Tag: میڈیکل بورڈ

اسلام آباد: سابق صدر آصف علی زرداری کے میڈیکل بورڈ کی تشکیل نو ہو گئی ہے، ذرایع کا کہنا ہے کہ میڈیکل بورڈ میں نیورو سرجن، نیورولوجسٹ، امراض قلب، میڈیسن اور شعبہ انتظامیہ کے ڈاکٹرز شامل ہیں۔

تفصیلات کے مطابق آصف زرداری کے علاج کے لیے میڈیکل بورڈ بنا دیا گیا ہے، ڈاکٹر شجیح صدیقی بورڈ کے سربراہ برقرار رہیں گے، بورڈ میں ڈاکٹر مظہر بادشاہ، ڈاکٹر نذیر بھٹی، ڈاکٹر نعیم ملک، ڈاکٹر ذوالفقار غوری شامل ہیں۔

پمز اسپتال کے ذرایع کا کہنا ہے کہ آصف زرداری کے ذاتی معالج کو میڈیکل بورڈ میں شامل نہیں کیا گیا ہے، تاہم میڈیکل بورڈ حسب ضرورت رپورٹس پر آصف زرداری کے ذاتی معالج سے مشاورت کرے گا۔

یاد رہے کہ اسلام آباد ہائی کورٹ نے سابق صدر آصف زرداری کی ضمانت بعد از گرفتاری کی درخواستوں پرسماعت کے دوران پمز اسپتال کو خصوصی میڈیکل بورڈ تشکیل دینے کا حکم دیا تھا، سابق صدر کے ذاتی معالج کو بھی بورڈ میں شامل کرنے کی ہدایت کی گئی تھی۔

ہائی کورٹ نے بدھ کو حکم دیا تھا کہ میڈیکل بورڈ آصف زرداری کی رپورٹ آیندہ سماعت سے پہلے عدالت میں پیش کرے۔ بعد ازاں اسلام آباد ہائی کورٹ نے سماعت 11 دسمبر تک ملتوی کر دی۔

کراچی: میڈیکل بورڈ کا کہنا ہے کہ کل حسنین کے جبڑے کی سرجری کا پہلا آپریشن مکمل کیا تھا، حسنین کی زندگی کے لیے مزید 48 گھنٹے اہم ہیں۔

تفصیلات کے مطابق میڈیکل بورڈ نے کتے کے کاٹے کا شکار حسنین کا صبح معائنہ کیا، حسنین کی طبیعت میں معمولی بہتری آئی ہے۔ میڈیکل بورڈ کا کہنا ہے کہ بچے کی زندگی کے لیے مزید 48 گھنٹے اہم ہیں۔

میڈیکل بورڈ کے مطابق کل بچے کے جبڑے کی سرجری کا پہلا آپریشن مکمل کیا تھا، حسنین کو زخم گہرے اور زیادہ آئے ہیں، حسنین کی مزید کتنی سرجریز کرنی ہیں فیصلہ بورڈ کرے گا۔

کتے کے کاٹے کا لرزہ خیز واقعہ، سندھ کی سیاست میں ہل چل

یاد رہے کہ دو روز قبل پیپلز پارٹی کے آبائی شہر لاڑکانہ میں سگ گزیدگی کا ہولناک واقعہ پیش آیا تھا جب 6 سالہ حسنین پر کئی آوارہ کتوں نے حملہ کیا اور اس کے چہرے کو بھنبھوڑ ڈالا۔

بچے کو لاڑکانہ کے چانڈکا میڈیکل اسپتال لے جایا گیا تاہم ڈاکٹرز نے اس کی حالت دیکھ کر ہاتھ کھڑے کردیے اور صرف طبی امداد دے کر فارغ کردیا، بچے کو کراچی لایا گیا جہاں کئی دقتوں کے بعد نیشنل انسٹیٹیوٹ آف چائلڈ ہیلتھ (این آئی سی ایچ) میں داخل کرکے علاج شروع کیا گیا۔

حسنین کی سرجری کا پہلا مرحلہ مکمل ہوگیا ہے تاہم معصوم حسنین کی حالت بدستور تشویش ناک ہے۔ حسنین کے لیے قائم کردہ میڈیکل بورڈ کا کہنا ہے کہ بچے کی مزید سرجریز بھی کی جائیں گی۔

