پاکستان کی معروف اداکارہ، ماڈل اور میزبان فاطمہ سہیل نے اپنی زندگی سے متعلق حیران کن انکشاف کردیئے۔
پاکستان کی معروف اداکارہ فاطمہ سہیل نے ایک شو میں بطور مہمان شرکت کی جس میں انہوں نے شوبز کیریئر سمیت ذاتی زندگی پر کھل کر بات کی۔
اداکارہ فاطمہ سہیل نے انکشاف کیا اور بتایا کہ میری والدہ مجھے پیدا نہیں کرنا چاہتی تھیں، بہن بھائیوں میں انکا تیسرا نمبر تھا مجھے والدہ اکثر بتاتی ہیں کہ وہ انہیں پیدا ہی نہیں کرنا چاہتی تھیں یہی وجہ تھی کہ انہیں والدین کے گھر میں کم اہمیت ملتی تھی۔
اداکارہ و ہوسٹ نے اپنی ذاتی زندگی کے بارے میں بات کرتے ہوئے بتایا کہ اداکاری کی دنیا میں قدم رکھنے سے قبل میں ایک گھریلو خاتون تھیں۔
فاطمہ نے اپنی والدہ کی خواہش کا ذکر کرتے ہوئے بتایا کہ میری بڑی بہن ایک صحافی ہیں جس وجہ سے والدہ مجھ سے بھی یہی توقع کرتی تھیں کہ میں بھی اسی فیلڈ میں کام کروں لیکن مجھے شروع سے ہی اداکاری کا شوق تھا۔
واضح رہے کہ فاطمہ سہیل نے پہلی شادی 2015 میں اداکار و گلوکار محسن عباس حیدر سے کی تھی، جن سے انہوں نے ستمبر 2019 میں خلع لے لی تھی، انہیں ایک تین سالہ بیٹا بھی ہے، جو ان کے ساتھ ہی رہتا ہے۔
شوہر پر تشدد کے الزامات لگانے کے بعد ان سے خلع لینے والی فاطمہ سہیل نے اداکاری کی دنیا میں قدم رکھا اور انہوں نے اے آر وائی ڈیجیٹل کا ڈرامہ ’میرا دل، میرا دشمن‘ سے ڈیبیو کیا۔