Tag: مینارِ پاکستان

لاہور : تحریک انصاف کے احتجاج کے پیش نظر مینارِ پاکستان جانے والے تمام راستے کنٹینرز لگا کر سیل کردیئے گئے، جس کے باعث لوگوں کو شدید پریشانی کا سامنا کرنا پڑرہا ہے۔

تفصیلات کے مطابق لاہورمیں تحریک انصاف کے احتجاج کے پیش نظر مینار پاکستان کی طرف جانے والے تمام راستوں کو کنٹینرز لگاکربند کردیا گیا۔

شہر میں دفعہ ایک سوچوالیس نافذ ہے، ہنگامی صورتحال سے نمٹنے کیلئے حکومت نے انتظامات کررکھے ہیں۔

مینار پاکستان کے داخلی راستوں اور گیٹ پر جبکہ شاہدرہ سے مینار پاکستان آنے والے راستوں پر بھی کنٹینرزموجود ہے۔

جاتی امرا سے آنے اور جانے والے راستے کنٹینرز لگا کر بند کر دیے گئے جبکہ موٹر وے، بابو صابو اور ٹھوکر انٹر چینج کو بھی کنٹینرز لگا کر بند کر دیا گیا ہے

پولیس نے کریک ڈاؤن کرتے ہوئے پی ٹی آئی کے چھ سوکارکنا ن کو گرفتار کر لیا ہے جبکہ سیکیورٹی کے لیے لاہور میں 10 ہزار سے زائد اہلکار تعینات ہے،

پی ٹی آئی احتجاج کے باعث لاہور میں میٹروبس سروس محدودکردی گئی ہے ، جی ایم ماس ٹرانزٹ اتھارٹی نے بتایا کہ میٹروبس سروس گجومتہ سےایم اےاوکالج تک آپریشنل کی گئی۔

ان کا کہنا تھا کہ سپیڈو بس کا ایک روٹ ریلوے اسٹیشن سے رانا ٹاؤن تک بند ہے تاہم میٹرو بس سروس اور اسپیڈو کا مزید فیصلہ حالات کو مدنظر رکھ کر کیا جائے گا۔

لاہور : ٹریفک پولیس نے شہریوں کی سہولت اور مینار پاکستان پر ن لیگ کے جلسے کے شرکا کی آگاہی کیلئے ایڈوائزری پلان جاری کردیا۔

تفصیلات کے مطابق ٹریفک پولیس نے شہریوں کی سہولت اور شرکاجلسہ کی آگاہی کیلئےایڈوائزری پلان جاری کردیا اور لاہورکے داخلی و خارجی راستوں اور گریٹراقبال پارک کے گردونواح میں اضافی نفری تعینات کردی گئی۔

سی ٹی او نے جلسے کے شرکا سے تعاون کی اپیل کی ہے اور بتایا ہے کہ ڈویژنل افسران کی نگرانی میں پندرہ سو سے زائد وارڈنز تعینات کئے گئے ہیں گاڑیوں کی پارکنگ کےلئے سولہ پارکنگ پوائنٹس اور بڑی گاڑیوں کیلئے تین ڈراپ لین مختص کئے گئے ہیں۔

ایمبولینسز اور ایمرجنسی گاڑیوں کےلئے ہمہ وقت راستہ کلئیر رکھنے کا حکم دیا گیا ہے، گجرات، گوجرانوالہ، کامونکی، مرید کے، جی ٹی روڈ سے آنے والے کالا شاہ کاکو براستہ ایسٹرن بائی پاس، رنگ روڈ،جلسہ گاہ پہنچیں گے۔

سرگودھا،فیصل آباد، موٹروے سے آنے والے شرکابراستہ سگیاں، رنگ روڈ، نیازی شہید جلسہ گاہ تک پہنچیں گے جبکہ اوکاڑہ،ساہیوال، ملتان روڈسےآنے والے شرکابراستہ موٹروے بابوصابو سے بند روڈ، نیازی شہیدچوک سے جلسہ گاہ پہنچیں گے۔

اسی طرح قصور،کاہنہ اورفیروز پور روڈ،مال روڈ سے آنے والے شرکابراستہ کچہری چوک، داتا دربار جلسہ گاہ پہنچیں گے جبکہ کچہری چوک سے آنے والی گاڑیاں شرکا کو اتار کر جانب سگیان رنگ روڈ پر پارک ہونگیں۔

نیازی شہید چوک سے آنے والی گاڑیاں مولانا احمد علی روڈ پر اتار کر واپس رنگ روڈ اور رنگ روڈ،مولانا علی احمد روڈ، لاری اڈا تا داتا نگر، داتا دربار تا پیر مکی یوٹرن سنگل لین میں جبکہ آغازفلائی اوورتک ٹمبرمارکیٹ،نیازی شہید چوک تک بھی سنگل لین پارکنگ ہوگی۔

دفتر محکمہ جنگلات اورلاری اڈابس اسٹینڈ کی پارکنگ کو بھی استعمال میں لایا جائے گا ، ریلوے اسٹیشن جانب شیرانوالاتا گریٹر اقبال تک روڈ معمول کی ٹریفک کیلئے بند ہوگا۔

راستہ ایپ، راستہ ایف ایم 88.6، ہیلپ لائن 15 سے ٹریفک صورتحال سے آگاہ رکھا جائے گا، شہری مدد اور رہنمائی کےلئے ہمہ وقت ہیلپ لائن 15 پر کال کرسکتے ہیں۔

اسلام آباد: وفاقی وزیر اطلاعات مریم اورنگزیب نے عمران خان سے کہا ہے کہ حقیقی آزادی کا جنازہ آج رات مینارِ پاکستان میں پڑھا جائے گا۔

وفاقی وزیر اطلاعات مریم اورنگزیب نے ٹوئٹر پر عمران خان کے ٹوئٹ پر ردعمل دیتے ہوئے کہا کہ مینارِپاکستان میں فارن فنڈنگ، توشہ خانہ چوری کو اپنانے پر بھی روشنی ڈالیں۔

میرا دل کہہ رہا ہے مینار پاکستان جلسہ تمام ریکارڈ توڑ دے گا، عمران خان

انہوں نے ٹوئٹ میں لکھا کہ عمران خان قوم کو بتائیں کہ 4 سال مہنگائی ،بے روزگاری اور تباہی کی دلدل میں پاکستان کو دھنسایا، ملک کو لوٹا، جس نے تباہی اور تقسیم کی دلدل میں ڈالا ہو وہ نکال نہیں سکتا وہ صرف فراڈیا اور دہشت گرد ہوتا ہے۔

وفاقی وزیر اطلاعات کا کہنا تھا کہ ‏وہ حقیقی آزادی جو قمر جاوید باجوہ کی تاحیات ایکسٹینشن سے لیکر امریکا سے معافیوں تک پہنچی آج حقیقی طور پر دفن ہو چکی ہے جس کا جنازہ آج رات مینارِ پاکستان میں پڑھا جائے گا، فتنے فسادی دہشت گرد سے حقیقی آزادی دلوانے کا وقت آ گیا ہے۔