میکسیکو نے امریکا کے ساتھ اچھے تعلقات کے لیے مذاکرات کے تمام راستے کھلے رکھنے کا اعلان کر دیا۔

میکسیکن صدر کا کہنا ہے کہ امریکا کے ساتھ مکمل اور وسیع مذاکرات کے لیے تیار ہیں۔ ان کا کہنا تھا کہ نئی امریکی انتظامیہ کے ساتھ مذاکرات میں سیکیورٹی، ہجرت اور تجارت سمیت دیگر معاملات پر گفت و شنید کریں گے۔

انہوں نے واضح کیا کہ ملکی وقار کے خلاف کسی بات کو کبھی تسلیم نہیں کریں گے۔ اس سے قبل نو منتخب امریکی صدر ڈونلڈ ٹرمپ نے پریس کانفرنس میں ایک مرتبہ پھر میکسیکو کے ساتھ سرحدی دیوار بنانے کی بات کی تھی۔ ڈونلڈ ٹرمپ بضد ہیں کہ دیوار کی لاگت میکسیکو ادا کرے۔

میکسیکن صدر نے واضح کیا کہ وہ ہرگز ایسا نہیں کریں گے۔

دنیا میں رہنے والے مہم جو اور انفرادیت پسند افراد ہر شے میں مہم جوئی اور انفرادیت چاہتے ہیں چاہے وہ کوئی سفر ہو، یا ان کے زیر استعمال رہنے والی کوئی بھی معمولی شے۔

اسی طرح یہ افراد اپنے رہنے کے گھروں کو بھی عجیب وغریب انداز میں تخلیق کرتے ہیں۔ ایسے افراد اگر تخلیقی صلاحیت کے حامل ہوں تو ان کا فن اور انفرادیت کا شوق ان کی بنائی گئی چیزوں کو شاہکار بنا دیتا ہے۔

آج ہم آپ کے سامنے دنیا کے ایسے ہی کچھ عجیب و غریب گھر پیش کر رہے ہیں۔ یہ گھر دیکھنے میں بھی بے حد خوبصورت لگتے ہیں اور انہیں دیکھ کر بے اختیار یہاں رہائش اختیار کرنے کا دل چاہتا ہے۔

سوئٹزر لینڈ میں 13 ہزار فٹ بلند پہاڑ کی چوٹی پر واقع اس گھر میں رہائش رکھنا دل گردے کا کام ہے۔ دروازہ کھلتے ہی آپ کا سامنا پہاڑوں، بادلوں اور خلا سے ہوتا ہے۔

پرتگال کی سرحد پر واقع یہ گھر ایک بڑے پتھر کے اندر تعمیر کیا گیا ہے۔

اسی طرح کا ایک اور گھر وسطی یورپ کے علاقے بوکووینیا میں بھی ہے جو دیکھنے میں کسی قدیم دور کے چرواہے کا گھر لگتا ہے۔

مکمل طور شمسی پینلز سے تیار کیا گیا یہ گھر توانائی کی ضروریات میں خود کفیل ہے۔

جاپان میں واقع اس گھر کو دیکھ کر بظاہر یوں لگتا ہے کہ یہ بغیر چھت اور دیواروں کے ہے لیکن درحقیقت یہ مکمل طور پر شیشے سے بنایا گیا ہے۔

دن بھر سورج کی روشنی ان شیشوں کے ذریعہ گھر میں داخل ہوتی ہے جس سے مکینوں کو مصنوعی روشنی کے استعمال کی ضرورت ہی نہیں پڑتی۔ یہی نہیں اس گھر میں رہنے والے چاندنی راتوں، بارش اور بوندا باندی کا بھی صحیح معنوں میں لطف اٹھاتے ہیں۔

سوئٹزر لیںڈ کے ایک چھوٹے سے گاؤں میں یہ گھر ایک ڈھلان کے اندر تراشا گیا ہے۔ یہ صحیح معنوں میں لفظ ’زیر زمین‘ کی عکاسی کرتا ہے۔

امریکی ریاست ٹیکسس میں ایک پہاڑی پر تعمیر کیے گئے اس گھر کی خاص بات یہ ہے کہ یہ مکمل طور پر لوہے سے بنا ہوا ہے۔ اس کی تعمیر میں 110 ٹن لوہا استعمال کیا گیا ہے۔

فطرت سے محبت کرنے والے کسی شخص نے یہ گھر کینیڈا کے جنگل میں بنایا ہے۔ درخت پر رہنے کا قدیم طریقہ لیکن گھر میں موجود تمام جدید سہولیات کے باعث جنگل میں رہائش رکھنا بے حد آسان ہوگیا ہے۔

میکسیو میں بنایا گیا یہ گھر سمندری گھونگھے کے خول جیسا ہے۔

آئس لینڈ کے ایک دور دراز جزیرے پر واقع یہ گھر ان افراد کے لیے نہایت موزوں ہے جو دنیا اور دنیا والوں سے بچ کر رہنا چاہتے ہیں۔

سورج کی روشنی سے توانائی حاصل کرنے اور اس سے مختلف کام انجام دینے کا طریقہ دنیا کے کئی ممالک میں مستعمل ہے۔ اکثر ممالک میں چھوٹے یا بڑے پیمانے پر سورج کی روشنی سے توانائی پیدا کی جارہی ہے۔

میکسیکو میں ایک ریزورٹ بھی اپنے مہمانوں کو ایسے کمرے فراہم کر رہا ہے جس میں تمام سہولیات سورج کی روشنی سے فراہم کی گئی ہیں۔

یہ ماحول دوست ریزورٹ درختوں کے تنوں میں بنایا گیا ہے اور ان کا مقصد مہمانوں کو ایک پرتعیش کمرے کے ساتھ ساتھ فطرت کے نظاروں سے لطف اندوز ہونے کا موقع بھی فراہم کرنا ہے۔

ان کمروں میں دن بھر تو سورج کی روشنی آتی ہے، تاہم رات ہوتے ہی شمسی توانائی سے روشن بلب جل اٹھتے ہیں۔ کمروں میں سورج ہی کی حرارت سے گرم کیا ہوا پانی فراہم کیا جاتا ہے۔

یہ ریزورٹ میکسیکو کے ساحلی جنگل کے قریب واقع ہے جہاں یہ کمرے قدرتی مناظر، تیمر کے جنگلات اور مختلف اقسام کے جنگلی حیات جیسے کچھوے وغیرہ سے گھرے ہوئے ہیں۔

اسے بنانے والے ڈیزائنرز کا کہنا ہے کہ اس طرز کے ریزورٹ سے وہ پائیدار سیاحت اور ماحول دوستی کو فروغ دینا چاہتے ہیں۔