پیرس: امریکا نے پیرس اولمپکس میں چین سے پہلی پوزیشن چھین لی۔
تفصیلات کے مطابق امریکا نے اولمپکس گیمز پیرس 2014 میں مجموعی طور پر 71 میڈلز حاصل کر کے چین کو پیچھے چھوڑ دیا، جس نے اب تک 45 میڈلز جیتے ہیں۔
امریکا 19 گولڈ، 26 سلور اور 26 برانز کے ساتھ ٹاپ پر آ گیا ہے، اس سے قبل اب تک چین ہی سر فہرست تھا، تاہم چین کی 19 گولڈ، 15 سلور اور 11 برانز میڈل کے ساتھ اب دوسری پوزیشن ہے۔
فرانس 12 گولڈ (طلائی)، 14 سلور (چاندی) اور 18 برانز (کانسی) کے تمغوں کے ساتھ تیسرے نمبر پر ہے، اور چین سے محض ایک میڈل پیچھے ہے یعنی فرانس کے میڈلز کی مجموعی تعداد 44 ہو گئی ہے۔
آسٹریلیا کا 12 گولڈ، 11 سلور، 8 برانز (مجموعی 31 میڈلز) کے ساتھ چوتھا اور برطانیہ کا 10 گولڈ تمغوں کے ساتھ پانچواں نمبر ہے، اگرچہ برطانیہ کے مجموعی تمغوں کی تعداد آسٹریلیا سے زیادہ ہے یعنی 37 میڈلز حاصل کیے ہیں برطانوی ایتھلیٹس نے، تاہم گولڈ میڈلز میں وہ 2 تمغوں کے ساتھ پیچھے ہے۔ برطانیہ نے 12 سلور 15 برانز میڈل حاصل کیے ہیں۔
واضح رہے کہ یہ مقابلے اے اسپورٹس اور اے آر وائی زیپ پر براہ راست دکھائے جا رہے ہیں۔
