لائنز کے ساتھ رابطے میں ہے، عمرہ زائرین کو مکہ مکرمہ کے ہوٹلوں میں ٹھہرایا جا رہا ہے۔

    سعودی سفارت خانے نے مزید کہا ہے کہ مدینے سے سفر کرنے والے زائرین کو مدینے کے ہوٹلوں میں رکھا جا رہا ہے۔

    دریں اثنا پی آئی اے کی 2 مزید پروازیں جناح انٹرنیشنل ایئر پورٹ کراچی پر لینڈ کر گئی ہیں، دونوں پروازوں کو خصوصی طور پر اترنے کی اجازت دی گئی۔

    یہ بھی پڑھیں:  پی آئی اے کی 3 پروازوں کی کراچی ایئر پورٹ پر لینڈنگ

    پہلی پرواز جدہ سے فیصل آباد جب کہ دوسری جدہ سے سیالکوٹ جا رہی تھی، اس سے قبل دبئی سے لاہور آنے والی پرواز پی کے 204 کو کراچی ایئر پورٹ پر اتارا گیا تھا۔

    دبئی سے پشاور کی پرواز پی کے 284، مسقط سے تربت آنے والی پرواز پی کے 194 کو بھی کراچی ایئر پورٹ پر اتارا جا چکا ہے جب کہ پاکستان کی فضائی حدود بند ہونے پر مسافروں کو ہوٹل منتقل کیا گیا ہے۔