Tag: میڈیکل کالجز

اسلام آباد : میڈیکل و ڈینٹل کالجز میں داخلے کے خواہشمند طلبا کی بڑی مشکل آسان ہوگئی، فیسوں میں کمی کا حکمنامہ تیار کرلیا گیا ہے۔

تفصیلات کے مطابق میڈیکل و ڈینٹل کالجز کی فیسوں میں کمی کا حکمنامہ تیار کرلیا گیا، پاکستان میڈیکل، ڈینٹل کونسل نے فیسوں میں کمی کا حکمنامہ تیار کیا ہے۔

ذرائع نے بتایا کہ میڈیکل فیسوں کمی کا حکمنامہ صوبائی حکومتوں کو بھجوایا جائے گا، پی ایم ڈی سی حکمنامہ آزادکشمیر، جی بی حکومت سمیت ملک گیر نجی میڈیکل، ڈینٹل کالجز کو بھجوائے گی۔

حکم نامے میں کہا گیا کہ وزیراعظم کی تشکیل کردہ میڈیکل ایجوکیشن کمیٹی نے فیسز کا تعین کیا ہے، نجی کالج کی ایم بی بی ایس، بی ڈی ایس کی سالانہ فیس 18 لاکھ مقرر کردی ہے۔

حکم نامے میں کہنا تھا کہ ایم بی بی ایس، بی ڈی ایس کے تمام سیشنز کی سالانہ فیس 18 لاکھ ہو گی جبکہ سیشن 2025 فیس میں سالانہ 5 فیصد اضافہ ہو گا اور سال 2026 سیشن سے میڈیکل فیس میں سالانہ اضافہ سی پی آئی کے تحت ہو گا۔

اضافی فیس لینے والے کالجز فیس واپسی، ایڈجسٹمنٹ کے پابند ہوں گے تاہم کالج پی ایم ڈی سی کی منظوری کے بغیر زائد فیس نہیں لے سکیں گے، کالجز زائد فیس کی وصولی کیلئے پی ایم ڈی سی سے اجازت کے پابند ہوں گے۔

میڈیکل کالج زائد فیس کیلئے پی ایم ڈی سی کو مالیاتی تفصیلات فراہم کریں گے،پی ایم ڈی سی مالیاتی تفصیلات کی بنا پر زائد فیس وصولی کی اجازت دے گی ، ملک گیر نجی میڈیکل، ڈینٹل کالجز فیصلے پر عملدرآمد کے پابند ہوں گے۔

لاہور : میڈیکل کالجز میں داخلوں کے حوالے سے طلبا کے لئے اہم خبر آگئی ، سلیکشن لسٹ جاری کردی گئی۔

تفصیلات کے مطابق پنجاب کے 32 پرائیویٹ میڈیکل کالجز میں داخلوں کی دوسری سلیکشن لسٹ جاری کردی گئی۔

یونیورسٹی آف ہیلتھ سائنسزنے سلیکشن لسٹ اپنی ویب سائٹ پرجاری کردی ، دوسری سلیکشن لسٹ ایم بی بی ایس کی 1744 خالی سیٹوں کیلئے لگائی گئی۔

س دوسری لسٹ میں ایم بی بی ایس کے کم از کم میرٹ میں 4.17 فیصد کمی ہوئی۔

سہارا میڈیکل کالج نارووال کا میرٹ سب سے کم 75.5682 فیصد، العلیم میڈیکل کالج لاہور کا میرٹ سب سے زیادہ 91.3515 فیصد اور لاہور میں کم سے کم میرٹ عذرا ناہید میڈیکل کالج کا77.2470 فیصد رہا۔

نئے داخل ہونے والے امیدواروں کیلئے فیس جمع کروانے اور جوائننگ کی آخری تاریخ17فروری ہے، اپ گریڈ ہونے والے امیدواروں کیلئے بھی مقررہ تاریخ تک نئے کالجوں میں رپورٹ کرنا لازمی ہے۔

اپ گریڈ ہونے والے امیدواروں کی فیس ان کے کالجز نئے کالجوں کو ٹرانسفر کریں گے۔

لاہور : میڈیکل کالجز میں داخلے سے متعلق طلبا کی بڑی مشکل آسان ہوگئی، سیٹیوں میں اضافہ کردیا گیا۔

تفصیلات کے مطابق یونیورسٹی آف ہیلتھ سائنسز کا سنڈیکیٹ اجلاس ہوا ، جس میں تین پرائیوٹ میڈیکل کالجز کی سیٹیں 100 سے بڑھا کر 150 کرنے کی منظوری دے دی گئی۔

ابوامیڈیکل کالج فیصل آباد،نیازی میڈیکل کالج سرگودھاکی سیٹوں میں اضافہ کیا گیا جبکہ رہبر میڈیکل کالج کی ایم بی بی ایس سیٹیں اس سال سے ڈیڑھ سو ہوگئیں۔

رہبر ڈینٹل کالج کی بھی منظوری دے دی گئی ، اس سال سے بی ڈی ایس کی 50 سیٹوں پر داخلے ہوسکیں گے۔

الحاق کمیٹی کی سفارش پر نیازی کالج آف الائیڈ ہیلتھ سائنسز سرگودھا کے الحاق کی بھی منظوری دے دی گئی۔

یاد رہے پی ایم ڈی سی نے میڈیکل کالجز کو فیس وصولی سے روک دیا تھا، ذرائع نے بتایا تھا کہ پی ایم ڈی سی نے نجی میڈیکل کالجز کی فیس وصولی پر پابندی لگائی ہے۔