لاہور: مسلم لیگ ن کے قائد کے ذاتی معالج ڈاکٹرعدنان کا کہنا ہے کہ پنجاب حکومت کے میڈیکل بورڈ نے نوازشریف کے علاج کے لیے بیرون ملک کی سفارش کی۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر عدنان نے اپنے پیغام میں کہا کہ سابق وزیراعظم میاں نوازشریف کی حالت بدستور تشویش ناک ہے، پنجاب حکومت کے میڈیکل بورڈ نے علاج کے لیے بیرون ملک کی سفارش کی۔

مسلم لیگ ن کے قائد کے ذاتی معالج ڈاکٹرعدنان نے اپنے پیغام میں مزید کہا کہ تاخیر میاں نوازشریف کی صحت اور زندگی کے لیے نقصان دہ ہوسکتی ہے۔

Former PM #NawazSharif’s health status remains critical.
Special Medical Board of Punjab Govt. comprising of eminent medical professionals recommended travelling for medical treatment abroad to a centre of excellence.
The delay could’ve serious adverse health & life consequences. pic.twitter.com/5cypaTiWwy

— Dr. Adnan Khan (@Dr_Khan) November 15, 2019

یاد رہے ذیلی کمیٹی نے وفاقی کابینہ کے فیصلے پر قائم رہتے ہوئے نوازشریف کو بیرون ملک جانے کے لیے عائد کردہ شرائط کو برقرار رکھا تھا، کابینہ کی ذیلی کمیٹی کے سربراہ فروغ نسیم نے پریس کانفرنس کرتے ہوئے کہا تھا کہ نوازشریف کو 4 ہفتے کے لیے بیرون ملک جانے کی ون ٹائم اجازت ہوگی جبکہ نوازشریف یا شہبازشریف 7 ارب روپے کے سیکیورٹی بانڈزجمع کرائیں گے۔

بعد ازاں مسلم لیگ ن نے حکومتی فیصلہ مسترد کرتے ہوئے نوازشریف کی بیرون ملک روانگی کے لیے حکومت کی انڈیمنٹی بانڈ کی شرط کے فیصلے کے خلاف لاہور ہائی کورٹ میں درخواست دائر کردی تھی۔

لاہور: وزیر صحت پنجاب یاسمین راشد نے کہا ہے کہ نوازشریف کے میڈیکل بورڈ کا 2 لائنوں کا جواب ناکافی ہے، میڈیکل بورڈ کا 2 لائنوں کا جواب وزارت داخلہ کو بھیجتے تو مذاق بنتا۔

تفصیلات کے مطابق لاہور میں پریس کانفرس کرتے ہوئے صوبائی وزیر یاسمین راشد نے کہا کہ نوازشریف کی بیماری کی تشخیص ہوگئی ہے، ان کی شوگر کنٹرول نہیں ہو پا رہی ہے، نوازشریف کو اسٹیرائیڈزسمیت دیگر دوائیں دی جا رہی ہیں۔

یاسمین راشد نے کہا کہ نوازشریف نے بیرون ملک علاج کے لیے وزارت داخلہ کو درخواست دی، وزارت داخلہ کی جانب سے خط آیا میڈیکل بورڈ سے رائے لی جائے، وزارت داخلہ نے صوبائی حکومت سے میڈیکل بورڈ کی رپورٹ طلب کی ہے، نامکمل رپورٹ پر میڈیکل بورڈ سے سوال جواب پوچھے ہیں۔

انہوں نے کہا کہ کہا گیا کچھ ایسی بیماریاں ہیں جن کاعلاج پاکستان میں دستیاب نہیں ہے، میڈیکل بورڈ سے پوچھا بتائیں کون سی ایسی بیماریوں کاعلاج یہاں ممکن نہیں ہے۔

وزیر صحت پنجاب نے کہا کہ نوازشریف کے سرکاری میڈیکل بورڈ کا آج ایک اور اجلاس ہوگا، میڈیکل بورڈ کی تفصیلی رپورٹ آنے پر وزارت داخلہ کو بھجوائیں گے، میڈیکل بورڈ خودمختار ہے کسی بھی ممبر سے پوچھ لیں۔

