فیفا ورلڈکپ 2026 کوالیفائنگ راؤنڈ کے میچ میں پاکستان فٹبال ٹیم کمبوڈیا کے خلاف میچ برابر کرنے میں کامیاب ہوگئی۔
کمبوڈیا اور پاکستان کی فٹبال ٹیموں کے درمیان فیفا کوالیفائر کا میچ بغیر کسی گول کے برابر رہا۔ دنوں ٹیموں نے مقررہ وقت تک ایک دوسرے پر سبقت حاصل کرنے کی کوشش کی پر انھیں کامیابی نہ مل سکی۔
میچ کے دوران پاکستان فٹبال ٹیم نے زیادہ تر دفاعی کھیل کو ترجیح دی اور حریف پر حملوں سے گریز کیا۔ دونوں ٹیموں کے مابین دوسرے لیگ کا اگلا میچ اسلام آباد میں شیڈول ہے۔
FT: Cambodia 0-0 Pakistan at end of 1st leg of 2026 FIFA World Cup qualifiers Round One in Phnom Penh.
Defensive performance across the 90 with the 2nd leg in Islamabad on the 17th requiring a Pakistan win to reach Round Two.
Also, our 12-match losing streak that started in… pic.twitter.com/YpF1leZNh6
— FootballPakistan.com (@FootballPak) October 12, 2023
پاکستان کو فیفا ورلڈکپ کوالیفائر کے اگلے راؤنڈ میں رسائی حاصل کرنے کے لیے اس میچ میں لازمی فتح درکار ہوگی۔
واضح رہے کہ 2018 کے بعد سے لگاتار 12 میچوں میں شکست کا منہ دیکھنے کے بعد پاکستان سوکر ٹیم فیفا ورلڈکپ کوالیفائر میچ برابر کرنے میں کامیاب رہی ہے۔
