Tag: میٹرک کے امتحانات

شمالی وزیرستان : ضلع بھر میں میٹرک کے امتحانات ملتوی کردیئے گئے تاہم نئی تاریخوں کااعلان بعدمیں کیا جائے گا۔

تفصیلات کے مطابق شمالی وزیرستان میں میٹرک کے امتحانات ملتوی کردیئے گئے، بنوں بورڈ نے امتحانات ملتوی ہونے کا اعلامیہ جاری کردیا۔

بنوں بورڈ کا کہنا تھا کہ حالات کے پیش امتحانات ملتوی کئے تاہم نئی تاریخوں کااعلان بعدمیں کیاجائےگا۔

خیال رہے شمالی وزیرستان کی تحصیل شیواہ میں نامعلوم افراد نے پولیس کی گاڑی جلادی جبکہ ڈومیل مین پولیس موبائل وین کے قریب بارودی موادکا دھماکا ہوا تاہم دھماکےسے کسی جانی نقصان کی اطلاع نہیں۔

یاد رہے خیبرپختونخوا میں میٹرک کےامتحانات شروع ہوگئے ہیں، امتحانات میں 9 لاکھ 20 ہزارسے زائد طلبا وطالبات حصہ لے رہے ہیں۔

بورڈزانتظامیہ کا کہنا ہے کہ صوبہ بھر میں 3ہزار510 امتحانی مراکز،25 ہزارسےزائدعملہ تعینات ہوگا، :دسویں جماعت کے91 ہزار 86 ،نویں جماعت کے1لاکھ ایک ہزار488 طلبہ شریک ہوں گے۔

کمشنرپشاورڈویژن کا کہنا ہے کہ ر:امتحانی پرچےآؤٹ کرنےوالےمنظم گروہ کاخاتمہ کردیاگیاہے اور تمام ڈپٹی کمشنرزمختلف مراکزکےدورےکررہےہیں۔

کے الیکٹر کی یقین دہانی کے باوجود امتحانی مراکز میں لوڈ شیڈنگ جاری ہے۔ طلبہ شدید گرمی میں پسینے میں شرابور پرچے دینے پر مجبور ہیں۔

تفصیلات کے مطابق کراچی کے طلبا نے امتحانات کا پانچواں دن بھی لوڈشیڈنگ میں گزارا، شہر قائد میں میٹرک کے ہونے والے امتحانات کے دوران دوپہر کی شفٹ میں بھی لوڈشیڈنگ کی صورتحال برقرار ہے۔

500 سے زائد امتحانی مراکز میں سے بیشتر مراکز کو لوڈ شیڈننگ کا سامنا ہے۔ میٹرک بورڈ کے چیئرمین نے ملیر کے اسکول کا دورہ کیا تو لوڈشیڈنگ جاری تھی۔

اس دوران طلبا اور اساتذہ نے بھی لوڈ شیڈنگ کی شکایات کیں، متعدد سرکاری اسکولوں میں پینے کا صاف پانی بھی دستیاب نہیں ہے۔

کراچی: میٹرک امتحانات کے دوسرے روز بھی دسویں جماعت کاکمپیوٹراسٹڈیز کا پرچہ سوشل میڈیا
ہرآؤٹ ہوگیا۔

تفصیلات کے مطابق میٹرک کےسالانہ امتحانات کاآج دوسراروز ہے، جس میں 3لاکھ 65ہزار102امیدوارشرکت کررہے ہیں۔

آج پہلی شفٹ میں کمپیوٹراسٹڈیزکاپیپرلیا جارہا ہے جبکہ دوسری شفٹ میں اردو،سندھی اورجغرافیہ پاکستان کے پرچے لئے جائیں گے۔

نویں جماعت کی طرح دسویں جماعت کاکمپیوٹراسٹڈیز کا پرچہ آؤٹ ہوگیا، حل شدہ پرچہ بھی واٹس ایپ گروپس میں فراہم کردیا گیا۔