انہوں نے کہا کہ نوازشریف ہائی پروفائل مریض ہیں، ان کی بیماری سے کبھی انکار نہیں کیا، ان کی بیماری کی ہسٹری بہت لمبی چوڑی ہے، نوازشریف کو لاحق امراض کی تفصیلات سے سب واقف ہیں، نوازشریف بیمار ہیں اس معاملے پر کوئی شک نہیں کیا جاسکتا۔

یاسمین راشد نے کہا کہ نوازشریف کے میڈیکل بورڈ کا 2 لائنوں کا جواب ناکافی ہے، میڈیکل بورڈ کا 2 لائنوں کا جواب وزارت داخلہ کو بھیجتے تو مذاق بنتا۔ انہوں نے کہا کہ مجھ پر کوئی دباؤ نہیں، ہمیشہ حقائق سے آگاہ کیا، میڈیکل بورڈ سے تفصیل مانگنا کوئی غلط بات نہیں ہے۔

وزیرصحت پنجاب نے کہا کہ نوازشریف کے پیٹ اسکین نہ ہونے کی وجہ شوگر کا کنٹرول نہ ہونا ہے، ڈاکٹرز رسک لینے کو تیار نہیں ہیں، بدقسمتی سے میڈیکل میں بہت ساری چیزوں کا فقدان ہے۔

اسلام آباد: سابق صدر آصف زرداری کی طبیعت بدستور ناساز ہے، اسپتال ذرایع کا کہنا ہے کہ سابق صدر کو شوگر لیول بڑھنے سے پیچیدگیوں کا سامنا ہے، جس کی وجہ سے ان کا علاج کرنے والے طبی بورڈ میں توسیع کر دی گئی ہے۔

تفصیلات کے مطابق سابق صدر کا شوگر لیول گزشتہ 3 ماہ سے معمول سے کئی زیادہ ہے، شوگر بڑھنے سے ان کے اندرونی اعضا متاثر ہونے کا خدشہ ہے، معمول سے زیادہ پیشاب آ رہا ہے، ذرایع نے بتایا کہ آصف زرداری کا علاج کرنے والے میڈیکل بورڈ میں توسیع کی گئی ہے جس کے بعد بورڈ کے ارکان کی تعداد 6 ہو گئی ہے۔

میڈیکل بورڈ میں شعبہ امراض گردہ و مثانہ ساجد قاضی اور پیتھالوجی کے اسپیشلسٹ کو بورڈ میں شامل کیا گیا ہے، میڈیکل بورڈ نے سابق صدر آصف زرداری کا طبی معائنہ بھی کیا، اسپتال ذرایع نے بتایا کہ ان کے گردوں اور مثانے میں انفیکشن کا شبہ ہے، جس پر ڈاکٹرز نے گردوں اور مثانے کے مزید ٹیسٹ کرانے کا فیصلہ کیا ہے۔

یہ بھی پڑھیں:  نواز شریف کے بعد آصف زرداری کے بھی پلیٹ لیٹس کم ہونے لگے

ذرایع نے بتایا کہ آصف زرداری کا الٹرا ساؤنڈ، یورین کلچر ٹیسٹ کیا جائے گا، ٹیسٹس سے گردوں اور مثانے میں انفیکشن کی مقدار معلوم کی جائے گی،ٹیسٹس کے نتایج کی روشنی میں دوائیں بھی تجویز کی جائیں گی۔

واضح رہے کہ سابق صدر کا بلڈ پریشر لیول نارمل جب کہ شوگر لیول میں اتار چڑھاؤ ہے، آصف زرداری کی باقاعدگی سے فزیو تھراپی بھی جاری ہے۔

واضح رہے کہ گزشتہ روز اسپتال ذرایع نے انکشاف کیا تھا کہ نواز شریف کی طرح آصف زرداری کے پلیٹ لیٹس بھی کم ہونا شروع ہو گئے ہیں، 2 روز میں ان کے پلیٹ لیٹس کی تعداد میں 21 ہزار کی کمی ہوئی ہے۔