اس حوالے سے پی ایم ڈی سی نے نجی میڈیکل و ڈینٹل کالجز کو مراسلہ بھجوا دیا تھا، جس میں کہا تھا کہ سال 25-2024 کی فیس وصولی پر پابندی لگائی گئی ہے۔

اسلام آباد : میڈیکل کالجز کو فیس وصولی سے روک دیا گیا،سال 25-2024 کی فیس وصولی پر پابندی لگائی گئی ہے۔

تفصیلات کے مطابق پی ایم ڈی سی نے میڈیکل کالجز کو فیس وصولی سے روک دیا، ذرائع نے بتایا کہ پی ایم ڈی سی نے نجی میڈیکل کالجز کی فیس وصولی پر پابندی لگائی ہے۔

اس حوالے سے پی ایم ڈی سی نے نجی میڈیکل و ڈینٹل کالجز کو مراسلہ بھجوا دیا، جس میں کہا کہ سال 25-2024 کی فیس وصولی پر پابندی لگائی گئی ہے۔

رجسٹرار پی ایم ڈی سی ڈاکٹر شائستہ فیصل نے کالجز کو خط لکھا ہے، جس میں بتایا کہ سینیٹ کمیٹی کی سفارش پر کالجوں کی فیس وصولی پر پابندی عائد ہوئی ہے، سینیٹ کی ذیلی کمیٹی صحت نے فیس وصولی روکنے کی سفارش کی تھی، میڈیکل ایجوکیشن کمیٹی سفارشات آنے تک فیس وصولی پر پابندی عائد رہے گی۔

وزیراعظم نے میڈیکل ایجوکیشن بارے 25 رکنی کمیٹی قائم کر رکھی ہے، میڈیکل ایجوکیشن بارے خصوصی کمیٹی اسحاق ڈار کی سربراہی میں قائم ہے، اعظم نذیر تارڑ، احد چیمہ، ڈاکٹر مختار برتھ، ڈاکٹر نفیسہ شاہ کمیٹی میں شامل ہیں۔

سپیشل سیکرٹری خارجہ، صحت، چیئرمین ایچ ای سی ، سرکاری نجی میڈیکل یونیورسٹیز کے وائس چانسلرز کمیٹی رکن ہیں، کمیٹی نجی میڈیکل یونیورسٹیز ، کالجوں کے معیار، مسائل کا جائزہ لے رہی ہے۔

خصوصی کمیٹی میڈیکل ایجوکیشن کے مسائل کے حل کیلئے کام کر رہی ہے اور نجی میڈیکل کالجوں کی فیسوں پر نظرثانی کر رہی ہے۔

نجی میڈیکل و ڈینٹل کالجوں پر من مانی فیسیں وصول کرنے کا الزام ہے، نجی میڈیکل کالجوں پانچ سال میں ڈیڑھ کروڑ سے زائد فیس وصول کر رہے ہیں۔

اسلام آباد : سپریم کورٹ نے میڈیکل کالجز کی بھاری فیسوں کیخلاف درخواست ناقابل سماعت قرار دے دی۔

تفصیلات کے مطابق سپریم کورٹ میں میڈیکل کالجز کی بھاری فیسوں کیخلاف درخواست پر سماعت ہوئی، جسٹس منصورعلی شاہ کی سربراہی میں 3رکنی بینچ نے کیس کی سماعت کی۔

درخواست گزار وکیل ذوالفقاراحمد ذاتی حیثیت میں عدالت میں پیش ہوئے، جسٹس منصورعلی شاہ نے استفسار کیا میڈیکل کالجز کی فیس پر کون سا قانون لگتاہے؟ سپریم کورٹ ایسے تو کیس نہیں سن سکتا۔

جسٹس محمدعلی مظہر نے بھی استفسار کیا کہ کیا آپ نےپی ایم سی سےفیس کےحوالے سے رابطہ کیا؟ جس پر درخواست گزار وکیل ذوالفقاراحمد نے بتایا کہ وزیراعظم، صدر مملکت کو میڈیکل فیس سےمتعلق خط لکھا ، ہمارے بچوں نے تو لاکھوں فیس ادا کرکے پڑھ لیا ہے، آنے والے طلباکے مستقبل کامعاملہ ہے۔

جسٹس منصورعلی شاہ نے سوال کیا کہ ان سے بات کریں جو فیس کی ریگولیٹری کون کرتاہے؟ وکیل ذوالفقاراحمد کا کہنا تھا کہ سپریم کورٹ کے فیصلے کے بعد پاکستان میڈیکل ڈینٹل ایکٹ بنایاگیا، سپریم کورٹ کے فیصلے کو غلط لیاگیا۔

جسٹس منصورعلی شاہ نے ریمارکس دیئے ریگولیٹری کےپاس جائیں، سپریم کورٹ کا میڈیکل فیس دیکھنےسےمتعلق کیاکام؟ فیس ریگولیٹری جب بنا ہوا ہےتوکیا وہاں گئے ؟ کیا ہم کمیشن بنا سکتےہیں؟ جسٹس محمدعلی مظہر نے بھی وکیل سے مکالمے میں کہا کہ آپ کاذاتی مسئلہ ہے تو ریگولیٹری سے رجوع کریں۔

سپریم کورٹ نےمیڈیکل کالجز کی بھاری فیسز کیخلاف درخواست ناقابل سماعت قرار دے دی۔