(22 اگست 2025): آئی سی سی ون ڈے ورلڈ کپ 2027 میں تین ممالک کی مشترکہ میزبانی میں کھیلا جائے گا جس کے میچز کے وینیوز کا اعلان کر دیا گیا ہے۔
آئی سی سی کا شوپیس ایونٹ ون ڈے ورلڈ کپ 2027 جنوبی افریقہ، زمبابوے اور نمیبیا کی مشترکہ میزبانی میں کھیلا جائے گا۔ میگا ایونٹ میں 54 میچز کھیلے جائیں گے۔ یہ میچز کہاں کہاں ہوں گے، اس کے وینیوز کا اعلان ہو گیا ہے۔
ورلڈ کپ کے وینیوز کا اعلان کرکٹ جنوبی افریقہ نے میگا ایونٹ کے لیے لوکل آرگنائزنگ کمیٹی کی تشکیل کے موقع پر کیا۔
2027 میں ہونے والے اس میگا کرکٹ ایونٹ کے 54 میچز میں سے 44 جنوبی افریقہ میں کھیلے جائیں گے جب کہ باقی 10 میچز کی میزبانی زمبابوے اور نمیبیا کریں گے۔
جنوبی افریقہ کے 8 میدان ون ڈے ورلڈ کپ کے میچز کی میزبانی کریں گے۔
جنہیں میچز کی میزبانی دی گئی ہے، ان میں جوہانسبرگ، پریٹوریا، کیپ ٹاؤن، ڈربن، بلوئم فونٹین، ایسٹ لندن، پارل اور کیں برہا شامل ہیں۔
جنوبی افریقہ کو 22 سال بعد ورلڈ کپ کی میزبانی کا موقع ملا ہے۔ اس سے قبل اس نے 2003 کے میگا ایونٹ کی میزبانی کی تھی اور زمبابوے اس وقت بھی شریک میزبان تھا۔ تاہم یہ پہلا موقع ہوگا کہ نمیبیا کرکٹ ورلڈ کپ کی میزبانی کرے گا۔
ون ڈے کرکٹ کا سب سے بڑا میلہ 2027 میں اکتوبر اور نومبر کے درمیان منعقد ہوگا۔ ورلڈ کپ میں 14 ٹیمیں حصہ لیں گی۔
https://urdu.arynews.tv/waseem-akram-abou-asia-cup-pak-india-match/