سندھ کےتمام ڈویژنوں میں 2 شفٹوں میں امتحان لئےجارہے ہیں، پہلی شفٹ میں پرچہ صبح ساڑھے 9سے ساڑھے 12 تک اور دوسری شفٹ میں دوپہرڈھائی بجے سےساڑھے5بجے تک لیاجائے گا۔

امتحانی مراکزکےاطراف دفعہ 144نافذکی گئی ہے اور موبائل فون کی برآمدی کی صورت میں فون ضبط کرلیا جائے گا۔

گزشتہ روزبھی شہرقائد میں پیپرزکےدوران لوڈ شیڈنگ جاری رہی ، جس سے طلبا کو گرمی میں پریشانی کا سامنا کرنا پڑا۔

شہرمیں504امتحانی مراکزبنائےگئےہیں ، لڑکوں کیلئے265جبکہ لڑکیوں کیلئے239امتحانی مراکزبنائے گئے۔

کراچی میں کل سے میٹرک امتحانات کا آغاز ہونے والا ہے مگر متعدد اسکولوں کے طلبہ کو ایڈمٹ کارڈ ہی نہیں ملے۔

تفصیلات کے مطابق ایڈمٹ کارڈ کے حصول کیلئے طلبہ اور والدین کی بڑی تعداد میٹرک بورڈ پہنچ گئی، متعدد نجی اسکولزکی جانب سے فارم ایجنٹس کو دیے گئے تھے، نجی اسکول کے حکام کا کہنا ہے کہ ایجنٹس فارم اور فیس لے کر غائب ہوگئے ہیں۔

طلبہ نے بتایا کہ کل سے امتحانات کا آغاز ہے مگر اسکولوں نے ایڈمٹ کارڈ نہیں دیے، ایڈمٹ کارڈ دینا اسکول و بورڈ کی ذمہ داری ہے۔

میٹرک بورڈ ترجمان نے کہا کہ نجی اسکولوں نے بروقت فارم جمع نہیں کرائے تھے، جن اسکولوں نے آن لائن فارم جمع کروائے تھے وہ آن لائن پرنٹ نکال سکتے ہیں۔ آخر ی دنوں میں ایک ساتھ کئی اسکول ایڈمٹ کارڈ پرنٹ کرتے ہیں تو لوڈ بڑھ جاتاہے۔

ترجمان کا کہنا تھا کہ اسکول انتظامیہ بورڈ سے بھی ایڈمنٹ کارڈ کا پرنٹ نکلوا سکتی ہے، وہ طلبہ جو امتحانی فارم جمع کرانے آئے ہیں ان کے فارم جمع نہیں کیے جائیں گے۔

کراچی : وزیر تعلیمی بورڈ اسماعیل راہو نے حیدرآباد میں میٹرک کے امتحانات میں ٹک ٹاک بنانے والے طالبات کو فیل کرنے کا فیصلہ کرلیا۔

تفصیلات کے مطابق وزیر تعلیمی بورڈ اسماعیل راہو نے میٹرک کے امتحانات میں ٹک ٹاک بنانے والے طالبات کیخلاف کارروائی کا فیصلہ کرلیا۔

اسماعیل راہو نے کہا کہ ٹک ٹاک بنانے والے تمام طالبات کو فیل کردیا جائے گا، تمام بورڈز چیئرمین طالبات کے امتحانی مراکز پر خواتین ویجلنس ٹیمیں بھیجیں۔

اس حوالے سے صوبائی وزیر کی جانب سے سندھ کے تمام چیئرمین کو ہدایت جاری کردی گئیں ہیں۔

ان کا کہنا تھا کہ امتحانی مراکز میں نقل کی شکایات مل رہی ہیں،نقل میں ملوث افراد کے خلاف ایکشن لیں اور تمام امتحانی مراکز میں ویجیلنس ٹیموں میں مزید اضافہ کیا جائے۔