پاک فوج کی جانب سے سندھ کے دوردراز پسماندہ علاقوں میں فری میڈیکل کیمپس کا انعقاد کیا گیا، پاک فوج کی قابل ڈاکٹرز کی ٹیم نے عوام الناس کامفت طبی معائنہ کیا۔
اے آر وائی نیوز کے مطابق پاکستانی عوام کی فلاح و بہبود کیلئے پاک فوج کی سرگرمیوں کی فہرست طویل ہے، ملک پر کوئی بھی مشکل کی گھڑی آئی ہو پاک فوج ہمیشہ پیش پیش رہی ہے۔
پاک فوج کی جانب سے سندھ کے مختلف اضلاع میں لگائے گئے میڈیکل کیمپس میں علاقہ مکینوں کی بڑی تعداد نے میڈیکل کیمپس کارخ کیا، اس موقع پر مریضوں کومفت طبی معائنے، مشورے اور قیمتی ادویات فراہم کی گئیں۔
مریضوں کے مفت امراض تشخیص کی ساتھ ای سی جی، الٹرا ساؤنڈ اور مختلف ٹیسٹ کی سہولیات بھی فراہم کی گئیں۔ عوام کی جانب سے پاک فوج کے اس اقدام کو بھرپور پذیرائی ملی۔
اس موقع پر موجود عوام نے مستقبل میں بھی ایسے احسن اقدامات کرنے کا مطالبہ کیا، عوام نے پاک فوج کے اقدامات کوسراہتے ہوئے فوج کے ساتھ بھرپور تعاون کے عزم کا اعادہ کیا۔
