Tag: میسی

سنٹیاگو: ارجنٹینا کی فٹبال ٹیم کے کپتان اور فیفا کے نامور کھلاڑی لیونل میسی پر تین ماہ کے لیے پابندی عائد کردی گئی۔

غیرملکی خبررساں ادارے کی رپورٹ کے مطابق لیونل میسی نے کوپا امریکا فٹبال کپ کو کرپٹ قرار دیا جو فیفا کے قواعد و ضوابط کی خلاف ورزی ہے، معروف فٹبالر  کو 50 ہزار ڈالر جرمانہ بھی ادا کرنا ہوگا۔

فیفا کے قوانین کی خلاف ورزی کرنے پر اسٹار فٹبالر آئندہ تین ماہ تک کوئی بھی بین الاقوامی فٹبال میچ نہیں کھیل سکیں گے، اس سے قبل بارسلونا کلب کے فارورڈر اور  لیونل میسی کو ارجنٹینا اور چلی کے درمیان ہونے والے مقابلے میں باہر کردیا گیا تھا جس کے بعد انہوں نے الزام عائد کیا کہ کپ برازیل کے لیے فکس کیا گیا۔

مزید پڑھیں: روک سکو تو روک لو، میسی نے 600 گولز کا سنگ میل عبور کر لیا

فیفا کی جانب سے جاری ہونے والے اعلامیے میں بتایا گیا ہے کہ لیوی میسی فیصلے کے ایک ہفتے کے اندر اپیل کرسکتے ہیں جس پر انہیں صفائی بھی پیش کرنا ہوگی۔

رپورٹ کے مطابق پابندی کے باعث وہ ارجنٹینا کے چلی، میکسیکو اور جرمنی سے ستمبر اور اکتوبر کے درمیان ہونے والے مقابلوں میں شرکت نہیں کرسکیں گے۔

بارسلونا: ارجنٹینا سے تعلق رکھنے والے سپر اسٹار لیونل میسی نے ایک اور ریکارڈ اپنے نام کر لیا.

تفصیلات کے مطابق اسپینش لالیگا میں بارسلونا کی ایک اور کامیابی کے ساتھ ہی میسی نے ایک اور بڑا ریکارڈ بنا ڈالا.

لائنل میسی نے اسپینش لیگ میں چار سو گول داغ دیے، وہ گولز کی چار سنچریاں کرنے والے پہلے فٹ بالر بن گئے. گذشتہ دنوں‌ بارسلونا اور ایبر کی ٹیمیں مدمقابل آئیں، تو سپر اسٹارز کی ٹیم بارسلونا نے میچ بہ آسانی  تین صفر سے اپنے نام کیا.

میسی نے لالیگا لیگ میں‌ اپنا 400 واں گول داغ کر تاریخ رقم کر دی، وہ یہ مرحلہ طے کرنے والے پہلے کھلاڑی ہیں.

واضح رہے کہ وہ اس وقت لالیگا کی تاریخ کے ٹاپ اسکورر بھی ہیں، لائنل میسی نے یہ ریکارڈ 435 ویں میچ میں‌ بنایا.

مزید پڑھیں: میسی اور رونالڈو، سال 2018 میں‌ کون زیادہ کامیاب رہا؟

یاد رہے کہ سپر اسٹار میسی کو مداحوں کو ورلڈ کپ میں شدید مایوسی کا سامنا کرنا پڑا تھا، ارجٹینا دوسرے ہی راؤنڈ سے باہر ہوگئی تھی.

تجزیہ کاروں کا خیال ہے کہ یہ میسی کا آخری ورلڈ کپ ہے اور شاید وہ اگلے میگا مقابلے میں حصہ نہ لیں سکیں.